جی 7 بریارا قه‌ده‌غه‌كرنا هاتنوچونا وه‌لاتیان و ده‌ربازبون ژ توخیبان دا

17/03/2020 10:06

280

ئه‌ڤرۆ نیوز:

كۆمبوونا سه‌ركرده‌یێن بلندێن وه‌لاتێن گرۆپێ جی 7 ناڤداره‌ كۆ حه‌فت وه‌لاتێن زلهیزێن پیشه‌سازیێ ل جیهانێ ب رێكا ڤیدیویی كۆنفرانسه‌ك ئه‌نجام دا.

هه‌ر ئێك ژ دونالد تره‌مپ سه‌رۆكێ ئه‌مریكا و جه‌ستن تروید سه‌رۆك وه‌زیری كه‌نه‌دا و بوریس جونسن سه‌رۆك وه‌زیرێ بریتانیا و ئیمانویل ماكرۆن سه‌رۆك كۆمارێ فه‌ره‌نسا و ئه‌نگیلا مێركل راوێژكارا ئه‌لمانیا و جوزیپی مونتێ سه‌رۆك وه‌زیرێ ئیتالیا و شینزو ئابێ سه‌رۆك وه‌زیرێ ژاپونێ د ڤیدیویا كۆنفرانسی دا بریار دان، بۆ ده‌مێ 30 رۆژان هاتنوچونا وه‌لاتیان و ده‌ربازبون ژ توخیبان بهێته‌ قه‌ده‌غه‌كرن.

بریار ته‌ڤایا توخیبێن وه‌لاتێن ئه‌ورۆپا و توخیبێ شنگن و وه‌لاتێن ده‌رڤه‌ی ئه‌ورۆپا ژی بخوڤه‌دگریت ئه‌ڤرۆ دێ چیته‌ بیاڤێ بجهكرنێ دا.

گرۆپێ جی 7 بریار ژی دا هه‌ماهه‌نگی دناڤبه‌را ئه‌ندامێن ئه‌ڤی گرۆپی دبیاڤێ كه‌رتێ ساخله‌میێ وه‌ك لهه‌ڤگوهارتنا زانیاری و بسپوری و پێدڤێن نوژداری و ڤه‌دیتنا ڤاكسینا كورونایێ بهێته‌كرن.

دهۆک : پێشانگەهێن ترۆمبێلان و نڤێسینگەهێن فرۆتنا ئەرد و خانیان دێ هێنە داخستن

16/03/2020 20:04

186

ئەڤرۆ نیوز:

بریار هاتەدان ل سنورێ پارێزگەها دھوکێ هەموو پێشانگەھێن ترومبێلان و نڤێسینگەھێن فروتنا ئەرد و خانیا بھێنە داخستن.

ئەڤرۆ دوشەمبی، ١٦ ئادارا ٢٠٢٠ قائیمقامیێ دهۆکێ ل ژێ هەوا بەرهنگاربوونا ڤایرۆسێ کۆرۆنا یێ بریارا داخستنا پێشانگەهێن ترۆمبێلان و نڤیسینگەهێن ئەردی دا.

هەروەسا گۆتیە، ژبەر پێشانگەهێن ترۆمبێلان و نڤیسینگەهێن فرۆتنا ئەرد و خانیان، جهێن گشتینە و خەلکەکێ زۆر سەرەدانا وان هەردو جهان دکەن، ئەڤە ژی دبیتە مەترسی ل سەر رەوشا ساخلەمیا وەلاتیان و بەلاڤبوونا ڤارۆسێ کۆرۆنایێ، ئەڤ بریارە ژ پێخەمەت پاراستنا ژیانا وەلاتیێن پارێزگەها دهۆکێ و دەردورێن وێ یە.

رێڤەبەرێ ساخلەمیا سلێمانیێ: پێنج توشبوویێن کۆرۆنایێ چێبووینە و ڤەگەریاینە مالێن خوە

16/03/2020 17:30

ئەڤرۆ نیوز:

سەباح هەورامی رێڤەبەرێ ساخلەمیا سلێمانیێ راگەهاند، پێنج حالەتێن دی یێن توشبوون ب ڤایرۆسێ کۆرۆنایێ ل سلێمانیێ چێبوونە و ڤەگەریاینە مال.
ئەڤرۆ دوشەمبیێ سەباح هەورامی رێڤەبەرێ ساخلەمیا سلێمانیێ راگەهاند، ئەو پێنج کەسە چێبووینە و ڤەگەریاینە مالێن خوە، ئەو نەخۆشێن دیتر ژی یێن کو ماینە ل نەخۆشخانێ ساخلەمیا هەموویان یاجهگیرە.

رێڤەبەرێ ساخلەمیا سلێمانیێ: سێ توشبوویێن کۆرۆنا یێ ب تەمامی چێبوونە

16/03/2020 00:30

ئەڤرۆ نیوز:
رێڤەبەریا گشتی یا ساخلەمیا سلێمانی راگەهاند، سێ توشبوویێن کۆرۆنا نوو ل سلێمانیێ چێبوونە.
د. سه‌باح هه‌ورامی رێڤه‌به‌رێ گشتی یێ ساخلەمیا سلێمانیێ راگه‌هاند، ئەڤرۆ سێ توشبوویێن کۆرۆنا یێ ل سلێمانی ب تەمامی چێبووینە و هاتینە هنارتن بۆ مال.

ئه‌مریكا گه‌فان ل گرۆپێن چه‌كدارێن عیراقی دكه‌ت

15/03/2020 11:50

ئه‌ڤرۆ نیوز:

په‌یڤدارێ وه‌زاره‌تا به‌ره‌ڤانیا ئه‌مریكا راگه‌هاند به‌رسڤه‌كا توند دێ هه‌بیت هه‌مبه‌ر گرۆپێن چه‌كدارێن عیراقی.

جوناسان هوڤمان په‌یڤدارێ وه‌زاره‌تا به‌ره‌ڤانیا ئه‌مریكا راگه‌هاند: د هێرشا موشه‌كی یا دهی بۆ سه‌ر بنگه‌هێ تاجی ل باكورێ به‌غدا، سێ سه‌ربازێن ئه‌مریكی بریندار بوون و برینا ئێكی گرانه‌.

په‌یڤدارێ وه‌زاره‌تا به‌ره‌ڤانیا ئه‌مریكا ئه‌و چه‌نده‌ ژی راگه‌هاند: هێزێن ئه‌منی یێن عیراقێ چه‌ند گومانلێكری گرتینه‌.

ئه‌ڤ چه‌نده‌ ل ده‌مه‌كی دایه‌ پشتی هێرشا پێنجشه‌مبا بوری و دهی ب رێكا 33 موشه‌كێن كاتیوشا هێرش كره‌ سه‌ر بنكه‌هێ تاجی.

مه‌سرور بارزانی: ئه‌ركێ مە هەموویانە روو ب روو ڤایرۆسێ كۆرۆنا یێ ببین

14/03/2020 23:17

ئەڤرۆ نیوز:

سەرۆکێ حوکمەتا هەریما کوردستانێ د گۆتارەکا تەلەفزیۆنی دا راگەهاند، حوکمەتا هەرێما کوردستانێ ل پێشیا پرانیا وەلاتان دایە بۆ بەرهنگاربوونا کۆرۆنایێ، هەروەسا نوکە ئەم د قۆناغەکا نوو داینە پێدڤیە هاتنوچوونا ناڤ باژێران بهێتە سنوردار کرن.

مەسرور بارزانی سەرۆکێ حوکمەتا هەرێمێ زێدەتر گۆت، هەکە خەلک و حکومەت ب هەڤرا هاریکاریا هەڤدۆ بکەن دێ شێین کورۆنایێ کۆنترۆل کەین و هەر چەند گەفێن کۆرۆنایێ بۆ مە زێدە دژوارن، لێ ب هاریکاریا هەڤدۆ و جێبەجیکرنا رێنمایێن ساخلەمیێ و حکومەتێ دێ شێین ڤایررۆسێ کۆرۆنایێ کۆنترۆل کەین.

هەروەسا سەرۆکێ حکومەتێ سوپاسیا پڕانیا کارمەندێن ناڤخۆ و ساخلەمیێ کر و گۆت، خەلکێ کوردستانێ چەندین جاران روو ب روو زولمێ بوویە و لێ مە ئەو دەمێن دژوار دەربازکرینە و دێ ڤێ رەوشێ ژی دەرباز کەین.

کۆمپانی و بریکار و نڤێسینگەهێن گەشتیاری بۆ دەمەکێ نەدیار دێ هێنە داخستن

14/03/2020 13:16

ئەڤرۆ نیوز:

پارێزگەها دهۆکێ بریار دا، کو هەموو کۆمپانی و بریکار و نڤێسینگەهێن گەشتیاری بۆ دەمەکێ نەدیار بهێنە داخستن، هەروەسا دێ لژنا پشکنینێ ل رێڤەبەریا گشتی یا گەشتوگۆزارێ ل پارێزگەها دهۆکێ دووڤچوونێ کەت و دێ سۆزنامە ژ خودانێن جهێن ناڤهاتی هێنە وەرگرتن، داکو نەهێنە ڤەکرن د ڤێ قۆناغێ دا.

جڤاتا نوونه‌ران پرۆژه‌یێ پلانانا به‌رهنگاربوونا كورنایێ په‌سندكر

14/03/2020 12:28

ئه‌ڤرۆ نیوز:

جڤاتا نوونه‌رێن ئه‌مریكا ب پرانیا ده‌نگان پلانا دابینكرنا پاره‌یه‌كێ پێدڤی بۆ ریب ری بوونا كورونایێ په‌سندكر كۆ 50 ملیار دۆلارن.

ئه‌و پرۆژه‌یه‌ ژ ئه‌نجامێ دانوستاندنێن ناڤبه‌را نانسی پیلوسی و سه‌رۆكا جڤاتا نوونه‌ران ئیدارا تره‌مپی هات بوو به‌رهه‌ڤكرن.

ژماره‌كا زۆرژ ئه‌ندامێن جڤاتا نونه‌ران ژ هه‌ردو پارتان پشته‌ڤانیا پرۆژه‌یی كر ب شێوه‌یه‌كی كۆ 363 ئه‌ندامێن جڤاتێ ده‌نگ پێدا و دهێته‌ چاڤه‌ریكرن ل چه‌ند رۆژێن بهێت جڤاتا پیران كۆمبیت ل سه‌ر ئه‌ڤی بابه‌تی.

پرۆژه‌ چه‌ندین خالێن سه‌ره‌كی بخوڤه‌دگریت، یا ژ هه‌میان گرنگتر پشكنینا به‌لاشه‌ بۆ هه‌موو ئه‌و كه‌سێن توشبویی ب كورونایێ بۆ دهێته‌ كرن.

ل چه‌ند رۆژێن بوری كورونا زۆر بله‌ز ل ئه‌مریكا به‌لاڤبو، نوكه‌ دو هزار و 174 كه‌س ل ئه‌مریكا توشی كورونایێ بووینه‌ 47 كه‌س ژی مرینه‌ و 12 كه‌س ژی ساخبوینه‌.

هاتنوچوون دێ دناڤبەرا سەرجەم پارێزگەهێن عیراقێ دا هێتە راگرتن

13/03/2020 20:15

ئەڤرۆ نیوز:

وەزارەتا ساخلەمیا عیراقێ راگەهاند، ب مەبەستا بەرهنگاربوون و رێگریکرنێ ژ بەلاڤبوونا ڤایرۆسێ کۆرۆنا، هاتنوچوون دێ داڤبەرا سەرجەم پارێزگەهێن عیراقێ ژ 15 ئادارێ هەتا 25 هەمان هەیڤ هێتە راگرتن.

لدووڤ راگەهاندنەکا وەزارەتا ساخلەمیا عیراقێ، ژ رۆژا ئێکشەمبی 15 ئادارێ دێ قەدەغەیا هاتنوچوونێ دناڤبەرا پارێزەهان چیتە وارێ جێبەجێکرنێ و بۆ ماوێ 10 رۆژان دێ یا بەردەوام بیت، دێ هەتا 25 ڤێ هەیڤێ بیت.

هەروەسا سەرەدانێن ئایینی هاتینە قەدەغەکرن، ئەو وەلاتیێن نە عێراقی نەشێن بهێنە سەر ئاخا عیراقێ، خوارنگەهـ ژی دشێن ب بەشێوێ گەهاندنێ خوارنێ بدەنە وەلاتیان.
هەروەسا گۆتیە، دێ رێک ب هاتنوچوونا تایبەت بۆ کارێن بازرگانی و دۆخێن نەخواستی هێتە دان.

وەزارەتا ناڤخوە یا هەرێمێ: بریارا راگرتنا هاتنوچوونێ کەنالێن راگەهاندنێ و رۆژنامەڤانان ڤەناگریت

13/03/2020 19:31

105

ئەڤرۆ نیوز:

ئەڤرۆ ئەینیێ 13.3.2020 د نڤیسارەکێ دا وەزارەتا ناڤخوە یا حوکمەتا هەرێما کوردستانێ راگەهاندیه، کو برگا راگرتنا هاتنوچوونا ناڤخوە یا پارێزگەهان، رۆژنامەڤان و کەنالێن راگەهاندنێ ڤەناگریت.

نيشاندان 1...464748...89 زێده‌تر

لاپه‌ر 47 ژ 89