ئه‌ڤرۆ نیوز، زنار:
بریاره ئه‌ڤرۆ هژماره‌كا یاریێن جودا ژ قاره‌مانیا چامپیونزلیگا ئوروپا و خولا ئتگلیزى بهێنه كرن ب ڤى شێوه‌یى ل خوارى دیاركرى.
قاره‌مانیا ئوروپا قاره‌مانێن خولان قوناغا 16
11:00 ئه‌تله‌نتا VS ڤالێنسیا
11:00 توتنهام VS لایبزیك
خولا نایابا ئنگلیزى گه‌را 26
10:30 مانچسته‌ر یونایتد VS وستهام یونایتد
ئه‌ڤرۆ نیوز:
ئه‌ڤرۆ 19/2/2020 شاندێ هه‌رێما كوردستانێ ل گه‌ل محه‌مه‌د توفیق عهلاوی راسپاردی بۆ پێك ئینانا حكومه‌تا نوو یا عیراقێ كۆم دبن.
محه‌مه‌د ئیلخانی ئه‌ندامێ شاندێ دانوستانكارێ هه‌رێما كوردستانێ راگه‌هاند: بۆ رۆژا دوێ شاندێ هه‌رێما كوردستانێ ل به‌غدا دبن و بریاره ئه‌ڤرۆ ل گه‌ل محه‌مه‌د توفیق عهلاوی راسپاردی بۆ پێك ئینانا حكومه‌تا نوویا عیراقێ كۆمبن و دڤێ كۆمبوونێ دا شاندێ دانوستانكار دێ مه‌رجێن هه‌رێما كوردستانێ بۆ پشكداربوونێ ل كابینا نوویا حكومه‌تێ گه‌هینه عهلاوی.
ناڤبری ئه‌و چه‌ندژی دیاركر كۆ هه‌رێما كوردستانێ بخۆ دێ وه‌زیرێن خۆ دیاری كه‌ت، بودجه و مووچه و پترۆل و ده‌ڤه‌رێن كوردستانی و ئاریشه‌یێن دی مه‌رجێن هه‌رێمێ نه بۆ پشكداریكرنێ د كابینا نوودا، شاندێ دانوستانكار ژ لایه‌نێن سیاسی پێكهاتیه و ئێك هه‌لویستن و ئه‌ڤه ژی وه‌دكه‌ت شاند ده‌ستكه‌ڤتنێن مه‌زن بده‌ستڤه بینیت.
ئه‌ڤرۆ نیوز:
وه‌زاره‌تا به‌ره‌ڤانیا دانیماركێ ڤه‌گه‌ریانا سه‌ربازێن خۆ بۆ سه‌ربازگه‌ها عه‌ین ئه‌سه‌د ل پاریزگه‌ها ئه‌نبار راگه‌هاند: كۆ به‌ریا نوكه ب ئه‌گه‌رێ ئالوزیێن دناڤبه‌را ئه‌مریكا و ئیرانێ سه‌ربازین دانیمارك ئه‌و بجهـ هێلا بوو.
ترین برامسن وه‌زیرێ به‌ره‌ڤانیا دانیمارك راگه‌هاند:هه‌یڤا مارس سه‌ربازێن مه ب ئه‌گه‌رێ هێرشێن موشه‌كێن ئیرانێ ئه‌و سه‌ربازگه‌هه بجهـ هێلا بوو نوكه ڤه‌دگه‌رن بۆ سه‌ربازگه‌هێ عه‌ین ئه‌سه‌د به‌رده‌وام دبن ل سه‌ر مه‌شق و راهێنانێن ب هێزێن عیراقێ بۆ ریب ری بوونا تیرۆریستان.
برامسن وه‌زیرێ به‌ره‌ڤانیا دانیمارك ئه‌و چه‌نده‌ژی راگه‌هاند ره‌وشا ئه‌منی یا سه‌ربازگه‌هێ چ جوداهیه‌ك نینه به‌ری هێرشا موشه‌كین ئیرانێ و چ مه‌ترسیه‌ك ل سه‌ر سه‌ربازین مه نینه.
دانیماركێ 130 سه‌رباز و راهێنه‌ر و راوێژكار سه‌ر ب وه‌زاره‌تا به‌ره‌ڤانیا ئه‌وی وه‌لاتی ل ده‌ستێكا شه‌رێ داعشێ بۆ سه‌ر عیراقێ د چارچوڤه‌یێ هه‌ڤپه‌یمانیا نێڤ دوله‌تی دژی داعشێ مه‌شق و راهێنان ب هێزێ ئه‌منی یێن عیراقێ دكه‌ن.
ئه‌ڤرۆ نیۆز، عه‌زیز هه‌ورامی:
له سه‌رداوای كۆسره‌ت ڕه‌سووڵ عه‌لی سه‌رۆكی ئه‌نجوومه‌نی باڵای سیاسی و به‌رژه‌وه‌ندییه‌كانی یه‌كێتی، كۆبوونه‌وه‌كانی ئه‌نجوومه‌نی گشتی سه‌ركردایه‌تی یه‌كێتی ڕاگیراوه، هاوسه‌رۆكانی یه‌كێتی دووكه‌س ده‌بن و باس له‌وه‌نه‌كراوه یه‌كێكیان ژنبێت.
مسته‌فا چاوڕه‌ش سه‌رپه‌رشتیاری كۆبوونه‌وه‌كانی ئه‌نجوومه‌نی گشتی سه‌ركردایه‌تی یه‌كێتی، به ئه‌ڤرۆ نیۆزی ڕاگه‌یاند:” له سه‌رداوای كۆسره‌ت ڕه‌سووڵ كۆبوونه‌وه‌كانی ئه‌نجوومه‌نی گشتی سه‌ركردایه‌تی، وه‌سێندراون پێمانی وت، كۆبوونه‌وه‌كان ڕابگرن چه‌ند ڕۆژێك من سه‌فه‌رێكی ده‌ره‌وه‌ی وڵات.
كۆسره‌ت ڕه‌سووڵ عه‌لی سه‌رۆكی ئه‌نجوومه‌نی باڵای سیاسی و به‌رژه‌وه‌ندیه‌كانی یه‌كێتی باری ته‌ندروستی ناجێگیربووه بۆ وه‌رگرتنی چاره‌سه‌ر سه‌ردانی وڵاتی ئوردنی كردووه.
مسته‌فا چاوڕه‌ش ئاماژه‌ی بۆ ئه‌وه‌كرد، ئه‌نجوومه‌نی گشتی سه‌ركردایه‌تی له پێڕه‌وی ناوخۆ هاوسه‌رۆكی بۆ یه‌كێتی په‌سه‌ندكردووه، دوو كه‌س ده‌بنه هاوسه‌رۆك و باسی ئه‌وه‌شی تیا نییه ژنێك له ده‌سته‌ی هاوسه‌رۆكی حزب هه‌بێت، تائێستاش ناوی كه‌س دیاری نه‌كراوه بۆ هاوسه‌رۆكایه‌تی یه‌كێتی.
چاوڕه‌ش ئاماژه‌ی بۆ ئه‌وه‌شكرد، له چه‌ند ڕۆژی ئاینده كۆسره‌ت ڕه‌سووڵ ده‌گه‌ڕێته‌وه بۆ كوردستان پاش گه‌ڕانه‌وه‌ی كۆبوونه‌وه‌كانی ئه‌نجوومه‌نی گشتی سه‌ركردایه‌تی ده‌ست پێده‌كه‌نه‌وه.
له باره‌ی چاره‌نووسی به‌رپرسی ئه‌و مه‌ڵبه‌ندانه‌ی له كۆنگره ده‌رنه‌چوونه‌ته‌وه،به‌رپرسه‌كه‌ی یه‌كێتی ده‌ڵێ،یه‌كه‌م كۆبوونه‌وه‌ی فه‌رمی سه‌ركردایه‌تی كرا ئه‌وكاته بڕیار له چاره‌نوسی ئه‌وبه‌رپرسانه‌ده‌درێت و قسه‌یان له‌سه‌رده‌كرێت.
ئه‌ڤرۆ نیوز:
وه‌زاره‌تا كارۆبارێن شه‌هیدان و ئه‌نفالكریان یا حكومه‌تا هه‌رێما كوردستانێ دێ گۆرێن ب كۆم یێن سه‌ماوه كۆ ل سالا بوری هاتینه دیتن ڤه‌گه‌رینه هه‌رێما كوردستانێ و بهێنه ڤه‌شارتن.
خه‌بات عه‌بدلا راوێژكارێ وه‌زاره‌تا كارۆبارێن شه‌هید و ئه‌نفالكریان یا حوكمه‌تا هه‌رێما كوردستانێ راگه‌هاند: وه‌زاره‌تێ نیازا ئینانا 171 رۆفاتێن گۆره‌كێ ب كۆم یێن سه‌ماوه د چارچوڤه‌یێ ئه‌وان سێ گۆرێن ل هه‌یڤا نیسانا سالا 2019 هاتینه دیتن، ل چه‌ند رۆژێن بهێت د مه‌راسیمه‌كا هه‌ژی ل هه‌رێما كوردستانێ دێ هێنه ڤه‌شارتن، كۆ 97 روفات ژن و 74 زارۆكن.
راوێژكارێ وه‌زاره‌تا كارۆبارێن شه‌هید و ئه‌نفالكریان یا حوكمه‌تا هه‌رێما كوردستانێ راگه‌هاند ژی ژلایێ نوژداریا دادێ ڤه ل به‌غدا سامپلێن هه‌موو هه‌ستیكان هاتینه وه‌رگرتن، بۆ ئه‌نجامدانا پشكنینان، لێ پیدڤی بووحكومه‌تا هه‌رێمێ و وه‌زاره‌تا كارۆبارێن شه‌هید و ئه‌نقالكریان بۆ ته‌مامكرنا پرۆسیسا پشكنینا دی ئێن ئه‌ی نمونه‌یا خوینێ ژ كه‌س و كارێن قوربانیان هاتبا وه‌رگرتن، لێ تانوكه نه‌هاتیه‌كرن.
ناڤبری ئه‌و چه‌نده ژی دا زانین، ب ئه‌گه‌رێ ره‌وشا ئالوزا عیراقێ نه‌شیان دو گورێن دی یێن ب كۆم ڤه‌كه‌ن، لی لگۆری ریپیڤا ئه‌مریكیان ل باشوورێ عیراقی و رۆژئاڤا دناڤبه‌را 3 بۆ 4 گورێن ب كۆم هه‌نه، لێ مه‌رج نینه هه‌می گورێن ئه‌نفالكریان بن به‌لێ پشكا زۆرا وان قوربانیێن ئه‌نفالێ نه.
خه‌بات عه‌بدلا راوێژكارێ وه‌زاره‌تا كارۆبارێن شه‌هید و ئه‌نقالكریان یا حوكمه‌تا هه‌رێما كوردستانێ گۆت: وه‌زاره‌تا كارۆبارێن شه‌هیدان و ئه‌نفالكریان پشكدار بوویه ل تیما نیشتمانی یا ڤه‌كرنا گۆرێن ب كۆم ل به‌غدا، ب ئه‌گه‌رێ ره‌وشا عیراقێ و دووراتی و چولیا جهێ گۆرێن ب كۆم رێگر بوون ژ ڤه‌كرنا گورێن دی.
ئەڤرۆ نیوز:
لدووڤ ئامارەکا وەزارەتا پلاندانانا عێراقێ، ل ناڤ سەرجەم پارێزگەهێن عێراقێ، ل سنووری پارێزگەها سلێمانیێ کێمترین رێژا هەژاریێ هەیە.
وەزارەتا پلاندانانا عێراقێ رێژا هەژاریێ ل هەموو پارێزگەهێن عیراقێ بەلاڤەکریە و ل سلێمانیێ کێمترین رێژا هەژاریێ هەیە، پارێزگەهێن هەولێر، دهۆک و کەرکووک پشتی سلێمانیێ دهێن.
لدووڤ هەمان ئامار، ل پارێزگەها موسەنا بلندترین رێژا هەژاریێ هەیە.
رێژا هەژاریێ لدووڤ وەزارەتا پلاندانانێ و ئامارا ناڤەندییا عێراقێ ب ڤی رەنگی یە:
سلێمانی 4.5%
هەولێر 6.7%
کەرکووک 7.6%
دهۆک 8.5%
بەغدا 10%
بابل 11%
کەربەلا 12%
نەجەف 12%
بەسرە 16%
ئەنبار 17%
سەلاحەددین 18%
واست 19%
دیالا 22.5%
موسل 37.7%
زیقار 44%
میسان 45%
دیوانیە 48%
موسەننا 52%
ئه‌ڤرۆ نیوز:
هژماره‌كا موشه‌كان ل نێزیك بالیوزخانه‌یا ئه‌مریكا ل به‌غدایا پایته‌ختێ عیراقێ كه‌فتن، بێ كۆ زیان بهێنه ئاشكراكرن.
لگۆری میدیایێن عیراقی بلاڤكرین، سپێده‌هیا ئه‌ڤرۆ 16/2/2020 هژماره‌كا موشه‌كان ل نێزیك بالیوزخانه‌یا ئه‌مریكا ل به‌غدا كه‌فتتن و زه‌نگا ئاگه‌هداركرنێ بۆ خۆ پاراستنێ هاتیه لێدان.
ئه‌ڤرۆ نیوز، بارزان مزوورى:
به‌رپرسێ لقێ 14 یا پارتى دیموكراتى كوردستان ل مۆسل دیار كر هاتنا خێزانێن داعش بۆ ده‌ڤه‌را زۆمار دێ پێگه‌هێ رێكخراوا تیرۆرستى یا داعش بهێز كه‌ت ل مۆسلێ.
عه‌لى خه‌لیل، به‌رپرسێ لقێ 14 یا پارتى دیموكراتى كوردستان ل مۆسل بۆ ئه‌ڤرۆ نیوز گۆت: ئه‌و شانێن نڤستى یێن رێكخراوا تیرۆرستى داعش ل مۆسلێ به‌رده‌وام یێ رێكخستنا خۆ بهێز د ئێخن بۆ ئه‌نجام دانا كریارێن تیرۆرستى ل وێ پارێزگه‌هێ ژبه‌ر وێ ڤالاتا ئه‌منى ل پارێزگه‌هێ ژبه‌ر وان هێزێن میلیشیات یێن بیانى ل پارێزگه‌ها نه‌ینه‌وا هه‌ماهه‌نگى دگه‌ل له‌شكه‌رێ عێراقێ نینن بتنێ بۆ به‌رژه‌وه‌ندیێن خۆ یێن تایبه‌ت یێ كارێ خۆ پارێزگه‌هێ دكه‌ن.
ناڤهاتى خویاكر ژی: داعش ب نهێنى رێكخستنا خۆ یا ئه‌نجام داى چاڤه‌رێ ده‌لیڤه‌یه‌كێ نه كۆ دربه‌كا مه‌زن دانه خه‌لكى وى خه‌لكێ پارێزگه‌هێ ژى مه‌ترسى بۆ وان دروست بویه ژبه‌ركۆ به‌رده‌وام خه‌لكێ باژێرێ یێ ئاواره دبیته دناڤ كه‌مپا و باژێرێن كوردستانێ پێتڤیه ئه‌و هێزێن ئه‌منى یێن ناڤ باژێرى دا هه‌ماهه‌نگیێ بكه‌ن خۆ لێك نێزیك بكه‌ن ئه‌و ملیشیاتێن حه‌شدا شعبى ئه‌وێن باشورێ عێراقێ و به‌غدا هاتین بناڤێ حه‌شدا شه‌عبى بهێنه دویر كرن دناڤ باژێرى دا دناڤ سه‌نته‌رى بهێت كونترۆل كرن ژلایێ پولیسان ڤه و ده‌وروبه‌رێن باژێرى ژى گه‌له‌ك یا گرنگه له‌شكه‌رێ عێراقێ هه‌ماهه‌نگیێ بكه‌ت دگه‌ل پێشمه‌رگه‌ى ده‌وروبه‌رێن مووسا ب پارێزیت.
ناڤهاتى گۆت: بریارا هاتنا 31 هزارۆ 400 ژن و زاروكێن داعش ژلایێ حكومه‌تا به‌غداڤه ل سوریا بۆ ده‌ڤه‌را زومار هه‌ر وه‌كۆ خۆ مایه به‌لێ ژلایێ پارتى دیموكراتى كوردستان و دامو ده‌زگه‌هێن وێ ده‌ڤه‌رێ ڤه ئه‌ڤ بریاره هاتیه ره‌فزكرن ژبه‌ركۆ ئه‌و خێزانێن داعش نه‌ڤه‌گه‌رنه وان ده‌ڤه‌را ژبه‌ركۆ ئه‌و داعش بوینه ئه‌ڤ ده‌ڤه‌ره چولكرین خه‌لكێ وان ده‌ڤه‌را كوشتیه و ئاواره كرینه هه‌تا نها ژى ئه‌و ده‌ڤه‌ر ب دروستى نه‌هاتینه ئاڤاكرن،
به‌رپرسێ لقێ 14 گۆت ژى: ئه‌و كێشێن دناڤبه‌را خه‌لكێ ده‌شتا نه‌ینه‌وا دروست دبن یێن كومه‌لایه‌تى و خوێندارى پارتى رادبیت بۆ چاره‌سه‌ركرنا وان كێشه‌یا ژبه‌ركۆ ئه‌ڤ خه‌لكه پارتى ب خودانێ خۆ دانیت كه‌سێ دى ژى خو ل وان ناكه‌ته خودان ل پێنج شه‌مبیا بورى ل ناحیا وانكێ خوێنداریه‌كا 20 سالى مابۆ نه‌هات بۆ چاره‌سه‌ركرن هه‌ر ئێك ژوان بنه‌مالا كه‌سه‌ك لێ هات بۆ كوشتن دوماهیێ په‌نا بومه ئینایه ئه‌و كێشا خوێندارى هات چاره‌سه‌ركرن، له‌وما ده‌مێ بریار هاتیه دان كۆ خێزانێن داعش بهێنه ده‌ڤه‌را زومار ئێكسه‌ر خه‌لكێ وێ ده‌ڤه‌رێ نه‌رازیبونا خو دیاركر سه‌ره‌دانا مه‌كریه بۆ هه‌لوه‌شاندنا وێ بریارێ ژبه‌ركۆ هاتنا وان خێزانێن داعش دێ بیته بهێزكرنا پێگه‌هێ رێكخراوا تیرۆرستى یا داعش ل پارێزگه‌ها نه‌ینه‌وا.
ئه‌ڤرۆ نیوز:
باشم خشان په‌رله‌مانتارێ سه‌ربه‌خو ل جڤاتا نوونه‌رێن عیراقێ راگه‌هاند بۆ هه‌لبژارتنێن بهێت كۆ بریاره پێشوه‌خت ل عیراقێ بهێنه‌كرن نێزكی 90% یا په‌رله‌مانتاران خۆ نه هه‌لبژێرن.
میدیایێن عیراقی ژ زاری ناڤبر به‌لاڤكریه كۆ پرانیا پارتێن سیاسی یێن هه‌رێما كوردستانێ دو دلن ژ هه‌لبژارتنێن پێشوه‌خت له‌ورا بریار دایه كه‌سین نوو بینه پێش.
بریاره هه‌فتیا بهێت محه‌مه‌د عهلاوی وه‌ك سه‌رۆك وه‌زیری نوو یی عیراقی ده‌ست بكار بیت پاشی پلان بۆ هه‌لبژارتنێن پێشوه‌خت بهێته‌كرن .
لگۆری یاسایا عیراقێ ئه‌و په‌رله‌مانتارێ 50 سالی ته‌مامكر و 15 سال خزمه‌تكری ماف هه‌یه خۆ خانه‌نشین بكه‌ت.
ئەڤرۆ نیوز:
قائیمقامیا قەزا دهۆکێ راگەهاند، بریارە سوبەهی شەمبیێ 15.2.2020 ل سەنتەرێ باژێرێ دهوکێ،رێڤەبەریا نەفت و کانزایان ب هەڤکاریا قائیمقامیا قەزا دهوکێ ، دێ گەرەکا دی یا پلێتێن گازا سپی ل سەر وەلاتیان بەلاڤ کەت.
قائیمقامیا قەزا دهوکێ راگەهاند سوبەهی(۲۰۲/۲/۱٥)ل ئاڤاهیێ قائیمقامیا قەزا دهۆکێ دێ پتر ژ سێ هزار پلێتێن گازا سپی گەهنە دەستێ بکارێن ئاهێن خوارنێ یێن سەنتەرێ باژێرێ دهوکێ.
هەروەسا گۆتیە، قائیمقامیا دهوکێ خواست وەلاتیێن ناڤێن وان لدەڤ ڤان بریکارێن ئاهێن خوارنێ ،ب زووترین دەم سەرەدانا بریکارێن خوە بکەن، داکو پلێتێن خو وەربگرن.
وەلاتی ژی دشێن بەهرا خوە یا گازا سپی ل گورەپانا مزگەفتا مەلا( شوکری) نێزیک پێشەسازیا بەروشکێ وەربگرن.
پروسێسا بەلاڤکرنا گازێ ژبۆ وەلاتیێن سەنتەرێ باژێرێ دهوکێ دێ یا بەردەوام بیت.
دیسان ناڤێ بڕیکارێن ئاهێن خوارنێ ژی هاتینە دیار کرن.
نيشاندان