ئەڤرۆ نیوز:
بەشیر حەداد جێگرێ سەرۆکێ پەرلەمانێ عیراقێ دیار کر: ئەو سۆزێن مستەفا کازمی داینە هەرێمێ ئاشکرا کرن و گۆت: کازمی سۆزدایە هەموو ئاریشێن ناڤبەرا هەرێمێ و بەغدا چارەسەر بکەت، د ناڤ وان ژی دا پارێ مووچەخۆرێن هەرێما کوردستانێ.
بەشیر حەداد جێگرێ سەرۆکێ پەرلەمانێ عێراقێ د روونکرنەکا رۆژنامەڤانی دا گۆت: ل ڤان نێزیکان دێ شاندەکێ هەرێمێ ڤەگەریتەڤە بەغدا ب مەرەما تمامکرنا گۆتۆبێژان و بەحسکرنا وان دەرئەنجامێن، ئەو لیژنە گەهشتینێ.
هەروەسا گۆتیە: کازمی سۆزدایە هەموو ئاریشێن دناڤبەرا هەرێمێ و بەغدا چارەسەر بکەت، د ناڤ وان دا مووچێ فەرمانبەرێن هەرێمێ، ئەم ب هیڤینە کو بەری جەژنا ڕەمەزانێ کازمی دێ پارێ مووچەخۆرێن هەرێمێ ڤرێکەت.
ئه‌ڤرۆ نیوز:
په‌یڤدارێ وه‌زاره‌تا كاره‌با هه‌رێما كوردستانێ راگه‌هاند پارڤه‌كرنا كاره‌با نیشتمانی دهێته دان ب كه‌رتی تایبه‌ت بۆ ئه‌وێ چه‌ندێ ب باشترین شێوه ب شێن ووزه‌یا به‌رهه‌مهاتی پارڤه بكه‌ین و سه‌رپێچیا سه‌ر هێلان كێم بكه‌ین.
ئومێد ئه‌حمه‌د په‌یڤدارێ وه‌زاره‌تا كاره‌بێ راگه‌هاند: ئێك ژ هێلێن كابینا نه‌هێ و كارناما وه‌زاره‌تا كاره‌بێ، مل ب ملێ پرۆژه‌یێ پیڤه‌رێ زیره‌ك كار ل سه‌ر ئه‌وێ چه‌ندێ هاتیه‌كرن كۆ پارڤه‌كرنا كاره‌بێ بهێته‌دان ب كه‌رتێ تایبه‌ت، ئه‌ڤ چه‌نده ژی پشتی وێ چه‌ندی دهێت كۆ وه‌زاره‌تا كاره‌بێ پرۆژه پێشنیار پێشكێشی جڤاتا وه‌زیران كریه و نوكه ره‌زامه‌ندی ل سه‌ر پرۆژه‌ی هاتیه دان.
په‌یڤدارێ وه‌زاره‌تا كاره‌با هه‌رێما كوردستانێ ئه‌و چه‌نده ژی دیاركر شێوازی دانا پرۆژه‌ی ب كه‌رتێ تایبه‌ت ب هیری د ره‌شنڤیسێ دا هاتیه به‌حسكرن و ب باشی كار ل سه‌ر هاتیه‌كرن، جڤاتا وه‌زیران ره‌زامه‌ندی ل سه‌ر دایه به‌لێ ب ئه‌گه‌رێ رێكارێن به‌رهنگاربوونا كورونایێ پرۆژه پاش كه‌ت.
ئومێد ئه‌حمه‌د په‌یڤدارێ وه‌زاره‌تا كاره‌بێ دازانین دشیاندایه ئه‌و كاره‌با به‌رزه دبیت دناڤ تورێن كاره‌بێ و ئه‌و سه‌رپێچیێن دهینه كرن بهنێنه كۆنترولكرن، ڤه‌گه‌رینه ناڤ تورا نیشتمانی، به‌لێ نابیت وه‌لاتی و حكومه‌ت زیانێ بكه‌ن، ژ وی پرۆژه‌ی به‌لكۆ دڤێت مفا بۆ هه‌ردو ئالیا دا تێدا هه‌بیت.
ئه‌ڤرۆ نیوز:
سه‌رۆكێ ئه‌مریكا گه‌فان ل رێكخراوا ساخله‌میا جیهانێ دكه‌ت، هه‌كه ل ده‌مێ هه‌یڤه‌كێ چاكسازیێن مه‌زن نه‌كه‌ن دێ پشته‌ڤانیا دارایی ئه‌وا ژ لاییٍ ئه‌مریكا ڤه دهێته‌دان هێته برین.
دونالد تره‌مپ سه‌رۆكێ ئه‌مریكا ل هژمارا خۆیا توویته‌ری، ئه‌و نفیسار بلاڤكریه یا بۆ تیدروس ئه‌هانوم رێڤه‌به‌رێ گشتی یێ رێكخراوا ساخله‌میا جیهانی هاتیه فرێكرن كۆ تێدا هاتیه، دڤێت رێكخراوا ساخله‌میا جیهانێ پێگیر بیت ب ئه‌نجامدانا چاكسازیێن مه‌زن ل ده‌مێ 30 رۆژان دا.
سه‌رۆكێ ئه‌مریكا ئه‌و گه‌ف ژی ل رێكخراوا ساخله‌میێ كرینه هه‌كه پێگیر نه‌بیت ئه‌ڤه دێ هاریكاریێن دارایی و لوجستی یێن ئه‌مریكا بۆ رێكخراوێ هێنه كێمكرن و چاڤه‌كی ب ئه‌ندامه‌تیا ئه‌مریكا د وێ رێكخراوێ دا هێته خشاندن.
ئه‌ڤه دده‌مه‌كی دایه كۆ ل ناڤه‌راستا هه‌یڤا نیسانا بوری ئه‌مریكا ب شێوه‌یه‌كێ ده‌مكی هاریكاریێن بۆ رێكخراوا ناڤبری راوه‌ستاندبوون ب بهانه‌یا وێ چه‌ندێ كۆ لایه‌نگیریا چینێ كریه و چاڤ پووشی ل كێم ته‌رخه‌میێن وی وه‌لاتی كریه ب به‌لاڤبوونا ڤایرۆسێ كوڤید19 ل جیهانێ.
ئەڤرۆ نیوز:
حوکمەتا هەرێما کوردستانێ راگەهاندیە: هەتا نوکە چ کوژمێ پارەى بۆ مووچێ هەیڤا شواتا ئەڤ سالە یێ فەرمانبەرێن هەرێما کوردستانێ ژ ئالیێ بەغدا ڤە نەهاتیە هنارتن و ئەو نووچێ بەلاڤبوویی یێ دوورە ژ راستیێ.
حوکمەتا هەرێما کوردستانێ ژبەر بەلاڤبوونا وێنێ پارێ مووچێ وەزارەتا پەروەردێ کو هەیڤا ٢ یا ئەڤ سالە ل سەرە، دیار کریە: کو بانکا ناڤەندی یا عیراقێ ل قێ هەولێرێ سەر ب حوکمەتا فیدرالی ڤەیە، ب تنێ یا تایبەت نینە ب مووچێ فەرمانبەرێن هەرێما کوردستانێ ڤە.
هەروەسا گوتیە ژى: رۆژانە مامەلێن بانک و نەختینێ ل گەل بانکێن هەرێمێ و بانکێن ئەهلی دا هەیە، هەتا ئەو پارێ ب قەر ژى هاتیە وەرگرتن، برێیا وێ بانکێ بوویە، لەوما هەتا نوکە چ کوژمێ پارێ هەیڤا بورى یێ فەرمانبەرێن هەرێما کوردستانێ ژ ئالیێ بەغدا ڤە نەهاتینە هنارتن.
ئەڤە د دەمەکێ دایە، کو ئەڤرۆ هژمارەکا وێنێن مووچێن فەرمانبەرێن وەزارەتا پەروەردێ بەلاڤبووینە و رێکەفتی ٢٣ هەیڤا ٢ یا ئەڤ سالە ل سەر بوویە.
ئه‌ڤرۆ نیوز:
فراكسیونا پارتی ل په‌رله‌مانێ كوردستانێ د به‌یاننامه‌یه‌كێ دا ده‌ربارێ برنا ده‌رڤه‌یا شه‌ش ملیار دۆلاران ژلایێ كۆمپانیه‌كێ بۆ به‌نكه‌كا ئه‌ورۆپی به‌لاڤكر.
د به‌یاننامه‌یا فراسیونا پارتی ل په‌رله‌مانێ كوردستانێ ئه‌و چه‌نده ژی به‌لاڤكر، كۆ ئه‌ڤه چه‌نده‌كه به‌حسێ برنا شه‌ش ملیار دۆلاران ژلایێ كۆمپانیه‌كێ بۆ به‌نكه‌كا ئه‌وروپی، ئه‌م وه‌ك فراكسیونا پارتی داخازێ ژ حكومه‌تا هه‌رێما كوردستانێ و داواكارێ گشتی دكه‌ین بۆ ساخكرنا ئه‌ڤی بابه‌تی رێ و ئاوایێن پێدڤی بكار بینن.
ئه‌ڤه ژی ده‌قێ به‌یاننامه‌یا فراكسیونا پارتی ل په‌رله‌مانێ كوردستانێ یه:
ده‌مه‌كه به‌حسا برنا شه‌ش ملیار دۆلاران دهێته‌كرن ژلایێ كۆمپانیه‌كێ بۆ به‌نكه‌كا ئه‌وروپا، ئه‌م وه‌ك فراكسیونا پاتی داخازێ ژ حكومه‌تا هه‌رێما كوردستانێ و داواكارێ گشتی دكه‌ین بۆ ساخكرن و زه‌لالكرنا ئه‌ڤی بابه‌تی رێ و ئاوایێن پێدڤی بكار بینن.
هه‌ر لایه‌نه‌ك ل سه‌ر ئه‌ڤی بابه‌تی گرۆڤ هه‌نه بلا پێشكێشی لایه‌نێن په‌یوه‌ندیدار بكات و به‌رچاڤ روونیێ بده‌نه خه‌لكێ كوردستانێ، بۆ ئه‌وێ چه‌ندێ روون بیت ئه‌رێ ئه‌ڤ بابه‌ته دروسته یان نه چونكو ئه‌ڤا هه‌یی نوكه به‌س ئاخڤتن و پشته‌ڤانیا كرداریی دكه‌ین ل ئه‌ڤی بابه‌تی.
هه‌ر دڤێرێ دا وه‌ك فراكسیونا پارتی پشت راستیێ دهینه خه‌لكێ كوردستانێ، به‌رنامه‌یێ كارنامه‌یا پارتی و پێنگاڤێن حكومه‌تا هه‌رێما كوردستانێ د پێخه‌مه‌تا چاكسازیێ و شه‌فافیه‌ت و راستی تێدایه، ب چ ئاوایه‌كی داگێرانێ ل سه‌ر مه‌بادئێن خو ناكه‌ین و ل گه‌ل خه‌لكێ كوردستانێ راستگۆ دبین و نوونه‌راتیا خواستێن وه‌لاتیان دكه‌ین.
فراكسیونا پارتی ل په‌رله‌مانێ كوردستانێ
ئەڤرۆ نیوز:
ل رۆژێن دوشەمبی و سێشەمبی دێ مووچێ وەزارەتا پەروەردێ هێتە دابەشکرن و دابەشکرن ب ڤی رەنگی یە:
– رۆژا دوشه‌مبی 18-5-2020 مووچێ وه‌زاره‌تا په‌روه‌ردێ /ده‌رڤەی باژێری بۆ هەیڤا 1-2020 دێ هێته مەزاختن.
– رۆژا سێشه‌‌مبی 19-5-2020 وه‌زاره‌تا په‌روه‌ردێ / ناڤ باژێری بۆ هەیڤا 1-2020 دێ هێتە مەزاختن.
ئه‌ڤرۆ نیوز:
سه‌رۆكێ ئه‌مریكا راگه‌هاند دشیاندایه تا دوماهیا ئیسال ڤاكسینا تایبه‌ت ب ڤایرۆسێ كورونایێ بهێته دیتن.
دونالد تره‌مپ سه‌رۆكێ ئه‌مریكا د كۆنفرانسه‌كێ رۆژنامه‌ڤانی دا راگه‌هاند گه‌هشتینه شیانێن ئه‌نجامدانا پشكنینا رۆژانه بۆ 350 هزار كه‌سان، نوكه ته‌ڤایا ویلایه‌تێن وه‌لاتی پلانا ئاسایبوونا ژیانێ تیدا هاتیه راگه‌هاندن.
سه‌رۆكێ ئه‌مریكا ئه‌و چه‌نده ژی راگه‌هاند پێنگاڤه‌كا دی یا گرنگ ئه‌وه كۆ به‌ره‌ڤ ئاسایبوونا ره‌وشێ یه و دیتنا چاره‌سه‌ریه‌كا كارتێكه‌ر و پێشڤه‌برنا ڤاكسینان كۆ د وێ باوه‌ریێ دامه ل دوماهیا ئیسال دێ ل به‌رده‌ست بیت.
دونالد تره‌م ئه‌و چه‌نده ژی دازانین كۆ ل ده‌ستپێكا سه‌رهلدانا ڤایرۆسێ كورونایی ل 11 كانوونا دوی ده‌ست ب كاركرنا چه‌ند ڤاكسینێن جودا هاته‌كرن و حكومه‌تێ ئه‌ڤا دشیانێن وێ دا بوو بۆ هه‌ڤكاریكرنا ئه‌ڤان كاران كر، ل گه‌ل وه‌لاتێن ئه‌وروپا كار ل سه‌ر ئه‌ڤێ چه‌ندێ دكه‌ین و بێ خومه‌زنكرنه‌كێ، گه‌له‌ك جارا ل گه‌ل ئه‌وان ژی یین هه‌ڤپه‌یمان ژی نینن لگه‌ل مه كار دكه‌ین كۆ ب شیێن ڤاكسینه‌كێ دروست بكه‌ین، ئه‌ڤه یه كارێ باش.
ئەڤرۆ نیوز:
لژنا ئەمنی ل پارێزگەها دهۆکێ راگەهاندنەک بەلاڤ کریە و گۆتیە: ئەوان چ رەزامەندی و مۆلەتەکا فەرمی بۆ خۆپیشاندانێن رۆژا شەمبیێ 2020/05/16 نەدایە.
هەروەسا گۆتیە: چەند رۆژن بانگەشە و پروپاگەندە بۆ خۆپێشاندانان دهێتە کرن ل رۆژ شەمبیێ، بەلێ مە وەک لژنا ئەمنی چ مۆڵەتێن فەرمی بۆ وێ خۆپێشاندانی نەداینە، وێ لژنە جەخت ل هندێ کریە، کو سازکرنا خۆپیشاندانێ سەرپێچیە و دێ رێکارێن قانوونی گرنە بەر، داخواز ژ خەلکێ پارێزگەهێ کریە د خۆراگر بن.
ئه‌ڤرۆ نیوز:
د پێنجی و هه‌شت سالیا دامه‌زراندنا ئێكه‌تیا مامۆستایێن كوردستانێ دا، سه‌رۆك بارزانی په‌یامه‌كا پیرۆزباهیێ به‌لاڤكر و تێدا هاتیه كۆ ل رۆژێن گرانێن مله‌تێ مه تیدا ده‌ربازبووی مامۆستا پێشه‌نگێ خوراگریێ بوون.
د وێ په‌یامێ دا هاتیه كۆ سه‌رۆك بارزانی ب هه‌لكه‌فتا سال رۆژا ئێكه‌تیا مامۆستایێن كوردستانێ به‌لاڤكریه، دیرۆكا شوره‌شا رزگاریخوازیا كورد، رۆلێ نیشتمانپه‌روه‌ریا مامۆستایێن كوردستانێ چ جارا ناهێته ژبیركرن، ئه‌و مل بملێ پیشه‌یێ پیرۆزێ خۆ چه‌كێ به‌رگریكرنی ژ ئاخ و وه‌لاتی هه‌لگرت بوو دڤێ پیخه‌مه‌تێ دا ژی چه‌ندین شه‌هید پێشكێشی كوردستانێ كرن.
ئه‌ڤه ژی ده‌قێ په‌یاما سه‌رۆك بارزانی یه:
بناڤی خودێ مه‌زن و دلوڤان
به‌رێزان سكرتێر و ئه‌ندامێن سكرتاریه‌تا ئێكه‌تیا مامۆستایێن كوردستانێ.
ب هه‌لكه‌فتا پێنجی و هه‌شت سالیا دامه‌زراندنا ئێكه‌تیا مامۆستایێن كوردستانێ، پیرۆزباهیێ خۆ ئاراسته‌یی وه و ته‌ڤایا مامۆستایێن خوشتڤی یێن كوردستانی دكه‌م و هیڤیا سه‌ركه‌فتن بۆ وه دخوازم.
د دیرۆكا شوره‌شا رزگاریخوازیا گه‌لی كورد، رۆلێ نیشتمانپه‌روه‌ریا مامۆستایێن كوۆدستانێ چ جاران ناهێته ژ بیركرن.
ل گه‌ل ئه‌رك و پیشه‌یێ پیرۆزێ خودا چه‌كێ به‌رگریكرن ژ ئاخ و وه‌لاتی هه‌لگرت بوون د پێخه‌مه‌تا ئه‌ڤێ چه‌ندێ ژی دا بده‌هان شه‌هیدێن نه‌مر پێشكێشی كوردستانێ كرینه.
ل رۆژێن گرانێن مله‌تێ مه تێدا ده‌رباز بووی مامۆستایان هه‌رتم پێشه‌نگێ خوراگیری بوون و نه‌هێلان پرۆسه‌یا خاندنێ و زانستی ل كوردستانێ بهێته راوه‌ستاندن و زێده‌باری هه‌بوونا قه‌یران و ئاریشه‌یێن مه‌زنێن مامۆستایان میناكه‌كا بلندا پالدان و پێگه‌هاندن و به‌رده‌وامبوونا فیڕبوون و زانستی بوو.
دڤێ رۆژا پیرۆز دا جاره‌كا دی سوپاسیا ماندیبوون و هه‌و‌ل و بزاڤێن به‌رده‌وامێن مامۆتسایێن كوردستانێ دكه‌م، هیڤیا پێشڤه‌چوون و به‌رده‌وامیێ بۆ ئیكه‌تیا مامۆستایێن كوردستانێ و هه‌موو مامۆستایێ خوشتڤی یێن كوردستانێ دخوازم.
مه‌سعود بارزانی
15/5/2020
نيشاندان