ئەڤرۆ نیوز:

ئەڤرۆ تەرمێ گەنجێ هەولێر ل گەلیێ شێرانە هاتە دیتن و ب گۆرەی پێزانینێن دەستپێکی یێ د چیایی دا فری.

مەحمود نهێلی پەیامنێرێ ئەڤرۆ نیوز ل دەڤەرا ئامێدیێ راگەهاند کو خێزانا وی گەنجی هاتە ئاگەهدارکرن کو تەرمێ وی ل گەلیێ شێرانە هاتیە دیتن.

زێدەتر گۆت: نها تەرمێ وی یێ بەر ب نەخۆشخانا دێرالۆک یێ ساخلەمیا دەستپێکی و دهێتە پێشبینیکرن بۆ نوشداریا داد ل دهۆکێ بهێتە رەوانەکرن.

ئه‌ڤرۆ نيوز، نيوار محه‌مه‌د سه‌ليم:

لژنا پەروەردێ ل جڤاتا پارێزگەھا دھۆکێ سەرەدانا پەروەردا رۆژھەلات دا و تێدا ھەر ئێک ژ بابەتێن رەوشا قوتابی و قوتابخانا و چاوانیا وەرگرتنا فرۆشگەھێن قوتابخانا و دووڤچوونا رێنمایێن وان ھاتنە گەنگەشە کرن.

جمبەد شوکری، سەرۆکا لژنا پەروەردە و خواندن و ئەوقاف و کاروبارێن ئاینی، د داخۆیانیەکێ دا بۆ ئه‌ڤرۆ نيوز راگەھاند کو ئەوان سەرەدانا پەروەردا رۆژھەلات ل دھۆک دا و ژ نێزیک ھایداری رەوشا سالا نوو یا خواندنێ بوون.

جمبەد شوکری گۆت: “چوونا مە بۆ پەروەردا رۆژھەلات ل دھۆکێ د درێژاھیا وان سەرەدانێن مە دایە یێن بۆ پەروەردێن قەزایا ب مەرەما ھایداربوون ل سەر رەوشا خواندنێ بەری دەستپێکرنا دەواما فەرمی یا قوتابیان”.

زێدەتر گۆت:“د روونشتنا خوە دا ل گەل رێڤەبەرا پەروەردا رۆژھەلات مە تەکست ل سەر کێماسیێن کەرتێ پەروەردێ کر ل ھەمبەر وان ئاریشێن دکەڤنە د رێیا وان ل گەل دەستپێکرنا سالا نوو یا خواندنێ”.

ئاشکەرا ژی کر کو رێڤەبەرا پەروەردا رۆژھەلات ئەو ھایدار کرینە کو ل سنورێ پەروەردا وان ئەوان پێدڤی ب 10 قوتابخانێن نوو ھەیە بۆ وان دەڤەرێن ژنۆ دھێنە ئاڤاکرن وەکو بێسرێ و نزارکێ.

نەڤەشارت ژی کو ل دووڤ ئەو پێزانینێن وان وەرگرتین، رێکخراوێن نێڤدەولەتی ژی ھاریکاریا وان د ئاڤاکرنا قوتابخان دا ناکەن، ب تنێ ئەو نووژەن دکەن و داخواز ژ رێکخراوێن نێڤدەولەتی یێن تایبەتمەند کر کو چەند قوتابخانەکان ل وی سنوری ڤەکەن ل گۆرەی پێدڤیاتیێ چ ب شێوازێ ئاڤاکرن بن یان ژی دانانا کەرڤانان.

ھەردیسان سەرۆکا لژنا پەروەردە و خواندن و ئەوقاف و کاروبارێن ئاینی دا زانین ژی کو ئەوان دووڤچوونا چاوانیا گرتنا فرۆشگەھێن قوتابخان کرن و گۆت: “مە داخواز ژێ کر کو ل دووڤ رێنمایێن نوو یێن وەزارەتا پەروەردێ بن و ئەم ب خوە ژی ژ لایێ خوە ڤە دێ دووڤچوونا بجھئینانا وان رێنمایان کەین”.

لژنا پەروەردە و خواندن و ئەوقاف و کاروبارێن ئاینی لژنەکا ھەردەمی یا جڤاتا پارێزگەھا دھۆکێ یە و کارێ وێ دووڤچوونا رەوشا پەروەردە و خواندنێ یە ل سنورێ پارێزگەھا دھۆکێ ژ لایەکی ڤە و ژ لایەکێ دی ڤە دووڤچوونا رەوشا کاروبارێن ئاینی ل سنورێ پارێزگەھا دھۆکێ دکەت.

ئه‌ڤرۆ نيوز:

سه‌رۆكێ جڤاتا پاريزگه‌ها دهۆكێ راگه‌هاند كو ل گه‌له‌ك ده‌زگه‌هێن راگه‌هاندنێ ده‌نگويێ گوهۆڕينێن ئيدارا پارێزگه‌ها دهۆكێ به‌لاڤ بووينه‌، به‌لێ هه‌تا نها ب فه‌رمى چو بڕياره‌ك د وێ ده‌ربارێ دا نه‌هاتيه‌ دان.

فه‌هيم عه‌بدولا حه‌مۆ، سه‌رۆكێ جڤاتا پارێزگه‌ها دهۆكێ، بۆ مالپه‌رێ فه‌رمى يێ پارتى ديموكراتى كوردستان گۆت: “ده‌ما حوكمه‌ته‌كا نوو دهێته‌ پێكئينان، گوهۆڕين ژى د ئاسايى نه‌ و ئه‌وليه‌تا حوكمه‌تا نوو ژى رێكخستنا وه‌زاره‌تا و چاره‌كرنا كێشێن ناڤبه‌را هه‌رێم و به‌غدايه‌ و پاشان ژى گوهۆڕينێن د ئيدارێن پارێزگه‌هان دا، به‌لێ هه‌تا نها چو تشته‌كێ فه‌رمى بۆ مه‌ نه‌هاتيه‌ كو دێ گوهۆڕين هێنه‌ كرن”.

سه‌رۆكێ جڤاتا پارێزگه‌ها دهۆكێ گۆتژى: “نها ده‌نگويێن زۆر به‌لاڤ بووينه‌ ده‌رباره‌ى گوهۆڕينێن ئيدارا پارێزگه‌ها دهۆكێ و به‌حسا گه‌له‌ك ناڤان ژى دهێته‌ كرن، به‌لێ هێشتا چو ناڤێن فه‌رمى نه‌هاتينه‌ به‌لاڤكرن و هه‌موو پێشبينى نه‌، ژ به‌ر هندێ كاره‌كێ باش نينه‌ تشته‌ك يێ فه‌رمى نه‌بيت و بهێته‌ به‌لاڤكرن و ئه‌ڤه‌ دبيته‌ ئه‌گه‌ر ئه‌و ميديايێن به‌لاڤ دكه‌ن راستگۆييا خوه‌ ژ ده‌ست بده‌ن، ژ به‌ر هندێ پێدڤيه‌ تشت يێ فه‌رمى بيت پاشى بهێته‌ به‌لاڤكرن”.

فه‌هيم عه‌بدولا حه‌مۆ نه‌ڤه‌شارت كو دێ گوهۆڕين هێنه‌ كرن و دبيت پارێزگار و جڤات و رێڤه‌به‌رێن گشتى و قايمقام و رێڤه‌به‌رێن ناحيا ژى ب خوه‌ ڤه‌ بگريت، “گه‌له‌ك ژى يا گيرۆ بوويى” به‌لێ “هه‌تا نها چو تشته‌كێ فه‌رمى نينه‌”.

ئەڤرۆ نیوز، عەلی حاجی :

ژێدەرەکێ تایبەت ژ لژنا مەوالیدەیان ل زاخۆ بۆ ئەڤرۆ نیوز دیار کر پشتی لژنا بلندا دیار کرنا پارەیێ ھەیڤانە یێ مەوالیدان ٨٥٠٠ دینار بۆ ھەیڤا بوری دەست نیشان کرین، ڤێ چەندێ نەرازیبونا خودانێ مەوالیدان ل زاخۆ ل دووڤ خوە دا ئینا.

وی ژێدەری گوت ژی : پشتی وێ نەرازیبونێ خودانێن ٢١ گروپێن مەوالیدەیان ل زاخۆ،بریارەک دەرکرینە و بریار داینە کو بەرامبەر ھەر ئەمپێرەکێ ٩٥٠٠ دیناران وەربگرن و پێگیر نەبن ب بریارا حکومەتێ کو بۆ ھەر ئەمپێرەێ ٨٥٠٠ ھزار دیار کریمە،ئەڤ چەندە ژی پشتی وێ یەکێ ھات کو خودانێن مەوالیدان دیار دکەن بوو مە ، حکومەت پێدانا کارەبا وان ب ھاولاتیان کێمتر دھەژمێرن و وان پێدانا کارەبێ ب دەمژمیران زێدەتر دایە ژ سەنتەرێ پارێزگەھا دھوکێ.

دا زانین ژی خوادانێن مەوالیدەیان خاات بو بەرامبەر ھەر ڤولتیەکێ ب ٤٢ دیناران بۆ وان ب ھەژمێرن نەک ب ٣٩ دیناران و حکومەتێ ژی بۆ ھەر ڤولتیەکێ ب ٣٩ دیناران ھەژمار کری یە و خودانێ مەوالیدەیان ژڤێ چەندێ رازی نینن.

ل دوماھیێ ھەان ژێدەری گوت ژی : ل روژا پێنچ شەمبیا بوری مە ب رێیا نڤێسارەکێ ناڤێ ١٧ کەسێن خودانێن مەوالیدەیان رادەستی ددگەھێ کری یە و ئەڤرۆ ژی ناڤێ چارێن دی ژی ھاتینە زێدە کرن و مە رەوانەی دادگەھێ کرینە،ژبەر کو وان کەسان سەرپێچی کرینە و ٩٥٠٠ ھزرار بەرامبەر ژ ھەر ھاولاتیەکێ وەرگرتینە و بریارە روژا ئێک شەمبێ ھەتا روژا سێ شەمبێ نوونەرا مە وەکو نوونەرا یاسایی ل قاممقامیا زاخۆ،سکالایێ ل دادگەھێ تومار بکەت ل بەرامبەر وێ سەرپێچیا ھاتیە کرن.