ئەڤرۆ:
ئەندامەکێ دەستەیا ڤەکۆلینێ و کۆمکرنا بەلگەنامان ل پارێزگەھا دھۆکێ دیار کر لژنەکا ھەماھەنگیێ دناڤبەرا حوکمەتا ھەرێما کوردستانێ و بەغدا دا ھاتیە پێک ئینان. نوکە ھەماھەنگیەکا باش ھەیە بۆ ڤەکۆلینێ و ڤەکرنا گۆرێن بکۆم ل شنگالێ و گۆت: “پشتی جەژنا رەمەزانا پیرۆز ئەم دێ سەرا شنگالێ دەین بۆ راستیا دیتنا ھندەک گۆرێن دی یێن بکۆم ل وێ دەڤەرێ”.
رائید فەلاح حەسەن، ئەندامێ دەستەیا ڤەکۆلینی و کۆمکرنا بەلگەنامان ل پارێزگەھا دھۆکێ دیار کر کو پشتی جەژنا رەمەزانێ ئەو دێ سەرەدانا شنگالێ کەن بۆ دیتن و راستیا گۆرێن بکۆم یێن نوو ھاتینە دیتن و بۆ باسنیۆز گۆت: “نوکە کارێ کۆلانا گۆرێن بکۆم ھاتیە راگرتن، بەلێ پشتی جەژنا رەمەزانێ دێ بەردەوامی ب کارێ کۆلانا وان گۆران ھێتە دان ب تایبەتی ژی ل گوندێ کوچۆ یێ سەر ب قەزا شنگالێ ڤە”.
ناڤھاتی ئاماژە دا وێ چەندێ کو ھەتا نوکە ١٠ گۆرێن بکۆم ل گوندێ کوچۆ ھاتینە کۆلان و ل دووڤ پێزانینان ژی شەش گۆرێن دی یێن بکۆم ل گوندێ ناڤھاتی ھەنە، ھێشتا نەھاتینە کۆلانن.
ھەمان ئەندامێ دەستەیا ڤەکۆلینی و کۆمکرنا بەلگەنامان ل پارێزگەھا دھۆکێ دیار کر کو ھەتا نوکە رووفاتێن ١٣٨ کەسان ژ ناڤ گۆرێن بکۆم ھاتینە دەرخستن ھەموو ژی بۆ نۆشداریا داد ل بەغدا ھاتینە رەوانەکرن و گۆت: “تیمێ نشتیمانی ھاتیە پێک ئینان بۆ وێ چەندێ ئاستەنگ نەمینن و ئەم بشێن ب باشی کارێ خوە دگەل بەغدا ئەنجام بدەین بۆ ڤەکۆلینی و کۆلانا گۆرێن ب کۆم ل قەزا شنگالێ و پشتی ھەیڤا رەمەزانا پیرۆز دێ بەردەوامی ب کارێ کۆلانا گۆرێن ب کۆم ھێتە دان”.
î
نيشاندان
