ئه‌ڤرۆ نيوز:

جڤاتا وه‌زيرێن عيراقێ د ماوێ روونشتنا خوه‌ يا سرۆشتى دا ل رۆژا سێشه‌مبى ب سه‌رۆكاتيا سه‌رۆك وه‌زيرێن عيراقێ حه‌يده‌ر عه‌بادى 50 مليار دينارێن عيراقێ بۆ وه‌زاره‌تا ژينگه‌هێ بۆ نه‌هێلانا بۆمبێن چاندى و TNTيان مه‌زاخت.

ئه‌ڤ كۆژمێ پاره‌يى ل سه‌ر داخوازا وه‌زيرێ ژينگه‌هێ هاته‌ مه‌زاختن پشتى خواستى ب ره‌نگه‌كێ ب له‌ز جڤاتا وه‌زيران و وه‌زاره‌تا دارايى 50 مليار دينارێن عيراقى بۆ وه‌زاره‌تا ژينگه‌هێ ب مه‌زێخيت دا كو بشێن ئه‌و بۆمبێن چاندى نه‌هێلن ب تايبه‌ت ل وان ده‌ڤه‌رێن ژ ژێر ده‌ستێ داعش دا ده‌رخستين.

به‌رى نوكه‌ رێكخراوان نه‌هێلانا مينان بۆمبه‌ ل عيراقێ ب “كارسيه‌” وه‌سفكرن ب ره‌نگه‌كى كو نوكه‌ عيراق ل رێزا ئێكێ دهێت ب هه‌بوونا بۆمبێن چاندى د ناڤ وه‌لاتى دا كو دبنه‌ نێزيكى 26 مليۆن بۆمبێن چاندى.

ئه‌ڤرۆ نيوز، ناجی به‌ده‌ل:

شاخه‌وان عه‌بدولا جێگرێ سه‌رۆكێ لیژنه‌یا كه‌فتنا باژێرێ مووسل ل جڤاتا نوونه‌رێن عيراقێ بۆ ئه‌ڤرۆ نیوز دیاركر كو ئه‌ڤرۆ جڤاتا نوونه‌رێن عیراقێ دووڤچوون و ڤه‌كولینا كه‌فتنا باژێرێ مووسل ل گه‌ل پارێزگارێ مووسل ده‌سپێكر .

ناڤبری ئه‌و چه‌نده‌ ژی دیاركر ئه‌ڤ لیژنه‌ بۆ كه‌فتنا مووسل ژ لایێ جڤاتا نوونه‌رێن عيراقێ ڤه‌ هاتیه‌ پێك ئینان كو ژ 26 كه‌سان پێك دهێت و ئه‌ڤرۆ ڤه‌كولینا خوه‌ يا ئێكێ ل گه‌ل پارێزگارێ مووسل ئه‌سیل نوجفی كو سه‌رپه‌رشتیارێ ئه‌منی یێ ئه‌وێ پارێزگارێ بوو ل ده‌مێ چوار سالێن ده‌سه‌لاتا خوه‌ دا ئیك روونشتن ئه‌نجام نه‌دا بوو، ل حه‌فتیێن بهێت دێ كه‌سێن پله‌ بلندێن له‌شكرى ژی هێنه‌ گازیكرن بۆ ڤه‌كولینێ.

شاخه‌وان عه‌بدولايى گۆت: “هه‌رێم هاریكار بوویه‌ بۆ ده‌ست نیشانكرن و دانه‌خویاكرنا ئه‌گه‌رێن كه‌فتنا باژێرێ مووسل و كو چاوا حوكمه‌تا هه‌رێمێ به‌غدا هایدار كریه‌ و گوهـ نه‌دایه‌ داخوازیێن وان و ئه‌و هه‌موو بووینه‌ گرۆڤ بۆ ڤه‌كولینێن مه‌ و هه‌تا دگه‌هیته‌ مالكی ژی دێ ڤه‌كولینێ ل گه‌ل كه‌ین” .

ناڤبری خۆيا كر كو ئه‌ڤرۆ نوری مالكی ب تومه‌تبارێ ئیكێ یێ روودانا سپایكه‌ر دهاته‌ دانان ل جڤاتا نوونه‌رێن عیراقێ و پشتی كومڤه‌كرنا هه‌موو گرۆڤێن تومه‌تێ دێ ڤه‌مولینێ ل گه‌ل وی ژی ئه‌نجام ده‌ن.