ئه‌ڤرۆ نیوز:
ئه‌ڤرۆ ل هه‌ولێرێ سێ توشبوویێن دی یێن ب ڤایرۆسێ كورونایێ، كۆ چه‌ند رۆژه‌ك بۆ ل بن چاڤدێریا چردابوون گیانێ خوه ژ ده‌ست دان.
سپێده‌هیا ئه‌ڤرۆ سێ توشبوویێن ب ڤایرۆسێ كورونایێ كۆ چه‌ند رۆژه‌كان ل بن چاڤدێریا نوژداران و بن ئامیرێن هه‌ناسه‌دانا ده‌ستكرد گیانی خوه ژ ده‌ست دان.
تانوكه 477 توشبوویێن كورونایێ ل هه‌رێما كوردستانی گیانێ خوه ژ ده‌ست داینه و 95 ژ وان ئاكنجیێن هه‌ولێرێ بوون.
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند دوماهیا ئیسال یان ده‌ستپێكا سالا بهێت ڤاكسینا ڤایرۆسێ كورونایێ بێ به‌رامبه‌ر ب سه‌ر وه‌لاتیان دا پارڤه‌كه‌ن.
حازم حومه‌یلی برێكارێ وه‌زاره‌تا ساخله‌میێ و ژینگه‌ها عیراقێ راگه‌هاند وه‌زاره‌ت ل گه‌ل ئه‌وان هه‌موو كۆمپانی و لایه‌نان د دانوستاندنادایه كۆ كار ل سه‌ر به‌رهه‌م ئینانا ڤاكسینێ ڤایرۆسێ كورونایێ دكه‌ن، هه‌ر دوی چارچوڤه‌ی دا ب رێكا ڤیدیو كۆنفرانس ل گه‌ل كۆمپانیا فایزه‌را ئه‌مریك ئاخڤتینه و ده‌ربارێ دابینكرنا ئه‌وێ ڤاكسینێ، رێكه‌تن كرینه ل سه‌ر دوماهی ئاگه‌هدار بووون ژ تاقیكرنێن كۆمپانیێ، هه‌روه‌سا ل گه‌ل چه‌ندین ژێده‌رێن دی ئاخڤتینه ده‌ربارێ جورێ ڤاكسین و بهایێ وی ل ده‌مێ راده‌ستكرنێ بۆ عیراقێ.
ئه‌و چه‌نده ژی راگه‌هاند ل دۆماهیا ئیسال یان ده‌ستپێكا سالانوو بێ هه‌مبه‌ر دێ ب سه‌ر وه‌لاتیێن عیراقی دا هێته پارڤه‌ركرن.
كۆمپانیا فایزه‌را ئه‌مریكی ب هه‌ڤكاریا كۆمپانیا بایونتیكا ئه‌لانی ڤاكسینه‌ك دروستكریه، كۆ ل دو قوناغان دا سه‌ركه‌فتی یه و شیاینه به‌ره‌ڤانیا له‌شێ مرۆڤی دژی ڤایرۆسێ كورونایێ زێده بكه‌ن، بێ كۆ كارتێكرنێن نه‌رینی ل سه‌ر لایه‌نێن ساخله‌میا وی هه‌بن.
ئه‌ڤرۆ نیوز:
وه‌زاره‌تا ده‌رڤه‌یا چینێ راگه‌هاند گرژیێن دناڤبه‌را چین و ئه‌مریكا زێده بووین و به‌ریا نها ئه‌مریكا داخاز ژ چینێ كریه قونسلخانا خو ل باژێرێ هیوستنێ ئه‌مریكا بگریت، چین ژی هه‌مبه‌ر ئه‌ڤێ پێنگاڤا ئه‌مریكا دانوستاندنێ ل سه‌ر گرتنا قونسلخانه‌یا ئه‌مریكا ل باژێرێ ئوهان دكه‌ت.
وه‌زاره‌تا ده‌رڤه‌یا ئه‌مریكا راگه‌هاند ئه‌ڤ بریاره د پێخه‌مه‌تا پاراستنا مولكێ فكری یێ ئه‌مریكیایه و زانیاریێن تایبه‌تێن ئه‌مریكیا هاتیه دان.
په‌یڤدارێ وه‌زاره‌تا ده‌رڤه‌یا چینێ ژی راگه‌هاند گرتنا قونسلخانه‌یا چینێ ل هیوستن، دێ بیته ئه‌گه‌رێ زێده‌بوونا ئالوزیان ب ئاوایه‌كێ پێشبینی نه‌كری و نووترین به‌رهنگارینه ل دژی چینێ هاتینه بكار ئینان.
ئەڤرۆ نیوز:
جێگرێ پارێزگارێ دهۆکێ راگەهاند: ل رۆژێن جەژنا قوربانێ قەدەغەیا هاتنوچوونێ ناهێتە ڕاگەهاندن، لێ وان نەڤێت وەکو رێورەسمێن سالێن بوری یێن جەژنێ برێڤەبچن.
ماجد سەید سالح جێگرێ پارێزگارێ دهۆکێ د کۆنفرانسەکێ رۆژنامەڤانی دا راگەهاند: ل رۆژێن جەژنا قوربانێ قەدەغەیا هاتنوچوونێ ل سنورێ پارێزگەها دهۆکێ ناهێتە راگەهاندن.
هەروەسا گۆت ژی: هاتنوچوونا د ناڤبەرا پارێزگەها دهۆکێ و هەولێرێ دا دێ ب ئۆنلاین بیت، کو مە سێ جۆرێن فۆرما دێ هەبن، ئەو ژی (گشتی، نەخۆش و فەرمانبەران)، دێ سیمپلێن هەرەمەکی بۆ وان کەسان هێتە وەرگرتن ئەوێن دهێنە ناڤ پارێزگەها دهۆکێ.
دەربارەی گەشتکرنێ بۆ تورکیا گوت ژی: ئەو کەسێن کو کارێن گەلەک فەر و پێدڤی هەی دشێن گەشتێ بۆ تورکیا بکەن، دێ ب رێکارێن تایبەت بیت ب رێیا گومرکا ئیبراهیم خەلیل، هەروەسا ئەوێن ل تورکیا دهێنە دهۆکێ دێ رێکارێن ساخلەمیێ و پشکنین ل سەر حسابا وان دێ بۆ هێتە کرن.
هەروەسا دەربارەی نڤێژا جەژنێ دیار کر: هەتا نوکە ئێکلا نەبوویە، کا دێ هێتەکرن یان نە، لێ وەسا دیارە ناهێتە کرن.
ئه‌ڤرۆ نیوز:
دوماهی ئامارا توشبوویێن ڤایرۆسێ كورونایێ ل سه‌ر ئاستێ جیهانێ ده‌رباز بوو ژ 15 ملیۆنان.
ئه‌ڤرۆ چارشه‌مبی، ژماره‌یا توشبوویێن ڤایرۆسێ كورونایێ ل سه‌ر ئاستێ جیهانێ گه‌هشته 5 ملیۆن و 98 هزار و 721 كه‌سان، كۆ پرانیا وان ژی ل ئه‌مریكانه كۆ ژماره‌یا وان 4 ملیۆن و 28 هزار و 569 كه‌سان.
هه‌ڤده‌م ئه‌و كه‌سێن گیانێ خوه ژ ده‌ست داین ل سه‌ر ئاستێ جیهانێ بلند بوویه بۆ 691 هزار و 593 كه‌سان.
لگۆری ئاماران ژی 9 ملیۆن و 116 هزار و 242 توشبووی ژی ژ كورونایێ رزگار بووینه.
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل سه‌ر ئاستێ جیهانێ هه‌تا نوكه گه‌هشتیه 14 ملیۆن و 859هزار و 319 توشبوویان، ژ ئه‌ڤێ هژماره‌یێ ژی هه‌شت ملیۆن و 911 هزار و 341 كه‌س ژی ساخ بووینه، 613 هزار و 353 كه‌سان ژی گیانێ خوه ژ ده‌ست دایه.
ل سه‌ر ئاستێ وه‌لاتێن جیهانێ، ئه‌مریكا د پله‌یا ئێكێ دهێت، كۆ تێدا سێ ملیۆن و 916 هزار و 429 توشبووی تێدا هاتینه توماركرن، ژ ئه‌ڤێ ژماره‌یێ ژی ملیۆنه‌ك و 849 هزار و 989 كه‌س ساخ بووینه، 143 هزار و 834 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند ب ژڤانین رێنمایێن نوو بۆ توشبوویێن ڤایرۆسێ كورونایێ ده‌ر بێخن، كۆ ل مال خوه كه‌ره‌نتینه بكه‌ن و پێدڤی ب نه‌خوشخانه‌یێ نه‌بن.
د.محه‌مه‌د قادر په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند: ژبلی ئه‌و كه‌سێن توشبوویی ب ڤایرۆسێ كورونایێ و ل نه‌خوشخانه‌یان دهێنه چاڤدێریكرن و چاره‌سه‌ریا پێدڤی پێ دهێنه‌دان، كومه‌كا كه‌سێن دی ژی هه‌نه كو توشبوویێن ڤایرۆسی نه به‌لێ ل مال خوه كه‌ره‌نتینه‌كه‌ن ناچنه نه‌خوشخانه‌یان.
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ ئه‌و چه‌نده ژی راگه‌هاند بڤێ چه‌ندێ بریاره وه‌زاره‌تا ساخله‌میێ ژ چه‌ند رۆژین بهێت ژماره‌یه‌كا رێنمایێن نوو بو توشبوویێن ڤایرۆسی ده‌ر ئێخیت كۆ ژ شیوازێ خو كه‌ره‌نتینه‌كرن و چاڤدێریكرنا ساخله‌میێ بۆ كه‌ره‌نتینه‌كریان و سه‌ره‌ده‌ریكرنا ئه‌ندامێن خێزانێ ل گه‌ل و چه‌ند رێنمایه‌كێن دیتر.
د.محه‌مه‌د قادر ئه‌و چه‌نده ژی دازانین ب ئه‌گه‌ری سڤكیا نیشانێن ڤایرۆسی زۆر چار هه‌ست پی ناهێته‌كرن ژلایێ توشبوویی ڤه و ژماره‌یا ئه‌وێن توشبوویێن ڤایرۆسی بووین و نه هاتینه راگه‌هاندن زێده‌تره ژ وێ ژماره‌یا نوكه دهێته راگه‌هاندن.
ئەڤرۆ نیوز:
سەرۆکێ کۆمارا عیراقێ، سەرۆکێ حوکمەتێ و سەرۆکێ پەرلەمانێ عیراقێ جەخت ل چارەسەریێن کێشێن بەغدا و هەولێر دکەن و رادگەهینن: پێدڤیە ب کریار کێشێن هەلاویستی یێن دناڤبەرا حوکمەتا فیدرالی و هەرێما کوردستانێ بهێنە چارەسەر کرن.
ئەڤرۆ ئێکشەمبی 19 تەمووزا 2020 بەرهەم سالح، سەرۆک کۆمارێ عیراقێ، مستەفا کازمی، سەرۆک وەزیرێن عیراقێ و محەمەد حەلبوسی سەرۆکێ پەرلەمانێ عیراێ ل کۆچکا کۆماری کۆمبوون، دووماهی پێشهاتێن سیاسی، ئەمنی و ئابووری و دۆخێ کۆرۆنایێ گوتۆبێژ کرینە، د هەمان دەمدا سەرۆک کۆمارێ عیراقێ دیار کریە، پێدڤیە هەموو کێشێن هەلاویستی یێن دناڤبەرا هەولێر و بەغدا دا لدووڤ دستۆرێ بهێنە چارەسەر کرن، د هەمان دەمدا کازمی ژی بەرنامێ سەرەدانا خوە بۆ ئیرانێ و سعودی دیار کریە.
ئه‌ڤرۆ نیوز:
محه‌مه‌د جه‌واد زه‌ریف وه‌زیرێ ده‌رڤه‌یێ ئیرانێ د كۆنگره‌یه‌كێ رۆژنامه‌ڤانی ل گه‌ل وه‌زیرێ ده‌رڤه‌یێ عیراقێ راگه‌هاند دێ رێكه‌تنێن خوه ل گه‌ل عیراقێ كارا كه‌ین.
زه‌ریفی ئه‌ڤرۆب سه‌ره‌دانه‌كێ گه‌هشته به‌غدا پشتی كۆمبوونێ ل گه‌ل فوائد حسێن وه‌زیرێ ده‌رڤه‌یێ عیراقێ راگه‌هاند په‌یوه‌ندیێن وان ل گه‌ل عیراقێ تێك ناچن و چه‌ندین رێكه‌تنێن هه‌ڤبه‌ش هه‌نه دناڤبه‌را وان دا و دێ كارا كه‌ین.
فوئاد حسێن وه‌زیرێ ده‌رڤه‌یێ عیراقێ ژی راگه‌هاند عیراق هیڤی خازه په‌یوه‌ندیێن وێ هه‌ڤسه‌نگ بن ل گه‌ل وه‌لاتێن هه‌ڤسی و پێدڤیه ده‌ڤه‌ر ژی ژ ئالوزیان بهێته دور خستن.
ئه‌ڤرۆ نیوز:
به‌نكا رافیده‌ین یا حكومی راگه‌هاند دێ ده‌ست ب مه‌زاختنا شایسته‌یێن دارایی یێن جۆتیاران ل ته‌ڤایا تایێن خوه كه‌ت
نڤیسینگه‌ها راگه‌هاندنا به‌نكا رافیده‌ین یا حوكمه‌تا عیراقێ د به‌یاننامه‌یه‌كێ دا راگه‌هاند فه‌رمان هاتیه دان بۆ هه‌می تایێن به‌نكێن رافیده‌ین كۆ ده‌ست ب مه‌زاختنا شایسته‌یێن دارایی یێن جۆتیاران بكه‌ن، پشتی هه‌موو رێ و ئاوایێن پێدڤی بۆ مه‌زاختنێ پاره‌یێ پێدڤی ژی هاتیه دانان.
د به‌یاننامه‌یا به‌نكا رافیده‌ین دا هاتیه كۆ به‌رده‌وامین ل بجهكرنا پێگیربوونێ هه‌مبه‌ر وه‌لاتیان و هه‌ر پرسه‌كا په‌یوه‌ندیدار ب مه‌زاختنا پاره‌ی و شایسته‌یێن دی، ل گه‌ل بكار ئینانا رێ و ئاوایێن خوه پاراستنێ ژ ڤایرۆسێ كورونایێ.
به‌نكا رافیده‌ین د ئه‌وێ به‌یاننامه‌یا راگه‌هاندی ل سه‌ر مه‌زاختنا شایسته‌یێن دارایی یێن جۆتیارێن هه‌رێما كوردستانێ چ نه دیاركریه، به‌لێ رۆژا دوشه‌مبا هه‌فتیا بوری وه‌زاره‌تا چاندنا عیراقێ راگه‌هاند بوو پاره‌یێ پێدڤی بۆ دانا شایسته‌یێن جیۆتیاران هاتیه ته‌رخانكرن هه‌ركه‌سه‌كی به‌رهه‌مێ خۆ دانابیته سایلویێن حكومی دی شایسته‌یێن دایاری یێن خوه وه‌رگریت.
نيشاندان