ئەڤرۆ نیوز، نەوزاد هلۆری:
ئێڤاریا ئەڤرۆ پێنجشه‌مبى 7/11/2019 ب بەرهەڤبوونا نوونەرێ سەرۆکێ حوکمەتا هەرێما کوردستانێ و پارێزگارێ دهۆک و سەرۆکێ زانکۆیا دهۆک و جڤاتا زانکۆیێ و ماموستا و قوتابی و کەسوکارێن قوتابیان گەرا 24 یا دەرچۆنا قوتابیێن زانکۆیا دهۆک ب رێڤەچۆ و تێدا باەرنامە ل سەر چوار هزار و حەفت قوتابیان ژ 18 کولیژ و 68 پشکێن زانستی یێن جودا هاتنە دان.
ئه‌ڤرۆ نيوز:
ژێده‌ره‌كێ به‌رپرس ل پاريزگه‌ها ديوانيه ل باشوورێ عيراقێ راگه‌هاند، فه‌رمانا ده‌سته‌سه‌ركرنێ بۆ 23 ئه‌ندامێن جڤاتا پارێزگه‌ها ديوانيه هاتيه ده‌ركرن.
وى ژێده‌رى دياركر ژى” ئه‌گه‌رێ ده‌ركرنا وێ فه‌رمانێ، په‌يوه‌نديا وان ئه‌ندامێن جڤاتا پارێزگه‌هێ يه ب دۆسيێن گه‌نده‌ليێ ل سنوورێ وێ پارێزگه‌هێ”.
فه‌رمانا ده‌سته‌سه‌ركرنا وێ هژمارا ئه‌ندامێن جڤاتا پارێزگه‌ها ديوانيه ژ لايێ ده‌سته‌يا ده‌ستپاكيێ ل وێ پاريزگه‌هێ هاتيه ده‌ركرن و ئه‌و ئه‌ندامه د تۆمه‌تبارن ب گه‌نده‌ليێ و هه‌ده‌ردانا سامانێ گشتى.
هه‌روه‌سا فه‌رمانا ده‌سته‌سه‌ركرنێ بۆ قايمقامێ قه‌زا ديوانيه ژى يا ده‌رچووى كو ئه‌وژى يێ تۆمه‌تباره ب گه‌نده‌ليێ.
ئه‌ڤرۆ نیوز:
ژێده‌ره‌كى ژ وه‌زاره‌تا دارایى و ئابوورى ل هه‌رێما كوردستانێ ژڤانێ ده‌ستپێكرن ب به‌لاڤكرنا مووچێ هه‌یڤا هه‌شت یێ فه‌رمانبه‌رێن هه‌رێمێ دیاركر.
وى ژێده‌رى زێده‌تر بۆ باسنیوز گۆت” چو گرفت د به‌لاڤكرنا مووچێ فه‌رمانبه‌رێن هه‌رێما كوردستانێ دا نینه و بریاره رۆژا پێنجشه‌مبى 7/11/2019 ده‌ست ب به‌لاڤكرنا مووچێ هه‌یڤا 8 بهێته كرن”.
ل دووڤ پێزانینان ل رۆژا پێنجشه‌مبى دێ مووچێ پشكه‌ك ژ هێزێن وه‌زاره‌تا پێشمه‌رگه هێته به‌لاڤكرن.
ئه‌ڤرۆ نيوز:
چه‌نده‌كێ به‌رى نها كۆمبوونا هه‌رسێ سه‌رۆكاتيێن هه‌رێما كوردستانێ و كه‌سێن ئێكێ يێن لايه‌نێن سياسى ب پشكداريا سه‌رۆك كۆمارێ عيراقێ ل هه‌ولێر ده‌ستپێكر.
ب گۆره‌ى پێزانينان ته‌وه‌رێ سه‌ره‌كى يێ كۆمبوونێ دانوستاندنه ل سه‌ر كاودانێن نها يێن عيراقێ و چاوانيا سه‌ره‌ده‌ريكرن ل گه‌ل پێشهاتێن عيراقێ و ده‌ڤه‌رێ.
كۆمبوونا به‌رپرسێن بلندێن هه‌رێما كوردستانێ و سه‌رۆك كۆمارێ عيراقێ و كه‌ساتيێن ئێكێ يێن لايه‌نێن سيساى يا هه‌ڤده‌م ل گه‌ل وان كاودانێن ل به‌غدا هه‌ين ژ ئه‌گه‌رێ خوه‌نيشاندانان و بزاڤێن گوهۆڕينا حوكمه‌تا عيراقێ و راستڤه‌كرنا دستوورى.
د دووماهى كۆمبوون دا ژماره‌كا هێز و لايه‌نێن سياسى ل عيراقێ ب سه‌رپه‌رشتيا به‌رهه‌م سالح سه‌رۆك كۆمارێ عيراقێ، ل سه‌ر چه‌ند خالان رێ كه‌فتينه و ئێك ژ وان خالان ژى راستڤه‌كرنا چه‌ند برگێن دستوورى يه.
ئه‌ڤرۆ نيوز:
سه‌رۆك كۆمارا عيراقێ به‌رهه‌م سالح ئه‌ڤرۆ دوشه‌مبى 4/11/2019 گه‌هشته هه‌ولێرێ و ژ لايێ نێچيرڤان بارزانى سه‌رۆكێ هه‌رێما كوردستانێ و هژماره‌كا به‌رپرسێن هه‌رێمێ هاته پێشوازيكرن.
برياره د سه‌ره‌دانا خوه دا بۆ هه‌ولێرێ، به‌رهه‌م سالح ل گه‌ل هه‌رسێ سه‌رۆكايه‌تيێن هه‌رێما كوردستانێ و لايه‌نين سياسى كۆم ببيت بۆ به‌حسكرنا ره‌وشا عيراقێ و گوهۆرينين ده‌ڤه‌رێ.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ دوشه‌مبى 4/11/2019 پێشوازى ل شانده‌كێ جڤاتا بازرگانى عيراقى – بريتانى كر، ب سه‌رۆكاتيا ئێما نيكلسن نوونه‌را سه‌رۆك وه‌زيرێن بريتانيا بۆ كاروبارێن بازرگانيێ ل گه‌ل عيراقێ.
د كۆمبوونه‌كێ دا دانوستاندن ل دۆر گه‌شه‌پێدانا په‌يوه‌نديێن باڤرگانى د ناڤبه‌را بريتانيا و هه‌رێما كوردستانێ و عيراقێ هاتنه كرن.
ئێما نيكلسن ئاماژه دا كو حوكمه‌تا بريتانيا يا به‌رهه‌ڤه هاريكاريا حوكمه‌تا هه‌رێما كوردستانێ بكه‌ت د بجهئينانا كارناما خوه‌دا د وارێ هه‌مه‌جۆركرنا ئابوورى و پشت نه‌به‌ستن ب ئێك ژێده‌رى بۆ داهاتى.
سه‌رۆكێ حوكمه‌تا هه‌رێما كوردستانێ دووپاتى ل وێ چه‌ندێ كر كو ئێك ژ ئارمانجێن سه‌ره‌كى يێن كابينا نه‌هێ ئه‌وه، ب رێيا پێشخستنا شيانان و ديتنا بازارى بۆ به‌رهه‌مێن ناڤخوه، هه‌رێما كوردستانێ ژ جڤاكه‌كێ به‌كاربه‌ر بكه‌ته به‌رهه‌مئينه‌ر.
ئه‌ڤرۆ نيوز:
به‌رپرسێ ده‌زگه‌هێ هه‌لبژارتن يێ پارتى ديموكراتى كوردستان راگه‌هاند، پارتى يا به‌رهه‌ڤه بۆ هه‌لبژارتنێن پێشوه‌خت، دياركر ژى كو هه‌لبژارتنێن پێشوه‌خت هێشتا پێشنيازه و هه‌كه بريار ل سه‌ر هاته دان، دێ هه‌موو لايه‌ن پێگير بن ب ئه‌نجامدانا وان.
خسرۆ گۆران، به‌رپرسێ ده‌زگه‌هێ هه‌لبژارتن يێ پارتى ديموكراتى كوردستان گۆت” هێشتا پرسا هه‌لبژارتنێن پێشوه‌خت پێشنيازه و نه‌بوويه بريار”.
خسرۆى زێده‌تر بۆ مالپه‌رێ فه‌رميێ پارتى گۆت” هه‌لبژارتنێن پێشوه‌خت وى ده‌مى دهێنه ئه‌نجامدان كو حوكمه‌ت دهێته هه‌لوه‌شاندن، هه‌لبژارتنێن بۆرى ژى ساله‌ك يا ل سه‌ر بۆرى و ده‌مه‌كێ گه‌له‌ك نينه هاتينه ئه‌نجامدان”.
ئاماژه كر ژى”هه‌ر برياره‌ك ژ به‌غدا بۆ ئه‌نجامدانا هه‌لبژارتنێن پێشوه‌خت بهێته ده‌ركرن، پارتى ژى وه‌كو لايه‌نێن دى يێن عيراقى پێدڤيه خوه به‌رهه‌ڤ بكه‌ت و ئه‌م ژى بۆ هه‌ر هه‌لبژارتنه‌كێ د به‌رهه‌ڤين هه‌كه بهێته ئه‌نجامدان”.
ئه‌ڤرۆ نيوز:
ژ ئه‌گه‌رێ خوه‌نيشاندانان ل به‌رده‌م به‌نده‌رێ ئوم قه‌سر ل پارێزگه‌ها به‌سره كو ئه‌و به‌نده‌ره دكه‌ڤيته سه‌ر كه‌نداڤى، زێده‌تر ژ 100 خوه‌نيشانده‌ران ژبه‌ر بكارئينانا غازا روندك رێژ ژ لايێ هێزێن ئه‌منى ڤه بريندار بووينه.
خوه‌نيشادان ل به‌رده‌م به‌نده‌رێ ناڤبرى دو رۆژه ل سه‌ر ئێك د به‌رده‌وامن و خوه‌نيشانده‌ران ئه‌و به‌نده‌ره داخستيه.
د هه‌مان ده‌م دا خوه‌نيشانده‌رێن پارێزگه‌ها مه‌يسان رێيا سه‌ره‌كى بۆ كێلگه‌ها (بازرگان) يا پترۆلى ل وێ پارێزگه‌هێ داخستيه.
ئه‌ڤرۆ نیوز:
كۆمبوونا لایه‌ن و كه‌سایه‌تیێن سیاسى یێن عیراقى ل گه‌ل به‌رهه‌م سالح سه‌رۆك كۆمارا عیراقێ ب دووماهى هات و لایه‌نێن ناڤبه‌رى ل سه‌ر چه‌ند خالان رێككه‌فتن.
سایتێ (المسلة) یێ عیراقى به‌لاڤكر كو د وێ كۆمبوونێ دا سه‌رۆكێن لیستێن سیاسى ل گه‌ل سه‌رۆك كۆمارى گه‌هشتنه رێككه‌فتنێ ل دۆر چه‌ندین خالان.
سایتێ ناڤبرى دیاركر كو 10 كه‌سایه‌تیێن عیراقى یێن دیار د وێ كۆمبوونێ دا پشكدار بوون، ژوان هادى عامرى و محه‌مه‌د حه‌لبووسى و فالح فه‌یاز و نورى مالكى ره‌شید عه‌زاوى.
هه‌روه‌سا وى سایتى ئاشكراكر كو لایه‌ن و كه‌سایه‌تیێن سیاسى یێن پشكدار د كۆمبوونێ دا ل سه‌ر ڤان خالان گه‌هشتنه رێككه‌فتنێ:
- راستڤه‌كرنا پێدڤى یا دستوورى.
- راستڤه‌كرنا قانوونا هه‌لبژارتنان.
- ئه‌نجامدانا هه‌لبژارتنێن پێشوه‌خت.
- ئه‌نجامدانا بله‌ز یا چاكسازیان كو ژیانا خه‌لكى ب گوهۆرن.
- پاراستنا خوه‌نیشانده‌ران.
ئه‌ڤرۆ نيوز:
وه‌زاره‌تا كاره‌بێ ل هه‌رێما كوردستانێ راگه‌هاند، ل ده‌ستپێكا هه‌يڤا ته‌باخا 2019 ده‌ست ب گرێدانا پيڤه‌رێن زيره‌ك بۆ هه‌موو هه‌ڤپشكێن كاره‌بێ ل هه‌رێمێ و هه‌تا نوكه پتر ژ 41 هزار پيڤه‌رێن زيره‌ك يێن كاره‌بێ ل هه‌رێمێ يێن هاتينه‌گرێدان بۆ مالان.
ئوميد محه‌مه‌د سالح، په‌يڤدارێ وه‌زاره‌تا كاره‌بێ ل هه‌رێما كوردستانێ د داخۆيانيه‌كا رۆژنامه‌ڤانى دا گۆت” رێيا ئێكانه بۆ كونترۆلكرنا هه‌ڤپشك و بكارئێنه‌رێن كاره‌با نيشتمانى، پيڤه‌رێ زيره‌كه، كو برياره د ده‌مێ 18 هه‌يڤان دا هه‌موو پيڤه‌ر بهێنه گرێدان، ب ڤێ چه‌ندێ ژى دێ پاره‌كێ زۆر بۆ حوكمه‌تێ زگريت كو سالانه بۆ به‌رهه‌مئينانا كاره‌بێ د مه‌زێخيت”.
نيشاندان