ئه‌ڤرۆ نیوز:

سوپایێ عیراقێ ئوپراسیونه‌كا سه‌ربازی ل ئه‌نبار و تایبه‌ت ل ده‌ڤه‌رێن توخیبی دژی پاشمایێن داعشێ ده‌ستپێكر.

سوپایێ عیراقێ د راگه‌هاندنه‌كێ دا دیاركر كۆ ئه‌ڤرۆ رۆژا چارشه‌مبی 12/2/2020 ل بن ناڤێ قاره‌مانێن عیراقێ ئوپراسیونێ ده‌ستپێكرێه‌ و بۆ لیگه‌ریان و دووڤچوونا ئه‌وان ده‌ڤه‌رێن توخیبی یێن ل گه‌ل ئوردنێ ل ئه‌نبار دژی پاشمایێن داعشێ كۆ ئه‌ڤه‌ ده‌مه‌كه‌ ده‌ست ب چالاكیان كرینه‌ ل وێ ده‌ڤه‌رێ.

د راگه‌هاندنا سوپایێ عیراقێ دا هاتیه‌ دیاركرن كۆ ئوپراسیون بۆ سه‌قامگیریا ئاسایش و ئارامیێ یه‌ ل دڤه‌رێ و ژناڤبرنا پاشمایێن داعشیێ یه‌.

ئه‌ڤرۆ نیوز، قائید میرۆ
بڕیاره‌ هه‌تا ده‌مێ دووماهیا ڤێ هه‌یڤێ به‌ربژارێ راسپاردی بۆ پۆستێ سه‌رۆك وه‌زیرێن عیراقێ، محه‌مه‌د ته‌وفیق عه‌لاوی كابینا خوه‌ پێشكه‌شی جڤاتا نوونه‌رێن عیراقێ بكه‌ت، په‌یڤدارێ فراكسیۆنا پارتی دیموكراتی كوردستان ژی ل جڤاتا نوونه‌ران راگه‌هاند، پارتی دێ پشته‌ڤانیا هه‌ر سه‌رۆك وه‌زیره‌كی كه‌ت هه‌كه‌ بشێت عیراقێ ژ ڤێ قه‌یرانێ ده‌رباز بكه‌ت و دبێژیت، مه‌رجێ مه‌ بۆ سه‌رۆكێ وه‌زیران یێ نوو بجهئینانا دستوورێ عیراقێ یه‌.
ئارام باله‌ته‌یی، په‌یڤدارێ فراكسیۆنا پارتی دیموكراتی كوردستان ل جڤاتا نوونه‌رێن عیراقێ دیاركر” بابه‌تێ دیاركرنا سه‌رۆك وه‌زیرێن عێراقێ هه‌ر ژ ده‌ستپێكێ مه‌ گوتیه‌ گرێدای ناڤمالیا شیعی ڤه‌یه‌، زێده‌تر هه‌ر كه‌سه‌كێ ئه‌و بگه‌هنه‌ رێككه‌فتنێ ل سه‌ر به‌ربژاره‌كی بۆ پۆستێ سه‌رۆكێ وه‌زیران، مه‌ چو هێلێن سۆر ل سه‌ر چو كه‌سه‌كی نینن، بۆچوونا پارتی ئه‌وه‌ كه‌سه‌ك ببیته‌ سه‌رۆكێ وه‌زیران كو شیانێن چاره‌سه‌ركرنا ئاریشێن عیراقێ هه‌بن و بشێت عیراقێ ژ ڤان ئاریشێَن نوكه‌ تێدا ده‌رباز دبیت قورتال بكه‌ت، هه‌روه‌سا داخوازیێن خوه‌نیشانده‌ران ژی بجهبینیت، به‌رۆڤاژی ئه‌م دێ هاریكاربین د گه‌ل حوكمه‌تا عیراقێ بۆ چاره‌سه‌ركرنا ئالۆزیێن وه‌لاتی، تنێ داخوازیا مه‌ ژ محه‌مه‌د ته‌وفیق عه‌لاوی سه‌رۆك وه‌زیرێن نوو راسپاردی یێ عیراقێ، بجهئینانا دستوورێ عیراقێ یه‌ و پێگیریێ ب رێككه‌فتنێن د ناڤبه‌را هه‌ردو حوكمه‌تێن به‌غدا و هه‌رێما كوردستانێ دا بكه‌ت”.
ل دۆر رێ و جهێن قانوونی بۆ پێكئینانا كابینا نوو یا حوكمه‌تا عیراقی َ ب سه‌رۆكایه‌تیا محه‌مه‌د ته‌وفیق عه‌لاوی، په‌یڤدارێ فڕاكسیۆنا پارتی دیموكراتی كوردستان گوت” ب گۆره‌ی دستووری، هه‌ر ل رۆژا هاتیه‌ راسپاردن، پێدڤیه‌ سه‌رۆك وه‌زیرێن راسپاردی بۆ ده‌مێ 30 رۆژان كابینا خوه‌ پێشكه‌شیجڤاتا نوونه‌رێن عیراقێ بكه‌ت تاكو ده‌نگی ل سه‌ر بده‌ت، ئانكو دێ هه‌تا دووماهیا ڤێ هه‌یڤێ، عه‌لاوی ده‌لیڤه‌ هه‌بیت بۆ پێشكه‌شكرنا كابینا خوه‌ یا نوو حوكمه‌تێ”.
سه‌باره‌ت رێككه‌فتنێن د ناڤبه‌را هه‌رێما كوردستانێ و به‌غدا ژی، ئارام باله‌ته‌یی ئاماژه‌كر” ئه‌م داكۆكیێ ل سه‌ر وێ چه‌ندێ دكه‌ین كو رێككه‌فتن د به‌رده‌وامن د ناڤبه‌را هه‌رێما كوردستانێ و عیراقێ دا و هه‌ردولا ژی د پێگیربن بجهئینانا رێككه‌فتنێن هاتینه‌ ئه‌نجامدان، ئه‌م باوه‌رین هه‌موو رێككه‌فتنێن هاتینه‌ كرن د چوارچوڤێ قانوونێ و دستوورینه‌، چو به‌هانه‌ نینن پێگیری ب رێككه‌فتنێن به‌ری نوكه‌ نه‌هێته‌كرن وئه‌م د گه‌شبینین كو سه‌رۆك وه‌زیرێن نوو ژی دێ پێگیربیت ب وان رێككه‌فتان،”.
هه‌روه‌سا گۆت” دانوستاندن و لێك تێگه‌هشتن د ناڤبه‌را هه‌ردولا دا یێن هه‌ین، به‌لێ هێشتا ئه‌م ب هووری بابه‌تان دا”.

ئه‌ڤرۆ نیوز:

ئه‌بو دوعا عیساوی راوێژكارێ سه‌ربازی یێ موقته‌دا سه‌در، كو رێبه‌رێ ره‌وتێ دهنێریته‌ دناڤ گوره‌پانا ته‌حریر ل به‌غدا تاكو كۆمبوونێ ل گه‌ل خونیشانده‌ران بكه‌ت.

لگۆری راگه‌هاندنێن میدیایێن عیراقی، ئه‌بو دوعا عیساوی دهی هه‌ینی گه‌هشته‌ گوره‌پانا ته‌حریر و كۆمبوون ل گه‌ل خودانێن خیفه‌تگه‌هێن گوره‌پانێ كر.

عیسا وی ل گه‌ل خونیشانده‌ران رێكه‌تن بۆ ده‌رخستنا كلاڤ شینان ژ گوره‌پانێ و رێنه‌گرتن و ریب ریب نه‌بونا خانیشانده‌ران.

خونیشانده‌ران ژی داخاز ژ عیساوی كر، كو ره‌وتێ سه‌در ب فه‌رمی داخازا لێبورینێ ژ ئه‌وان خونیشانده‌ران بكه‌ت یێن كۆ ژلایێ كولاڤ شینان ڤه‌ هاتینه‌ ئێشاندن.