ئەڤرۆ نیوز،عەلی حاجی :
د داخویانیەکێ د ئەندامەکێ لژنا موەلیدەیان ل زاخۆ بۆ ئەڤرۆ نیوز دیارکر هەر خودان موەلیدەیەکێ ل زاخۆ پێگیر نەبیت ب بریارا لژنا بلند ل پارێزگەها دهوکێ دێ هێتە رەوانە کرن بۆ دادگەهێ و ڤێ جارێ ژی دێ ب رێیا دادگەهێ سەرەدەری دگەل دا هێتە کرن.
زێدەتر لاوین شێرکو گوت: هەر خودان موەلیدەک ل هەیڤا بوری بۆ ئەمپێرەکێ کارەبێ ٩٥٠٠ هزار دینا وەرگرت بن پێدڤی یە بۆ هەیڤێ هزار دیناران کێمتر وەربگریت ئانکو بۆ هەر ئامپێرەکێ کارەبا موەلیدەی ٤٢٥٠ هزار دیناران وەربگریت، هە رخودان موەلیدەک پێگیر نەبیت ب ڤێ چەندێ دێ ناڤێ وان هێتە رەوانە کرن بۆ دادگەهێ و ب رێیا دادگەهێ دێ سەرەدەری دگەل دا هێتە کرن و هەر کەسەکێ پارێ زێدە بۆ هاولاتیان ڤەگەراندی مە چو کێشەیەک دگەل دا نامینیت و هیڤی خازین خودانێن موەلیدەیان خوە دور بکەن ژڤێ چەندێ و دا کو نەچار نەبین ب رێیا دادگەهێ سەرەدەریێ دگەل دا ئەنجام بدەین.
و گوت ژی : ل جارا بوری مە سکالا خوە ڤەکێشا ژ دادگەهێ بەلێ بەرامبەر دووبارە بونا هەر کێشەیەکا ب ڤی رەنگی ژلایێ خودانێن موەلیدەیان ڤە ئێکسەر دێ سکالا ل سەر هێتە تومار کرن و ئەو پارێ زێدە ژی وەرگرتی د جارەکادی ڤەگەرینیتەڤە، هاولاتیێن خوە ژی ئاگەهدار دکەین هەر خودان موەلیدەیەک پارەیەکێ زێدەتر ژ پارێ دەست نیشان کری وەربگریت پێدڤی یە مە ئاگەهدار بکەت .
نيشاندان
