ئەڤرۆ نیوز:
زەینەدین زێدانێ فرەنسی و راهێنەرێ یانا ریال مەدرید یا ئیسپانی، لیستا یاریزانێن بانگهێشتکری بۆ یاریا كلاسیكۆ ئاشكرا كرن و ناڤێ رامۆسی د وێ لیستێ دا هەیە، لیستا یاریکەران پێكهاتیە ژ:
كۆرتوا، لۆنین ، لویس لۆپێز، میلیتاو ، ڤاران ، رامۆس ، ناچۆ، مارسێلۆ ، میندی ، تۆنی كرۆس ، مۆدریچ ، كاسیمیرۆ ، ڤالڤێردی ، ئیسكۆ ، بینزیما، ڤاسكێز ، یۆڤیچ ، ئەسینسیۆ ،رۆدریگۆ ، ڤینیسیۆس.
ئەڤرۆ نیوز:
پەیڤدارێ هاتنوچوونا دهۆکێ راگەهاند: د روودانەکا هاتنوچوونێ دا ل سنورێ قەزا شێخان ترۆمبێلەکێ ل کەسەکێ دا و د ئەنجامێ دا وی کەسی وەغەر کر.
ئازاد تاها زێدەتر گۆت: ل ئێڤاریا ئەڤرۆ پێنجشەمبی، ل دوریانا قەزا شێخان روودانەکا هاتنوچوونێ روودایە، تێدا ترۆمبێلەکێ خوە ل کەسەکێ دایە و وی کەسی دەملدەست وەغەر کریه.
ناڤهاتی دیار کر ژی: شۆفێرێ وێ ترۆمبێلێ رەڤیە، پشتی هایدارکرنێ پۆلیسێن هاتنوچوونێ گەهشتینە وی جهی و دەست ب ڤەکۆلینێ کریە.
ئەڤرۆ نیوز، زنار تۆڤی:
رێڤه‌به‌ریا هاتنوچوونا پارێزگه‌ها دهۆكێ لدور دانانا لۆگویی ل سه‌ر ترۆمبێلێن ته‌كسى ئاگه‌هداریه‌ك پێشكێشى شۆفێران کریە.
موقەدەمێ مافپەروەر ئازاد تاها، په‌یڤدارێ رێڤه‌به‌ریا هاتنوچوونێ ل پارێزگه‌ها دهۆكێ بۆ ئەڤرۆ نیوز دیار كر: بەری نوکە بریار هاتبوو دان هه‌موو ترۆمبێلێن ته‌كسى بهێنە رێكخستن، لۆگۆیێ تایبه‌ت یێ هاتنوچوونا ته‌كسیان و شه‌ریت و كۆد دێ بۆ هێنە دانان، بۆ ڤێ مه‌به‌ستێ هژماره‌ك ژ خۆدانێن ته‌كسیان پابه‌ندى بریارێ بوون، پشکەک ژ وان شۆفێران ئه‌و بریاره جێبه‌جێ نه‌كریه.
هەروەسا گۆتیە: داخوازێ ژ هەموو شۆفێران دکەین، زووترین ده‌م قه‌ستا رێڤه‌به‌ریا هاتنوچوونا دهۆكێ بكه‌ن، داکو لۆگو ل سه‌ر ترۆمبێلێن وان بهێنە دانان و شه‌ریت بهێنە درۆستكرن و د هه‌مان ده‌م دا كۆد بۆ ترۆمبێلێن وان بهێتە ئاماده‌كرن، چونكی ل ده‌مێ بورى، ژ ئه‌گه‌رێ قه‌ده‌غه‌یا هاتنوچوونێ خاڤى كه‌فتبوو د ئه‌ڤێ پرۆسێسێ، لەوما دخوازین هه‌موو شۆفێرێن ته‌كسیان پابه‌ندى بریارێ بن.
ئەڤرۆ نیوز:
ئەڤرۆ ل رێکەفتی 22/10/2020 دەنگۆیێ دەستەسەرکرنا چەند تۆمەتباران ل تۆرێن جڤاکی و هندەک کەنالان هاتیە راگەهاندن، ب مخابنی ڤە رادگەهینین دوور ژ ئەتەکێتێن کارێ رۆژنامەڤانی و بێ بەرپرسیارانە گوتنێن کێم و زێدە هاتینە کرن و ل گەلەک پەیج و کەنالان هاتیە گوتن کو بێرێزی ب تومەتباران هاتیە کرن و دسەر مالا وان دا گرتیە، ئەم وەکو رێڤەبەریا پۆلیسێن پارێزگەها دهۆکێ ڤی خەبەری رەت دکەین و ب هیچ رەنگەکی ئەڤا هاتیە گوتن نەهاتیە روودان و دوورە ژ راستیێ و هندەك کەس و لایەنێن تێکدەر بزاڤا تێکدانا رەوشا ئاراما پارێزگەها دهۆکێ دکەن، بۆ شێواندن و ڤەشارتنا راستیان ڤان خەبەرێن بێ بنەما بەلاڤ دکەن.
یا راست سەبارەت بابەتێ ئەڤرۆ فەرمانا گرتنێ ژلایێ دادوەری ڤە لدووڤ ( بەندێ ۲۲۱ ژ قانوونا سزای) بۆ چەند تۆمەتباران ل دهۆکێ دەرچوویە، پۆلیس و دەزگایێن دی یێن ئەمنی ل ژێر سەرپەرشتیا رێڤەبەرێ پۆلیسان، عەمید شەعلان ئەحمەد وەکو هەر فەرمانەکا دی یا گرتنێ کارێ خوە جێبەجێکریە و بابەت گەلەکێ سروشتییە، بۆ وەلاتیێن هێژا دیار دکەین کو بێرێزی ب هیچ رەنگەکی ب تومەتباران نەهاتیەکرن و ئەو کەسێن هاتینە گرتن ب رێزگرتن و لدووڤ قانوونێ هاتینە رەوانەکرن بۆ دادگەهێ و ب جوانترین شێوە سەرەدەری ل گەل هاتیە کرن بۆ زانین و رووهنکرن.
ئەڤرۆ نیوز، زنار تۆڤی:
بەری دەمەکێ کێم ئاگر بەربوو کۆگەهەکا پێلاڤان ل سەنتەرێ بازارێ دهۆکێ و ئاگر هاتیە کۆنترۆل کرن، لێ تەنگەنەفەسی بۆ رۆژنامەڤانەکێ و دو کارمەندێن ڤەمراندنا ئاگری چێبوویە.
بێوار عەبدولعەزیز، بەرپرسێ راگەهاندنا رێڤەبەریا بەرەڤانیا باژێری ل پارێزگەها دهۆکێ بۆ ئەڤرۆ نیوز راگەهاند: ئاگر بەربوویە قاتێ دویێ یێ بازارەکێ ل نێزیک مزگەفتا مەزن ل سەنتەرێ دهۆکێ و دەملدەست تیمێن ئاگر ڤەمراندنێ گەهشتینە جهێ وێ روودانێ و ئاگر کۆنترۆل کریە و د ڤێ روودانێ دا زیانێن مادی هەبووینە، تەنگەنەفەسی بۆ رۆژنامەڤانەکێ و دو کارمەندێن ئاگر ڤەمراندنێ چێبوویە.
ئەڤرۆ نیوز:
وەزارەتا دارایا عیراقێ دیار کر: ئەو چاڤەرێی دەربازكرنا قانوونا قەرزكرنێ نە ژ ئالیێ پەرلەمانی ڤە، بۆ خەرجكرنا مووچێ ڤێ هەیڤێ یێ فەرمانبەرێن عیراقێ.
هەروەسا ئاشكرا کریه: هەموو داهاتێ عیراقێ یێ نەفتی و نە نەفتی د ڤێ هەیڤێدا دێ گەهیتە پتر ژ چار ترلیۆن دیناران، بۆ دابینكرنا مووچێ فەرمانبەر و خانەنشین و هاریكاریێن چاڤدێریا جڤاكی، عیراقێ پێدڤی ب شەش ترلیۆن و 500 ملیار دیناران هەیە.
وەزارتا دارایی دیار كریە: ئەو چاڤەرێی پەسەندكرنا قانوونا پركرنا كورتهێنانا دارایی نە ژ ئالیێ پەرلەمانی ڤە، داکو بشێن قەرا ژ بانكێن ناڤخۆیی و دەرەكی وەربگرن و مووچێ فەرمانبەران د دەمێ ویدا بدەن.
ئەڤرۆ نیوز:
ئیبراهیمۆڤیچ د بیرەوەریەکا خوە دا دبێژیت: بیرا من دهێت ل وی دەمێ رۆنالدۆی یاری بۆ ئه‌یسی میلان دكر، بەری ده‌ستپێكرنا یاریا دێربی یێ میلانۆ، بـەنیشتەک دناڤا ده‌ڤێ من دا بوو، ئەز به‌رامبه‌ر رۆنالدۆی راوه‌ستیابووم، ب شێوه‌كێ وەسا کو ئەز چ حسێبێ بۆ وی ناكهم، ئێكسه‌ر من گۆتە رۆنالدۆی تە دڤێت هەڤرکیا من بكه‌ی، ئه‌وی ژی ئێكسه‌ر گوت نه‌خێر، ئەز هەڤرکیا كه‌سێ ناكهم و چۆكەکێ من یێ ته‌مام نینه و یا ب زه‌حمه‌ته یاریێ پێ بكەم، دلێ من گەلەک یێ خۆشبوو، دەمێ وی گوتی چۆکێ من یێ د ئێشیت، لێ دەمێ یاریێ ده‌ست پێكری، رۆنالدۆی ب رەخ من ڤە تەپەک بر و ب لەز دەربازبوو و گۆلەک تۆمار كر، پشتی دەمەكێ دیتر گۆلەک ژی دروست كر.
پشتی گێمێ ئێکێ، رۆنالدۆ چوو ژوورا جل گوهۆرینێ، من دیت ئامبرۆسینی خوە گه‌رم دکر، داکو بچیته جهێ رۆنالدۆی، ل وی دەمی چوومه دەف رۆنالدۆی من دیت چۆكێ وی یێ گرێدایە، من گوتێ ئه‌رێ ژ راست تە پێكان هه‌بوو؟، وی گوتی به‌لێ.
ل وی دەمی من د دلێ خوە دا گۆت، وی ب تنێ ب ئێک چۆک ئەڤە کر، ئێكسه‌ر من زانی باشترینێ مێژوویێ یه و جارەکا دیتر دوباره نابیته‌ڤه.
ئەڤرۆ نیوز:
رۆنالدۆ ب رەنگەکێ فەرمی ژ یاریا ل گەل بارسێلۆنا هاتە دوورخستن.
ئەڤرۆ پێنجشەمبی 22.10.2020، دوبارە تێستا کۆرۆنایێ ژ بۆ کریستیانۆ رۆنالدۆ، یاریکەرێ یانا یۆڤێنتۆس یا ئیتالی هاتە کرن و ئەنجامێ وێ دوبارە پۆزەتیڤ دەرکەفت، ب بریارا ئێکەتیا تەپاپێ یا ئورۆپا، رۆنالدۆ پشکداری یاریا گرۆپێن چامپیۆنزلیگێ ل هەمبەری بارسێلۆنا نابیت.
ڤی نووچەی پشتەڤان و حەز ژێکەرێن رۆنالدۆی خەمگین کرینە، ژبەرکو نەشێت ل هەمبەری هەڤرکێ خوە مێسی یاریێ بکەت.
یاریکەرێ پۆرتۆگالی ل رۆژا 13 ڤێ هەیڤێ تووشی کۆرۆنایێ بوویە، هەتا نوکە پشکداری چ یاریان ل گەل یانا یۆڤێنتۆس و هەلبژارتیێ پۆرتۆگالێ نەبوویە، ژ یاریێن حەفتیا بهێت ژی هاتیە دوورخستن.
ئەڤرۆ نیوز:
برێکارێ میرێ ئێزدیان بۆکاروبارێن گەنجان دیار کر: ئەمریکا ٥٠٠ هزار دۆلارێن دی بۆ نووژەنکرنا پەرستگەها لالش تەرخانکرن.
میر هەرمان میرزا بەگ بریکارێ میرێ ئێزدیان ڕاگەهاند: نوکە قۆناغێن نووژەنکرنا پەرستگەها لالش دەستپێکرینە و بزاڤێن ئێزدیان و حکومەتێ و ئەمریکا بۆ نووژەنکرنا تەمامیا پەرستگەهێ د بەردەوامن.
گۆت ژی: ب ئامادەبوونا کونسولێ گشتی یێ ئەمریکا و راوێژکارێن ئێزدیان، ئەمریکا٥٠٠ هزار دۆلارێن دی بۆ نووژەنکرنا پەرستگەها لالش تەرخانکرن.
نيشاندان