كازمی كارێن ده‌ستپێكی یێن حكومه‌تێ دیار دكه‌ت

14/05/2020 11:55

1124

ئه‌ڤرۆ نیوز:

سه‌رۆك وه‌زیرێ عیراقێ كارێن ده‌ستپێكی یێن حكومه‌تا خو دیار دكه‌ت.

ئه‌ڤرۆ محه‌مه‌د حسێن به‌حرلعلوم هنارتیی عیراقی ل نه‌ته‌وه‌یێن ئێكگرتی په‌یاما مسته‌فا كازمی سه‌رۆك وه‌زیرێ عیراقێ ل جڤینا جڤاتا ئاسایشا نێڤ ده‌وله‌تی خاند.

مسته‌فا كازمی د په‌یامه‌كێ دا راگه‌هاند حكومه‌تا عیراقێ رژده‌ ل سه‌ر پارڤه‌كرنا موچه‌ی و قه‌ره‌بووكرنا كه‌س و كارێن شه‌هیدان و بیندارین خوپیشاندانان.

ل سه‌ر كارێن ده‌ستپێكی یێن حكومه‌تێ ئه‌و چه‌نده‌ ژی كازمی راگه‌هاندیه‌ كارێ ده‌ستپێكی یێن حكومه‌تا عیراقێ هه‌موو بزاڤ هێنه‌كرن بۆ به‌رهنگاربوونا كورونا و دارشتنا ره‌شنڤسا بودجا گشتی یا عیراقێ بۆ ریب ری بوونا قه‌یرانا دارای.

وەزارەتا چاندنێ دێ باجێ ل سەر ئینانا باجانان زێدە کەت

14/05/2020 00:45

ئەڤرۆ نیوز:

وەزارەتا چاندنێ یا حوکمەتا هەرێما کوردستانێ دیار کر: بریار هاتیە دان ل 10_6 هەتا 15_10 بۆ هەر کیلۆیەکا باجانان ٦٠٠ دینار باج بهێنە دانان.

وەزارەتا چاندنێ یا هەرێما کوردستانێ ل ١٣ گۆلانا ٢٠٢٠ بەلاڤکریە: زێدەکرنا باجێ ل سەر بەرهەمێن دهێنە کوردستانێ ئێکە ژ کارێن مە یێن سەرەکی، ژ پێخەمەت پاراستنا بەرهەمێن خۆمالی، د وێ چارچۆڤێ دا ژی بریار هاتە دان، ل ١٠ خزیرانێ هەتا 15 چریا ئێکێ بۆ هەر کیلۆیەکا باجانان ٦٠٠ دینار باج بهێنە دانان.

هەروەسا گۆتیە: ئەم جوتیاران پشت راست دکەین، کو دێ نایلۆنی دەینە وان، دیسان دێ کێمیایێ و دەرمانێن کوشتنا مێش و موران ژی دەینە وان.

وه‌زیرێ ده‌رڤه‌یێ ئه‌مریكا ب سه‌ره‌دانه‌كا نه‌چاڤه‌رێكری گه‌هشته‌ ئیسرائیلێ

13/05/2020 11:15

ئه‌ڤرۆ نیوز:

لگۆری ئاژانسێن نوچه‌گه‌هانیێن جیهانێ، مایك پومپیو وه‌زیرێ ده‌رڤه‌یێ ئه‌مریكا سپێده‌هیا ئه‌ڤرۆ گه‌هشته‌ ئیسرائیلێ.

لگۆری زانیاریێن میدیایی ئاماژه‌ پێ هاتیه‌ دان، سه‌ردانا مایك پومپیو چه‌ند ده‌مژمێره‌كان دێ ڤه‌كێشیت و ل گه‌ل بنیامین نه‌ته‌نیاهو سه‌رۆك وه‌زیرێ كاربرێكه‌ر و بینی گانتسی سه‌رۆكێ پارتا شین و سپی كۆم بیت.

دوێ سه‌ره‌دانێ دا پومپیو به‌رپرسێن بلندێن ئیسرائیلێ پرسا هه‌ژموونا ئیرانێ ل رۆژهه‌لاتا ناڤین و سه‌پاندنا ده‌سه‌لاتا ئیسرائیلی ب سه‌ر كۆمه‌لگه‌هێن نوو،كۆ بۆ ئاكنجیبوونا جوویان هاتینه‌ دروستكرن دانوستاندنێ ل سه‌ر كه‌ن.

فرۆکێن تورکی دەڤەرا بەرواری بالا بۆمبە باران کر

13/05/2020 01:26

347

ئەڤرۆ نیوز، زنار تۆڤی:

جارەکا دی فرۆکێن سۆپایێ تورکی دەردورا گوندێ کێستە ل دەڤەرا بەرواری بالا یێ سەر ب قەزا ئامێدیێ ڤە بۆمبە باران کر و ترس ل دەف خەلکێ گوندی پەیدا کریە.

ل دەمژمێر ۱۲:٤۰ خولەکی ئەڤ شەڤە، ب بەهانەیا هەبوونا چەکدارێن پەکەکێ، فرۆکێن شەرکەر یێن سۆپایێ تۆرکیا ب دووراتیا 100 مەتران دەردورا گۆندێ کێستە ب توندی بۆمبە باران کریە، دیسان گەلەک زیانێن مادی گەهاندینە خەلکێ گوندی و ژ ئەنجامێ دەنگێ وان بۆمبەیان دەرگەهـ و جامێن گەلەک خانیان شکەستینە.

فازل میرانی: پێدڤى یه‌ حوکمه‌تا عیراقێ ببیته‌ حوکمه‌ت هه‌تا بشێت ئاواران بۆ سه‌ر جهێن وان ڤه‌گه‌رینیت

12/05/2020 18:58

181

ئه‌ڤرۆ نیوز، بارزان مزوورى:
ئه‌ڤرۆ ده‌مژمێر 2 پشتى نیڤرۆ 12/5/2020 “فازل میرانى”سكرتێرێ مه‌كته‌با سیاسى یا پارتى دیموكراتى كوردستان سه‌ره‌دانا لقا بیست یا شێخان دا ژلایێ به‌رپرسێ لقا بیست و قائیمقامێ قه‌زا شێخان ڤە هاتە پێشوازى كرن، دیسان ل گه‌ل به‌رپرسێ لقێ و كارگێر و به‌رپرسێن لژنێن سه‌ر ب لقێ ڤه‌ كۆمبوو.

فازل میرانى، سكرتێرێ مه‌كته‌با سیاسى یا پارتى دیموكراتى كوردستان د كونگره‌كێ رۆژنامه‌ڤانى دا ل باره‌گایێ لقا 20 شێخان راگه‌هاند: راسته‌ شێخان ژلایه‌كى ڤه‌ سه‌ر ب ئیدارا مووسل و ژلایه‌كى دیڤە سه‌ر ب ئیدارا دهوك ڤه‌یه‌، به‌لێ ئه‌م هه‌موو دزانین كوردستان به‌شه‌ك سه‌ر ب هه‌رێمێ و به‌شه‌ك سه‌ر عێراقێ ڤه‌یه‌ ئه‌ڤه‌ كێشه‌یه‌كا سه‌ره‌كى یه‌ ئه‌گه‌ر ئه‌ڤ كێشه‌ هاته‌ چاره‌سه‌ركرن پشت راست كێشا دو ئیداره‌ى ل شێخان ژى دێ چاره‌سه‌ربیت.

ناڤهاتى خویاكر ژی: ئه‌و ئاوارێن عه‌ره‌ب یێن ئه‌نبار و تكریت ئه‌وێن ل كوردستانێ دژین ژمارا وان زێده‌ترى ئاوارێن ئێزدیانه‌ ئه‌وێن دناڤ كه‌مپان دا دژین پێدڤى یه‌ حكومه‌تا عێراقێ ببیته‌ حكومه‌ت هه‌تا بشێت ڤان كێشه‌یه‌یێن ڤه‌گه‌راندنا ئاواران بۆ سه‌ر جهێن وان چاره‌سه‌ر بكه‌ت.

داخوازا هه‌لگرتنا پارێزبه‌ندیێ ل سه‌ر چه‌ند ئه‌ندامێن جڤاتا نوونه‌ران دهێته‌كرن

12/05/2020 10:49

162

ئه‌ڤرۆ نیوز:

جڤاتا بلندا دادوه‌ریا عیراقێ، داخاز ژ جڤاتا نوونه‌رێن عیراقێ دكه‌ت، پارێزبه‌ندیا یاسایی ل سه‌ر هژماره‌كا ئه‌ندامێن جڤاتا نوونه‌رێن عیراقێ بهێته‌ هه‌لگرتن.

جڤاتا بلندا داوه‌ریێ داخاز ژ جڤاتا نوونه‌رێن عیراقێ كریه‌ پارێزبه‌ندیا یاسایی ل سه‌ر 15 ئه‌ندامێن جڤاتا نوونه‌ران بهێته‌ هه‌لگرتن.

ئه‌ڤ داخازیا جڤاتا بلندا دادوه‌ریا عیراقێ، پشتی توماركرنا سكالایێن یاسایی ل سه‌ر ئه‌وان ئه‌ندامێم جڤاتا نوونه‌ران كۆ ب گه‌نده‌ل و كه‌یسێن دی هاتینه‌ تومه‌تباركرن.

سوپاسالارێ عیراقێ هاته‌ ده‌ست نیشانكرن

09/05/2020 12:40

1304

ئه‌ڤرۆ نیوز:

دیاركرنا سوپاسالارێ نوو یێ عیراقێ پشتی سپاردنا پوستێ وه‌زاره‌تا ناڤخوب سوپاسالارێ كه‌ڤن هاته‌ دیاركرن.

لگۆری میدیایێن عیراقی، فه‌ریق روكن عه‌بدلئه‌میر شه‌مه‌ری پشكنه‌رێ سه‌ربازی یێ وه‌زاره‌تا به‌ره‌ڤانیا عیراقێ هاتیه‌ به‌ربژاركرن بۆ پۆستێ سه‌رۆك ئه‌ركانێ سوپاسالارێ عیراقێ.

فه‌ریقێ ئێكێ یێ روكن عوسمان غانمی به‌ری نها سوپاسالارێ عیراقێ بوو، به‌لێ رۆژا 6/5/2020 وه‌ك وه‌زیرێ ناڤخویێ عیراقێ باوه‌ریا جڤاتا نوونه‌رێن عیراقێ بده‌ستڤه‌ ئینا.

شه‌ڤا 6/5/2020 یا جڤاتا نوونه‌رێن عیراقێ ب زۆرینه‌یا ده‌نگان كابینه‌یا نوو یا حكومه‌تێ ب سه‌رۆكاتیا مسته‌فا كازمی په‌سندكر.

وەزارەتا ئەوقافێ: ل 11-5 دێ بریارێ ل سەر ڤەکرنا مزگەفتان دەین

07/05/2020 22:21

108

مزگه‌فت ره‌مه‌زان ئاين — فۆتۆ: نيوار محه‌مه‌د سه‌ليم

ئەڤرۆ نیوز:

وەزارەتا ئەوقافێ راگەهاند: ل رۆژا ئێکشەمبیا بهێت کو دکەڤیتە 11-5-2020، لدووڤ رێنمایی و ئەگەرێن هەلومەرجێن گونجای یێن ساخلەمیێ، لژنا بلند یا کۆرۆنا یێ دێ بریارێ ل سەر ڤەکرنا دەرگەهێن مزگەفتان دەت.

خەلکێ خۆشتڤیێ کوردستانێ
مامۆستایێن بەرێز یێن ئایینی
سەرەرای سوپاسیێن بێ پایان بۆ مامۆستایێن ئایینی یێن بەرێز، کو د دەمێ بوری دا پێگیری ب رێنمایی و بریارێن لژنا بلند یا بەرهنگاربوونا کۆرۆنا یێ ل ھەرێما کوردستانێ کریە، کو ئەڤە ژی بوویە ئەگەرێ پاراستنا گیانێ وەلاتیان، ھەموو جیھان شاهدە بۆ بریارێن حوکمەتا ھەرێمێ و گوهداریا وەلاتیان د ڤی واری دا.

ل ڤێرێ مە دڤێت بۆ مامۆستایێن ئایینی یێن بەرێز و وەلاتیان رابگەهینین.
ل رۆژا ئێکشەمبیا بهێت کو دکەڤیتە 11-5-2020 لدووڤ رێنمای و ئەگەرێن هەلومەرجێن گونجای یێن ساخلەمیێ یێن لژنا بلند یا کرۆنا یێ دێ بریارێ ل سەر ڤەکرنا دەرگەهێن مزگەفتان دەت.
ئەڤ رێکارێن ژ ئەڤرۆ وێڤە دهێنە پەیرەو کرن، ژ پێخەمەتی هندێ یە، کو ھەموو لایەک ئەرک و بەرپرسیارەتیا ئایینی و نیشتیمانی بگریتە ستوویێ خوە، بۆ پاراستنا ساخلەمیا وەلاتیێن مە یێن عەزیز.
وەزارەتا ئەوقاف وکاروبارێن ئایینی
٧⁄٥⁄٢٠٢

تره‌مپی ڤیتو دژی بریاره‌كا كۆنگرێسی بكار ئینا

07/05/2020 11:23

127

ئه‌ڤرۆ نیوز:

دونالد تره‌م سه‌رۆكێ ئه‌مریكا مافێ ڤیتویێ ل دژی ئه‌وێ بریارا كۆنگرێسی بكار ئینا كۆ ده‌سه‌لاتا سه‌رۆكی ئه‌مریكا ژ ئه‌نجامدانا شه‌ری ل دژی ئیرانێ توخیبدار كری كر.

د داخویانیه‌كێ دا دونالد تره‌مپ سه‌رۆكێ ئه‌مریكا راگه‌هاند ئه‌و بریارا كۆنگرێسی ب ئه‌گه‌ری لێك تێنه‌گه‌هشتن ژ راستیان و یاسا ده‌رخستن بۆ من جهێ شه‌رمزاریێ بوو له‌ورا من بریار ڤیتو كر.

هه‌یڤا ئادارێ ژ ژماره‌یه‌كا به‌رچاڤ ژ ئه‌ندامێن كۆنگرێسی ژ هه‌ردو پارتێن دیموكرات و كۆماری رێكه‌تن ل سه‌ر توخیبداركرنا ده‌سه‌لاتێن شه‌ری یین دونالد تره‌مپی، چونكو ترسا ئه‌وێ چه‌ندێ هه‌بوو سه‌رۆكێ ئه‌مریكا بێ ڤه‌گه‌ران بۆ كۆنگریسی شه‌ری ل گه‌ل ئیرانی رابگه‌هینیت.

ئه‌مریكا پشته‌ڤانیا خۆ بۆ كازمی دیاركر

07/05/2020 11:01

ئه‌ڤرۆ نیوز:

وه‌زیرێ ده‌رڤه‌یێ ئه‌مریكا و سه‌رۆك وه‌زیرێ نوو یێ عیراقێ په‌یوه‌ندیه‌كا ته‌له‌فونی ئه‌نجام دان، مایك پومپیو پشتی پێشوازیكرن ژ هه‌لبژارتنا كازمی، داخاز لێكر پرۆژه‌یێن چاكسازیێ ب بته‌ بیاڤێ بجهكرنێ، شه‌رێ گه‌نده‌لیێ و كورونایێ بكه‌ت.

مورگان ئورتاگوس په‌یڤدارا وه‌زاره‌تا ده‌رڤه‌یا ئه‌مریكا د راگه‌هاندنه‌كێ دا به‌لاڤكریه‌، مایك پومپیو د په‌یوه‌ندیه‌كا ته‌له‌فونی دا ل گه‌ل مسته‌فا كازمی ته‌ئكید كر كۆ كارێن گرنگ و زۆر ل هه‌مبه‌ر حكومه‌تا نوویا عیراقی دانه‌.

وه‌زیرێ ده‌رڤه‌یێ ئه‌مریكا ئه‌و چه‌نده‌ ژی دیاركر كۆ پاكیژا 120 رۆژێن لێخوش بوون ژ عیراقی بۆ بده‌ستڤه‌ ئینانا كاره‌بێ و غازێ ژ ئیرانێ وه‌كو پشته‌ڤانیه‌ك ل حكومه‌تا كازمی په‌سندكر.

په‌یڤدارا وه‌زاره‌تا ده‌رڤه‌یا ئه‌مریكا ئه‌و چه‌نده‌ ژی دیاركر د وێ په‌یوه‌ندیێ دا پومپیو و كازمی ته‌ئكید ل سه‌ر دیالوكا ستراتیژی و هه‌ڤبه‌ش دناڤبه‌را ئه‌مریكا و عیراقێ كر، ئه‌و بابه‌ت ژی ئێخستنه‌ به‌ر به‌حس و ڤه‌كۆلینان كۆ چه‌وا ب شێن پێكڤه‌ كار بكه‌ن بۆ ئه‌وێ چه‌ندێ ئاسایش و خوشگوزه‌رانیێ بۆ خه‌لكێ عیراقێ دابین بكه‌ن.

جڤاتا نوونه‌رێن عیراقی كابینا مسته‌فا كازمی په‌سندكر وه‌ك سه‌رۆك وه‌زیرێ نوو یێ عیراقی باوه‌ری پێ هاته‌دان، د تویته‌كی دا ب زمانێ كوردی پشتی هاتیه‌ هه‌لبژارتن راگه‌هاند بێ راوه‌ستان دێ كار كه‌م بۆ بده‌ستڤه‌ ئینانا باوه‌ریا گه‌لێ خۆ.

نيشاندان 1...373839...90 زێده‌تر

لاپه‌ر 38 ژ 90