ئەڤرۆ نیوز:

دادگەھا ئتیحادی یا ل عیراقێ ئەو تومەتێن بەری نوکە برێیا پارێزگارێ نە شەرعی یێ کەرکووکێ ڤە ئاراستەکرینە سەرۆکێ جڤاتا پارێزگەھا کەرکووکێ رەتکرن.

ئەڤرۆ رۆژا ئێکشەمبی ٣٠-٦-٢٠١٩ ئەڤرۆ دادگەھا رەسافە ل بەغدا د بریارا خوە یا دووماھیێ دا دەربارەی کەیسێ رێبوار تالەبانی سەرۆکێ جڤاتا پارێزگەھا کەرکووکێ دەرکر و تێدا بێ گونەھـ ھاتە دەرکەفت ژ وان کەیسێن ژلایێ پارێزگارێ نە شەرعی یێ کەرکووکێ راکان جبوری ڤە ھاتینە لڤاندن و ھەموو رێکاریێن قانوونی دەرھەقێ رێبوار تالەبانی ڤە ھاتنە داخستن.

ھەر د ڤێ بریارا دادگەھا رەسافە دا ھاتیە ماف دایێ ڤەگەریتە سەر کارێ خوە دیسان داخوازا قەرەبوویا مادی و مەعنەوی ژی بکەت.

ژلایێ خوە ڤە بەختیار تالەبانی برایێ سەرۆکێ جڤاتا پارێزگەھا کەرکووک سوپاسیا رولێ سەرۆک مەسعود بارزانی کر ژبەر پشتەڤانیا وی بۆ برایێ وی رێبوار تالەبانی.

ھەژی گۆتنێ یە پشتی ریفراندوما سەربەخویا کوردستانێ و خیانەتا ١٦ ئوکتوبەرێ راکان جبوری و ئەو گروپێ دگەل وی دا ماینە ل کەرکووکێ چەندین تومەتێن بێ بنەما ئاراستەی سەرۆکێ جڤاتا پارێزگەھا کەرکووکێ کربوون.

ئه‌ڤرۆ نیوز:

وه‌زاره‌تا كاره‌بێ ل هه‌رێما كوردستانێ رۆهنكرنه‌ك ل دۆر پێدانا كاره‌بێ بۆ وه‌لاتیان به‌لاڤكر ودیاركر كو ل ڤێ هه‌یڤێ زوورترین كاره‌با نیشتمانى بۆ وه‌لاتیێن پارێزگه‌ها سلێمنیێ هاتیه‌ دان وكێمترین كاره‌با بۆ وه‌لاتیێن پاریزگه‌ها دهۆكێ هاتیه‌ دان.

وه‌زاره‌تا كاره‌بێ د رۆهنكرنا خوه‌ دا دبێژیت، ده‌مه‌كه‌ ب رێیا هنده‌ك ده‌زگه‌هێن راگه‌هاندنێ وكه‌سانێن نه‌ به‌رپرس ده‌نگوباسێ خراب به‌لاڤكرنا كاره‌با پارێزگه‌هێن هه‌رێما كوردستانێ دهێته‌ به‌لاڤكرن، له‌وما وه‌زاره‌تا كاره‌بێ ب پێدڤى زانى ڤان ده‌نگوباسان ره‌ت بكه‌ت ب داتا وهژماران بۆ وه‌لاتیان ب ڤى شێوه‌ى دیار بكه‌ت:

- پاررێزگه‌ها هه‌ولێرێ 1129 مێگاوات د ده‌مه‌كى دا خواست ل سه‌ر كاره‌بێ 1800 مێگاوات بوو.

- پارێزگه‌ها سلێمانیێ 753 مێگاوات وگه‌رمیان 138مێگاوات وچه‌مچه‌مال 50 مێگاوات وكارگه‌هێن سلێمانیێ 200 مێگاوات، ژئانكو سه‌رجه‌مێ گشتى وێ كاره‌با هاتیه‌ دان  بۆ پارێزگه‌ها سلێمانیێ 1141 مێگاوات بوو، د ده‌مه‌كى دا خواست ل سه‌ر كاره‌بێ 1200 مێگاوات بوو، ل گه‌رمبان ژى 160 مێگاوات بوو.

- پارێزگه‌ها دهۆكێ 559 مێگاوات، خواست ل سه‌ر كاره‌بێ 900 مێگاوات بوو.

دیار كر ژى” د ڤێ هه‌یڤێ دا ل دووڤ داتایێن رێڤه‌به‌ریا كونترۆلا ناڤه‌ندى ل هه‌رێما كوردستانێ ل دووڤ شێوێ  ل خوارێ دیاركرى كاره‌با بۆ وه‌لاتیان هاتیه‌ دان:

- پارێزگه‌ها سلێمانیێ ب تێكرا 19 ده‌مژمێر و 46 خۆله‌ك  (گه‌رمیان 21 ده‌مژمێر).

- پارێزگه‌ها هه‌ولێرێ ب تێكرا 18 ده‌مژمێر.

- پارێزگه‌ها دهۆكێ ب تێكرا 14 ده‌مژمێر.

ئەڤرۆ،بارزان مزووری: ‏

خسرۆ گوران، بەرپرسێ دەزگەھێ ھەلبژارتنان یێ ‏پارتی دیموکراتی کوردستان بۆ رۆژناما ئەڤرۆ دیار کر، ئەو ‏ھەلبژارتنێن دھێن کرن کو بڕیارە ل ھەیڤا چار سالا بھێت ‏ل پارێزگەھێن عیراقێ پارتی دێ پشکداری وان ‏ھەلبژارتنان دا بیت، ل پارێزگەھا مووسل بەری دوو رۆژا ‏ل پارێزگەھا دھوک بوین ل گەل پارێزگەھا دھوک و ‏بەرپرسێن ئاوارا و کەمپێن ئاواران و بەرپرسێن حیزبی ‏کۆمبوینە ژ بو وێ چەندێ کۆ خوە بۆ ھەلبژارتنێن بھێت ‏بەرھەڤ بکەین، گەلەک ئاوارە یێن پارێزگەھێن ‏عیراقێ ل کوردستانێ یێن ھەین ئەو دێ پشکداری ‏ھەلبژارتنان بن، لقێن مە یێن پارتی ل پارێزگەھا مووسل ‏بۆ بەشداری کرنا ھەلبژارتنان یێ بەرھەڤیا دکەن.‏

بەرپرسێ نڤیسینگەھا ھەلبژارتنێن پارتی پارتی دیارکر، ‏گەلەک ئاوارێن مووسلێ ل ھەولیرێ ژی ھەنە، ل ‏پارێزگەھا دھوک بتنێ 240 ھزار دەنگدەر یێن مافێ ‏دەنگدانێ ھەنە، ومافێ وانایە کێمتر ژ وێ ژمارێ ل ‏سلێمانیێ و ھەولێر یێن ھەین، چونکی ھەر عیراقیەکێ ل ‏ھەر جھەکی ھەبیت مافێ دەنگدانێ یێ ھەی بۆ وێ ‏پارێزگەھێ ئەو پارێزگەھا بەری نوکە لێ ئاکنجی، ‏ڤەگەریانا وان ئاواران بۆ سەر جھێن خوە چ پەیوەندی ب ‏دەنگدانا وان ڤە نینە، بەلێ ڤەگەریانا وان بۆ ‏سەرجھێن وان یا گرنگە، چونکی ئەڤرۆ نەزڤرن دێ ‏ھەر رۆژەک ھێت دوبارە زڤرنە سەر جھێن خۆ. ‏

خسرۆ گۆرانی ھەروەسا گۆت: بەری نوکە لقێن مە دناڤ ‏باژێرێ مووسل بوون د نھا دا دێ کارێ وان دێ ب زەحمەت ‏تر بیت چونکی بەری نوکە لقێن مە یێن پارتی دناڤا مووسل ‏و دەوروبەر بوون ل ھەموو وان باژێرێن سەر ب پارێزگەھا ‏مووسل کارێ خۆ ئەنجام دا ئەم پێدڤی زێدەتر ماندی ‏بوونێ ینە چونکی لقێن مە نەڤەگەریاینە بۆ سەر جھێن ‏بەرێ ،حەتا نھا مە چ بەربژار دەست نیشان نەکرینە ‏ژبەر کۆ ھێش ئەو وەخت مایە. ‏

ناڤھاتی گوت: پەیوەندیێن د ناڤبەرا بەغدا و ھەرێما ‏کوردستانێ دا، نوکە د قوناغێن باش داینە باشتر بەری ‏نوکە مە لێک تێگەھشتنەک مەزن یاھەی د ناڤبەرا ‏بەغدا و ھەولێر ئەو حوکمەتا نوو ب سەرۆکاتیا عادل ‏عەبدولمەھدی بشێوەیەکێ باش سەرەدەری ل گەل ‏بەغدا دھێت کرن، ھەرچەندە گەلەک تشت ماینە ‏نەھاتینە چارەسەرکرن د روویێ پەیوەندیان ڤە لدور ‏پترولێ و موچەی و مافێ ھەرێمێ ڤە و ل نێزیک ھەردوو ‏لا دێ رێککەڤن لدور وان کێشەیێن ماین نەھاتینە ‏چارەکرن.‏

ئه‌ڤرۆ نيوز:

جڤاتا نشتيمانى يا بزاڤا گۆڕأن بۆ ئێكلاكرنا ناڤێن چار وه‌زيرێن بۆ كابينا نوو يا حوكمه‌تا هه‌رێما كوردستانێ، رۆژا پێنجشه‌مبى ل باژێرێ سلێمانيێ دێ كۆم بيت.

ب گۆره‌ى ميديا بزاڤا گۆڕان، د كۆمبوونا جڤاتا نشتيمانى يا بزاڤا گۆڕأن دا، ناڤێ چار به‌ربژاران ئێكلا كه‌ت كو بڕياره‌ د كابينا نوو يا حوكمه‌تا هه‌رێما كوردستانێ ب سه‌رۆكاتيا مه‌سرور بارزانى دا پۆستێن وه‌زارى وه‌رگرن.

هه‌ر وه‌سان د كۆمبوونا جڤاتا نشتيمانى يا بزاڤا گۆڕان دا، 11 به‌ربژێر ژ لايێ لژنێ ب سه‌رۆكاتيا رێكخه‌رێ گشتى يێ بزاڤا گۆڕان هاتينه‌ ئاماده‌كرن، دانوستاندن دێ ل سه‌ر سيڤيان هێته‌ كرن و چار كه‌س بۆ پۆستان دێ هێنه‌ هه‌لبژارتن دا كو راده‌ستى سه‌رۆك وه‌زيرێ راسپاردى يێ هه‌رێما كوردستانێ بكه‌ن.