ئەڤرۆ نیوز:

پشتی کو دەنگۆیێ راگرتنا جموجۆلا بازرگانی ل سنۆرێ دناڤبەرا هەرێمێ وتورکیا بەلاڤبووی، حکومەتا هەرێما کوردستانێ هەموو بزاڤێن خوە خستینە گەر بۆ هندێ داکۆ بزاڤا بازرگانی دناڤبەرا هەردو ئالیان دا یا بەردەوام بیت، هەروەسا جموجۆلا بازرگانی ل سەر سنۆران بهێته رێکخستن، ل بەر چاڤگرتنا رێکارێن خوە پاراستنێ، لەوما وەلاتیان دلنیا دکەین، کو حکومەتا هەرێما کوردستانێ درێغیێ ناکەت، ژ چارەسەرکرنا ئەڤان کێشان ب جۆرەکێ کو کاریگەری ل سەر جموجۆلا بازرگانی و بازارێ نافخوە نەکەت.
وەزارەتا نافخوە یا ھەرێما کوردستانێ
2020/3/1

ئه‌ڤرۆ ینوز:

سه‌رۆكێ حكومه‌تا هه‌رێما كوردستانێ سه‌ره‌دانا ئوردنی دكه‌ت و ل گه‌ل شاهـ عه‌بدوللای كۆم دبیت.

ئه‌ڤرۆ 1/3/2020 مه‌سرور بارزانی سه‌رۆكێ حكومه‌تا هه‌رێما كوردستانێ دێ ب سه‌رۆكاتیا شانده‌كێ حكومی ب داخازیا فه‌رمی، سه‌ره‌دانا ئوردنێ كه‌ت و ل گه‌ل شاهـ عه‌بدوللا یێ دوێ كۆم دبیت و دانوستاندنان ل سه‌ر پێشڤه‌برنا په‌یوه‌ندیێن دناڤبه‌را هه‌رێم و ئوردنێ دا كه‌ن.

شاندێ هه‌ڤالبه‌ندێ سه‌رۆكێ حكومه‌تا هه‌رێما كوردستانێ پێك هاتیه‌ ژ رێبه‌ر ئه‌حمه‌د وه‌زیرێ ناڤخۆ و عه‌بدولا حاجی مه‌حمود وه‌زیرێ كارۆبارێن شه‌هیدان و ئه‌نفالكریان و سه‌فین دزه‌یی به‌رپرسێ فه‌رمانگه‌ها په‌یوه‌ندیێن ده‌رڤه‌.

ئەڤرۆ نیوز:

وەزیرێ ناڤخوە یێ هەرێما کوردستانێ ڕاگەهاند، هەتا نوکە چ حالەتێن توشبوونێ ب ڤایرۆسی کۆرۆنا یێ ل هەرێما کوردستانێ دا نەهاتینە تۆمار کرن، هەروەسا گۆتیە ژی، هەتا نوکە ٥٣٦ کەس ل خالێن سنوری یێن عێراقێ بۆ هەرێما کوردستانێ ڤەگەڕیاینە.
رێبەر ئەحمەد وەزیرێ ناڤخوە یێ هەرێما کوردستانێ د کونفرانسەکی رۆژنامەڤانی دا ل گەل سامان حسێن بەرزنجی وەزیرێ ساخلەمیا هەرێمێ راگەهاند، داخوازێ ژ هەموو دامودەزگەهێن فەرمى و تایبەت دکەین کو کۆر و کۆمبوونان رابگرن، هەروەسا وان داخواز ژ وەلاتیان کریە، کو خەلکێ کوردستانێ سەرەدانا کەرکوک و نەجەف نەکەن.

د هەمان کۆنفرانس دا، سامان حسێن وەزیرێ ساخلەمیا هەرێما کوردستانێ راگەهاند، هەتا نوکە هزار و ٧٣٤ کەس ژ ئیرانێ ڤەگەریاینە و هەموو ل ژێر چاڤدێریا نۆشداران دانە.

ئه‌ڤرۆ نیوز:
ته‌حسین دوله‌مه‌رى ئه‌ندامێ ده‌زگایێ ره‌وشه‌نبیرى و راگه‌هاندن یێ پارتى دیموكراتى كوردستان دیاركر، سوبه‌هی دێ ته‌رمێ خودێ ژێ رازى د.حه‌مید ئاكره‌یى ل نه‌مسا گه‌هته‌ فرۆكخانا نێڤده‌وله‌تی یا هه‌ولێرێ و دێ ژ ئالیێ به‌رپرسێن پله‌بلند پێشوازى ل ته‌رمى وى هێته‌ كرن و پاشان هێنه‌ ره‌وانه‌كرن بۆ ئاكرێ و ل وێرێ هێته‌ ڤه‌شارتن.

دوله‌مه‌رى دیاركر: كو ئاكره‌یى پێشمه‌رگه‌كێ دێرین یێ پارتى دیموكراتى كوردستان بوو، ل سه‌رده‌مێ شۆره‌شا ئیلۆنێ دا رۆله‌كێ به‌رچاڤ ل ده‌ڤه‌را ئاكرێ و شێخان دگێرا.
پشتى نسكویا شوره‌شێ، د.حه‌مید به‌ره‌ڤ ده‌رڤه‌ى وه‌لاتى چوویه‌ و دكتورایا ئه‌لكترونى ل به‌لجیكیا بده‌ستڤه‌ ئینایه‌، ل ده‌مێ ده‌ستپێكرنا شۆره‌شا گۆلانێ ڤه‌گه‌ریایه‌ڤه‌ ناڤ رێزێن پێشمه‌رگه‌ى و ل گه‌ل چه‌ند هه‌ڤالان جاره‌كادى رادیویا ده‌نگێ كوردستان دامه‌زراندى یه‌، پشتى سه‌رهلدانێ بوویه‌ وه‌زیرێ ڤه‌گوهاستن و گه‌هاندنێ، هه‌روه‌سا چه‌ندین به‌رپرسیارتیێن حزبى و حكوم وه‌رگرتینه‌.