ئەڤرۆ نیوز:
كوتینهۆ یاریکەرێ بەرازیل، ب شێوێ خواستنێ په‌یوه‌ندى ب یانا بایرن میونخ یا ئەلمانی كربوو، پشتى كو نه‌شیاى ل گه‌ل یانا به‌رشه‌لۆنا یا ئیسپانی هه‌بوونا خوە ب سه‌لمینیت.
لێ پشتى ب ده‌ستڤه ئینانا ناسناڤێ چامپیونز لیگێ ل گه‌ل یانا باڤارى، وى یاریزانی دوپات كر، كو ئارمانجا وى ئه‌وه ڤه‌گه‌ریته‌ڤه یانا به‌رشه‌لۆنا، هەر چەندە هه‌تا نوكه وی هزر ل وێ چه‌ندێ نه‌كریه، کانێ دێ پێنگاڤا وی یا داهاتى دێ چ بیت، به‌لێ ئەو دێ دانوستاندنان ل گه‌ل راهێنه‌رێ نوو یێ یانا كه‌ته‌لونى دێ ده‌ست پێكه‌ت.
ئەڤرۆ نیوز:
وه‌زاره‌تا چاندن و ژێده‌رێن ئاڤێ راگەهاندیە: بۆ پاراستنا به‌رهه‌مێ خۆمالی، مه داخوازا قه‌ده‌غه‌كرنا ئینانا به‌رهه‌مێن باجان سوركان كریه.
وه‌زاره‌تا چاندن و ژێده‌رێن ئاڤێ، د نڤیسارەکێ دا، کو بۆ وه‌زاه‌تا دارایی و ئابووری یا هەرێمێ هنارتیه و تێدا داخوازا قه‌ده‌غه‌كرنا ئینانا به‌رهەمێ باجانان دكه‌ت و راگه‌هاندیه: ب پشت به‌ستن ب قانوونا پاراستن و به‌ره‌ف پێشبرنا به‌رهەمێن چاندنێ یا هژماره 4 یا سالا 2008، ب پشته‌ڤانی ب نڤێسینه‌كا سه‌رۆكا‌تیا جڤاتا وه‌زیران یا هژماره (6547) ل رێكه‌فتی 22، 10 یا سالا 2014 كو تایبه‌ته ب پاراستنا به‌رهه‌مێ خومالی، بریار دایه ب قه‌ده‌غه‌كرنا هاورده‌كرنا به‌رهەمێن باجانان ژ ده‌رڤه‌ی وەلاتی ل رێكه‌فتی 27 تەباخا سالا 2020 بۆ ده‌مه‌كێ نه‌دیار.
هه‌ر دوێ نڤێسینێ دا هاتیه، ب تنێ دێ رێك ب وان به‌رهەمان هێته‌دان یێن كو موله‌تا هاورده‌كرنێ وه‌رگرتین هه‌تا ده‌رچوونا ڤێ نڤیسینێ ب به‌رچاڤ وه‌رگرتن و وه‌رگرتنا باجێ لدووڤ خشتێ باجێن ئه‌ڤ ساله ( نابیت چ موله‌ته‌كا نوو یا هاورده‌كرنێ بهێته‌دان پشتی ده‌رچوونا ڤێ نڤێسینێ).
ئەڤرۆ نیوز:
وەزیرێ نەفتا عیراقێ دیار کر: رۆژانە مە شیانێن بەرهەمئینانا پێنج مليۆن بەرميلێن نەفتێ هەنە و ئەم یێ بزاڤان دکەین هەتا سالا ٢٠٢٥، وێ رێژێ بۆ حەفت مليۆن بەرميلان بلند بکەین.
ئيحسان عەبدول جەبار، وەزیرێ نەفتا عیراقێ گۆت ژی: نوکە ئەم یێ بزاڤان دکەین بەرهەمئینانا نەفتێ ل پارێزگەها زیقار بۆ ئێک مليۆن بەرميلان د رۆژەکێ دا بلند بکەین.
ئەڤرۆ نیوز:
وەزارەتا ڤەگوهاستنا عیراقێ دێ بهایێ پلێتێن هێلا ڤەگوهاستنێن ئەسمانی کێم کەت، ناسر حسێن شبلی وەزیرێ ڤەگوهاستنا عیراقێ دیار کریە: وەزارەتا وان کار ل سەر کێمکرنا بهایێ پلێتێن فرۆکێن کۆمپانیێن هێلا ئەسمانی یا عیراقی کریە.
ناڤهاتی گۆتیه ژی: ئەو حەز دکەن نوکە و دیسان د وەرزێ گەشتان دا بهایان کێم بکەن و کەشەکێ ئارام بۆ گەشتیاران دروست بکەن پشتی کارڤەدانێن ڤایرۆسێ کۆرۆنایێ.
ئه‌ڤرۆ نیۆز، عه‌زیز هه‌ورامی:
له ڕاگه‌یه‌ندراوێكدا پۆلیسی پارێزگای هه‌ڵه‌بجه ئاشكرای ده‌كات، له دوێنێوه خدر كه‌ریم سه‌رۆكی پێشوی شاره‌وانی پارێزگای هه‌ڵه‌بجه بێ سه‌روشوێنه.
له ڕاگه‌یه‌ندراوه‌كه‌ی پۆلیسی هه‌ڵه‌بجه هاتووه، هاوڵاتی (خدر كه‌ریم محه‌ممه‌د) سه‌رۆكی پێشوی شاره‌وانی هه‌ڵه‌بجه،له برواری 23/8/2020 كاتژمێر 6ـی ئێواری له ماڵی خۆی ڕۆشتوه‌ته ده‌ره‌وه نه‌گه‌ڕلوه‌ته‌وه.
له ڕاگه‌یه‌ندراوه‌كه‌ی پۆلیسی هه‌ڵه‌بجه هاتووه،له كۆتابینین له غاباتی گوڵان بیندراوه هه‌ركه‌سێك هه‌واڵی ده‌زانێت ئاگاداری به‌ڕێوه‌به‌رایه‌تی پۆلیسی پارێزگای هه‌ڵه‌بجه بكات،یان نزیكترن كه‌سی.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: رێڤەبەريا هاتنوچوونێ ل پارێزگەها دهۆكێ، ئاگەهداريا هەموو وان شۆفيران دكەن، ئەوێن ترۆمبێلێن وان ژمارا كاتى بن و ب سەرڤه چووين، يان سالناما ترۆمبێلێ يان دەستووردانا هاژۆتنا ترۆمبێلێ ب سەرڤه چووبيت، دشێن سەرەدانا رێڤەبەريا هاتنوچوونا پاريزگەها دهۆکێ بكەن هەتا رێکەفتی ١/٩/٢٠٢٠ ، بۆ نووكرنا وان، بێی کو بهێنه سزادان.
ئەڤرۆ نیوز، زنار تۆڤی:
پەیڤدارێ رێڤەبەریا بەرەڤانیا باژێری ل پارێزگەها دهۆکێ دیار کر: گەنجەک د ئاڤا خابیرێ زاخۆ دا خەندقیە و زارۆکەک ژی ژ ئالیێ تیمێن نقومڤانان ڤە ژ خەندقینێ هاتە رزگار کرن.
بێوار عەبدولعەزیز پەیڤدارێ رێڤەبەریا بەرەڤانیا باژێری دهۆکێ بۆ ئەڤرۆ نیوز راگەهاند: ل دەمژمێر 3:30 پشتی نیڤرۆیا ئەڤرۆ ئێکشەمبی، گەنجەکێ د ژیێ ٣٠ سالیێ دا ب ناڤێ (ح ، ع، ب) کو خەلکێ رۆژئاڤایێ کوردستانێ یە د رووبارێ خابیری دا ل نێزیک پرا دەلال خەندقیە و پشتی ئاگەهدارکرنێ، تەرمێ وس ژ ئالیێ تیمێن نقومڤانێن زاخۆڤە ژ ئاڤێ هاتیە دەرخستن.
هەروەسا دیار کریه: پشتی دەرخستنا تەرمێ وی، بۆ مەرەما پشکنینێ تەرمێ وی بۆ نۆشداریا داد ل زاخۆ هاتیە هنارتن، دیسان هەر ئەڤرۆ پشتی نیڤرۆ زارۆکەکێ د ژیێ حەفت سالیێ دا بناڤێ (س، م، س) کو خەلکێ زاخۆ بوو ژ ئالیێ تیمێن نقومڤانان ڤە ژ خەندقینێ هاتیە رزگار کرن.
لدووڤ ئامارێن رێڤەبەیا بەرەڤانیا باژێرێ دهۆکێ، ل دەستپێکا ئەڤ سالە و هەتا نوکە ئەڤە ٢١ کەس ل سنورێ پارێزگەها دهۆکێ د ئاڤێ دا خەندقینە.
ئەڤرۆ نیوز، زنار تۆڤی:
بریارە پێشمەرگە و سوپایێ عیراقێ چار ناڤەندێن هەڤبەش یێن هەماهەنگیێ بۆ پێکڤە کارکرنێ ڤەکەن، بۆ دانانا میکانیزما وان ناڤەندان، سەرۆکێ لژنا پێشمەرگەی ل پەرلەمانێ کوردستانێ گۆتیە، د دەمەکێ نێزیکدا دێ سەرۆک وەزیرێن هەرێما کوردستانێ سەرەدانا بەغدا کەت.
رێڤنگ هرۆری، سەرۆکێ لژنا پێشمەرگەی ل پەرلەمانێ کوردستانێ بۆ ئەڤرۆ نیوز دیار کر: هەتا نوکە دەمێ سەرەدانا مەسرور بارزانی، سەرۆک وەزیرێن هەرێما کوردستانێ یێ دیار نینە، هەکە سەرۆک وەزیرێن هەرێما کوردستانێ بچیتە بەغدا، دێ وەفدێ وەزارەتا پێشمەرگەی ژی چیت داکو بگەهنە رێککەفتنێ.
رێڤنگ هرۆری گۆت ژی: وی ئەو زانیاریە نینن کادێ کەنگی سەرۆک وەزیرێن هەرێما کوردستانێ چیتە بەغدا، بەلێ لدووڤ زانیاریان، مستەفا کازمی، سەرۆک وەزیرێن عیراقێ داخواز ژ سەرۆک وەزیرێن هەرێمێ کریە کۆمبوونەکێ ئەنجام بدەن.
ئەڤرۆ نیوز:
شارەزایێن وارێ ساخلەمیێ ددەنە دیار کرن: ئێک ژ پێنج گەنجێن قەلەو مەترسیا توشبوونێ ب نەخۆشیا چەوریا مێلاکێ هەیە.
مالپەرێ The Sun یێ بریتانی د بابەتەکێ ساخلەمیێ دا ئاماژە ب ڤەکۆلینەکا شارەزایێن زانکۆیا بریستلی یا بریتانی دایە و تێدا دەرکەفتیە، هەموو گەنجێن قەلەو یێن ژیێ وان پتر ژ ٢٠ سالیێ، ئەگەر هەیە تووشی نەخۆشیا چەوریا مێلاکێ ببیت، هەکە سیستەمێ خوارنا خوە رێک نەئێخیت.
هەروەسا وان ڤەکۆلەران ڤەکۆلین ل سەر ٤٠٢١ کەسان کریە، کو تێکرایا ژیێ وان ٢٤ سال بووینە و د قەلەو بووینە، هەموو ئەو گەنجێن کو مادێن کحولی ڤەخوارینە جۆداکرینە، پشکنین بۆ یێن دی کرینە، بۆ وانا دەرکەفتیە ٦٨٠ ژ وان کەسان نەخۆشیا چەوریا مێلاکێ هەبووینە، بێی کو چ مادێن کحولی ڤەخۆن.
نيشاندان