ئه‌ڤرۆ نيوز:
د كابينا نوو يا حوكمه‌تا هه‌رێما كوردستانێ دا ب سه‌رۆكايه‌تيا مه‌سرور بارزانى، كوردێن ئێزدى دێ چار پۆستان وه‌رگرن.
پۆستێن ئێزدى ل كابينا نوو يا حوكمه‌تێ دێ وه‌رگرن، ل دووڤ كوردستان 24 پێك دهێن ژ:
- شيره‌تكارێ سه‌رۆك وه‌زيران بۆ كاروبارێن ئێزديان كو شێخ شامۆ به‌ربژاره بۆ وى پۆستى.
- شيره‌تكارێ په‌رله‌مانێ كوردستانێ بۆ كاروبارێن ئێزديان كو مه‌حما خه‌ليل به‌ربژاره بۆ وى پۆستى.
- بريكارێ وه‌زيرى.
- رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقافێ.
ئەڤرۆ نیوز:
ئەندامەکێ فراکسیونا گۆران ل پەرلەمانێ کوردستانێ دیارکر کومبوونا پەرلەمانی ھەرێما کوردستانێ ئاشکرا کر ل رۆژا پێنج شەمبی دێ دەنگدان ل سەر بەربژێرێن وەزارەتێن کابینەیا نوو یا حوکمەتا ھەرێمێ ھێتە کرن.
زێدەتر شاخەوان رەئووف بەگ گۆت: رۆژا پێنج شەمبی کومبوونا پەرلەمانێ ھەرێما کوردستانێ دێ ھێتە کرن و تێدا دێ دەنگدان ل سەر وەزیرێن کابینا نەھێ یا حوکمەتا ھەرێمێ ھێتە دان و نوکە ژی مژوولی ئامادەکاریانە بۆ ڤێ چەندێ.
ھەژی گۆتنێ یە ئەڤرۆ ٧-٧-٢٠١٩ تەڤگەرا گۆران ب فەرمی ناڤێ کاندیدێن خوە بۆ پوستێن کابینەیا نوو یا حوکمەتا ھەرێمێ رادەستی راسپاردیێ پێکئینانا کابینەیا نوو یا حوکمەتێ کریە.
ئه‌ڤرۆ نيوز:
جڤاتا سه‌ركردايه‌تيا ئێكه‌تى نيشتمانى كوردستان، ل دووڤ مالپه‌رێ PUKmedia ، ب شێوه‌كێ فه‌رمى قوباد تاله‌بانى بۆ پۆستێ جێگرێ سه‌رۆكێ حوكمه‌تا هه‌رێما كوردستانێ ده‌ستنيشانكر.
وى مالپه‌رێ دياركر” جڤاتا سه‌ركردايه‌تيا ئێكه‌تيێ رێواز فايق بۆ پۆستێ سه‌رۆكێ په‌رله‌مانێ كوردستانێ هه‌لبژارت”.
ديسا ئاماژه كر”شێخ جه‌عفه‌ر شێخ مسته‌فا بۆ پۆستێ جێگرێ سه‌رۆكێ هه‌رێما كوردستانێ هاتيه به‌ربژار كرن”.
به‌لاڤكر ژى” هه‌ر ئێك ژ شۆرش ئيسماعيل بۆ پۆستێ وه‌زيرێ پێشمه‌رگه ودارا ره‌شيد بۆ پۆستێ وه‌زيرێ خواندنا بلند وحه‌مه حه‌مه سه‌عيد بۆ پۆستێ وه‌زيرێ ره‌وشه‌نبيرى به‌ربژار هاتينه به‌ربژاركرن”.
ئەڤرۆ نیوز:
رێڤەبەرییا گشتی یێ حەج و عومرێ ل ھەرێما کوردستانێ گەشتا چوونا حەجیێن کوردستانێ یێن ئەڤ سالە بۆ سعودیێ راگەھاند.
ئەڤرۆ رۆژا شەمبی ٦-٧-٢٠١٩ د راگەھاندنەکێ دا رێڤەبەریا گشتی یا حەج و عومرێ ل کوردستانێ بەلاڤ کریە گەشتا ئێکێ یا حەجیێن کوردستانێ بۆ وەلاتێ سعودیێ دێ ل رۆژا پێنج شەمبی رێککەفتی ١١-٧-٢٠١٩ ژ فروکخانەیا ھەولێرێ بۆ باژێرێ جەدە یێ سعودیێ چن و پاش بۆ باژێرێ مەدینێ د کاروانێ ئێکێ دا دێ ٣٧٦ حەجی دێ چن، جیسان ل ھەمان رۆژ دێ ١٨٨ حەجی ژ باژێرێ سلێمانیێ بەر ب مەدینێ رێککەڤن.
ئەڤرۆنیوز،ڕەزوان ڕۆژبەیانى:
رائید عوسمان حەم عەبدولا رێڤەبەرێ بنگەهێ بەرەڤانیێ ل قەزا بەردەرەش بۆ ئەڤرۆنیوز خویاکر پشتی نیڤرۆیا ئەڤرۆ گەنجەک بناڤێ موسعەب عیماد دهام کو ژیێ وی 20سالن و خەلکێ گوندێ موریلانە ل سنوورێ قەزا بەردەڕەش دگەل هەڤالێن خوە دچیتە مەلاڤانگەها بەردەڕەش ژبەر نەزانینا مه‌له‌ڤانيان ناڤبری دخەندقیت.
گۆت ژى”ر ئەو مەلەڤانگەهه کو ل بەردەڕەش هەیە یا بنگەهێ لاوانە ل قەزا بەردەرەش بەلێ ژلایێ کەسەکی ڤە ب گرێبەست ب کرێ هاتیە گرتن و پێدڤى بوو بەردەوام کەسه‌ک کو شارەزایی مەلەڤانيان بیت ل وێرێ ئامادە با داکو سەلامەتیا وه‌لاتیان بهێتە پاراستن ل دەمێ کو مەلەڤانیان دکەن، بەلێ مخابن کەس ل وێرێ نەبوویە و ئەو کەسێن کو دگەل وی گەنجێ بووینە د مەلەڤان نەبوون و نەشیان ژمرنێ ڕزگار بکەن”.
خوياكر” پشتی کو ئەم هاتینە ئاگەهدارکرن، ل جهێ روودانێ ئامادەبووین تەرمێ وی گەنج ژی هاتە رەوانەکرن بۆ نوشداريا داد ل دهۆکێ”.
ئەڤرۆ نیوز، عەلی حاجی :
ئەڤرۆ ل روژا پێنچ شەمبێ رێکەڤتی ٤/۷/۲۰۱۹ ل فەوجا دوو لیوا چار ل کومەلگەها بێگوڤا پەردە ل سەر وێنەێن نەهـ پێشمەرگەێن ل شەرێ دژی رێکخراوا داعش شەهید بوین هاتە لادان.
موقەدم یوسڤ خواجە ئامر فەوجێ دوو بۆ ئەڤرۆ نیوز دیار کر وەکو رێزگرتن ل گیانێ وان نەهـ شەهیدێن سەر ب فەوجا دوو لیوا چار پیادە ڤە دەما دشەرێ دژی رێکخراوا تیروریستیا داعشدا شەهید بوین دناڤا بارەگایێ لیوا چار دا ب ئامادەبونا کەس و کارێن وان شەهیدا و بەرپرسێن پێشمەرگە و حزبی پەردە ل سەر وێنەیێ وان نەهـ شەهیدان هاتە لادان ، ۳ ژ وان کەسان ئێکەم شەهید بون دشەرێ ئازاد کرنا زومار بون ٤ شەهیدێن دی ژی ل باژێرێ شنگالێ شەهید ببون و دوو شەهیدێن دیتر ژی ل حەردان شەهید بون و وێنەێن وان نەهـ شەهیدان هر دناڤ بارەگایێ فەوجێ دا هاتیە دانان .
ئەڤرۆ نیوز:
فراکسیونا پارتی دیموکراتی کوردستان ل پەرلەمانێ کوردستانێ د راگەھاندنەک دا دەربارەی رەوشا خراب یا کارەبا پارێزگەھا دھۆکێ و خزمەتگوزاریان بۆ خەلکێ پارێزگەھێ بەلاڤ کر.
ل دووڤ وێ راگەھاندنا ھاتیە بەلاڤ کرن ئاماژە ب وێ چەندێ ھاتیە کرن فراکسیونا پارتی ئاگەھداری رەوشا خرابیا کارەبا گشتی یا پارێزگەھا دھۆکێ ھەیە و ئەو دێ ھەموو ھەولێن خوە ئێخنە کاری بۆ چارەسەرکرنا ڤێ کێشێ.
ل ھەمان دەم ھاتیە ئاشکرا کرن دگەل لایەنێن پەیوەندیدار و ھەتا سەرۆکێ ھەرێمێ نێچیرڤان بارزانی ل سەر ھێلێ نە بۆ چارەسەکرنا ڤێ رەوشا خراب یا کارەبێ ل زووترین دەم و بۆ ڤێ مەبەستێ ژی نامەیەک خستیە بەردەستێ سەرۆکێ ھەرێمێ.
ئه‌ڤرۆ نیوز:
هژماره‌كا كه‌سوكارێن قوربانیێن زیندانا سیاسى وئه‌نفالكریێن ب ده‌ستێ رژێما به‌عس یا ژناڤچووى، ل پارێزگه‌ها دهۆكێ 30 ساله چاڤه‌رێ قه‌ره‌بووكرنێ ژ به‌غدا دكه‌ن، به‌لێ هێشتا ناڤێن وان وه‌كو كه‌سوكارێن قوربانیێن زیندانیێن سیاسى وئه‌نفالكریان نه‌هاتینه تۆماركرن.
رێڤه‌به‌ریا كاروبارێن شه‌هید وئه‌نفالكریان ل دهۆكێ، ل دووڤ كوردستان 24، ئه‌گه‌رێ ڤێ چه‌ندێ بۆ نه‌بوونا فۆرمان دزڤرینیت ورادگه‌هینیت” وان به‌رده‌وام بزاڤ كرینه ڤێ دۆسیێ ب ڤه‌گوهێزن وبچیته ب سه‌ر به‌غدا ڤه، نوكه ژى هه‌موو پێرابوونێن قانوونى یێن تمام بووین”.
نه‌جلا عه‌لى، كو ئێكه ژ قوربانیێن ده‌ستێ رژێما به‌عس و12 كه‌س ژ مالباتا وێ هاتینه ئه‌نفالكرن بۆ كوردستان 24 دبێژیت” ده‌مێ دو سالایه سه‌ره‌دانا رێڤه‌به‌ریا شه‌هید وئه‌نفالكریان دكه‌م، بۆ وێ چه‌ندێ مافێ من نه‌هێته به‌رزه‌كرن ودمن دڤێت یان وه‌كو قوربانیا ده‌ستێ رژێمێ یان ژى وه‌كو زێندانیا سیاسى بهێمه هژمارتن، به‌لێ وه‌كو ئاماژێ بۆ دكه‌ت، ژبه‌ر نه‌بوونا فۆرمان، هه‌تا نوكه ناڤێ وێ ل رێزا قوربانیان نه‌هاتیه تۆماركرن”.
د ده‌مه‌كى دا كو ل پاریزگه‌ها دهۆكێ هێشتا هژماره‌كا مه‌زن یا قوربانى وزیندانێن سیاسى یێ هه‌ین، كو ناڤێن وان نه‌هاتینه تۆماركرن وده‌مه‌كێ درێژه چاڤه‌رێ گه‌هشتنا فۆرمان دكه‌ن، به‌ره‌ڤان حه‌مدى بریكارێ وه‌زاره‌تا كاروبارێن شه‌هید وئه‌نفالكریان ل هه‌رێما كوردستانێ دبێژیت” نوكه 9 هزار فۆرم یێن گه‌هشتینه سنورێ پارێزگه‌ها دهۆكێ، بۆ تۆماركرنا ناڤێن وان قوربانیێن كو هه‌تا نوكه مامۆلێن وان ب هه‌لاویستى ماین”.
ده‌مه‌كێ درێژه وه‌زاره‌تا كاروبارین شه‌هید وئه‌نفالكریان ب رێیا لژنه‌كێ بزاڤێ دكه‌ت حوكمه‌تا عیراقێ نه‌چار بكت قه‌ره‌بوویا زێان ڤێكه‌فتیێن ده‌ستێ رژێما به‌عس بكه‌ت، سه‌رۆكێ لژنا دانوستاندكارا وه‌زاره‌تا ناڤبرى ( مام ره‌سول) دبێژیت”پرسا ڤه‌گوهاستنا دۆسێیا زیندانیێن سیاسى بۆ سه‌ر حوكمه‌تا فیدرال یا ب دووماهى هاتى وهه‌موو پێرابوونێن قانوونى یێن ده‌رباز كرین”.
ئەڤرۆ نیوز:
رێڤەبەرێ گشتی یێ دیوانا وەزارەتا پەروەردەیا ھەرێما کوردستانێ دەربارەی ماموستایێن گرێبەست و دەرمالەیێن ماوستایان روونکرنەکێ بەلاڤ دکەت.
زێدەتر مەریوان بەگۆ دیارکر ب نڤیسار وان داخواز ژ جڤاتا وەزیران کریە ئەو ماموستایێن ب گرێبەست ھاتینە دامەزراندن ل ئەڤ سالە ب فەرمی بھێنە دامەزراندن و ئەو نوکە چاڤەرێ بەرسڤێ نە، لێ ژلایەکی دی ئەو چاڤەرێ پێکئینانا کابینەیا نوو یا حوکمەتا ھەرێما کوردستانێ نە بۆ دەرکرنا رێنمایێن نوو دەربارەی ڤی بابەتی.
ناڤھاتی ئەو چەندە ژی دیارکر نوکە ل وەزارەتا پەروەردا ھەرێمێ ٦ ھزار ماموستایێن گرێبەست ھەنە و ھندەک ژ وانا خزمەتا وان گەھشتیە پێنج سالان، لێ نوکە سال بۆ سالێ میلاکێ وانا کێمتر دبیت ژ بەر خانەنشینا رێژەیەکا مەزن یا ماموستایان و دەستیریا بێ مووچە و یا دایکانیێ لەورا ب ڤێ چەندێ کێماسیەکا مەزن د میلاکێ وەزارەتا پەروەردێ دا پەیدابوویە و پێدڤی ب چارەسەریێ نە.
ژلایەکێ دی ڤە رێڤەبەرێ گشتی ل دیوانا وەزارەتا پەروەرددێ ئەو چەندە ژی دیارکر چو دەرمالە ژ ماموستایان ناھێنە برین ژبلی یێن ھاتن و چونێ ل دەمێ بھێنڤەدانا ھاڤینی دا.
ئه‌ڤرۆ نيوز:
وه‌زاره‌تا پێشمه‌رگه راگه‌هاند گۆژمێ پێنج مليۆن ديناران دێ بۆ كه‌سوكارێن شه‌هيدێن شه‌رێ داعشێ وئێك مليۆن ديناران ژى بۆ چاره‌سه‌ريا بريندارێن وى شه‌رى.
جه‌بار ياوه‌ر، ئه‌ميندارێ گشتيێ وه‌زاره‌تا پێشمه‌رگه راگه‌هاند” د كۆمبوونه‌كێ دا ب ئاماده‌بوونا وه‌زيرێ ورێكارێ وه‌زاره‌تا دارايى وئابوورى ل هه‌رێما كوردستانێ وبه‌رپرسێن بلند ل وه‌زاره‌تا پێشمه‌رگه هاتيه ئه‌نجامدان، به‌حس ل مه‌زاختى وپێدڤيێن وه‌زاره‌تا پێشمه‌رگه هاته كرن ژ وان ژى وان شه‌هيد وبريندارێن شه‌رێ داعشێ كو هه‌تا نوكه پاره بۆ نه‌هاتيه مه‌زاختن”.
ياوه‌ر د داخۆيانيه‌كا رۆژنامه‌زڤانى دا گۆت ژى” ل شه‌رێ دژى تيرۆرستێن داعشێ 1726 پێشمه‌رگه شه‌هيد بوون، وه‌زيرێ دارايى وئابوورى سۆز يا داى كو كارێ به‌راهيێ يێ وان دابينكرنا پێنج مليۆن ديناران بيت بۆ مالباتێن سه‌ربلندێن شه‌هيدان، چونكى هه‌تا نوكه هژماره‌كا مه‌زن يا مالباتێن شه‌هيدان ئه‌و گۆژمێ پاره‌ى وه‌رنه‌گرتيه”.
نيشاندان