ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ توشبویه‌كا دی ل باژێرێ هه‌ولێری هاته ده‌ست نیشانكرن.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه ل به‌رده‌وامیا پشكنین و لێگه‌ریان و دووڤچوونا گۆمانلێكریان، توشبوویه‌ك ل باژێرێ هه‌ولێرێ ب ڤایرۆسێ كورونا كوڤید 19 هاته ده‌ست نیشانكرن، كۆ ئافره‌ته‌كا ژیێ وێ 38 ساله و ئاكنجیا گۆندێ كانی گه‌نیه و توشبوونا وێ ژی بۆ تازیا كارێزان ڤه‌دگه‌ریت.
ئەڤرۆ نیور:
ئیدارا پارێزگەها دهۆکێ پلانا قۆناغا دویێ یا ڕێپێدانێ ب وەلاتیان بۆ کرینا کەل و پەلان و جێبەجێکرنا کارێن رۆژانە راگەهاندن.
ئیدارا پارێزگەها دهۆکێ ل ٧ نیسانا ٢٠٢٠، قۆناغا دویێ یا بڕیارێن رێپێدان ب وەلاتیان راگەهاندن و دیاکر، کو رۆژانە خودانێن نڤیسینگەهێن ڤێتێرنەری و چاندنێ ل دەمژمێر هەشتی سپێدێ دشێن بچنە سەرکاری و دەمژمێر ئێکێ پشتی نێڤرۆ جهێن خوە بگرن و ڤەگەرنە مالێن خوە.
هەروەسا جوتیارێن خودان زەڤی و نەمام و مێشەڤان، ل دەمژمێر پێنجێ هەتا حەفتی سپێدێ بچنە سەرکارێن خوە، ل دەمژمێر چارێ بۆ شەشێ ئیڤارێ ڤەگەرنە مالێن خوە.
دیسا ڤەگۆهاستنا بەرهەمێن ناڤخۆیی وەک، سپیاتی و کەسکاتی و ماسی، ل دەمژمێر پێنجی سپێدێ هەتا ٢ پشتی نیڤرۆ، هەروەسا ڤەگۆهاستنا چیچەلۆک و مریشکێن زیندی ل دەمژمێر شەشی سپێدێ هەتا شەشێ ئێڤارێ.
ڤەگۆهاستنا کەل و پەلێن چاندنێ وەک تۆڤ و سۆندە، کیمیا، ل دەمژمێر شەشێ سپێدێ هەیا دەمژمێر ٢ پشتی نیڤرۆ.
هەروەسا پرۆژێن وەکو ئاژەلی و ئالفی، سەربرخانێن مریشکا و پرۆژێن مریشکێن هێکەر و یێن د قەفەسان دا، ل دەمژێر ٥ سپێدێ هەیا ٥ ئێڤاری و سەربرخانێن ئاژەلان ٥ ئیڤاری هەتا ٦ ئێڤاری و ب شەڤێ ل دەمژمێر ١٢ێ هەتا ٨ سپێدەهیا رۆژا دووڤدا.
ڤەگۆهاستنا ئاژەلێن زیندی، ل دەمژمێر ٦ سپێدێ هەتا ١٢ نیڤرۆ، خوارنێن دلیڤەری ل دەمژمێر ٦ سپێدێ هەتا ٥ ئیڤارێ.
ئه‌ڤرۆ نیوز، له‌زگین جوقی
قایمقامێ قه‌زا شنگال دیاركركو هه‌ولدان هاتنه كرن سێ قوتابخانه‌یێن قه‌زا شنگال ببنه نه‌خۆشخانه‌یێن 60 ته‌ختێ بۆ به‌رهه‌نگاریا ڤایرۆسێ كورونایێ، لێ رازیبوون لسه‌ر نه‌هاتیه كرن.
مه‌حما خه‌لیل، قایمقامێ قه‌زا شنگال ئاشكه‌را كركو راسته هه‌تا نوكه چ حاله‌تێن نه‌خۆشیا كورونا ل شنگال نه‌هاتینه ده‌ستنێشانكرن وهه‌تا ئه‌ڤرۆكه شنگال یا ڤالایه ژ ڤێ نه‌خۆشیێ، لێ به‌رێ نه‌خۆشی په‌یدابیت مه هه‌ولدان كرن ب فه‌رمێ مه داخواز كر سێ قوتابخانه‌یێن قه‌زا شنگال ئه‌وژی ئێك ل شنگال وئیك ل سنوونی و ئێك ژی ل قه‌یره‌وان بهێنه ده‌ستنیشانكرن هه‌ر سێ قوتابخانه ببنه نه‌خۆشخانه بۆ به‌رهه‌نگاریا كورونا لێ هه‌ڤكاریا مه نه‌هاته كرن و رازیبوون ل سه‌ر داخوازیا مه ژلایێ مووسل ڤه نه‌هاته كرن .
زێده‌تر گۆت ره‌وشا ئاواران ژی ل ناڤ كه‌مپان یا كۆنترول كریه وچ حاله‌ت ل كه‌مپان ژی نه‌هاتینه ده‌ست نیشانكرن ئه‌وژی ب هه‌ماهه‌نگیی و پشته‌ڤانیا حكومه‌تا هه‌رێما كوردستانێ هه‌موو رێنمایێن حكومه‌تا هه‌رێمێ ل كه‌مپان هاتینه بجه ئێنان هه‌تا نوكه ره‌وش دبن كۆنترول دایه.
مه‌حما خه‌لیل ته‌كه‌ز كركو بۆ دروستكرنا سێ نه‌خۆشخانه‌یان ل شنگال مه پێدڤی كوژمێ 100 ملیۆن دیناران هه‌بوو لێ هه‌ڤكاریا مه نه‌هاتیه كرن وئێدارا مووسل نه‌شیا ڤێ كوژمێ پاره‌یی بۆ شنگال دابین بكه‌ت داكو نه‌خۆشخانه‌یێن 60 ته‌ختێ ل قه‌زا و ناحێن شنگال بهێنه دروستكرن بۆ به‌رهه‌نگاریا ڤایرۆسی كۆرۆنا.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، ل دهۆکێ سێ تووشبوویێن نوو یێن کۆرۆنا یێ هاتنە تۆمارکرن.
وەزارەتا ساخلەمیێ گۆتیە، د بەردەوامیا پشکنینان و گەریان لدووڤ گومانلێکریان، سێ تووشبوویێن ڤایرۆسێ کۆڕۆنا ل دهۆکێ هاتنە دەست نیشانکرن، کو خێزانەکە ژ دایک و بابێن د ژیێ 31 سالیێ ل گەل زارۆیەکێ د ژیێ 10 هەیڤیێ دانە، ژ وەلاتێ بریتانیا ڤەگەریاینە و د کەرەنتینێ دابوون.
ئەڤرۆ نیوز:
جڤاتا دادوه‌ری لیستا گرتی و زیندانیان یێن کو دهێنە ئازاد کرن بۆ سهرۆكاتیا هه‌رێمێ دهنێریت.
جڤاتا دادوه‌ری یا هه‌رێما كوردستانێ د نڤیسارەکێ دا كو بۆ سهرۆكاتیا هه‌رێما كوردستانێ بلند كریه، ئامارا وان گرتیێن یێن کو دهێنە ئازاد کرن ب ده‌سته‌به‌ری و هه‌روه‌سا ئه‌و زیندانیێن كو هاتینە حوكومکرن و ب ئازادكرنا ب مه‌رج، دێ ئازاد کرنا وان هێتە راگەهاندن.
د نڤیسارا جڤاتا دادوه‌ریدا كو ئاراسته‌ی سهرۆكاتیا هه‌رێما كوردستانێ/نڤێسینگه‌ها تایبه‌ت یا به‌رێز سه‌رۆكێ هه‌رێمێ دا هاتیە كرن هاتیە.
پشتی هه‌ردو نڤێسینێن مە یێن ژماره (فق ل 28/3/2020) و (فق ل 5/4/2020) ئامارا وان گرتیێن کو دهێنە ئازادكرن ب ده‌سته‌به‌ری (كفاله) ل سنورێ هه‌رچار سه‌رۆكاتیێن دادگەها تێهه‌لچوونێ یا ناڤچێن (هه‌ولێر، سلێمانی، دهۆك، كه‌ركوك-گه‌رمیان) و هه‌روه‌سا ئامارا ئازادكرنا ب مه‌رج (الافراج الشرطی) ئه‌و زیندانیێن (محكوم) كو ل چاكسازیێن پارێزگەهێن (هه‌ولێر، سلێمانی و دهۆكن، ل رۆژانێن (30/3/2020 هەتا 5/4/2020) بۆ هەوە دهنێرین.
سەرجەمێ گشتی یێ ئازادكرنا گرتیان و به‌ردانا ب مه‌رج ل هه‌ر چار دادگەهێن تێهه‌لچوونا هه‌رێمێ 1474 كه‌سن.
ل سهرۆكاتیا دادگەها تێهه‌لچوونا هه‌ولێرێ 812 گرتی، دهێنە ئازادكرن و ژ وێ هژمارێ به‌ردانا ب مه‌رج 26 كه‌سن.
ل سهرۆكاتیا دادگەها تێهه‌لچوونا سلێمانیێ 440 گرتی دهێنە ئازاد كرن و ژ وێ هژمارا به‌ردانا ب مه‌رج 12 كه‌سن.
ل سهرۆكاتیا دادگەها تێهه‌لچوونا دهۆكێ هژمارا ئازادكرنا گرتیان 170 كه‌سن و 30 كه‌س ژی ب مەرج هاتینە به‌ردان.
ل سهرۆكاتیا دادگەها تێهه‌لچوونا ناڤچا كه‌ركوك-گه‌رمیان 21 گرتی هاتنە ئازاد كرن ل گه‌ل سنێلەکێ.
هه‌روه‌سا پرۆسا به‌ردانا گرتیان و ئازادكرنا ب مه‌رج دێ به‌رده‌وام بیت و ل رۆژانێن بهێن دێ ئامارا نوو هێتە بەلاڤ کرن.
راگه‌هاندنا جڤاتا دادوه‌ری
6/4/2020
ئەڤرۆ نیوز:
جێگرێ پارێزگارێ دهۆکێ چەندین رێنمایێن نوو بۆ دهۆکێ دەرکرن، کو سوبەهی سێشەمبی ل دەمژمێر ٧ سپێدێ دێ چنە د وارێ جێبەجێ کرنێ دا.
ماجد سەید سالح جێگرێ پارێزگارێ دھۆکێ د کونگرەکێ رۆژنامەڤانی دا دیار کر، کو پلانا وان بۆ قەدەغەیا ھاتنوچونێ ل دهۆکێ دێ ب ڤی رەنگی بیت.
گۆت ژی، سەمونخانە و نانپێژی دێ ل دەمژمێر ٤ سپێدێ هەتا ٤ ئێڤاری د ڤەکری بن، هەروەسا مارکێت ژ دەمژمێر ٦ سپێدێ هەتا ٦ ئێڤاری و کوشت فروش ژ دەمژمێر ٨ سپێدێ هەتا ٥ ئێڤاری و گومرکێن فێقی ژ دەمژمێر ٥ هەتا ٢ پشتی نیڤرۆ دێ هێنە ڤەکرن.
هەروەسا دیار کر ژی، غاز دێ ل دەمژمێر ٩ سپێدێ ھەتا ٩ شەڤێ و دەرمانخانێن نوبەدار دێ ھێنە راگەھاندن، هەروەسا دێ بانزینخانێن نوبەدار ژی ھەبن.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ ل گه‌ل قونسلێ ئه‌لمانیا ل هه‌ولێری كۆمبوو.
ئه‌ڤرۆ وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر، د.سامان به‌رزنجی وه‌زیرێ ساخله‌میێ پێشوازی ل باربارا ڤولف قونسلێ ئه‌لمانیا ل هه‌رێما كوردستانێ كر و ئه‌لمانیا چه‌ند پێدڤیێن نوژداری پێشكێشی وه‌زاره‌تا ساخله‌میێ كرن.
راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی دیاركریه، قونسلێ ئه‌لمانیا چه‌ند پیدڤیێن نوژداری پێشكێشی وه‌زاره‌تا ساخله‌میێ كرینه، هه‌ڤده‌م ته‌ئكید ل سه‌ر هه‌ماهه‌نگی و هه‌ڤكاری و په‌یوه‌ندیێن نوژداری ل گه‌ل سازیێن ساخه‌لمیا حكومه‌تا هه‌رێما كوردسانێ هاته‌كرن.
ئه‌ڤرۆ نیوز،له‌زگین:
رێڤه‌به‌رێ كارۆبارێن ئێزدیان ل پارێزگه‌ها دهۆكێ دیاركركو ده‌ست ب راگه‌هاندنا هه‌وه‌كا كۆمكرنا هارێكاریێن بۆ خه‌لكێ هه‌ژار و كێم ده‌رامه‌ت هاته كرن و دخوازێن ژ هه‌موو كه‌سێن خودان شیان هه‌ڤكاریی و پشته‌ڤانیا مه بكه‌ن.
جه‌عفه‌ر سمۆ، رێڤه‌به‌رێ كارۆبارێن ئێزدیان ل پارێزگه‌ها دهۆكێ دیاركركو دناڤ كه‌مپان دا ژده‌رڤه‌ی كه‌مپان ژی خه‌لكه‌كێ هه‌ژار و كێم ده‌رامه‌ت هه‌یه مه ڤیا وه‌كو جهه‌كێ فه‌رمێ یێ ئێزدیان ده‌ستپێشخه‌ربین بۆ ئه‌نجامدانا هه‌وه‌كا كۆمكرنا هارێكاریان پشتی ئه‌ڤ هاریكاریا دهێنه كۆمكرن دێ میكانزمه‌ك هێته دانان ب ئاشكرایێ هه‌موو هاریكارێ بگه‌هنه ده‌ستێ خه‌لكێ هه‌ژار و كێم ده‌رامه‌ت هه‌تا ئه‌ڤ ره‌وشا لسه‌ر خه‌لكێ مه دا ده‌رباز دبیت دێ هه‌موو شیانیێن خوه هه‌ولده‌ن هارێكاریان كۆم بكه‌ین وبداینه خه‌لكێ پێدڤیی.
خۆیا ژی كركو دگه‌ل راگه‌هاندنا ڤێ هه‌وا كۆمكرنا هارێكاریان ئه‌م بانگه‌وازیا خوه دگه‌هینه هه‌موو كه‌سێن ده‌وله‌مه‌ند و خێرخوازی و كه‌سێن خودان شیان دناڤ گه‌لێ مه دا بهێن ده‌ستێ هاریكاریێ دگه‌ل مه‌دا بۆ خه‌لكێ هه‌ژار و كێم ده‌رامه‌ت درێژ بكه‌ین وئه‌م هه‌موو پێڤه ببینه هه‌ڤكار و پشته‌ڤانیێن حكومه‌تا هه‌رێما كوردستانێ بۆ ده‌ربازكرنا ڤێ ره‌وشێ.
ئەڤرۆ نیوز:
ئەڤرۆ شەمبیێ 4.4.2020 كامى كه‌مال، په‌یڤدارێ كۆمه‌لگه‌ها ده‌روازێ نێڤده‌وله‌تى یێ ئیبراهیم خه‌لیل دیار کر: ئەو خه‌لكێ هه‌رێما كوردستانێ ئاگەهدار دكه‌ن، كو بزاڤا بازرگانى ل ده‌روازێ سنوری یێ نێڤده‌وله‌تى یێ ئیبراهیم خه‌لیل یا به‌رده‌وامە و دێ یا بەردەوام ژی بیت.
ھەروەسا ل دۆر بزاڤا بازرگانی و رێکارێن ساخلەمیێ، ھەماھەنگی و کۆمبوونێن بەردەوام دناڤبەرا سەرپەرشتیا کۆمەلگەھا ئیبراھیم خەلیل و کۆمەلگەھا خابور یا وەلاتێ تورکیایێ دا یێن ھەین و ھەموو رێکارێن ساخلەمیێ و ئێمناهیێ ژی ل ھەردو کۆمەلگەھان ب مۆکومی دھێنە جێبەجێ کرن.
ئەڤرۆ نیوز:
رێڤه‌به‌رێ گشتی یێ ساخله‌میا پارێزگه‌ها دهوكێ راگەهاند، کو 50% ژ تووشبوویێن کۆرۆنایێ ڤەگەریاینە مال و چ تووشبووییێن کۆرۆنا یێ ل دهۆکێ پێدڤی ب ئامیرێ هەناسەیا دەستکرد نەبووینە.
د. نزار عسمەت، رێڤەبەرێ گشتی یێ ساخلەمی یا پارێزگەها دهۆکێ راگەهاند، شەش تووشبوویێن کۆرۆنا یێ ل دهۆکێ پشتی وەرگرتنا چارەسەریێ ڤەگەریاینە مال و رەوشا هەر شەش کەسێن دیتر ژی بەرەف باشییێ ڤە دچیت و چ تووشبوویی ژی پێدڤی ب ئامیرێ هەناسەیا دەستکرد نەبووینە.
نيشاندان