ئەڤرۆنیوز،سەباح زوهێر:
ل دویف ئامارا گەشتیارێن سەرەدانا دەڤەرا ئاکرێ کرێن ھەر ل رێکەفتی 31_5_2019 ھەتا 9_6_2019 نوزدە ھزارو چار سەدو بیست وسێ (19423) گەشتیار بووینە.
دیدار رەمەران رێڤەبەرێ گەشت و گوزارا ئاکرێ بۆ ئەڤرۆنیوز ددەتە دیارکرن کو ۱۳ جهێن گەشتیاری ل ئاکرێ هەنە کو ۸ ژوان جهێن گەشت و گۆزاری د ئەڤسالەدا بەرهەڤبووینه بۆ ڤەحەواندنا گەشتیاران،کو د دڤان ۱۰روژێن بوریدا پتری ۱۹هزار گەشتیاران قەستا ڤان جهان کریە.
رێڤەبەرێ گەشت و گوزارا ئاکرێ گۆت ژی کو هژمارا گەشتیاران د ئەڤسالەدا زێدەتر ژ سالێن بوری، هەرچەندە لاڤاوێن ئەڤ سالەدا زیان گەهاندینە هندەک جهێن گەشتیاری ل ئاکرێ و هندەک هاتنە نوژەنکرن و ئەو رێکێن خراب بووی کارتێکرنا خوە ل سەر جهێن گەشتیاری هەبوویە، کو گەشتیار نەشیان بچنە وان جهان، مە راپورتێن وان جهان ژی بلندکرینە کو ئەو جهێن زیان پێکەفتین بهێنە قەرەبووکرن.

ئەڤرۆ نیوز،رەمەزان هەرنی:
ل سنورێ‌ قەزایێن ئاكرێ‌ و شێخان و بەردەرەش ل چاڤ ساڵێن بوری ب رێژەكا باش روودانێن ئاگر بەربۆنێ‌ كێم بۆینە و بەرەڤانیا باژێری ل ئاكرێ‌ ژی هزارەها پوستەر بەلاڤكرینە لسەر هاوولاتیا و شوفێرێن دەڤەرێ‌.
موقەدەم فیراس یاسین بەرپرسێ‌ راگەهاندنا بەرەڤانیا باژێرێ‌ ئاكرێ‌ بۆ ئەڤرۆ نیوز گۆت : ل دەمێ‌ چار روژێن بوری ل سنورێ‌ قەزایێن ئاكرێ‌ و شێخان و بەردەرەش 128 روودانێن ئاگری هاتینە توماكرن بەلێ‌ چۆ زیانێن گیانی نەبۆینە بەهرا پتر پوش و پاوان هاتینە سوتن ل گەل 8 دوونەمێن گەنمی و پتر ل دوو هزار دوونەمێن گەنمی ژی هاتینە قورتالكرن ل سوتنێ‌ ژلایێ‌ تیمێن بەرەڤانیا باژێری ڤە.
گوتژی : سنورێ‌ بەرەڤانیا باژێرێ‌ ئاكرێ‌ 15 تیم هاتینە دروستكرن و بەلاڤكرن ل دەڤەرێ‌ بۆ هەر روودانەكا ئاگر بەربۆنێ‌ د بەرهەڤن مە هژمارێن تەلەفونا ژی ل هەموو جهێن گشتی بەلاڤكرینە و ئەڤساڵە 9 هزار پوستەر بۆ ئاگەهداركرنا هاوولاتی و شوفێرا هاتینە بەلاڤكرن ل دەڤەرێ‌ و بڤێ‌ چەندێ‌ ژی 60% روودانێن ئاگر بەربۆنێ‌ كێمكرینە ل چاڤ سالێن بۆری ، پێدڤیە هەر روودانەكا ئاگری دەمێ‌ دروست دبیت ئێكسەر تیمێن مە بهێنە ئاگەهداركرن و ل دەمێ‌ چونا ناڤ زەڤیێن گەنمی ژی پێدڤیە جوتیار رێنمایێن بەرەڤانیا باژیری بجهبینیت.

ئەڤرۆ نیوز،بارزان مزووری:
ئەڤرۆ نیڤرۆ رێکەفتی ١٠ی ئایارێ ٢٠١٩ی “سیروان رۆژبیانی” جێگرێ ئێکێ یێ پارێزگارێ مووسل پشتی دەست بکاربوونا وی سەرەدانا قائیمقامیا قەزا شێخان دا دگەل “سردار یحیی عبدالعزیز”قائیمقامێ قەزا شێخان کۆمبو لدور وان پرۆژێن پێتڤی یێن قەزا شێخان ب ئیدارا مووسل ڤە گرێدای.

سیروان رۆژبیانی، جێگرێ ئێکێ یێ پارێزگارێ مووسل بۆ ئەڤرۆ نیوز گوت: مەرەم ژ ئەنجام دانا کۆمبونێ دگەل قائیمقامێ قەزا شێخان لدور وان پرۆژێن پێتڤی یێن بۆ قەزایێ نەھاتینە ئەنجام دان یێن ئیدارا مووسل ڤە گرێدای کۆ پشتی دەست بکاربوونا پارێزگارێ نوی کار بکەین کو قەزا شێخان وەکو ھەموو قەزایێن دی یێن ب پارێزگەھێ ڤە گرێدای مافێ وان ژ رویێ پرۆژان ڤە نەھێت خارن ھەر بودجەیەکا بھێت بو وان قەزا و ناحیا بەھرا شێخان ژی تێدابیت ،

ناڤھاتی خویاکر د بەردەوامیا کومبوونا خۆدا گەنگەشە ھات کرن کۆ باوەریێ بۆ ئاوارێن نەڤەگەریاینە سەر جھێن خۆ دروست کەن ئەو ئاوارێن دناڤ کەمپان دا دژین ل قەزا شێخان ،

ناڤھاتی گوت قەزا شێخان یا بێ بەھرە ژ پشکەک ژ پرۆژێن خزمەتگوزاری دێ کار کەین کۆ ئەو پرۆژێن پێتڤی بۆ قەزا شێخان ئەنجام دەین .