ئه‌ڤرۆ نيوز:

به‌رپرسه‌كێ بلند ل وه‌زاره‌تا پێشمه‌رگه‌ ل هه‌رێما كوردستانێ ئاشكرا دكه‌ت، برياره‌ ل هه‌يڤا چريا دويێ شانده‌كێ بلند يێ وه‌زاره‌تا به‌رگريا عيراقێ سه‌ره‌دانا هه‌ولێرێ بكه‌ت.

ليوا (قاره‌كان شێخ كه‌مال) جێگرێ سه‌رۆك ئه‌ركانێ سوپا بۆ ئۆپه‌راسيۆنان ل وه‌زاره‌تا پێشمه‌رگه‌ راگه‌هاند” په‌يوه‌نديێن د ناڤبه‌را وه‌زاره‌تا پێشمه‌رگه‌ و وه‌زاره‌تا به‌رگريا عيراقێ د لاوازن و پشتى سه‌ره‌دانا وه‌زيرێ پێشمه‌رگه‌، نوكه‌ بزاڤ دهێنه‌ كرن په‌يوه‌ندى بهێنه‌ ئاسايى كرن”.

ئه‌ڤرۆ نیوز:

وه‌زاره‌تا خواندنا بلند و ڤه‌كۆلینێن زانستى ل هه‌رێما كوردستانێ ئه‌ڤرۆ پێنجشه‌مبى 24/10/2019 بریار دا كو ئه‌و قوتابیێن دو وانه‌ هه‌ین ل دو قۆناغێن جودا، دێ بۆ وان بیته‌ (عبور).

هه‌ر زانكۆیه‌ك ل دووڤ تایبه‌تمه‌ندیا خوه‌ دێ (تغییر الحاله) بۆ یێن كه‌فتى ئه‌نجام ده‌ت.

ئه‌ڤرۆ نيوز:

د راگه‌هاندنه‌كێ سۆپايێ توركيا ئاماژه‌ ب وێ چه‌ندێ دكه‌ت كو ئامانجه‌كا پارتيا كرێكارێن كوردستانێ – په‌كه‌كه‌ ل چيايێ گاره‌يى ل نێزيك ئامێديێ كريه‌ ئارمانج و دو سه‌ركردێن وێ پارتيێ كوشتينه‌.

ب گۆره‌ى راگه‌هاندنه‌كا سۆپايێ توركيا، ئه‌و دو سه‌ركرده‌ د ليستا سۆر يا داخوازكريان دا بووينه‌ ب ناڤێن سێرڤه‌ت ئايدن و سۆلمه‌ز يه‌شار.

هه‌تا نها په‌كه‌كێ چو داخۆيانيه‌ك د ده‌رباره‌ى وێ هێرشا له‌شكرێ توركيا و ب ئارمانج گه‌هاندنا دو سه‌ركردێن خوه‌ به‌لاڤ نه‌كريه‌.

ئه‌ڤرۆ نيوز:

وه‌زاره‌تا كاره‌بێ گه‌ل هه‌رێما كوردستانێ ئه‌ڤرۆ سێشه‌مبى 22/10/2019 ئاگه‌هاداريا وه‌لاتيان كر كو هه‌ر ژ ئه‌ڤرۆ ره‌وشا كاره‌با هه‌رێمێ ئاسايى بوو.

وه‌زاره‌تا كاره‌بێ د رۆهنكرنه‌كێ دا به‌لاڤكر” هه‌ڤپشكێن كاره‌بێ ئاگه‌هدار دكه‌ين كو ئه‌ڤرۆ ره‌وشا كاره‌با هه‌رێمێ ئاسايى بوو، ئه‌ڤ چه‌نده‌ ژى پشتى بۆ ده‌مێ 12 رۆژان كۆمپانيا (دانه‌ غاز) ب سه‌رپه‌رشتيا وه‌زاره‌تا سامانێن سروشتى ب سه‌ركه‌فتيانه‌ ئه‌و پرۆسا چاكسازيێ بجهئينا كو به‌رى هاتنا وه‌رزێ زڤستانێ پێدڤى بوو ل كێلگه‌يێن (كۆرمۆر) ئه‌نجام بده‌ت كو ژ به‌ر وێ چه‌ندێ كاره‌با نيشتمانى كێم ببوو”.