ئه‌ڤرۆ نیوز:

لژنا په‌روه‌ردێ ل جڤاتا نوونه‌رێن عیراقێ راگه‌هاند: ب ئارمانجا رێگریكرن ژ به‌لاڤبوونا ڤایرۆسێ كورونایێ دناڤ قوتابیان دا، داخاز ژ حكومه‌تا عیراقێ كر پرۆسه‌یا خاندنێ ل ته‌ڤایا ناڤه‌ندێن خاندنێ ل پارێزگه‌هان بهێته‌ راوه‌ستاندن.

لژنا په‌روه‌رده‌یێ د راگه‌هانه‌كێ دا روونكر،  ل سه‌ر راسپارده‌یا لژنا په‌روه‌رده‌یێ، قوسه‌ی یاسر سه‌رۆكێ لژنا په‌روه‌ردێ ل جڤاتا نوونه‌رێن عیراقێ داخازیه‌ك بۆ درێژكرنا بهێنڤه‌دانا بهارێ و به‌رده‌وامی دان ب راگرتنا خاندنێ ئاراسته‌ی حكومه‌تێ كر، داخاز ژ وه‌زاره‌تا په‌روه‌ردێ كر كۆ بهێنڤه‌دانا بهارێ ل عیراقێ تاكو 22 ئادارێ بهێته‌ درێژكرن و رێكارێن پێدڤی بۆ قه‌ره‌بوكرنا ئه‌وی ده‌می بكار بینیت.

ئه‌ڤرۆ نیوز:

پشتی راگه‌هاندنا خۆ ڤه‌كیشانێ ژ پیك ئینانا كابینا نوو یا حكومه‌تێ، دڤێت ل ده‌مێ 15 رۆژان دا كه‌سه‌كێ دی بهێته‌ راسپاردن بۆ پێك ئینانا حكومه‌تێ به‌لێ تانوكه‌ چ رێكه‌تن ل سه‌ر ئه‌ڤێ چه‌ندێ نه‌هاتینه‌كرن.

ئاژانسا رویته‌رز به‌لاڤكریه‌ كۆ عادل عه‌بدلمه‌هدی چ دی سه‌رۆكاتیا جڤاتا وه‌زیران ناكه‌ت و داخازا جهگره‌كی كریه‌ و ئه‌و سه‌رپه‌رشتیا كاڕێن جڤاتا وه‌زیران بكه‌ت چونكو زۆرینه‌یا ده‌سه‌لاتێن وی ژێ هاتینه‌ وه‌رگرتن.

لگوری دستورێ عیراقێ هه‌كه‌ ره‌وشه‌كا بڤی شێوه‌ی دروست بیت ئه‌ڤی ده‌می سه‌رۆك كۆمار ب شێوه‌یه‌كێ ده‌مكی سه‌رۆكاتیا حكومه‌تێ كه‌ت.

ئه‌ڤرۆ نیوز:

وه‌زاره‌تا ده‌رڤه‌یا عیراقی راگه‌هاند: ب مه‌به‌ستا خۆپاراستن ژ ڤایرۆسێ كورونا، خزمه‌تگۆزاریێن فه‌رمانگه‌هێن قونسلیان هاتنه‌ راوه‌ستاندن.

وه‌زاره‌تا ده‌رڤه‌یا عیراقێ د راگه‌هاندنه‌كێ ودا ئه‌و چه‌نده‌ بلاڤكر، كۆ ژ ئه‌ڤرۆ 1/3/2020 هه‌تا 7/3/2020 ته‌ڤایا حزمه‌تگۆزاریێن فه‌رمانگه‌هێن قونسلیان ب شێوه‌یه‌كی ده‌مكی هاتنه‌ راوه‌ستاندن.

وه‌زاره‌تا ده‌رڤه‌یا عیراقێ ئه‌و چه‌نده‌ ژی روونكر كۆ بریارا راوه‌ستاندنا خزمه‌تگۆزاریان ژ سوبه‌هی وێڤه‌ دێ به‌رده‌وام بن هه‌تا رۆژا 7 ئه‌ڤێ هه‌یڤێ دوباره‌ دێ ده‌ست پی كه‌نه‌ڤه‌.

بریارا وه‌زاره‌تا ده‌رڤه‌یا عیراقی د چارچوڤه‌یی رێكارین خو پاراستنێ بۆ رێگرتن ژ به‌لاڤبوونا ڤایرۆسێ كورونایی بوویه‌.

ئه‌ڤرۆ نیوز:

ئه‌ندامه‌كێ هه‌ڤپه‌یمانیا ده‌وله‌تا یاسا ل جڤاتا نوونه‌رێن عیراقێ راگه‌هاند: محه‌مه‌د توفیق عه‌لاوی سه‌رۆك وه‌زیرێ راسپاردی بۆ پێك ئینانا كابینا حكومه‌تێ ل هه‌لبژارتنا كابینا وه‌زاری، پێدڤیه‌ میكانزمه‌كا دروست په‌یره‌وبكه‌ت.

كاتع ریكابی ئه‌ندامێ هه‌ڤپه‌یمانیا ده‌وله‌تا یاسا ل جڤاتا نوونه‌رێن عیراقێ راگه‌هاند: محه‌مه‌د توفیق عه‌لاوی سه‌رۆك وه‌زیرێ راسپاردی میكانزما دروست  په‌یره‌و نه‌كریه‌ بۆ چه‌وانیا سه‌ره‌ده‌ریكرنێ ل گه‌ل قه‌واره‌ و فراكسیونێن سیاسی ل  سه‌ر دیاركرنا كابینا نوو یا حكومه‌تێ.

ئه‌ندامێ هه‌ڤپه‌یمانیا ده‌وله‌تا یاسا ل جڤاتا نوونه‌رێن عیراقێ ئه‌و چه‌نده‌ ژی راگه‌هاند: ده‌وله‌تا یاسا پشته‌ڤانیا پێك ئینانا حكومه‌ته‌كێ دكه‌ت، كۆ دیر بیت ژ پشكان و بێ كۆ وه‌زیر ب شێوه‌یه‌كێ ناراسته‌وخو ل سه‌ر فراكسیونان بهێنه‌ هژماركرن، ده‌وله‌تا یاسایێ چ هه‌ڤركی ل گه‌ل عه‌لاوی نینن و دانوستاندن ژی ل گه‌ل نه‌كرینه‌ ل پێك ئینانا حكومه‌تا وی و چ رێگریێ ژی ناكه‌ين هه‌كه‌ سازانه‌كا نیشتمانی بهێته‌كرن.