ئەڤرۆ نیوز:

ئه‌ڤرۆ ئێكشه‌مبى، دێ ڤاکسینێ دژی کۆرۆنایێ ل ویلایه‌تێن ئێكگرتى یێن ئه‌مریكا هێتە دان و ئه‌و ڤاکسینه‌ دێ ل سه‌ر پێككه‌فتیێن په‌ژیكا كۆرۆنایێ هێتە بەلاڤکرن، ئه‌و ڤاکسینه‌ ژ ئالییێ کۆمپانیێن ئەمریکی – ئەلمانی هاتییه‌ چێكرن.

ڤاکسینێ کۆمپانیێن فایزەر_ بایۆنتیک بەری نوکە بۆ پێككه‌فتیێن كۆرۆنایێ ل بریتانیا هاتینە دان و ل ئەمریکا ژی فەرمانگەها خوارن و دەرمانان رێ ب بەلاڤکرنا وى ڤاکسینى ل سەر وەلاتیان دایە.

دۆنالد تره‌‌مپى، سەرۆکێ ئەمریکا د تویتەکێ دا راگەهاندیه‌، ئەمریکا دو ملیار دۆلار بۆ سه‌د ملیۆن قورچێن ڤاکسینێ داینە و ل قۆناغا ئێکێ، ئه‌و ڤاكسینه‌ دێ بۆ حالەتێن پێدڤی هێتە دان.

ئەڤرۆ نیوز:

ئه‌ڤرۆ سێشه‌مبى، پیرەژنەکا 90 سالی ل بریتانیا بۆ ئێکەم کەس ل جیهانێ، ڤاکسینێ دژی کۆرۆنایێ یا کۆمپانیێن ڤایزەر و بایۆئێنتیک وەربگریت.

ئه‌ڤرۆ سپێدێ ل سەرانسەری بریتانیا هەوا دانانا ڤاکسینێ دژی ڤایرۆسێ کۆرۆنایێ یا کۆمپانیێن ڤایزەر و بایۆئێنتیک دەستپێکر، پیرەژنەکا ب ناڤێ مارگارێت کینان یا 90 سالی ل باکورێ ئێرلەندا وەکو ئێکەم کەس ل جیهانێ ڤاکسینێ هەردو کۆمپانیێن ئەمریکی و ئەلمانی وەرگرت.

مارگارێت کینان پشتی ڤاکسین وەرگرتی بۆ میدیایێن بریتانیا گۆت: ئەو هەست ب تایبەتمەندی و گرنگیەکا مەزن دکەت کو بوویە ئێکەم کەس ل بریتانیا ڤاکسینێ وەرگرتییه‌.

 
ئەڤرۆ نیوز:

ئه‌ڤرۆ سیشه‌مبى، بریتانیا وەک ئێکەم وەلاتێ ئورۆپی ڤاکسینا دژی ڤایرۆسێ کۆرۆنایێ بۆ وەلاتیێن خوه‌ دانا.

وى وه‌لاتى دیار كریه‌، كو ڤاکسینێ هەردو کۆمپانیێن ڤایزەر و بایۆئێنتیک یێن ئەمریکی و ئەلمانی گەهشتینە بریتانیا و لدووڤ بریارا حکومەتێ، ئەڤرۆ دانانا ڤاکسینێ بۆ خەلکێ بریتانیا ده‌ستپێكریه‌ و دێ بیتە ئێکەم وەلاتێ ئورۆپی ڤاکسینێ دژی ڤایرۆسێ کۆرۆنایێ بۆ وەلاتیێن خوه‌ بدانیت.

هه‌تا نوکە ب تنێ 800 هزار قورچێن ڤاکسینێ دژی کۆرۆنایێ یێن کۆمپانیێن ڤایزەر و بایۆئێنتیک گەهشتینە بریتانیا و چاڤەرێ دهێتە کرن د حەفتیێن بهێت دا ب ملیۆنان قورچێن دیتر بگەهنە وی وەلاتی.

لدووڤ بریارا حکومەتا بریتانیا، ل دەستپێکێ دێ کەسێن د سەر ژیێ 80 سالیێ دا و کارمەندێن ساخلەمیێ یێن هێلا پێشیێ وى ڤاکسینێ وەرگرن و ب كار ئینن.