ئهڤرۆ، نیوار محهمهد سهلیم:
سهرۆكا لژنا پهروهرده و خواندن و ئهوقا و كاروبارێن ئاینی ل جڤاتا پارێزگهها دهۆكێ راگههاند كو بزاڤ یێن دهێنه كرن رهشنڤیسێ پرۆژێ قانوونهكێ بهێته بهلاڤكرن كو ئاڤاهیێن پهروهردێ یان ببنه مولكێ پهروهردێ یان ژی بۆ بهێنه تایبهتمهندكرن.
جمبهد شوكری، سهرۆكا لژنا پهروهرده و خواندن و ئهوقا و كاروبارێن ئاینی ل جڤاتا پارێزگهها دهۆكێ، د داخۆیانیهكێ دا بۆ ئهڤرۆ نیوز گۆت: “وهكو لژنا پهروهرده و خواندن و ئهوقا و كاروبارێن ئاینی ل جڤاتا پارێزگهها دهۆكێ و سهرۆكاتیا جڤاتا پارێزگهها دهۆكێ ل گهل چهندین رێڤهبهریێن پهیوهندیدار كار دكهین دا كو رهشنڤیسهكێ بۆ پرۆژێ پێشنیازكری یێ قانوونهكێ بهرههڤ بكهین دا كو ئهو ئهردێ پهروهردێ یێ بۆ مهرهمێن پهروهردهیی دهێته بكارئینان یان بۆ بهێته دابینكرن یان ژی ببیته مولكێ وێ”.
سهرۆكا لژنا پهروهرده و خواندن و ئهوقا و كاروبارێن ئاینی ل جڤاتا پارێزگهها دهۆكێ ئاشكهرا ژی كر كو مهرهم ژ ڤێ چهندێ ئهوه پهروهرده بشێت سهرهدهریێ د ڤان ئاڤاهیان دا بكهت.
دا زانین ژی كو زێدهتری 200 قوتابخانان ل سنورێ پارێزگهها دهۆكێ ل سهر ناڤێ هندهك كهسانه و گۆت: “ل هندهك قوتابخان كری ژی دهێته وهرگرتن بۆ هندهك كهسان و هندهكان ژی كریا وان بۆ مووسل و بهغدا دهێته رهوانه كرن”.
جمبهد شوكری ئاشكهرا ژی كر كو ههكه ئهڤ رهگهزه بۆ پهروهردێ بهێنه ڤهگهراندن د شیان دایه ژ لایێ دارایی ڤه ژی گهلهك مفا ژێ بهێته وهرگرتن بۆ نمۆنه هندهك قوتابخانه ل هندهك جهان ههنه دشیان دایه جهێن بازرگانی ژی بكهڤنه تێدا و داهاتهكێ باش بۆ پهروهردێ ژێ ب دهركهڤیت ب رهنگهكی كو ئهو بارگرانیا ل سهر ملێن پهروهردێ كێم ببیت.
ل سنورێ پارێزگهها دهۆكێ ل دووڤ سهرژمێریا سالا 2015ێ هزار و 277 قوتابخانه ل سنورێ پارێزگهها دهۆكێ ههنه و ژ وان ژی زێدهتری 200 قوتابخانا ل سهر ناڤێ كهساتیانه و زێدهتری 250 قوتابخان ژی دبێ تۆمار هێشتا نههاتینه تۆماركرن.
سهرۆكا لژنا پهروهرده و خواندن و ئهوقا و كاروبارێن ئاینی ل جڤاتا پارێزگهها دهۆكێ نهڤهشارت ژی كو بۆ بهردهوامی دان ب ڤی كاری ل دوشهمبیا بهێت ژی ل جڤاتا پارێزگهها دهۆكێ دێ كۆمبوونهكا دی یا بهرفرههـ ل گهل چهندین لایهنێن شولهژێ هێته كرن ب مهرهما وێ چهندێ كو ئهڤ كاره سهر بگریت و رهشنڤیسێ پێشنیازا پرۆژێ قانوونهكێ بهێته بهرههڤكرن بۆ ڤێ مهرهمێ.
ل رۆژا دووشهمبی ل جڤاتا پارێزگهها دهۆكێ لژنا پهروهرده و خواندن و ئهوقا و كاروبارێن ئاینی ل جڤاتا پارێزگهها دهۆكێ ل گهل ههر ئێك ژوورێن قانوونی یێن رێڤهبهریا گشتی یا پهروهردا پارێزگهها دهۆكێ و رێڤهبهریا گشتی یا باژێرڤانیان ل پارێزگهها دهۆكێ و سهرۆكاتیا باژێرڤانیا دهۆكێ كۆمبوو بۆ ههمان مهرهم.
ئهڤرۆ نيوز، نيوار محهمهد سهليم:
سهرۆكێ ههرێما كوردستانێ ل قوتابخانا دياربهكر يا كچان ل ههولێر پشكدارى د رێورهسمێن رۆژا ئالايێ كوردستانێ دا كر و راگههاند كو ئهڤ ئالايه سيمبۆلا بهرخودان و خهبات و تێكوشانا مللهتهكى يه كو ب سالان خهبات بۆ ئازادى و سهربهخۆيى و وهكههڤيێ كريه.
ئهڤرۆ، ئهمیر ئهترووشی:
ژ نشكهكێ ڤه، ناسا یا جیهانی ژینگهها باژێرێ دهۆكێ ب پیسترین ژینگهه ل سهر ئاستێ جیهانێ ددهته نیاسین، شارهزایهكێ ژینگههێ ل پارێزگهها دهۆكێ ژی دیار كر، ئهو ئامیرێ ههوایی پشكنین دكهت، ل كاشێ 85% ههوایێ پیسه و ههمان رێژه ل باژارێ دهۆك ژی هاتیه تۆماركرن و گۆت: ل دووڤ ههموو وان راپۆرتێن ژینگهیی، تهندروستی و زانستی، پالاوگههه و كارگههێن كواشێ د وی ژ رێنمایان كاردكهن مهترسیێن ژینگههی ههنه، دڤێت بهێمه چارهسهركرن، ئهگهر كاریگهریا وێ پشتێ 10 یان 15 سالێن دی دێ ئاشكرابن و ئێدی كۆنترولكرن دێ یا ب زهحمهت بیت.
ناسر عهلی، ماستهر ب زانستێن ژینگههێ بۆ رۆژناما ئهڤر دیار كر، بێگۆمان ئهوا نوكه ل دهۆكێ دهێته روودان كارهساته، ل دووڤ زانیاریێن مه و ئهو ئامیرێ ههوایی پشكنین دكهت، ل كاشێ 85% ههوایێ پیسه و ههمان رێژه ل باژارێ دهۆك ژی هاتیه تۆماركرن، تشتێ گهلهك مهترسی ئهوه بهرههمێ وان پالاوگههان تایبهت گازوایل بۆ ههموو موهلیدێن دهۆك دهێنه رهوانهكرن.
ناسر زێدهتر دبێژیت: چهند مادهكێن مهترسی دناڤ گازوایلێ دا ههنه، گهلهك د مهترسیدارن، ب دیتنامن، رهنگه مهبهستا ناسا دهڤهرا كواشێ بیت، بهلێ چونكه كواشێ سهر ب دهۆكه هوسا هاتیه راگههاندن، ب گشتی ل دووڤ ههموو وان راپۆرتێن ژینگهیی، تهندروستی و زانستی، پالاوگههه و كارگههێن كواشێ د وی ژ رێنمایان كاردكهن مهترسیێن ژینگههی ههنه، دڤێت بهێمه چارهسهركرن، ئهگهر كاریگهریا وێ پشتێ 10 یان 15 سالێن دی دێ ئاشكرابن و ئێدی كۆنترولكرن دێ یا ب زهحمهت بیت.
ماوێ زێدهتر ژ 13 سالانه 52 پاریزینگههان نهیاسایی ل كۆمهلگهها كواشێ ل دهۆكێ ههنه و ڤان پاریزینگههان كارتێكرنهكا خراب كریه سهر ژینگهها دهۆكێ و زیانێن مهزن ب خهلكێ دهڤهرێ ب تایبهت سنوورێ قهزا سێمێلێ گههاندینه.
محهمهد تاهر بریفكانی، رێڤهبهرێ ژینگهها دهۆكێ بۆ ئهڤرۆ دیار كر، ل گۆرهی ئهو دهستههلاتێن مه ههین، ههتا نوكه ههشت پارزینگههێن نه قانوونی ب كۆژمێ ههشت ملیۆن دیناران هاتینه سزادان و پێنچ پاریزگهه ژی ب رێیا داواكارێ گشتی ب كۆژمێ 16 ملیۆن دیناران هاتینه سزادان.
زێدهتر دبێژیت: ب بریارا جڤاتا وهزیرێن حۆكمهتا ههرێما كوردستانێ ل دهستپێكا ئهڤ سال یا ، 2019 نێزیكی 21 مهرجان بۆ دانانا پارزینگههێن نهفتێ ل ههرێما كوردستانێ هاتبوونه دانان و پشتی لیژنهیهكا تایبهتمهند دووڤچوون و پێداچوونا ههر 52 پارزینگههێن نهفتێ یێن پارێزگهها دهۆكێ كری، ب تنێ حهفت ژ وان پارزینگههێن نهفتێ مهرج بجهئیناینه و 45ێن دی مهرجێن دروست بجهنهئیناینه و گۆت: ڤان پارزینگههێن نه قانوونی كارتێكرنهكا مهزن كریه سهر ساخلهمیا وهلاتیان و زیانێ ل وان ددهن، نه ب تنێ بهرههمێ وان یێ خراب، بهلكو ههتا دووكێلا وان ژی ژینگههێ پیس دكهت و زیانێ دگههینتیه ساخلهمیا وهلاتیان.
د. بێوار خهنسی، شارهزایێ ئاسایشا ئابووریا ههرێمێ بۆ ئهڤرۆ دیار كر، ب تنێ دو پارزینگههێن مهزن یێن ڤاڤارتنا پترۆلا رهش ل ههرێما كوردستانێ ههنه (بازیان و كهلهك) و ئێكا بچووك ژی ل تاوكێ ههیه كو ڤان ههرسێیان مۆلهتا قانوونی بۆ ڤاڤارتنا پترۆلا رهش ل ههرێما كوردستانێ ههیه و ئهڤ ههردو پارزینگههێن مهزن دشێن رۆژانه زێدهتر ژ 100 هزار بهرمیلێن پترۆلێ ب ڤاڤێرن و ب ڤێ چهندێ پانزین و گازا سپی بۆ وهلاتیێن ههرێما كوردستانێ دهێته دابینكرن و گۆت: ئهڤه د دهمهكی دایه كو ههموو پارزینگههێن عیراقێ نها دشێن رۆژانه 750 هزار بهرمێلێن نهفتا رهش ب ڤاڤێرن و ل سهر وهلاتیێن عیراقێ بهلاڤ بكهن.
ئهڤرۆ نيوز:
خوهنيشاندهرێن عيراقێ ل مهيدانێن خوهپيشادانان ل دۆر دهنگوباسێ بهربژاركرنا (محهمهد شهياع ئهلسودانى) بۆ پۆستێ سهرۆك وهزيرێن عيراقێ، ههلويستێ خوه راگههاند و دژى وى راوهستيان.
خوهنيشاندهرێن مهيدانا تهحرير ل بهغدا دژى دهنگوباسێ بهربژاركرنا محهمهد شهياع ئهلسودانى ئهندامێ پهرلهمانێ عيراقێ نهرازيبوونا خوه دياركر، د ههمان دهم دا خوهنيشاندهرێن پارێزگههێن باشوورێ عيراقێ ژى بهربژاركرنا محهمهد شهياع بۆ پۆستێ سهرۆك وهزيران رهتكر و دياركرن كو وى كهسێ پێشتر گهلهك پۆستێن حكومى ههبوون و نهشێت ببيت سهرۆكهكێ بێ لايهن بۆ حوكمهتا عيراقێ.
ههروهسا خوهنيشاندهران لافيته ژى بلندكرن كو ل سهر نڤيسابوو (مه كهسايهتيهكێ بێ لايهن دڤێت نهكو كهسهكێ دهست ژ كاركێشاى) وهكو ئاماژهك بۆ دهست ژكاركێشانا محهمهد شهياع ئهلسودانى ژ حزبا دهعوه و ههڤپهيمانيا دهولهتا قانوونێ ب سهرۆكايهتيا نورى مالكى.
محهمهد شهياع ئهلسودانى ل چهند سالێن بۆرى هژمارهكا پۆستان وهگرتبوون وهكو وهزيرێ مافێن مرۆڤى ل خۆلا دويێ يا حوكمهتێ ب سهرۆكايهتيا نورى مالكى، ههروهسا وهزيرێ كاروبارێن جڤاكى ووهزيرێ پيشهسازى ب وهكالهت د حوكمهتا حهيدهر عهبادى، ههروهسا ئهندامێ حزبا دهعوزه يا ئيسلامى يه و كهسهكێ نێزيكه ژ نورى مالكى، خهلكێ پارێزگهها مهيسانه ل باشوورێ عيراقێ.
ئهڤرۆ نيوز:
سامر غهزبان، وهزيرێ پهترۆلا عيراقێ د داخۆيانيهكا رۆژنامهڤانى بۆ رۆژناما (الصباح) يا عيراقى ئاشكراكر كو حوكمهتا ناڤهندى هيچ گۆمانهك ل سهر هژمار و داتايێن پهترۆلا ههرێما كوردستانێ نينه و ئاماژه دكهت كو رێككهفتنا بهغدا و ههولێرێ ل دهستپێٍكا سالا داهاتى (2020) دێ چيته د وارێ بجهئينانێ دا.
وهزيرێ پهترۆلا عيراقى راگههاند ژى” ل دووماهى سهرهدانا شاندێ ههرێما كوردستانێ بۆ بهغدا دانوستاندن ل سهر پرۆژێ بودجا گشتى يا عيراقێ بۆ سالا 2020 بوو و ههروهسا چاوانيا دابينكرنا پشكا ههرێما كوردستانێ د بودجێ دا”.
خوياكر ژى كو بهغدا و ههولێر د رژدن ل سهر بجهئينانا رێككهفتنا د ناڤبهرا وان دا و چارهسهركرنا كێشێن گرێداى ب پهترۆلێ ڤه.
ههروهسا گۆت” ل شوونا وى بودجێ بۆ ههرێما كوردستانێ هاتيه دياركرن، 250 بهرميلێن پهترۆلا ههرێمێ ب رێيا بهغدا دێ هێته فرۆتن و ئهڤ رێككهفتنه ل دهستپێكا سالا داهاتى هێته بجهئينان.
ئهڤرۆ نیوز، ئازاد گوله یی:
ب پشکداریا قارهمانێن یانێن ههر پێنچ کێشوهرێن جیهانێ وقارهمانا ئوقیانوسیا وکونکاکاف و یانا سهد وهکو مێهڤاندارا قارهمانیێ، بریاره ئهڤرۆ لدهمژمێر هه شت ونیڤی شه ڤێ موندیالا یانهیان ل دوحه یا پایتهختێ قهتهر بهێته ڤهکرن ب یاریا دناڤبهرا هه ردو یانێن سهدا قهتهری وهینگین سپورتا قارهمانا ئوقیانوسیا ل یاریگهها جاسم بن حهمهد ل دوحه.
ل دویڤ شێوازێ ڤێ قارهمانیێ، سهرکهفتیێ ڤێ یاریێ دێ دهرباز بیته قوناغا دووێ ژ قارهمانیێ ئهوا دێ ل روژا شهمبیا بهێت ب یاریا دناڤبهرا هیلال سعودی قارهمانا ئاسیا وتهرجیا تونسی قارهمانا ئهفریقیا هێته ئهنجامدان ودویڤد دێ یاریا دووێ دناڤبهرا سهرکهفتیێ یاریا ئه ڤرو ویانهیا مونتێریا مهکسیکی یا قارهمانا کونکاکاف هێته ئهنجام دان وپاش سه رکهفتیێن وان ههردو یاریا دێ ئێكسهر دهرباز بنه قوناغا پێش دوماهیێ ئه وا ههردو یانهیێن لیڤهرپولا قارهمانا ئوروپا وفلامینگویا قارهمانا ئهمریکا لاتینی لیبرتادوریس ئێکسهر گههشتینێ.
ههژی گوتنێ یه کو نوێنهرێ روژناما ئهڤرو ب فهرمی وهکو تاکه دهزگایێ کوردی پشکداری دڤێ قارهمانیێ دا کهت.
ئهڤرۆ نيوز:
وهزارهتا ساخلهميێ ل ههرێما كوردستانێ رۆهنكرنهك ل دۆر پهرسيڤا بهرازان بهلاڤكر و دياركر كو د ئهڤ ساله دا چو حالهتێن تووشبوونێ ب نهخوهشيا پهرسيڤا بهرازان نههاتينه تۆماركرن، بهلێ پێرابوونێن ساخلهمى ژلايێ نهخوهشخانان ڤه دهێنه وهرگرتن بۆ روو ب رووبونا ڤايرۆسێ وێ نهخوهشيێ.
پێشتر محهمهد قادر، پهيڤدارێ وهزارهتا ساخلهميێ ل ههرێما كوردستانێ راگههاندبوو” نهخوهشيا پهرسيڤا بهرازان مهترسيهكا مهزن ل ئيرانێ پهيداكريه، ئهم ژى جيرانێن ئيرانێ نه و دێ مهترسى بۆمه ژى ههبيت، لهوما ژ ئهڤرۆ و پێڤه دێ كارێ خوه كهين و دێ نهخوهشخانان ئاگههداركهين كو د حالهتهكێ ب شێوهى وهزارهتێ ئاگههدار بكهن”.
گۆتبوو ژى”كۆمهكا رێنمايان ل سهر خوهپاراستنێ ژ پهرسيڤا بهرازان ژ بهغدا گههشتينه مه و ئهم ژى دێ وان رێنمايان بۆ ههموو نهخوزهشخانه و رێڤهبهريێن ساخلهميێ ل ههرێمێ هنێرين”.
ئهڤرۆ نيوز:
برياره سوباهى سێشهمبى ل بهغدا خوهنيشادانهكا مليۆنى بهێته ئهنجامدان و فهرماندێ گشتيێ هێزێن چهكدار ل عيراقێ ژى بريارێ ددهت كو نابيت حهشدا شهعبى دهستێوهردانێ د كاروبارێن ئهمنى دا بكهت، سهركردهكێ حهشدا شهعبى ژى خوهنيشادانا سوباهى ب تێكدهر د ههژمێريت.
عهبدولكهريم خهلهف، پهيڤدارێ فهرماندێ گشتيێ هێزێن چهكگدارێن عيراقێ دووپات دكهت كو سهرۆك وهزيرێن عيراقێ فهرمان دايه كو نابيت حهشدا شهعبى دهستێوهردانێ د كاروبارێ ئهمنى دا بكهت.
ههر ل دۆر خوهنيشادانا سوباهى، قهيس خهزعهلى، سهرۆكێ گرۆپا عهسائيب ئههلولحهق يا سهر ب حهشدا شهعبى ڤه راگههاند” ئهوا دێ سوباهى هێته كرن، كارهكێ تێكدهرانهيه”.
ههڤدهم ل هندهك پارێزگههێن عيراقێ بارێ نهئاسايى هاته راگههاندن و باليۆزخانا ئهمريكى ل عيراقێ ژى هوشدارى ل دۆر خوهنيشادانێن سوباهى ل باژێرێ بهغدا ددهت.
ئهڤرۆ نيوز، نيوار محهمهد سهليم:
نێچيرڤان بارزانى، سهرۆكێ ههرێما كوردستانێ، پهيامهك د رۆژا جيهانى يا بيرهوهرى و رێزگرتن ل قوربانيێن جينوسايدێ بهلاڤكر.
د پهياما خوه دا، نێچيرڤان بارزانى دبێژيت: “ب رێز ڤه بيرهوهريا قوربانيێن جينوسايدێ ل كوردستانێ و جيهانێ دكهين، سلاڤ بۆ گيانێ پاقژێ وان دهنێرين”.
سهرۆكێ ههرێما كوردستانێ د ڤێ رۆژێ دا، داخوازێ ژ كۆمهلگهها نێڤدهولهتى دكهت كار بۆ دووبارهنهبوونا جينوسايدان بكهت و ئهنجامدهران ژى ئهنجامدهر ژى بگههنه سزايێ خوه.
ل سالا 2015ێ نهتهوێن ئێكگرتى رۆژا 9ى كانوونا ئێكێ يا ههموو سالان وهكو بيرهوهرى و رێزگرتن ل قوربانيێن جينوسايدێ و رێگريكرن ل وێ تاوانێ دانا، ئهڤ رۆژهژى يا ههڤدهمه ل گهل قانوونا رێگريكرن و سزادانا ئهنجامدهرێن جينوسايدێ ل سالا 1948ێ.
نيشاندان