ده‌مێ ده‌ستپێكرنا راهێنانێن یانێن خۆلا عیراقێ هاته‌ ده‌ست نیشانكرن

08/08/2020 10:02

ئه‌ڤرۆ نیوز:

وه‌زیرێ وه‌رزش و لاوێن عیراقێ عه‌دنان ده‌رجال بۆ ده‌زگه‌هێن راگه‌هاندنێ دیار كر: بریاره‌ ل حه‌فتیا بهێت راهێنانێن كوم یێن یانێن عیراقێ ده‌ستپێبكه‌ن وه‌كو خوە به‌رهه‌ڤكرن بۆ وه‌رزێ نوو یێ خۆلا عیراقێ.
ناڤبرى دیار كر ژى: لێ راهێنان ب مه‌رجه‌كى دێ هێنه‌ ده‌ستپێكرن ئه‌وژى ل دیڤ ئه‌و مه‌رجێن ئێكه‌تیا ته‌پا پێ یا نیڤده‌ولى ده‌ست نیشانكرین كو ب باشترین شێوه‌ یێن خوه‌ پارێزن و به‌رى ده‌ستپێكرنا راهێنانان بشكنین نوژدارى بوو هه‌موو یاریزانان بهێنه‌ كرن.
هه‌ژى گوتنێ یه‌ ئێكه‌تیا عیراقێ یا ته‌پا پێ یا به‌روه‌خت به‌رى نوكه‌ دیاركر بوو هه‌ڤركیێن وه‌رزێ نوو یێ خۆلا عیراقێ بریاره‌ ل 20 مه‌ها بهێت ده‌ستپێبكه‌ن.

هه‌لبژارتیێ عیراقێ دێ كه‌مپا خوه‌ یا راهێنانێ ل كوردستانێ ئه‌نجام ده‌ت

08/08/2020 09:54

ئه‌ڤرۆ نیوز:
هه‌لبژارتیێ عیراقێ یێ ته‌پا پشتى بورینا زێده‌تر ژ 5 هه‌یڤان دێ جاره‌كا دى ڤه‌گه‌ریته‌ راهێنانێن خوه‌ پشتى ل ماوێ بورى ژبه‌ر ڤایروسێ كورونایێ نه‌شیاى چ خرڤه‌بوونا بكه‌ت ، بریاره‌ ل چه‌ند رۆژێن بهێت كه‌مپه‌كا راهێنانى ل هه‌رێما كوردستانێ ئه‌نجام بده‌ت بوو ماوێ 10 هه‌تا 12 رۆژان وه‌كو خوه‌ به‌رهه‌ڤكرن بۆ ڤاڤارتنێن موندیالا جیهانى یا 2022 ل قه‌ته‌ر و ڤاڤارتنێن قاره‌مانیا ئاسیا 2023 ل چینێ.
به‌رپرسێ راگه‌هاندنێ ل ئێكه‌تیا ته‌پا پێ یا عیراقى هیشام محه‌مه‌د دیاركر بریاره‌ كه‌مپا راهێنانى یا هه‌لبژارتیێ عیراقێ ل 20 ڤێ مه‌هێ ل باژێرێ هه‌ولێرێ ده‌ستپێبكه‌ت پشتى حكومه‌تا هه‌رێما كوردستانێ رازه‌مه‌ندیا خوه‌ دیاركرى بوو ڤێ كه‌مپا راهێنانى و هه‌موو به‌رپرسیا چاره‌سه‌رى و چاڤدێریا نوژدارى ب ستویێ خوڤه‌ گرتى .
ل دووماهیێ ناڤبرى دیاركر ژى د ڤێ كه‌مپا راهێنانى دا بتنێ دێ یاریزانێن نافخوى پشكداربن و یێن پیشه‌كار نه‌شێن ژبه‌ركو نوكه‌ ل گه‌ل یانێن خوه‌ نه‌ .

دهۆک: بهایێ ئەمپێرێ کارەبا مووەلیدان بۆ هەیڤا حەفت دێ 8 هراز دینار بن

06/08/2020 23:05

ئەڤرۆ نیوز:
ئەڤرۆ پارێزگارێ دهۆکێ عەلی تەتەر، ل گەل خودانێن موەلیدان ل دۆر بهایێ ئەمپێرێن کارەبێ کۆمبوویە و بریار هاتە دان كو بهایێ هەر ئەمپێرەکێ کارەبا مووەلیدان بۆ هەیڤا حەفت 8 هزاز دینار بن.
هەر چەنده بهایێ هەر ئەمپێرەکێ کارەبا مووەلیدان 9 هزار و 250 دینار هاتبوونە دەستنیشانکرن، به‌لێ ژ ئەنجامێ ڤی بهای خەلکێ خوە نەرازی کر، پشتی کۆمبوونا پارێزگارێ دهۆکێ ل گەل خودانێن مووەلیدان بڕیار هاتەدان، كو حوکمەتا هەرێما کوردستانێ کۆژمێ (1000) دیناران بۆ هەر ئەمپێرەکی ژ پێش خەلکێ ڤە بدەت، هەروەسا لژنا موەلیدان ژی بریا ردا (250) دیناران بۆ هەر ئەمپێرەکێ کارەبێ کێم بکەن، لەوما بهایێ هەر ئەمپێرەکی بوونە 8 هزار دینار.

ئەگەرێن دروستبوونا بەرسوژێ و چارەسەریێن وێ بزانە

06/08/2020 22:07

ئەڤرۆ نیوز:
ئێک ژ ئاریشێن گەدێ بەرسوژە، کو دبیتە ئەگەرێ زێدەبوونا ترشیاتیێ دناڤ مەعیدەى دا، مەعیدە د ئێشیت و دوەرمیت، ئاریشێن دەروونى و خوارنا زێدە دبنە ئەگەرێ توشبوون ب بەرسوژیێ.
مالپەرێ جزیرە نڤیسیە ، تێرێزا چاخیل ساید شارەزا د بیاڤێ خوارنێ دا دەربارەی بەرسوژێ گوتیە، ب سەدەمێ باش نەحەلاندنا خوارنێ روو ددەت و کەسێ نەخوش هەست ب سوتنا سورێنچک و گەریێ دکەت و تاما دەڤێ وى نەخوش دبیت.
ئەگەرێن دروستبوونا بەرسۆژێ:
ـ خوارنێن زەنگین ب دوهنی
ـ خوارن ل درەنگیا رۆژێ یان پاشئێخستنا دانێن خوارنێ
ـ خوارنا ترشیاتان وەکى ئاڤا لیمۆکێ
ـ ئاریشێن دەروونى دبیتە سەدەمێ زێدەبوونا ترشیاتێن مەعیدەی
ـ هەبوونا گرێ د سورێنچکێ دا یان تەنگبوون.
ـ وەرمینا مەعیدێ
ـ برینا مەعیدێ
هەروەسا گۆتیە ژى، کێمتر دەرمانێن نەخوشیا بەرسوژێ بکار بینن، چونکى دبیتە سەدەمێ وەرمینا پەردەیا دلی و برینا مەعیدەى د دژوارترین رەوش ژى دا دبیتە سەدەمێ توشبوونێ ب پەنجەشێرا مەعیدێ.
بۆ دووربوون ژ بەرسوژێ و نوشدارا ئەلمانى کۆمەکا چارەسەریان دیار کرینە.
. بزاڤێ بکە دانێن خوارنێ کێم بن، یان ببنە پێنج دانێن خوارنێ
. کێمکرنا وان خوارنێن زەنگینن ب دوهنی
. خوارن نەهێتە پاشئێخست
. گرنگیدان ب بارێ دەروونى و بهێندان و باش نڤستن
. ئەنجامدانا وەرزشا یۆگا

بۆ نەھێلان و کێمکرنا ئاریشا ژبیرکرنێ ئەڤان رێیان بکار بینە

06/08/2020 22:02

ئەڤرۆ نیوز، زنار تۆڤی:
بۆ نەهێلان یان کێمکرنا ئاریشا ژبیرکرنێ ئەڤان رێیان بکار بینە، دێ مفایەکێ باش ژێ بینی، د ڤی واری دا
شەوکەت حەجی سەعید چارەسەرێ فیزیکی بۆ ئەڤرۆ نیوز دیار کر: پێدڤی یە رێکخستنا نڤستنا خوە بکەن، دیسان قەبارێ نڤستنا سرۆشتی بۆ ھەر مرۆڤەکی بالغ و چالاک ٦ – ٨ دەمژمێرن د دەمێ ٢٤ دەمژمێران دا، پێدڤیە نڤستن ب شەڤێ بیت نە ب رۆژ بیت، هەروەسا پێدڤیە ب رۆژێ چالاکیێن لڤاندنێ بکەی، ئانکو ھاتنوچوونێ یان غاردانێ ب پیان ھەتا باش ب وەستی و خوھ تە بدەت، یان ھەناسە ب لەز بکەڤیت و رۆژانە ڤێ چەندێ ئەنجام بدە.
ناڤهاتی گۆت ژی: مۆبایلێ کێمتر ب کار بینە، بتایبەت بەرێخودانا وێنە و کلیپێن تۆرێن جڤاکی و سناپان، باشترە هندەک دەمی دەست نیشان بکەی، لێ نە یێ دوم درێژ بیت، هەروەسا رۆژانە ب دەست خستنا سەقایێن ئارام و ئاخفتنێت خۆش و ب کەنی، بۆ پەیداکرنا ھەستێ شادی و بەختەوەریێ ھزر و تەخمینا خوشیێ بکەی دناخێ خوە دا، ھەر تشتەکێ تۆ نەشێی گوھۆرینێ بێخیێ، ھزرێ پێ نەکە و دووبارە نەکە و پیتە پێ نەکە، بۆ دەمێن درێژ و بۆ خوە نەکە ئالۆزی، ب ڤی رەنگی دێ ئارامی ل دەف تە پەیدا بیت.

وەزارەتا ساخلەمیا هەرێمێ : 507 کەسێن دی تووشی کۆرۆنایێ بوون

06/08/2020 21:58

ئەڤرۆ نیوز:
وەزارەتا ساخلەمیا هەرێما کوردستانێ ئامارێن 24 دەمژمێرێن بوری یێن ڤایرۆسێ کۆرۆنایێ بەلاڤکرینە و راگەهاند: 507 تووشبوویێن نوو ب ڤایرۆسێ کۆرۆنایێ هاتینە دەستنیشانکرن و 14 تووشبوویان وەغەرکریە و 132 تووشبوویی ژی باشبووینە، ل پارێزگەها دهۆکێ 92 کەسێن دی تووشی کۆرۆنایێ بووینە.

ساخلەمیا عیراقێ ئامارێن نوو یێن كۆرۆنایێ راگەهاندن

06/08/2020 21:26

ئەڤرۆ نیوز:

وەزارەتا ساخلەمی و ژینگەها عیراقێ راگەهاند: د 24 دەمژمێرێن بوری دا سێ هزار و 47 حالەتێن نوو یێن تووشبوونێ ل عیراقێ ل هاتینە تۆمار كرن، نوکە هژمارا گشتی یا کۆرۆنایێ ل سەرانسەری عیراقێ گەهشتە 140هزار و 603 كەسان.

هەروەسا گۆتیە: د 24 دەمژمێرێن بوری دا 67 كەسان ب ئەگەرێ ڤایرۆسێ كۆرۆنایێ وەغەرکریە و هژمارا مریان ل عیراقێ ب ڤایرۆسێ‌ كۆرۆنایێ گەهشتە پێنج هزار و 161 كەسان.
دیسان دو هزار و 339 كەسێن دیتر چارەسەر بووینە و نەخۆشخانە بجهـ هێلاینە و سەرجەمێ گشتی یێ باشبوویان ژی گەهشتە 101هزار و 25 كەسان.

فرۆکێن تورکی سنورێ ناحیا شێلادزێ بوردومانکر

05/08/2020 22:55

ئەڤرۆ نیوز:

فرۆکێن شەرکەرێن سوپایێ تورکیا چیایێ کورەژاری ل زنجیرا چیایێ مەتینا سنورێ قەزا ئامێدیێ بوردومانکر .

پەیامنێرێ ئەڤرۆ نیوز ل ئامێدیێ ئێقبال عومەر راگەھاند، ل دەمژمێر ۹:٤۰ خولەکێ شەڤێ فروکێن شەرکەرێن سوپایێ تورکیا چیایێ کورەژاری ل هنداڤی باژێرێ شێلادزێ ل زنجیرا چیایێ مەتینا ل سنورێ قەزا ئامێدیێ بوردومانکر .

دادیارکرن ژی، چەندین جهێن دیژی ل دەڤەرا رێکان یا سەر ب ناحیا شێلادزێ ڤە هاتنە بوردومانکرن و تاکو بەهەڤکرنا ڤێ راپورتێ ژی فروکێن تورکیا بەردەوان ل هنداڤی باژێرێ شێلادزێ دگەرن، ئەو جھێ ھاتیە بوردومانکرن سنورێ ناحیا شێلادزێ یە بوردومان لسەرێ چیای و گوندێن پشتا چیایێ کورەژاری بوویە و دوویری ناڤەندێن باژێرانە ناھێتە زانین زیانێن وان بوردومانان چبووینە.

ئەڤە د دەمەکێ دایە، ب بهانەیا ھەبوونا بارەگەیێن چەکدارێن پەکەکێ بەردەوامی ئەڤ دەڤەرە دھێتە بوردومانکرن و ژبەر وێ سەدەمێ ژی ترس و لەرزەکا مەزن ژبەر دەنگێ بهێز یێ بوردومانا فروکان ل دەف وەلاتیان پەیدا بوویە.

ڤیان سه‌بری: كاتی ڕۆشتنی وه‌فدی كوردستان بۆ به‌غدا ئاشكرا ده‌كات

05/08/2020 21:03

ئه‌ڤرۆ نیۆز، عه‌زیز هه‌ورامی:

بڕیاره‌ له‌ هه‌فته‌ی داهاتوو شاندێكی باڵای هه‌رێمی كوردستان بۆ دانوستان ده‌گه‌نه‌ به‌غدا له‌گه‌ڵ شاندی باڵای حكوومه‌تی عێراق كۆده‌بنه‌وه‌،سه‌رۆكی فڕاكسیۆنی پارتی ده‌ڵێ، چاوه‌ڕێ ده‌كه‌ین له‌م گه‌ری نوێ دانوستانی هه‌ردوو حكوومه‌ت بگه‌نه‌ ڕێكه‌وتنێك له‌به‌رژه‌وه‌ندی هه‌ردوو لایه‌ن.

ڤیان سه‌بری سه‌رۆكی فڕاكسیۆنی پارتی له‌ په‌رله‌مانی عێراق به‌ ئه‌ڤرۆ نیۆزی ڕاگه‌یاند:” دووای پشووی جه‌ژن له‌ هه‌فته‌ی داهاتوو وه‌فدی باڵای حكوومه‌تی هه‌رێمی كوردستان، ده‌گه‌ڕێنه‌وه‌ بۆ به‌غدا بۆ كۆتایی هێنان به‌ دانوستانه‌كان.

ڤیان سه‌بری وتیشی:” ڕێكه‌وتنه‌كان ده‌بێت له‌سه‌ر بنه‌مایی ده‌ستوور و به‌رژه‌وه‌ندی هه‌ردوولایه‌نبێت، هه‌رێمی كوردستان ئاماده‌ی ده‌بڕیوه‌ داهاتی 250 هه‌زار به‌رمیل نه‌وت ڕاده‌ستی به‌غدا بكات له‌به‌رامبه‌ردا به‌شه‌ بوودجه‌ی كوردستان بنێرێت.

ئاماژه‌ی بۆ ئه‌وه‌كرد،ئێمه‌ ئاماده‌ین له‌سه‌ر یاسایی بوودجه‌ی ساڵی 2019 ڕێكه‌وتنه‌كه‌ بكه‌ین به‌وه‌ی ئێمه‌ 250 هه‌زار به‌رمیل نه‌وت ڕۆژانه‌ به‌ به‌غدابده‌ین و ئه‌وانیش بوودجه‌ وه‌ك له‌یاسا هاتووه‌ ڕاده‌ستی هه‌رێمی كوردستانی بكه‌ن.

وه‌زاره‌تی ساخلەمیا هەرێمێ ئامارێن نوو یێن كۆرۆنایێ راگەهاندن

05/08/2020 21:00

ئەڤرۆ نیوز:

وه‌زاره‌تا ساخلەمیا هه‌رێما كوردستانێ راگەهاند: 11 كه‌سێن دی ب کۆرۆنایێ وەغەرکریە‌ و 404 كه‌سێن دی تووشی كۆرۆنایێ بووینە، كو‌ پرانیا وان ل‌ هه‌ولێرێ و دهۆكێ نە.
دیسان گۆتیە: 2296 پشكنین هاتینە ئه‌نجامدان و تێدا، ده‌ركه‌فتیە کو 404 كه‌س تووشی كۆرۆنایێ بووینە، كو 218 ژ وان ل هه‌ولێرێ نە و 101 كه‌س ل دهۆكێ و 35 ل‌ سلێمانیێ و 29 ل‌ گه‌رمیان و 21 ل هه‌له‌بجه‌.
هه‌روه‌سا 160 كه‌سێن دیتر ژی باشبووینە.

نيشاندان 1...626364...765 زێده‌تر

لاپه‌ر 63 ژ 765