ئه‌ڤرۆ نیوز:
بنگه‌هێ سه‌ربازی یێ بسمایه ریب ری هێرشه‌كا موشه‌كان بوو و تانوكه زیانێن ئه‌وێ موشه‌ك بارانكرنێ نه‌هاتینه زانین.
میدیایێن عیراقی به‌لاڤكرینه، هێرش ب رێكا موشه‌كان بوویه بۆ سه‌ر بنگه‌هێ سه‌ربازی یێ بسمایه و ئارمانج ژ وێ هێرشێ كۆ هێزێن ئه‌مریكا ئه‌وی بنگه‌هی بكار دئینن.
ئه‌مریكا هه‌شت بنگه‌هین سه‌ربازی ل عیراقێ هه‌نه ل ده‌مێ بوری دو جارا هێرش بۆ سه‌ر بنگه‌هی سه‌ربازی یێ تاجی هاته‌كرن، كۆ هێزێن ئه‌مریكا ئه‌وی بنگه‌هی بكار دئینن.
ئه‌ڤرۆ نیۆز، قائید میرۆ:
ب ئه‌گه‌رێ پاراستنا ژیانا وه‌لاتیان چه‌ندین جهێن بازرگانی و گه‌شتیاری و بازاڕ هاتینه گرتن به‌رپرسه‌كێ وه‌زاره‌تا دارایی و ئابووری ژی ئاشكرار هه‌موو جهێن گرتی دێ هێنه قه‌ره‌بووكرن.
دكتۆر كه‌مال وه‌رتی، رێڤه‌به‌رێ گشتیێ باجێ ل وه‌زاره‌تا دارایی و ئابووری بۆ ئه‌ڤرۆ نیۆز دیاركر” پشتی به‌لافبوونا ڤایرۆسا كورونا ب مه‌ره‌ما پاراستنا وه‌لاتیێن هه‌رێما كوردستانێ هژماره‌ك بڕیار ژلایێ حوكمه‌تێ ڤه هاتینه ده‌ركرن و چه‌ندین جهێن بازرگانی و بازاڕ هاتینه گرتن و زیان ب وه‌لاتیان و جهێن بازرگانی كه‌فتینه.
دكتۆر كه‌مال وه‌رتی ئاماژه‌كر” حوكمه‌تێ بڕیاردایه هه‌موو جهێن زیان به‌ركه‌فتی بهێنه قه‌ره‌بووكرن و چه‌ندی بهێنه گرتن دێ ئه‌و ده‌م بۆ بهێته هژمارتن و ژ دانا باجا سالانه بهێنه ئازاكرن، له‌وڕاژی د كۆمبوونا بۆریا سه‌رۆكایه‌تیا جڤاتا وه‌زیران به‌حسێ قه‌ره‌بووكرنا وه‌لاتیان هاتیه‌كرن.
ئه‌ڤرۆ نیوز:
ناڤه‌ندا كۆنترۆلكرن و رێگریكرن ژ به‌لاڤبوونا نه‌خوشیێن(CDC) به‌لاڤكریه تانوكه نه‌خوشیا كورونایێ ل 49 ویلایه‌تێن ئه‌مریكا به‌لاڤ بوویه.
لگۆری ئاژانسێن ئه‌مریكا، سپێده‌هیا ئه‌ڤرۆ د راگه‌هاندنه‌كێ دا ناڤه‌ندا كۆنترۆلكرن و رێگریكرن ژ به‌لاڤبوونا نه‌خوشیێن(CDC) به‌لاڤكر تانوكه نه‌خوشیا كورونا ل 49 ویلایه‌تێن ئه‌مریكا به‌لاڤ بوویه و زێده‌تری سێ هزار كه‌سان تووشی ئه‌ڤێ نه‌خوشیێ بوون.
لگۆری راگه‌هاندنا ناڤه‌ندێ، تانوكه سێ هزار و 45 كه‌س توشی نه‌خوشیا كورونایێ بوون و 60 حاله‌ت ژی مرینه ل 24 ده‌مژمێرێن بووری چ حاله‌ت نه‌هاتینه تووماركرن.
ئه‌ڤرۆ نیۆز، عه‌زیز هه‌ورامی:
ئه‌مڕۆ 14ی ئادار ساڵیادی له دایكبوونی سه‌ركرده‌ی مه‌زن مسته‌فا بارزانی نه‌مره، سه‌ركرده‌یه‌كی شۆڕشی ئه‌یلوول كه ماوه‌یه‌كی زۆر له‌گه‌ڵی بووه باس له گه‌وره‌ی و ساده‌ی و تۆكۆشانی بارزانی نه‌مر ده‌كات.
دكتۆر مه‌حمود عوسمان سه‌ركرده له شۆڕشی ئه‌یلوول، به ئه‌ڤرۆ نیۆزی ڕاگه‌یاند:” بارزانی نه‌مر سه‌ركرده‌یه‌كی نه‌ته‌وه‌یی بوو، خه‌باتی بۆ ئه‌وه‌بو میله‌تی كورد بگاته مافی چاره‌ی خۆی، ئه‌وه‌شبوو له شۆڕشی ئه‌یلول تواندرا بگه‌ینه به‌یانی 11ی ئازار، بۆیه‌كه‌م جاربو له لایه‌ن وڵاتی داگیركه‌ری ئه‌وكاتی عێراق ددانی نا به مافی ئه‌تۆنۆمی بۆ كورد.
مه‌حموود عوسمان ده‌شڵێ، هه‌میشه له دانوستانه‌كانی بارزانی له‌گه‌ڵ حكوومه‌تی ئه‌وكاتی عێراق و ده‌وڵه‌تانی ناوچه‌كه و جیهانیش، داوای ئه‌وه‌ی بوو كورد له‌سه‌ر ئه‌رزی خۆی به‌سه‌ربه‌زی و ئازادی بژێت مافه‌كانی خۆی هه‌بێت حكوومڕانێكی سه‌ربه‌خۆی خۆی هه‌بێت به كه‌ركوك و ته‌واوی ناوچه كانی تری كوردستانیی، عێراقیش عێڕاقێكی دیموكراسی بێت سیاسه‌تێك پێڕه‌و بكرێت هاوڵاتیان مافی خۆیان پێبدرێت.
هه‌روه‌ها عوسمان ئاماژه‌ی بۆ ئه‌وه‌شكر، له پاش ڕێكه‌وتنی 11ی ئازار و وه‌رگرتنی چه‌ند پۆستێك و حكوومڕانی چه‌ند ناوچه‌یه‌كی كوردستانی، ئه‌وكه‌سانه‌ی دیاری كران له‌لایه‌ن سه‌ركردایه‌تی شۆڕش بۆ پۆسته‌كان، ڕێنمایی بارزانی نه‌مر ئه‌وه‌بوو ده‌ست پاكبن و خزمه‌تی میله‌تی خۆیان بكه‌ن و كاره‌كانی ڕۆژانه‌یان به‌باشی ڕاپه‌ڕێنن له‌گه‌ڵ هاوڵاتیان تێكه‌ڵاوبن، ئامانجه‌كانی شۆڕش جێبه‌جێ بكه‌ن و كارله سه‌ر جێبه‌جێ كردنی به‌یانی 11ی ئازار بكه‌ن.
ئه‌و سه‌ركرده‌ی شۆڕشی ئه‌یلوول ده‌ڵێ، به‌رده‌وام بارزانی نه‌مر باسی له‌وه ده‌كرد ده‌بێت كه‌ركوك له هه‌موو هه‌لومه‌رجێكدا به‌شێكبێت له كوردستان، كه‌ركوك دڵی كوردستانه كه‌ركوك له ڕوی جوگرافی و مێژووی به‌شێكه له كوردستان، به‌رده‌وامیش به ئومێده‌وه ده‌یڕوانی له ئاینده‌ی كه‌ركوك كورد حكوومڕانی بكات، به‌رده‌وامیش له دانوستانه‌كانی له‌گه‌ڵ حكوومه‌تی عێراق بارزانی مسوڕبوو له‌سه‌ر ئه‌وه‌ی ده‌بێت كه‌ركوك و ته‌واوی ناوچه كوردییه‌كان له ژێر حكوومڕانی كوردیدابێت وهاوشێوه‌ی سلێمانی و دهۆك و هه‌ولێر، له پاش گێشتن به ڕێكه‌وتنی 11ی ئازار ساڵی 1970.
هه‌روه‌ها وتیشی، بارزانی نه‌مر له ڕێكه‌وتن و دانوستان به‌رده‌وام ئاماده‌بوو بۆ ئاشتی و هیچ كات حه‌زی به‌شه‌ڕ نه‌بوو به‌ڵام شه‌ڕ ده‌سه‌پا به‌سه‌ر كوردا بۆیه بارزانی و شۆڕشی كورد پارێزگاریان له گه‌له‌كه‌یان ده‌كرد، هه‌موو هه‌نگاوێكی ئاشتی قبووڵ بوو ته‌نها بۆ ئه‌وه‌ی گه‌لی كورد به ئامانجی گه‌وره‌ی بگات.
ئه‌ڤرۆ نیوز:
رۆژنامه‌یه‌كا برێتانى ئاماژه دایه په‌یامه‌كى ل دۆر ئه‌نجامدانا یاریێن قاره‌مانیا ئوروپا قاره‌مانێن خولان یێن وه‌رزێ ئه‌ڤ ساله.
ئێكه‌تیا ته‌پا پێ یا ئوروپا ل حه‌فتیا بورى بریار دایه هه‌موو چالاكیێن خوه یێن ته‌پا پێ ل سه‌ر ئاستێ كیشوه‌رى ئوروپا راگریت ژ ئه‌گه‌رێ به‌لاڤ بوونا ڤایروسێ كورونا.
ل دووڤ په‌یامه‌كێ رۆژناما مێرور یا برێتانى دیاركریه پێشنیاره‌ك هاتیه پێش بۆ تمامكرنا یاریێن چامپیونزلیگێ ئه‌و ژى یاریێن قوناغا چارێك دووماهیێ و پێش دووماهێى ژ ڤێ قاره‌مانیێ تنێ ئێك یارى بیت ل یاریگه‌هه‌كا بێ لایه‌ن ل شونا كرنا دو یاریان ب شێوازێ هاتن و چون.
ل دۆر ڤێ پێشنیارێ بریاره ئێكه‌تیا ته‌پا پێ یا ئوروپى ل رۆژا سێشه‌مبیا بهێت بریاره‌كێ بده‌ت و ڤێ پێشنیارێ گوتوبێژ بكه‌ت و دبیت چه‌ندین گوهۆرین د ڤان كاودانان دا بهێنه پێش ل وه‌رزێ ئه‌ڤ ساله یێن خولێن ئوروپى.
ئه‌ڤرۆ نیۆز، عه‌زیو هه‌ورامی:
له قه‌زای كه‌لار له‌لایه‌ن سه‌رمایه‌دارانه‌وه له‌سه‌ر ڕوبه‌ری پێنچ هه‌زار مه‌تر زه‌وی سه‌رمایه‌داران نه‌خۆشخانه‌یه‌كی 70 قه‌روێڵه‌ی هاوشێوه‌ی نه‌خۆشخانه‌كه‌ی سلێمانی دروست ده‌كه‌ن.
حاجی ئه‌حمه‌د عه‌لی نوێنه‌ری بازرگانانی كه‌لار بۆ دروستكردنی نه‌خۆشخانه‌یه‌كی كۆرۆنا، به ئه‌ڤرۆ نیۆزی گۆت، ئه‌مڕۆ له ئیداره‌ی گه‌رمیان بازرگانان و خێرخوازان كۆبوینه‌وه بڕیاری دروستكردنی نه‌خۆشخانه‌یه‌كی 70 قه‌روێڵه‌ییماندا به بڕی 75 ده‌فته‌ر دۆلار.
ناوبراو وتیشی، ئه‌و كۆمپانیاییه‌ی نه‌خۆشخانه‌كه‌ی سلێمانی دروستكرد، هاتووه ئاماده‌ی ده‌ربڕیوه نه‌خۆشخانه‌یه‌كی 70 قه‌روێڵه‌ی له كه‌لاریش دروست بكات، ئێستا له‌گه‌ڵیدا وتوێژ ده‌كه‌ین، له به‌یانیه‌وه ده‌ست به‌كارده‌بێت له ماوه‌ی 15 بۆ 20 ڕۆژی ئاینده نه‌خۆشخانه‌كه ده‌كرێته‌وه.
هه‌روه‌ها ئاماژه‌ی به‌وه‌كرد، نه‌خۆشخانه‌كه له‌سه‌ر ڕوبه‌ری پێنچ هه‌زار مه‌تر بنیات ده‌ندرێت و تاوه‌كو ئێستا 40 سه‌رمایه‌دار ئاماده‌ی ده‌ربڕیوه، به‌پاره هاوكاری دروستكردنی نه‌خۆشخانه‌كه‌بێت، 75 ده‌فته‌ر دۆلاری تێده‌چێت، له به‌بنیات نانی تاوه‌كو دابینكردنی ته‌واوی ئه‌جیزه ته‌ندروستییه‌كان.
ئەڤرۆ نیۆز، قائید میرۆ :
ئەڤە ١٠ رۆژ ب سەر دوماھی ھاتنا بھێنڤەدانا پەرلەمانێ عێراقێ دەرباز دبن و ھێشتا کۆمبوونێن پەرلەمانی نەھاتینە دەستپێکرن پەرلەمانتارەکێ کوردژی ئاشکراکر، ھێشتا چو ژڤان ژبۆی کۆمبوونا پەرلەمانی نەھاتینە دیارکرن.
دکتۆر محەمەد شاکر، پەرلەمانتارێ فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر” ل دەستپێکا ھەیڤا ئادارێ بھێنڤەدانا زڤستانێ یا پەرلەمانێ عێراقێ دوماھی ھاتیە و نوکە وەرزێ بھارێ یێ کارێ پەرلەمانی ھاتیە دەستپێکرن، بەلێ ھێشتا چو ژڤان ژبۆی کۆمبوونا پەرلەمانێ عێراقێ نەھاتینە دیارکرن.
ئەڤی پەرلەمانتارێ کورد گۆتژی” چەندین پڕۆژە قانوون ھاتینە بەرھەڤکرن ھەتا د کۆمبوونێن بھێت یێن پەرلەمانی خواندن بۆ بھێتەکرن.
دکتۆر محەمەد شاکر ئاشکراکر” رەوشا نوکەیا عێراقێ شکستا بزاڤێن پێک ئینانا کابینا نوویا حوکمەتا عێراقێ بووینە ئەگەرێ پەیداکرنا ئەڤێ رەوشێ و کاریگەری لسەر کارێن پەرلەمانی ژی کریە، لەوڕاژی دیارنینە دێ کەنگی کۆمبوونێن پەرلەمانی بھێنە دەستپێکرن.
ئه‌ڤرۆ نیوز، زنار:
ژ ئه‌گه‌رێ په‌یدابوونا ڤایروسێ كورونا ل وه‌لاتێ ئسپانیا ب شێوه‌یه‌كێ نه‌چاڤه‌رێ كرى هه‌موو چالاكیێن وه‌رزشى هاتنه راگرتن ژوانا خولا ته‌پا پێ بۆ ماوێ چ نه‌بیت 15 رۆژان.
ل دووڤ په‌یامه‌كێ رۆژناما ئاس یا ئسپانى نوكه هه‌موو چاڤه‌رێ ره‌وشا ساخله‌میا گشتى به‌ر ب باشتر بچیت و ئاسایى بیت بۆ دوباره كرنا یاریان لێ ئه‌گه‌ر ئه‌ڤ نه‌خوشیه زێده‌تر به‌ربه‌لاڤ بوو خولا ئسپانى هه‌مبه‌ر چار سیناریویا یه:
1. تمامكرنا یاریێن خولێ یه بێ ئاماده‌بوونا جه‌ماوه‌رى كو دهێته پێشبینى كرن ب ڤى شێوه‌ی بیت.
2.هه‌لوه‌شاندنا خولێ بشێوه‌یه‌كى كو چو یانه نه‌بنه قاره‌مانێن خولێ دیسان چو یانه ژى داناكه‌ڤن.
3. ب دووماهى ئینانا هه‌ڤركیێن خولا ئسپانى ژ گه‌را 27 و یانا به‌رشه‌لونا بیته قاره‌مانا خولێ، لێ ئه‌ڤ سیناریویه دووره ژ به‌ركو هه‌موو یانا یاریێن خوه ێن چون و هاتنێ دگه‌ل ڤێ یانێ نه‌كریه و دبیت سه‌رنه‌گریت.
4. تنێ ئه‌نجامێن قوناغا ئێكێ بهێنه هژمارتن ئه‌و ژى یانا به‌رشه‌لونا بیته قاره‌مانا خولێ ژبه‌ركو ئه‌و رێزا ئێكێ دهێت د قوناغا ئێكێ ب 40 خالان ب جوداهیا گۆلان ژ یانا ریال مه‌درید.
ئه‌ڤ چار سیناریو دێ هێنه پێشبینى كرن ژلایێ لژنه‌یه‌كێ و پێكهاتیه ژ سكرتێرێ گشتى یێ ئێكه‌تیا ته‌پا پێ یا ئسپانى و كوربه‌ندێ لالیگایێ و ئه‌گه‌ر چو رێكه‌فتن نه‌هاتنه كرن ژلایێ ڤێ لژنێ ڤه ده‌ستهه‌لاتا بریارێ دێ ژلایێ سه‌روكێ ئێكه‌تیا ته‌پا پێ یا ئسپانیا ڤه هێته دان.
ئه‌ڤرۆ نیوز:
ئه‌ڤرۆ به‌رۆڤاژی رۆژێن بوریی بهایێ پترۆلێ ل بازارێن جیهانێ ب شیوه‌یه‌كی به‌رچاڤ بلند بوو، بهایێ هه‌ر به‌رمیله‌كا پترۆلێ چو سه‌ر 35 دۆلاران دا.
لگۆری ئاژانسا رویته‌رز ئه‌ڤرۆ بهایێ به‌رمیلا پترۆلا بڕێنت ب 35 دۆلار و 44 سه‌نتان ل بازارێن جیهانێ كرین و فرۆتن پێ هاتیه كرن، هه‌ڤده‌م بهایێ به‌رمیلا پترۆلا ئه‌مریكا ب 31 دۆلار و 73 سه‌نتان كرین و فرۆتن پێڤه هاتیه‌كرن.
بلندبونا بهایێ پترۆلێ په‌یوه‌ندی هه‌یه ب كێمبوونا داخوازیا وه‌لاتێن پیشه‌سازیی ل سه‌ر پترۆلێ و به‌لاڤ بوونا ڤایرۆسێ كورونایێ ل چینێ به‌لاڤ بووی.
ئه‌ڤرۆ نیوز:
سه‌رۆكێ حكومه‌تا هه‌رێما كوردستانێ په‌یامه‌ك ده‌ربارێ هێرشا سه‌ر بنگه‌هێ تاجی یێ عیراقێ به‌لاڤكر.
ئه‌ڤرۆ 12/3/2020 مه‌سرور بارزانی سه‌رۆكێ حكومه‌تا هه‌رێما كوردستانێ، دراگه‌هانه‌كێ دا به‌لاڤكركۆ ب توندی ئه‌وێ هێرشێ شه‌رمزار دكهی‌ن كۆ دهی ب شه‌ڤ هاتیه كرن بۆ سه‌ر بنگه‌هێ تاجی و بوویه ئه‌گه‌رێ كوشتن و برینداربوونا هژماره‌كا راهێنه‌ر و راوێژكارێن هێزێن هه‌ڤپه‌یمانان ل عیراقێ.
د راگه‌هاندنا سه‌رۆكێ حكومه‌تا هه‌رێما كوردستانێ ئه‌و چه‌نده ژی تێدا هاتیه دیاركرن كۆ د ده‌مه‌كی دا هێشتا گه‌فێن تیرۆرێ ل عیراقێ و ده‌ڤه‌رێ به‌رده‌وامن، ئه‌ڤ جورێن كرداران ده‌لیڤه‌یێ بۆ بهێزبوونا گرۆپێن توندكار خوش دكه‌ت، دناڤ عیراقێ ئاریشه‌یا ساخله‌میێ و ئابووری و ئه‌منی فشارێن زۆر بۆ سه‌ر وه‌لاتیان دروستكرینه له‌ورا ئالوزكرنا ره‌وشێ دێ ب زیان بۆ عیراقێ و گه‌لێن ده‌ڤه‌رێ كه‌ڤیت.
مه‌سرور بارزانی ئه‌و چه‌نده ژی د راگه‌هاندنێ دا دیاركر هیڤی خازین ب هه‌ماهه‌نگیا هه‌موو لایه‌نێن نیشتمانی و دلسوزێن ده‌ڤه‌رێ و هه‌ڤپه‌یمانان، رێكێ ل هه‌ر بزاڤه‌كا تێكده‌رانه بگرن كو شیانێن خۆ بۆ سه‌قامیگری و ئاشتیێ و باشتركرنا ره‌وشا ژین و ژیارا وه‌لاتیان بكار بینن.
نيشاندان