چینێ شه‌ش ته‌نێن ده‌رمانان بۆ عیراقێ هنارتن

08/03/2020 11:48

ئه‌ڤرۆ نیوز:

چین ئێكه‌م وه‌لات بوو ڤایرۆسێ كورونایێ تێدا به‌ربه‌لاڤ بوو، نوكه‌ هه‌تا ئاسته‌كێ ره‌وشا توشبوویێن وێ باش بوویه‌ بوویه‌ سه‌ربوره‌ك بۆ چاره‌كرنا توشبویێن ڤایرۆسێ كورونا، له‌ورا بۆ ریب ری بوونا ڤایرۆسێ كورونایێ شه‌ش ته‌نێن ده‌رمانێن تایبه‌ت بڤێ ڤایرۆسێ و چه‌ندین ئامێرین نوژداری بۆ عیراقێ فرێكرن.

عه‌بدللا لوعێبی وه‌زیرێ ڤه‌گۆهاستنا عیراقێ راگه‌هاند ب فروكه‌یه‌كا عیراقی ل ده‌مێ 36 ده‌مژمێران چون و هاتن زێده‌تری شه‌ش ته‌نێن ده‌رمان و ئامرێن نوژداری بۆ ریب ری بوونا ڤایرۆسێ كورونایێ ژ وه‌لاتێ چینێ گه‌هشتنه‌ عیراقێ.

وه‌زیرێ ڤه‌گۆهاستنا عیراقێ ئه‌و چه‌نده‌ ژی راگه‌هاند: ده‌رمان و ئامێرێن چاره‌كرن و ژناڤبرنا ڤایرۆسێ كورونایێ ل ناڤا ئه‌وان تشتان دانه‌ یێن كۆ ژ وه‌لاتێ چینێ هاتین، كۆ نێزیكی 50 هه‌زار كه‌ره‌سته‌یێن هه‌لگرتن و پاراستنا پشكنینیان دناڤا ئه‌وان ئامێرین ساخله‌میی دا هه‌نه‌ یێن ژ چینێ هاتینه‌ هنارتن بۆ عیراقێ.

سلێمانی: نه‌خۆشخانه‌ی تایبه‌ت به‌كۆرۆنا چوار ڕۆژ پێش واده‌ی خۆی ته‌واو بوو

07/03/2020 12:10

532

ئه‌ڤرۆ نیۆز، عه‌زیز هه‌ورامی:

له‌ پارێزگای سلێمانی له‌لایه‌ن خێرخوازانه‌وه‌ نه‌خۆشخانه‌یه‌كی 65 قه‌ره‌وێڵه‌ی تایبه‌ت به‌ نه‌خۆشی كۆرۆنا دروستكرا و له‌ سه‌ر ڕوبه‌ری 5000 هه‌زار زه‌وی.

دكتۆر شه‌ماڵ جه‌بار یاوه‌ر به‌رێوه‌به‌ری ده‌زگای ته‌ندروستی پێشمه‌رگه‌ له‌ سلێمانی، به‌ ئیڤرۆ نیۆزی ڕاگه‌یاند:” بڕیاربوو له‌ ماوه‌ی 15 ڕۆژ نه‌خۆشخانه‌ی تایبه‌ت به‌ ڕوبه‌ڕوبونه‌وه‌ی نه‌خۆشی كۆرۆنا ته‌واوببێت به‌ڵام تواندرا له‌و ماوه‌ی خۆی 4 ڕۆژ زوتر ته‌واوی بكه‌ین له‌ ڕوی بیناوه‌ كۆتایی هاتووه‌ ئه‌مڕۆ ئه‌جیزه‌ ته‌ندروستییه‌كانی بۆ داده‌ندرێت.

شه‌ماڵ جه‌بار یاوه‌ر گوتیشی:” ته‌واوی بودجه‌ی تێچوی نه‌خۆشخانه‌كه‌ به‌ته‌واوه‌تی له‌ سه‌ر خه‌ڵكی خێرخواز بووه‌، له‌ دروستكردنی بیناكه‌وه‌ بۆ دابینكردنی ته‌واوی پێداویستییه‌كانی ناو نه‌خۆشخاكه‌كه‌یان دابینكردووه‌. ناوبراو ئاماژه‌ی بۆ ئه‌وه‌كرد، له‌ سبه‌ینێوه‌ ڕاهێنان به‌و پزیشك و كارمه‌ندانه‌ده‌كرێت دابینده‌كرێن بۆ نه‌خۆشخانه‌كه‌و و تێستی ته‌واوی ئامێره‌ ته‌ندروستییه‌كان ده‌كرێت و ئاماده‌ده‌كرێت بۆ بوونی هه‌رحاڵه‌تێكی نه‌خوازراوی توشبووی كۆرۆنا.

سلێمانی سێ نه‌خۆشخانه‌ی تایبه‌ت كراون به‌ ڤایرۆسی كۆرۆنا، له‌ نه‌خۆشخانه‌ی سه‌رچنار 50 قه‌ره‌وێڵه‌ و نه‌خۆشخانه‌ی شه‌هید ئاسۆ 100 قه‌ره‌وێڵه‌ و له‌ نه‌خۆشخانه‌ی نوێ كراوه‌ته‌وه‌ تایبه‌ت به‌ كۆرۆنا 50 قه‌ره‌وێڵه‌ییه‌.

وه‌زیرێ به‌ره‌ڤانیا توركیا: پێنگاڤێن گرنگ بۆ چاره‌كرنا ئاشتیێ هاتینه‌ هاڤێتن

07/03/2020 12:02

ئه‌ڤرۆ نیوز:

وه‌زیرێ به‌ره‌ڤانیا توركیا خولوسی ئاكار راگه‌هاند: پێنگاڤێن گرنگ هاتینه‌ هاڤێتن بۆ سه‌قامگیربوونا ئاشتیێ ب رێكا سیاسی ل ئه‌دلبێ.

خولوسی ئاكار وه‌زیرێ به‌ره‌ڤانیا توركیا ل گه‌ل فه‌رمانده‌یێن بلندێن توركیا و یه‌كه‌یێن سه‌ر توخیبێ سوریا پشتی وه‌رگرتنا زانیاریان ل سه‌ر چالاكییان و راگه‌هاند دێ كۆمبوونه‌كا به‌رفره‌هـ ل سه‌ر ره‌وشا باژێرێ ئدلبێ هێته‌كرن پێنگاڤێن توركیا بۆ چاره‌كرنا ئاریشه‌یێن خۆ ب رێكا سیاسی و چه‌ند پێنگاڤه‌كێن گرنگ هاتینه‌ هاڤێتن بۆ سه‌قامگیریا ئاشتیێ ب رێكا سیاسی ل ئدلبێ.

وه‌زیری به‌ره‌ڤانیا توركیا ئه‌و چه‌نده‌ ژی راگه‌هاند: ده‌سپێكا هه‌فتیێ دێ شانده‌كێ سه‌ربازی یێ روسی هێته‌ ئه‌نقه‌ره‌ و 15 ئادارێ ل سه‌ر رێكا سه‌ره‌كی یا 4ئێم ده‌ست ب لێگه‌ریێن هه‌ڤبه‌ش هێته‌كرن و مه‌ ده‌ست ب ڤه‌كرنا رێكه‌كا ئه‌منی دایه‌ بۆ سه‌ر رێكا گشتی.

وه‌زیرێ به‌ره‌ڤانیا توركیا راگه‌هاند: ده‌ما ئاگر به‌ست دكه‌ڤته‌ وارێ بجهكرنێ دا چ جوره‌ پێشیلكرنه‌ك نه‌هاتیه‌ كرن و ل نێزیك ڤه‌ چاڤدێریا پێشهاتێ دكه‌ین.

بهایێ پترۆلێ داكه‌تنه‌كا مه‌زن توماركر

07/03/2020 11:32

329

ئه‌ڤرۆ نیوز:

بهایێ پترۆلێ داكه‌تنه‌كا مه‌زن توماركر، كۆ ب مه‌زنترین داكه‌تنه دهێته‌ توماركرن، ل 11 سالێن بوری درۆژه‌كا وه‌ك ئه‌ڤرۆ داكه‌تن بخوڤه‌ تومار نه‌كریه‌.

لگۆری ئاژانسا رویته‌رز، دوماهی كرین و فرۆتن پێڤه‌ هاتیه‌كرن، بهاێ پترۆلا برێنت 4.72 دۆلاران ب رێژا 9.4% داكه‌ت كۆ هه‌ر بهایێ هه‌ر به‌رمیله‌كا پترۆلێ 45.27 دۆلاران كرین و فرۆتن پێڤه‌ هاتیه‌كرن كۆ ل حوزه‌یرانا سالا 2017 ئه‌ڤ بهایێ نوكه‌ توماركر بوو.

هه‌ر لگۆری ئاژانسا رویته‌رز، بهایێ پترۆلا ته‌كساس كۆ 4.62 دۆلار ب رێژا 10.1% داكه‌ت و هه‌ر به‌رمیله‌كا پترۆلێ ب 41.28 دۆلاران كرین و فرۆتن پیڤه‌ هاتیه‌ كرن كۆ ل هه‌یڤا ئابا 2016 ئه‌و بها هاتبوو توماركرن.

داكه‌تنا بهایێ پترۆلێ په‌یوه‌ندی ب وێ چه‌ندێ ڤه‌ هه‌یه‌ كۆ هنده‌ك ژ وه‌لاتێن ئوپێكێ نه‌گه‌هشتنه‌ رێكه‌تنێ بۆ كێمكرنا به‌رهه‌مێ پترۆلێ ل سه‌ر ئاستێ جیهانێ.

ئه‌ڤرۆ نیوز:

راوێژكاره‌كێ سه‌روك وه‌زیرێ عیراقێ: ب ئه‌گه‌رێ كورونایێ ئاریشه‌ بۆ پرسا بودجێ دروست بوویه‌‌

05/03/2020 12:03

136

ئه‌ڤرۆ نیوز:

راوێژكاره‌كێ سه‌رۆك وه‌زیرێ عیراقی راگه‌هاند: پرسا به‌لاڤبوونا ڤایرۆسێ كورونایی بڤێ چه‌ندێ بوویه‌ ئه‌گه‌رێ داكه‌تنا بهایێ پترۆلێ ل بازارین جیهانێ د هه‌مان ده‌م دا ئاریشه‌یه‌كا راسته‌قینه‌ ژی بۆ بودجا عیراقێ دروستكریه‌.

عه‌بدلحسێن هه‌نین راوێژكارێ سه‌رۆك وه‌زیرێ عیراقی راگه‌هاند پرۆژه‌یێ بودجا عیراقی بۆ سالا 2020 ل سه‌ر بنه‌مایێ بهاێ پترۆلی ب 55 دۆلاران هاتیه‌ به‌رهه‌ڤكرن، به‌لێ ب ئه‌گه‌رێ به‌لاڤ بوونا ڤایرۆسێ كورونایی بهایێ پترۆلی داكه‌ت نوكه‌ هه‌ر به‌رمیله‌كا پترۆلی نێزیكی 50 دولاران دهێته‌ فرۆتن.

ناڤبری ئه‌و چه‌نده‌ ژی راگه‌هاند دڤێت حكومه‌ت جاره‌كا دی مه‌زاختیان و داهاتی ریك بێخیت ل گه‌ل شاره‌زایان راوێژیێ بكه‌ت ژبوی بودجا سالا 2020 بكێمترین كورت ئینان بهێته‌ ده‌ربازكرن.

لگۆری ئامارێن وه‌زاره‌تا پترۆلێ داهاتی فرۆشتی یێ پترۆلێ ل هه‌یڤا شباتی یا ئیسال ل چاڤ سالا بوری ب رێژا 18% داكه‌تیه‌.

سلێمانی: كۆرۆنا نوێژی هه‌ینی و به‌كۆمه‌ڵی له‌ مزگه‌وته‌كان ڕاگرت

04/03/2020 13:34

156

ئه‌ڤرۆ نیۆز، عه‌زیز هه‌ورامی:

پاش ئه‌وه‌ی ماموستاییه‌كی ئاینی له‌ سلێمانی گیانی له‌ده‌ستدا به‌ ڤایرۆسی كۆرۆنا لیژنه‌ی فتوا و پارێزگار و به‌ڕێوه‌به‌رایه‌تی ئه‌وقافی سلێمانی بڕیاریاندا، نوێژی به‌كۆمه‌ڵ ڕابگیردرێت و ئه‌م هه‌فته‌یه‌ش نوێژی هه‌ینی له‌ مزگه‌وته‌كان ناكرێت.

دكتۆر ئه‌حمه‌د شافعی ئه‌ندامی لیژنه‌ی فتوا له‌ مزگه‌وتی سلێمانی، به‌ ئه‌ڤرۆ نیۆزی ڕاگه‌یاند:” بڕیارماندا به‌وه‌ی هه‌موو نوێژه‌ به‌كۆمه‌ڵه‌كان له‌ مزگه‌وه‌ته‌كان ڕابگیردرێن بۆ كاتێكی نادیار و ته‌نها له‌ مزگه‌وته‌كان بانگ ده‌درێت و پاش بانگه‌كه‌ بانگ بێژه‌كه‌ داوا له‌ موسڵمانان ده‌كات له‌ ماڵه‌كانی خۆیان نوێژه‌كانیان بكه‌ن.

هه‌روه‌ها ئاماژه‌ی به‌وه‌كرد، بڕیاردرا بۆ ئه‌م هه‌فته‌یه‌ نوێژی هه‌ینی له‌ مزگه‌وته‌كان ڕابگیردرێت، پاشان له‌سه‌ر ڕه‌وشی ڤایرۆسه‌كه‌ بڕیاری ترده‌درێت بۆ هه‌فته‌كانی تر. ناوبراو ده‌ڵێ، له‌به‌ر ئه‌وه‌ی ئه‌م نه‌خۆشیه‌ له‌ ڕێگه‌ی ته‌وقه‌ و كۆكه‌ و پژمین ده‌گوازرێته‌وه‌ له‌ نێوان مرۆڤه‌كان به‌پێویست زاندرا نوێژی به‌كۆمه‌ڵ له‌ ئێستادا له‌ مزگه‌وته‌كان ڕابگرین.

نه‌تانیاهوی سه‌ركه‌فتنا خۆ ل هه‌لبژارتنانان دا راگه‌هاند

03/03/2020 10:55

ئه‌ڤرۆ نیوز:

سه‌رۆك وه‌زیرێ كاربرێكه‌رێ ئیسرائیلێ سه‌ركه‌فتنا خۆ د هه‌لبژارتنێن (كنيست) په‌رله‌مانێ وه‌لاتێ خۆ راگه‌هاند.

رۆژا دوشه‌مبێ 2/3/2020 هه‌لبژارتنێن كنیستا ئیسرائیلی هاتنه‌ ئه‌نجامدان و تێدا هه‌ردو پارتێن لیكود و شین و سپی هه‌ڤركیا بده‌ستڤه‌ ئینانا زۆرینه‌یا كورسیان دكرن.

پشتی پرۆسه‌یا ده‌نگان و ده‌ركه‌فتنا ئه‌نجامێن به‌رایی، بنیامێن نه‌تانیاهو سه‌رۆك وه‌زیرێ كاربرێكه‌ر و سه‌رۆكێ لیكود سه‌ركه‌فتنا خۆ د هه‌لژارتنان دا راگه‌هاند.

رۆژا 17/9/2019 هه‌لبژارتنێن په‌رله‌مانی هاتنه‌ ئه‌نجامدان و پارتا لیكود ب سه‌رۆكاتیا بنیامێن ناتانیاهو 32 كورسی و پارتا شین و سپی ب سه‌رۆكاتیا بینی گانتس 33 كورسی بده‌ستڤه‌ ئینان، پاشی گانتس نه‌شیا حكومه‌تا نوو پێك بینیت له‌ورا 12/12/2019 په‌رله‌مانی ب ده‌نگێ 94 ئه‌ندامان، بریارا ئه‌نجامدانا هه‌لبژارتنان دا كۆ ل رۆژا 2/3/2020 .

كنیست ئانكو په‌رله‌مانێ ئیسرائیلی ژ 120 ئه‌ندامان پێك دهێت چ لایه‌نێ زۆرینه‌یا كورسیان بده‌ستڤه‌ بینیت ئه‌و دێ سه‌رۆك وه‌زیرێ ئیسرائیلی ده‌ست نیشان كه‌ت، به‌لی پیدڤیه‌ ره‌زامه‌ندیا 61 ئه‌ندامێن په‌رله‌مانی بده‌ستڤه‌ بینیت.

په‌یڤدارێ وه‌ز‌اره‌تا دارایی: دێ د رۆژێن بهێنڤه‌دانێ دا به‌نك به‌رده‌وام بن ژ پارڤه‌كرنا موچه‌ی

02/03/2020 14:21

406

ئه‌ڤرۆ نیوز:

په‌یڤدارێ وه‌زاره‌تا دارایی و ئابووری یا حكومه‌تا هه‌رێما كوردستانی د راگه‌هاندنه‌كێ دا به‌لاڤكریه‌ كو تێدا هاتیه‌ پشتی بزاڤه‌كا زۆرا یا سه‌رۆكێ حكومه‌تا هه‌رێما كوردستانێ ئاریشه‌یا پاش كه‌تنا موچه‌یێ فه‌رمانبه‌رێن هه‌رێمێ ل به‌غدا هاته‌ چاره‌كرن.

ئه‌ڤرۆ ئه‌حمه‌د عه‌بدلره‌حمان په‌یڤدارێ وه‌زاره‌تا دارای و ئابووری یا حكومه‌تا هه‌رێما كوردستانێ د وێ راگه‌هاندنێ دا روون كریه‌ پشتی بزاڤه‌كا زۆرا سه‌رۆكێ حكومه‌تا هه‌رێما كوردستانێ تیما كورد ل به‌غدا و وه‌زیرێ دارایی و ئابووری، شیان ئاریشه‌یا موچه‌یێ فه‌رمانبه‌رێن هه‌رێمێ ل به‌غدا چاره‌سه‌ر بكه‌ن.

د وێ راگه‌هاندنێ دا هاتیه‌ دیاركرن كۆ موچه‌خورێن هه‌رێما كوردستانێ ئاگه‌هدار دكه‌ن، كۆ هه‌موو بزاڤه‌كێ كه‌ین بۆ ئه‌وێ چه‌ندێ ئه‌وان ئاسته‌نگان بۆ هه‌یڤێن بهێت نه‌هێلین.

ئه‌و چه‌نده‌ ژی ناڤبری دیاركر زێده‌باری رۆژا پێنجشه‌مبێ 5/3/2020 رۆژا شه‌مبی 7/3/2020 بهێنڤه‌دانا فه‌رمی یه‌ لی به‌نكێن په‌یوه‌ندیدار دێ بكارێ پارڤه‌كرنا مووچه‌ی به‌رده‌وام بن.

بە گوشاری حیزبی ماڵپەڕی دوواڕۆژ دادەخرێت

01/03/2020 09:52

153

ئەڤرۆ نیۆز، عەزیز هەورامی:

دوای چوارساڵ دەستپێکردنی کارکردنی ماڵپەڕی دوواڕۆژ فاروق مەلا مستەفا گەورە بازرگانی سلێمانی دادەخرێت، ڕۆژ نامەنوسێکی ئەو دەزگایە دەڵێ، باس لە گوشاری یەکێتی دەکرێت بۆ داخستنی ئەو دەزگایە.

ڕۆژنامەنوسێکی دەزگای دوواڕۆژ لە سەرەتای دەستپێکردنی وەشانی لەگەڵ ئەودەزگا ڕاگەیاندنە کاردەکات نەی ویست ناوی بڵاوبکەینەوە، بە ئەڤرۆ نیۆزی ڕاگەیاند:” لە شەوی ڕابردووەوە ماڵپەڕی دوواڕۆژ بەفەرمی ڕاوەستێندرا و 50ڕۆژنامەنوس نان بڕاوکران بەبێ ئەوەی هیچ ڕونکردنەوەیەکمان پێبدەن. ڕۆژنامە نوسەکە دەڵێ:” دوو هۆکار دەبینین لە وەستانی ماڵپەڕی دوواڕۆژ یەکەم خەراپ ئیدارەدانی دەزگای دواڕۆژ و دووەم گوشاری حیزبی .

ناوبراو ئاشکرای دەکات، ڕادیۆی دوواڕۆژ دەمێنێتەوە جگە لەوەی ڕۆژانە یەک گەشتی هەواڵی دەبێت تەواوی ڕۆژ مۆزیک دەبێت.

بریاره‌ ئه‌ڤرۆ رێكه‌تنا ئاشتیێ دناڤبه‌را ئه‌مریكا و تالیبان دا بهێته‌ ئیمزاكرن

29/02/2020 11:41

ئه‌ڤرۆ نیوز:

بریاره‌ ئه‌ڤرۆ رێكه‌ڤتنا ئاشتیێ دناڤبه‌را تالیبان و واشنتونێ دا بهێته‌ ئیمزاكرن و دوماهیێ ب شه‌رێ چه‌ندین ساله‌ یێ كۆ دناڤبه‌را تالیبان و ئه‌مریكا و گرۆپێن چه‌كدارێن ئه‌فغانستانێ دهاته‌كرن، كۆ پشتی هێرشا 11 سێپته‌مبه‌رێ یا سالا 2001 ده‌ستپێكری.

زێده‌تری ساله‌كێ یه‌ ئه‌مریكا ل گه‌ل بزاڤا چه‌كداریا تالیبان دانوستاندان دكه‌ت، پێنگاڤێن وان گه‌هشتنه‌ ئه‌وێ قوناغێ كۆ ئه‌ڤرۆ رێكه‌فتنامه‌یێ ئیمزا بكه‌ن، هه‌كه‌ رێكه‌تنێ سه‌ركه‌ڤتن بده‌ستڤه‌ ئینا، ئه‌ڤه‌ نێزیكی نیڤا 13 هزار سه‌ربازێن ئه‌مریكا ژ ئه‌فغانستانێ دێ هێنه‌ ڤه‌كیشان.

هه‌ر لگۆری ئه‌وێ رێكه‌تنێ پێنج هزار چه‌كدارێن تالیبان كۆ ژلایێ حكومه‌تا ئه‌فغانستانێ ڤه‌ هاتینه‌ زیندانیكرن بهێنه‌ ئازادكرن، هه‌مبه‌ر ژی تالیبان زیندانیین حكومه‌تێ ئازاد بكه‌ت.

نيشاندان 1...545556...84 زێده‌تر

لاپه‌ر 55 ژ 84