ئه‌ڤرۆ نیوز:
وه‌زاره‌تا ناڤخو یا حكومه‌تا هه‌ریما كوردستانێ دێ بریارێ ل سه‌ر قه‌ده‌غه‌یا هاتنوچونێ ده‌ت و پارێزگه‌هـ ژی دڤی چارچوڤه‌یی دا دێ رێنمایێن نوو ده‌ر ئێخن.
بریاره ئه‌ڤرۆ وه‌زاره‌تا ناڤخۆ بریارێ ل سه‌ر قه‌ده‌غه‌یا هاتوچونێ بده‌ت، كۆ وه‌زاره‌تا ساخه‌لمیێ داخازا درێژكرنا قه‌ده‌غه‌یێ كریه، چونكو مه‌ترسیێن به‌لاڤبوونا كورونایی هێشتا ماینه.
ئەڤرۆ نیوز، عەلی حاجی :
هاریکارێ رێڤەبەرێ نەخوشخانا تەنگاڤیان ل زاخۆ بۆ ئەڤرۆ نیوز دیار کر، ژ ئەگەرێ تەقەکرنا بەری دەمەکێ کێم ل زاخۆ سێ کەس ب سڤکی بریندار بووینە و رەوشا وان باشە و ل بن چاڤدێریا نۆشداران دانە.
زێدەتر خەلات مستەفا گوت : ژ ئەگەرێ تەقەکرنا ب شێوەیەکێ بەرەلایی ل باژێرێ زاخۆ ژ لایێ کەسانێن نە بەرپرس ڤە بەری دەمەکێ کێم دو ژن و زەلامەک ژ ئەگەرێ فیشەکێن چەکی بریندار دبن و نوکە ل نەخوشخانا تەنگاڤیان ل زاخۆ د بن چاڤدێریا تیمێن نوشداری دانە و رەوشا وان باشە،ژنەک ژیێ وێ دناڤبەرا ٤٠ بۆ ٤٢ سالێی دایە و ژنەکا دیتر ژی ژیێ وێ دناڤبەرا ٥٠ بۆ ٦٠ سالیێ دایە و زەلام ژی هێشتا نەهاتیە زانین ژیێ وی چەندە ،ئەو تەقە کرنا بەری دەمەکێ کێم هاتیە کرن ئەرکێ تیمێن ساخلەمیێ گرانتر لێکرینە و هیڤی خازین وەلاتیێن مە خوە ژ ڤان جورە کریارێن نەجوان دوور بکەن.
و گوت ژی : دبیت هێشتا بریندار هەبن و ئەم چاڤەرێ نە هەتا دەمەکێ دیتر زێدەتر رەوش زەلال بیت.
ئه‌ڤرۆنیۆز، سالار دۆسكی:
لدووڤ گۆتنا سه‌رۆكێن زانكۆیێن پارێزگه‌ها دهۆكێ به‌رهه‌ڤی ته‌مام بووینه و ده‌سپێكا هه‌یڤا گولانێ دێ ده‌ست ب خواندنا ئه‌لكترونی هێـته كرن.
پرۆفیسور د.موسلح دهۆكی، سه‌رۆكێ زانكۆیا دهۆكێ، بۆ ئه‌ڤرۆ نیۆز ئاشكرا كر كو وه‌ك زانكۆیا دهۆكێ به‌رهه‌ڤیێن ته‌مامكرینه كو ده‌سپێكا هه‌یڤا گولانێ ده‌ست ب خواندنا ئه‌لكترونی بهێته‌كرن، پێشتر به‌رهه‌ڤی هاتبوونه‌كرن و نوكه خول بۆ مامۆسستا هاتینه‌ڤه‌كرن بۆ ده‌سستپێكرنا ڤێ پرۆسێسێ و هه‌موو كار ب دووماهی هاتیه.
سه‌رۆكێ زانكۆیێ ئه‌و ژی ئاشكراكر كو بابه‌ت راسته‌وخۆ بۆ قوتابیان ناهێنه گۆتن به‌لكو دێ تۆماركری بن خۆیاكر ژی ئاریشه بتنێ ل هنده‌ك بابه‌تێن پراكتیكی دێ هه‌بیت وه‌ك كولیژێن (پلاندانێ و ئه‌ندازیاری و ده‌رمانسازی و پزیشكی و د دان) ئه‌ڤه ئه‌لكترونی ناهێنه گۆتن، ره‌نگه بچن بۆ پشتی ده‌وام ئاسایی بیت.
د.موسلح ئه‌و ژی ئاشكراكر كو بتنێ شه‌ش حه‌فتی ژ خواندنێ ماینه و هه‌شت ده‌ربازبووینه و خواندن دێ هێته ده‌ستپێكرن هه‌تا پشتی جه‌ژنێ دێ به‌رده‌وام بیت.
د.له‌زگین عه‌بدی سه‌رۆكێ زانكۆیا زاخۆ ل دور هه‌مان بابه‌ت گۆت: ماوێ خواندنێ به‌ر ب دووماهیێ ڤه چووینه و یا مای دێ ب شێوازێ ئه‌لكترونی هێته ده‌سپێكرن و پێشتر ژی مه به‌رهه‌ڤی كربوون و ئه‌ڤه دا قوتابی زێده‌تر ژ خواندنێ نه‌هێته دووركرن.
سه‌رۆكێ زانكۆیا زاخۆ ئه‌و ژی گۆت: به‌ری چێبوونا ڤایرۆسی مه به‌رهه‌ڤی هه‌بوون چنكو ل زاخۆ ل هه‌رسێ قوناغێن ئێك و دو و سێ سیسته‌مێ پولونی دهێتـه خواندن و خواندن و ب ئه‌لكترونی ژی وانه دهێنه گۆتن.
د. له‌زگینی ئه‌و ژی خویاكر كو هه‌موو قوتابیان ئیمیل و پاسپورتێ خوه‌یێ تایبه‌ت هه‌یه و دشێت بچیته دناڤ ئیمێلێن زانكۆیێ دا و بابه‌تێن پێدڤی وه‌ربگریت، پتریا قوتابیان نێت هه‌یه و هه‌كه خێزانه‌كێ نه‌بیت ئه‌و قوتابی دشێت بخوه په‌یدا بكه‌ت یان هه‌تا دشێت ب په‌یوه‌ندیێ ژی په‌یدا بكه‌ت.
سه‌رۆكێ زانكۆیا زاخۆ هیڤی خواستن هه‌تا ده‌سپێكا هه‌یڤا شه‌ش كاودان ئارام بن و مه‌ترسیا ڤایرۆسێ كورونا كێم ببیت و ده‌رگه‌هێن زانكۆیان بهێنه‌ڤه‌كرن.
سه‌رۆكێ زانكۆیا زاخۆ ئه وژی پێشبینی كر كو 90% دێ خواندنا ئه‌لكترونی یا سه‌ركه‌فتی بیت هه‌كه مامۆستا و قوتابی ب رژدی بابه‌تی وه‌ربگرن.
پرۆفیسور د.عه‌دنان محسن، سه‌رۆكێ زانكۆیا پولیته‌كنیك / دهۆك بۆ ئه‌ڤرۆ نیۆز ئاشكراكر كو به‌رهه‌ڤیێن ته‌مامكرینه كو ده‌ست ب خواندنا ئه‌لكترونی بهێـته‌كرن و بریار وه‌زاره‌تێ بوویه كو 2/5 خواندنا ئه‌لكترونی بهێتـه ده‌ست پێكرن و ئه‌ڤ خواندنه نه یا هه‌ڤده‌م و ئه‌ڤه رێكه‌كا ب ساناهی یه و بتنێ چه‌ند حه‌فتی ماینه ژ خواندنێ و پشتی ئه‌و حه‌فتی ب دووماهی بهێن ما باوه‌ره دو حه‌فتی مه پێدڤی هه‌یه بۆ خواندنا پراكتیكی پشتی ئه‌لكترونی و دێ سالا خواندنێ ب دووماهی هێت و دێ ده‌ست ب تاقیكرنا هێته‌كرن.
ل دووماهیێ سه‌رۆكێ زانكۆیا پولیته‌كنیك ئه‌و ژی گۆت: بۆ هه‌موو قوتابیان ئیمێل هاتینه دروستكرن و پولێن ئه‌كترونی هاتینه دروستكرن.
ئه‌ڤرۆ نیوو:
رێكخراوا ساخله‌میا جیهانی راگه‌هاند ب ئه‌گه‌رێ كورونایێ چاڤه‌ریا مه‌ترسێ ل جیهانێ دكه‌ین، نابیت كه‌ره‌نتینه ب دوماهی بهێت.
رێكخراوا ساخله‌میا جیهانی ئه‌و چه‌نده راگه‌هاند روودانێن خراپتر چاڤه‌ریێ جیهانێ دكه‌ن، وه‌ره‌ن پێكڤه هه‌ڤكاریا ئێك بكه‌ین و ب له‌ز دوماهیێ ب ئه‌ڤان تراژیدیا بهینین، مرۆڤایه‌تی هێشتا دشیت به‌رهنگاربوونا ڤایرۆسێ كورنایێ ب بیت، چونكو نه‌خوشیه‌كا گشتگیره، به‌لێ زانیاریێن ل سه‌ر ئه‌ڤی ڤایرۆسی نیشا مه دده‌ن كۆ ره‌وش به‌ره‌ڤ خرابیێ دچیت.
ئه‌ڤ راگه‌هاندنا رێكخراوا ساخله‌میا جیهانی د ده‌مه‌كی دایه كۆ كه‌ره‌نتینه‌كرن ل هنده‌ك وه‌لاتێن ئه‌وروپا ئیتالیا و ئیسپانیا و ئه‌لمانیا تا راده‌یه‌كێ هاتیه راكرن، ئه‌ڤه ژی مه‌ترسیێ زێده دكه‌ت، ژمارا ئه‌و كه‌سێن تووژی ڤایرۆسێ كورونایی بووین ل جیهانێ ژ 2 ملیۆن و نیڤا ده‌ربازكریه.
ئه‌ڤرۆ نیوز:
وه‌زاره‌تا كاره‌با هه‌رێما كوردستانێ راگه‌هاند: پروسه‌یا چاكسازیێ ل زه‌ڤیێن كورمور یێن غازێ هاته بجهكرن و ره‌وشا كاره‌بێ ئاسایی بوویه.
راگه‌هاندنا وه‌زاره‌تا كاره‌با هه‌رێما كوردستانێ دیاركر پشكدارێن كاره‌بێ ئاگه‌هدار دكه‌ین كۆ پشتی راگه‌هاندنا وه‌زاره‌تێ ل رۆژا 19 ئه‌ڤێ هه‌یڤێ، كۆمپانیا دانا غاز بۆ ماوه‌یێ 24 ده‌مژمێران رابوو ب ئه‌نجامدانا كارێن چاكسازیێ ل زه‌ڤیێن كورمور ب ئه‌وێ چه‌ندێ به‌رهه‌مئینانا كاره‌بێ كۆ 1100 میگاواتان كێمكر.
د راگه‌هاندنا وه‌زاره‌تێ دا هاتیه كو وه‌زاره‌تێ راسته‌خو تیمێن كۆنترولێ كاره‌بێ و ئیسگه‌هێن به‌رهه‌مئینانا كاره‌یێ ئاگه‌هداركرن دڤێ ره‌وشی دا كاره‌بێ كۆنترول بكه‌ن، رێك نه‌هێته‌دان كێم بوونا غازێ بۆ به‌رهه‌مئینانا كاره‌بێ كارتێكرنێ ل سه‌ر ده‌مێن پێدانا كاره‌بێ بۆ وه‌لاتیان بكه‌ت، خوشبه‌ختانه به‌ری ده‌مێ دیاریكری شیاین ته‌ڤایا كارۆبارێن چاكسازیێ ئه‌نجام بده‌ین و ره‌وشا كاره‌بێ ئاسایی بوویه.
ئه‌ڤرۆ نیوز:
لژنا دارایی ل جڤاتا نوونه‌رێن عیراقێ ته‌ئكید دكه‌ن كۆ رێكێ ناده‌نه حكومه‌تێ ده‌ستكاریا موچه‌یێ فه‌رمانبه‌ران بكه‌ت.
هه‌یسه‌م جبوری سه‌رۆكێ لژنا دارایی ل جڤاتا نوونه‌رێن عیراقێ ئه‌و نوچه ره‌تكرن كو سه‌باره‌ت ئه‌گه‌ری كێمكرنا موچه‌یێ فه‌رمانبه‌ران هاتینه به‌لاڤكرن، و راگه‌هاند: پێشكێشكرنا پێشنیارێن برینا موچه‌ی ب رێژه‌یه‌كێ دیره ژ راستیێ، هنده‌ك پێشنیار بۆ كێمكرنا قه‌یرانا دارایی هاتینه پێشكێشكرن وه‌ك چالاكرنا گۆمرك و خویكێ.
ئه‌ڤ داخویا سه‌رۆكێ لژنا دارایی یا جڤاتا نوونه‌رێن عیراقێ دده‌مه‌كی دایه كۆ په‌یڤدارێ جڤاتا وه‌زیران یا عیراقێ راگه‌هاند كورت ئینانا بودجێ 40 ملیار دۆلاران دهێته خه‌ملاندن و ئه‌ڤه ژی ژبلی ئه‌وان پیگیربوونێن دارایی وه‌ك دانا قه‌رێن ده‌ره‌كی ل سه‌ر حكومه‌تێ، قه‌یرانا داراییی ب ئه‌گه‌ری داكه‌تنا بهایێ پترۆلێ، وه‌زاره‌تا دارایی چه‌ند پێشنیاره‌ك بۆ گوهورینا موچه‌ی دانوستاندنێ ل سه‌ر دكه‌ت.
ئه‌ڤرۆ نیوز، سالار دۆسكى:
وه‌زیرا چاندنا حوكمه‌تا هه‌رێما كوردستانێ دیار كر، كو ره‌وش ل هه‌رێمێ یا به‌ر ب باشبوونێ ڤه دچیت و ئەو شیاینه د ماوێ ڤایرۆسێ كۆرۆنا یێ دا گه‌له‌ك هاریكاریا جوتیاران بكه‌ن و چ زیان نه‌گه‌هشتیه كه‌رتێ چاندنێ و خودانێن پرۆژان.
بێگه‌رد تاله‌بانى، وه‌زیرا چاندنێ ل حوكمه‌تا هه‌رێما كوردستانێ بۆ ئه‌ڤرۆ نیۆز ئاشكرا كر، كو ره‌وشا نه‌خوشیا كورونایێ هێدى هێدى یا به‌ر ب باشیێ ڤه دچیت هه‌رێما كوردستانێ و ل قوناغا ده‌ربازبوونێ داینه و ئێدى دێ جوتیارێن مه ب ئازاده‌نه به‌رهه‌مێن خوه بینه بازارى.
وه‌زیرا چاندنێ ئه‌و ژى گۆت: بابه‌تێ كۆرۆنا یێ و قه‌ده‌غه‌یا هاتنوچوونێ گه‌له‌ك نه‌خوشى بۆ جوتیاران و خودان كاران، به‌ر هه‌ر زوو ل گه‌ل وه‌زیرێ نافخو و پارێزگه‌ران كه‌فتینه سه‌ر هێلێ و شیاین میكانزمه‌كا جوان بۆ جوتیاران بدانین و جوتیار گه‌له‌ك تووشى زیانێ نه‌بن.
بێگه‌رد تاله‌بانى گۆت ژى: ل هه‌موو جهان ل سه‌ر هێلێ بووین و هژمارێن رێڤه‌به‌رێن گشتیێن چاندنێ هاتبوونه به‌لاڤه‌كرن و نوكه ژى دێ هاریكاربین هه‌تا كاودان وه‌ك پێشتر ڤه‌دگه‌رن.
ئه‌ڤرۆ نیوز:
ئه‌ندامه‌كێ لژنا ساخله‌میێ ل جڤاتا نوونه‌رێن عیراقێ ده‌مێ دانا پاره‌یێ هه‌ڤكاریا تایبه‌ت ب ڤایرۆسێ كورونایێ بۆ وه‌لاتیان ئاشكراكر.
جه‌واد موسه‌وی ئه‌ندامێ لژنا ساخله‌میێ ل جڤاتا نوونه‌رێن عیراقێ راگه‌هاند: دڤێ هه‌فتیێ دا لژنه‌یه‌كا تایبه‌ت دێ چاڤه‌كی ل لیستا ناڤێن ئه‌وان كه‌سێن ل عیراقێ و هه‌رێما كوردستانێ فورما داخوازیا هه‌ڤكاریێ تژی كرین خشینن.
جه‌واد موسه‌وی ئه‌و چه‌نده ژی راگه‌هاند ل ده‌ستپێكا هه‌فتیا بهێت پاره دێ ب سه‌ر وه‌لاتیان دا هێته پارڤه‌كرن، كۆ ئه‌و وه‌لاتیێن هه‌ژار و بێ مووچه ب ئه‌گه‌رێ قه‌ده‌غه‌یا هاتنوچونێ ب ته‌واوی ژ روویێ دارایی كه‌تن.
ئه‌ڤرۆ نیوز:
وه‌زاره‌تا خاندنا بلند و ڤه‌كۆلینێن زانستی یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، كۆ ئه‌و قوتابیێن هه‌رێما كوردستانێ ژده‌رڤه‌ی وه‌لاتی دخوینن و هه‌تا نوكه نه‌ڤه‌گه‌ریاینه خو به‌رهه‌ڤ بكه‌ن بۆ ڤه‌گه‌راندنێ.
د راگه‌هاندنا وه‌زاره‌تا خاندنا بلند و ڤه‌كۆلینێن زانستی دا هاتیه كۆ ئاگه‌هداریا ته‌ڤایا قوتابیێن كۆ ل ده‌رڤه‌ی وه‌لاتی نه و نه‌ڤه‌گه‌ریانه پێدڤیه ده‌مێن خۆ لگۆری خشته‌یێ هه‌ڤ پێچ رێك بێخن ب مه‌به‌ستا ئه‌نجامدانا به‌رهه‌ڤكاریێ و ئاماده‌بوونا وان ل باله‌فرخانه‌یێن ئه‌وان وه‌لاتان ڤه‌گه‌راندنا وان بۆ هه‌رێما كوردستانێ.
ئه‌ڤرۆ نیوز:
بسپوره‌كێ ساخله‌میا ئه‌مریكا هوشداریا ئه‌وێ چه‌ندێ دده‌ت كۆ ل هاتنا وه‌رزێ زڤستانێ پێله‌كا دی یا ڤایرۆسێ كورونایێ ده‌ركه‌ڤیت، له‌ورا داخازا به‌رهه‌ڤیێ ژ وه‌لاتیان دكه‌ت.
روبه‌رت ریدفیله رێڤه‌به‌رێ سه‌نته‌رێ رێگرتن و كۆنترولكرنا نه‌خوشیان ل ئه‌مریكا د داخویانیه‌كا رۆژنامه‌ڤانی دا دیاركر ل وه‌رزێ زڤستانا بهێت دێ كورونا ل ئه‌مریكا ده‌ركه‌ڤیت و پێدڤیه ب توندی روو ب روو ببین، له‌ورا ب پێدڤی دزانین ئه‌مریكا شیانێن خۆ بۆ ئه‌نجامدانا پشكنینان زیده‌تر بكه‌ت، ژبوی ئه‌و كه‌سێن توشبووین ل گه‌ل ئه‌ڤێن به‌ركه‌ڤتی هه‌بوون بله‌ز بهێنه دیتن و ژیك جوداكرن.
بسپورێ ساخله‌میا ئه‌مریكا ئه‌و چه‌نده ژی دازانین، ئه‌مریكا به‌ری ده‌می نه‌شیا پێش وه‌خت رێگریێ ژ به‌لاڤبوونا ڤایرۆسی بكه‌ت، له‌ورا كه‌رتێ ساخله‌میێ ب شێوه‌یه‌كێ باش دخزمه‌تا وه‌لاتیان دا نه‌بوون، به‌لێ نوكه كار دكه‌ین بۆ ئه‌وێ چه‌ندێ ل وه‌رزێن بهێت ب شیێن ب شێوه‌یه‌كێ كاریگه‌ر رێگریێ ژ به‌لاڤ بوونا ڤایرۆسێ كورونایێ بگرن.
نيشاندان