ئەڤرۆ نیوز، زنار:

راپورتێن روژنامەڤانی دیارکر د زیندانەکێ دا ل وەلاتێ پارگوای شەرە لسەر ستێرا بەرێ یێ بەرازیلی رونالدینهوی داکو دگەل وان دا پشکداریێ د قارەمانیا تەپا پێ یا زیندانیان بکەت.

تورا سکای میتالیست یا پاراگوای ئەڤ پەیامە ڤەگوهاستیە و دیارکریە رونالدینهو نوکە د زیندانێن دایە ل وەلاتێ پاراگوای ب تومەتا هەلگرتنا پاسپورتا سەختە دەمێ قەستا وی وەلاتی کری و نوکە ب بریارا دادگەهێ یێ راگرتیە د زیندانێ دا لێ پشتی چویە د زیندانێ دا کێشە لدووڤ خوە را پەیداکرینە ناڤبەرا زیندانیان و هەموو دخوازن رونالدینهو ستێرا بەرێ یانا بەرشەلونا یا ئسپانی و هەلبژارتیێ بەرازیل دگەل تیمێن وان پشکداریێ د قارەمانیا تەپا پێ یا زیندانیان دا بکەت.

ئه‌ڤرۆ نیوز، زنار:
ستێرا ئه‌رژه‌نتینى و یانا به‌رشه‌لونا یا ئسپانى لیونێل مێسى چار پارێزه‌ر راسپاردینه‌ داكو به‌ره‌ڤانیێ ژ هه‌ڤالێ وى یێ به‌رازیلى رونالدینهوى بكه‌ن ئه‌وێ نوكه‌ ل وه‌لاتێ پارگواى ده‌سته‌سه‌ركرى ب تومه‌تا هه‌لگرتنا پاسپورتا سه‌خته‌.
رۆژناما فوتبول بایبل یا ئنگلیزى و بولسكا تایمز یا پوله‌ندى ئاماژه‌ دایه‌ ڤێ چه‌ندێ دیاركریه‌ كو مێسى دێ پارێن وان پارێزه‌رێن وى ده‌ستنیشان كرى ئه‌داكه‌ت داکو بەرگریێ ژی هەڤالێ وی رونالدینهوی بکەت و هه‌موو سزایێن دارایى ژى ئه‌داكه‌ت ئه‌وێن دادگه‌ها پارگواى ل سه‌ر وى سه‌پینت ل ماوێ بهێت.
هه‌ژى گۆتنێ یه‌ رونالدینو ل رۆژا شه‌مبیا بورى وه‌ره‌ ل وه‌لاتێ پارگواى هاتیه‌ ده‌سته‌سه‌ركرن دگه‌ل خویشكا خوه‌ ب تومه‌تا هه‌لگرتنا پاسپورته‌كا سه‌خته‌ ل وى وه‌لاتى.

ئەڤرۆ نیوز، زنار:
یاریا ئه‌ڤرۆ ئه‌وا دێ د ناڤبه‌را هه‌ردو یانێن پاریس سان جێرمان یا فه‌ره‌نسى و بوروسیا دورتموند یا ئه‌لمانى دا ل باژێرێ پاریس هێته‌ كرن یا ئێكلاكه‌ر بیت بۆ هه‌ردو یانا بۆ ده‌ربازبوون بۆ قوناغا بهێت یا قاره‌مانیا چامپونزلیگا ئوروپى ئه‌وا دێ ئه‌ڤ شه‌ڤه‌ ل ده‌مژمێر 11 شه‌ڤ هێته‌ كرن.

یاریا بورى یانا بوروسیا دورتموند یا ئه‌لمانى شیابوو سه‌ركه‌فتنێ لسه‌ر یانا فه‌ره‌نسى تومار بكه‌ت ب دو گۆلان به‌رامبه‌ر گۆله‌كێ و یاریا ئه‌ڤ شه‌ڤه‌ دێ ئێكلا بیت كا كیش یانه‌ دێ ده‌ربازى قوناغا بهێت بیت، به‌رى ڤێ یاریێ ژ ئه‌گه‌رێ به‌لاڤبوونا ڤایروسێ كورونا ل كیشوه‌رێ ئوروپا حكومه‌تا فه‌ره‌نسا نه‌چاربوو یاریێ بێ ئاماده‌بوونا جه‌ماوه‌رى بهێته‌ ئه‌نجامدان كو ئه‌ڤه‌ دێ بیته‌ خاله‌كا نێگه‌تیڤ بۆ یانا پاریس سان جێرمان بێ پشته‌ڤان یاریا خوه‌ بكه‌ت به‌رامبه‌ر د به‌رژه‌وه‌ندیا یانا ئه‌لمانى دایه‌ زێده‌بارى ڤێ چه‌ندێ ستێرا گه‌نج یا ڤێ یانێ كلیان مباپێ ژى نوكه‌ ره‌وشا ساخلەمیا وى باش نینه‌ و پشكنینێن نوشدارى بۆ هاتینه‌ كرن ژ دوهى وه‌ره‌ دبیت توشى نه‌خوشیا ڤى ڤایروسى بیت لێ پێگوهۆرێ وى یا ئاماده‌یه‌ هه‌رده‌مێ پشت راستبون یاریێ ناكه‌ت و دێ ل شوونا وى ئەدیسون كاڤانى یاریێ كه‌ت دگه‌ل دیماریا و نیمارى ل هێلا هێرشبەریێ.

ژلایه‌كێ دى ڤه‌ هه‌بونا ڤێ هژمارا مه‌زن یا یاریزانێن ستێر دێ هه‌تا چ راده‌ كارتێكرنا خوه‌ ل سه‌ر ڤێ یانێ فەرەنسی هه‌بیت د یاریا ئه‌ڤرۆ دا ژ به‌ركو راهێنه‌رێ ئه‌لمانى یێ یانا پاریسی توماس توخێل شێوازێ یاریا ڤێ یانێ گوهارتیه‌ لێ سه‌ره‌راى ڤێ چه‌ندێ وى ئه‌و پشته‌ڤانیا كارگێریا یانێ بده‌ستڤه‌ نه‌ئینایه‌ ژ ده‌سپێكا خولێ وه‌ره‌ و یاریزانێن نوو بینن دگه‌ل پلان و شێوازێ یاریا وى بگونجیت و نه‌چار بوویه‌ هه‌ر پشتبه‌ستنێ ل سه‌ر هه‌مان یاریزانێن خوه‌ یێن ستێر بكه‌ت ئه‌وێن ل سالێن بورى نه‌شاین ڤێ یانێ بگه‌هینه‌ یاریا دووماهیا چامپیونزلیگێ، ئه‌ڤ ئه‌گه‌ره‌ زێده‌بارى سه‌رهلدانا كورونایێ دبیت یانا پاریس سان جێرمان ژ ڤێ قاره‌مانیێ ده‌ربكه‌ت.