ئەڤرۆ نیوز:
وەزارەتا ساخلەمیا هەرێمێ راگەهاند، کچەکا د ژیێ ١٣ سالیێ دا ل ناحیا بازیان تووشی کۆرۆنا یێ بوویە، ب ڤێ چەندێ هژمارا تووشبوویێن کۆرۆنا یێ ل هەرێما کوردستانێ گەهشتە ٢٨٩ کەسان.
ئەڤرۆ ٧ نیسانا ٢٠٢٠ وەزارەتا ساخلەمیا هەرێمێ راگەهاند، د بەردەوامیا پشکنین و لێگەریانێ لدووڤ گۆمانلێکریان، توشبوویەکێ کۆرۆنا یێ ل باژێرێ سلێمانیێ هاتە دەست نیشانکرن.
گۆت ژی، تووشبوو یی کچەکا د ژیێ ١٣ سالیێ دایە و خۆجها ناحیا بازیانە و بەرکەفتیا توشبوویەکێ بەرێ یە.
ئه‌ڤرۆ نیوز:
وه‌زیرێ ساخله‌میا هه‌رێمێ داخازێ ژ نه‌ته‌وه‌یین ئێكگرتی و رێكخراوێن جڤاكێ مه‌ده‌نی و تایبه‌ت رێكخراوا ساخله‌میا جیهانێ كه‌ین كۆ ده‌ستێ هه‌ڤكاری و پشته‌ڤانی و پێدڤیێن نوژداری بۆ هه‌رێمێ درێژ بكه‌ن.
د. سامان به‌رزنجی وه‌زیرێ ساخله‌میا حكومه‌تا هه‌رێمێ راگه‌هاند حه‌فتێ نیسانێ یا هه‌ر سال، ژلایێ رێكخراوا ساخله‌میا جیهانێ ب رۆژا جیهانێ یا ساخله‌میێ هاتیه نیاسین، د ده‌مه‌كی دا هه‌رێما كوردستانێ و جیهان ئه‌ڤێ هه‌لكه‌فتێ دكه‌ت د قوناغه‌كا مه‌ترسیدار دا ده‌رباز دبیت، ئه‌ڤه ژی ب ئه‌گه‌رێ به‌لاڤ بوونا ڤایرۆسێ كورونایێ كۆڤید 19.
وه‌زیرێ ساخله‌میا حكومه‌تا هه‌رێما كوردستانێ هه‌موو بزاڤ هاتینه رژدكرن بۆ پاراستنا گیانێ وه‌لاتیان و دیربوون ژ نه‌خوشیان، به‌رده‌وام ته‌ئكیدێ ژ خۆپارێزیێ و داخازێ ژ وه‌لاتیان دكه‌ین بۆ پێگیر بوون ب رێنمایێن ساخله‌میێ.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا دیاركر سێ توشبوویێن ڤایرۆسێ كورونایێ كوڤید 19 ل باژێرێ دهۆكێ هاتینه توماركرن.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه كۆ ل به‌رده‌وامیا پشكنین و لێگه‌ریان دووڤچوونا گۆمانلێكریان، سێ توشبوویێن ڤایرۆسێ كورونا كۆڤید 19 ل باژێرێ دهۆكێ هاتنه ده‌ست نیشانكرن، كۆ خێزانه‌ك، ده‌یك و باب كۆ ژیێ وان 31 سالن و ل گه‌ل زارۆكا وان یا ژی 10 سالی ژ وه‌لاتێ بریتانیا ڤه‌گه‌ریا بوون و ل كه‌ره‌نتینه‌كرنێدا بوون.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا کەسەکێ گیانێ خوە ژ دەستدا.
ناڤهاتی زێدەتر دیار کر: ئەڤرۆ دوشەمبی ٦⁄٤⁄٢٠٢٠ ل گوندێ مامەری ل زاخۆ ترۆمبێلەک ژ جورێ ھوندا ئەلنترا تایبەت یا رەنگ سپی وەرگەریا یە و د ئەنجامدا شوفێری گیانێ خوە ژ دەست دایە.
ئه‌ڤرۆ نیوز:
په‌رله‌مانتاره‌كێ عیراقێ دیاركر ئارمانجا ڤه‌كێشانا هێزێن ئه‌مریكا ژ چه‌ند بنگه‌هه‌كێن سه‌ربازی، به‌رهه‌ڤكارینه بۆ هێرشكرن و كوشتنا ژماره‌یه‌كا سه‌ركرده‌یان.
كه‌ریم محه‌مه‌داوی ئه‌ندامێ لژنا ئاسایش و به‌ره‌ڤانییێ ل جڤاتا نوونه‌رێن عیراقێ راگه‌هاند: ڤه‌كێشانا هیزێن ئه‌مریكا ژ هنده‌ك بنگه‌هان رێ و ئاوا بۆ بجهكرنا بریارا په‌رله‌مانی بۆ ڤه‌كێشانا هێزێن بیانی ژ عیراقێ، به‌لكۆ ئه‌و پێنگاڤ پشكه‌كه ژ پلانه‌كا خورسكیا هێزێن ئه‌مریكایه ل عیراقێ.
ئه‌ندامێ لژنا ئاسایش و به‌ره‌ڤانیێ ل جڤاتا نوونه‌رێن عیراقێ دیاركر كۆ ئارمانج ژ رێكخستنا هێزێن ئه‌مریكا ل عیراقێ ڤه‌شارتیه و ئه‌ڤێ چه‌ندێ په‌یوه‌ندێ ب وێ چه‌ندێ ڤه هه‌یه كۆ ئه‌و هێز بچنه بنگه‌هێن ئارام كۆ ب تایبه‌تی پشتی كۆ سیسته‌مێ موشه‌كیا به‌ره‌ڤانیا پاتریوت تێدا هاتیه بجهكرن.
ئه‌ندامێ لژنا ئاسایش و به‌ره‌ڤانییێ ل جڤاتا نوونه‌رێن عیراقێ ئه‌و چه‌نده ژی دا زانین ئه‌مریكا بزاڤێ دكه‌ت هێرشه‌كا دژوار بكه‌ته سه‌ر هنده‌ك بنگه‌هێن سه‌ربازی هنده‌ك سه‌ركرده‌یان بكوژن، وه‌ك ئاماژه‌یه‌ك بۆ سه‌ركرده‌یێن حشدا شه‌عبی.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ ل هه‌ولێری 41 كه‌سێن دی توشیی ڤایرۆسێ كورونایێ بوون.
ئه‌ڤرۆ 6/4/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنێ دا به‌لاڤكر د به‌رده‌وامیا پشكنین و لیگه‌ریان و دووڤچوونا توشبوویان، 41 توشبوویێن ڤایرۆسێ كورونایێ كۆڤید 19 ل باژێرێ هه‌ولێر هاتنه ده‌ست نیشانكرن.
وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده‌ژی د راگه‌هاندنێ دا دیاركر كۆ 17 ئافره‌ت و 15 زه‌لام و 9 زارۆكن، دو ژ وان ل قه‌زا سوران و سێ ل ناحیا سیده‌كان و ئێك ل گۆندێ هه‌له‌جه‌یا بچیك و ئه‌ڤێن دی ژی دناڤ باژێرێ هه‌ولێرێ نه ل تاخێن كانی گه‌لی و ئالتون سیتی و شیخ ئه‌حمه‌د و كارێزان و زانكۆ و چنار و مامۆستایا 121ێ گۆلان و ژیان و زیلان سیتی، كۆ پرانیا توشبوویان ب ئه‌گه‌رێ تێكه‌لی و په‌یوه‌ندیێ ب هه‌ردو تازیێن كۆ تاخێ كاریزان و دوو ژی به‌ری نوكه ب ئه‌گه‌رێ گه‌شتكرنێ بوویه.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند، بەردەوامی دان ب چارەسەری و دووڤچوونا رەوشا ساخلەمیا تووشبوویێن ڤایرۆسێ کۆرۆنا یێ covid-19 ل پاڕێزگەها دهۆکێ و پشتی هەموو پشکنین بو نەخۆشەکێ دی ل دهۆکێ هاتینە ئەنجامدان، دیاربوو کو ب تەمامی چارەسەربوویە و نوکە ئامادەکاری دهێنە کرن بو دەرخستنا وی ژ نەخۆشخانێ.
دهۆك، له‌زگین جوقی
سه‌رۆكێ لقا دهۆك یا سه‌ندیكا كرێكارێن كوردستانێ دیاركركو دڤێ ره‌وشی دا و پشتی كرێكار ماینه بێكار ژبه‌ر خوه پاراستنێ ژ ڤایرۆسی كورونا هنده‌ك كۆمپانیی و خۆدان كاران ده‌ست دایه هه‌لوه‌شاندنا گرێبه‌ستێن كاركرنا كرێكاران ئه‌ڤه بوویه جهێ نه‌رازیبوونا مه وه‌كو سه‌ندیكا .
عیسا نسری، سه‌رۆكێ لقا دهۆك یا سه‌ندیكا كرێكارێن كوردستانێ دیاركركو بیاننامه‌ك ل سه‌ر ره‌وشا كرێكاران مه به‌لاڤكر ل سه‌ر وێ چه‌ندی گرێبه‌ستێن كرێكاران نه‌هێنه هه‌لوه‌شاندن كو جهێ داخێ یه هنده‌ك كۆمپانیی و خۆدان كار ب ریێا ئونلاین فۆرما بۆ كرێكاران ره‌وانه دكه‌ن و تێدا داخازێ ژ كرێكاران دكه‌ن گرێبه‌ستا خوه یا كاركرنێ هه‌لوه‌شینن بهانه‌یا وێ چه‌ندێ كار نینه ئه‌م دخوازین هه‌ڤكاریا كرێكاران بهێته كرن و پێدڤیه كۆمپانیی و خۆدان كار هه‌موو هێز وشیانیێن خوه پشته‌ڤانیێ ل كرێكاران بكه‌ن هه‌تا ئه‌ڤ ره‌وشا نها هه‌ی ب سه‌ر مه‌دا ده‌رباز دبیت .
ئاشكه‌را كركو پێدڤیه پارێزه‌رێن خۆدان كاران به‌ره‌ڤانیێ ژ مافێن كرێكاران و خۆدان كارا بكه‌ن داكو مافێ كرێكاران یێ پاراستی بیت و زه‌رمه‌ند نه‌بن وپێدڤی ناكه‌ت گرێبه‌ستین كرێكاران هه‌لوه‌شینن هه‌تا ره‌وش ئاسایی دبیت.
ئه‌ڤرۆ نیوز:
سندۆقا دراڤ یا نێڤ ده‌وله‌تی هوشداری ئه‌وێ چه‌ندێ دا كۆ دهێته چاڤه‌ریكرن داكه‌تنه‌كا بهێزا ئابووری ل جیهانێ روو بده‌ت ب ئه‌گه‌رێ بلاڤ بوونا ڤایرۆسێ كورونایێ.
ئاژانسا رویته‌رز به‌لاڤكر، سندۆقا دراڤ یا نیڤ ده‌وله‌تی ئاشكراكر ئه‌و داكه‌تنا مه‌زنا ئابووری یا نوكه دهێته چاڤه‌رێكرن ب ئه‌گه‌رێ ڤایرۆسێ كورونایی و رێكارێن به‌رهنگاربوونێ دژی ئاریشه بۆ وه‌لاتێن نوو پێگه‌هشتی و هه‌ژار درست كریه كو دشیان نا نابیت هه‌ڤكاری بگه‌هنه به‌رده‌ستێ وان.
سندۆقا دراڤ یا نێڤ ده‌وله‌تی ئه‌و چه‌نده ژی ئاشكراكر كۆ دیاره جیهان ب ئه‌گه‌رێ ڤایرۆسێ كورونایێ چاڤه‌ریێ داكه‌تنه‌كا مه‌زنا ئابووری دكه‌ت، بڤی شیوه‌یی جیهان دچیته قوناغه‌كا شكه‌ستنێ دا ب ئابووره‌كێ لاواز و بێ هێزدا.
ئه‌و چه‌نده‌ژی سندۆقا دراڤ یا نێڤ ده‌وله‌تی دیاركر نوكه ئابوورا ئه‌مریكا د قوناغا شكه‌تنی نێزیك بوویه به‌لێ ئه‌ڤه گرفته‌كا ئابووری یا جیهانی یه.
ئه‌ڤرۆ نیوز:
ئامارا توشبوویێن ڤایرۆسێ كورونایێ ل ئه‌مریكا بلند بوویه تانوكه زێده‌تری هه‌فت هزار كه‌س بڤێ ڤایرۆسێ مرینه.
لگۆری دوماهی ئاماران، ل ده‌مێ 24 ده‌مژمێرێن بوری ته‌ڤایا توشبوویێن ڤایرۆسێ كورونایێ ل ئه‌مریكا گه‌هشته 278 هزار و 492 كه‌سان.
تانوكه ل ئه‌مریكا حه‌فت هزار و 403 كه‌س ب ئه‌گه‌رێ ڤایرۆسێ كرونایێ ژی مرینه و 12 هزار و 283 كه‌س ژی باش بوویه.
نيشاندان