ئه‌ڤرۆ نیۆز، قائید میرۆ
فڕۆكه‌یێن هه‌ڤپه‌یمانان، ئاڤاهیێ رێڤه‌به‌رایه‌تیا گشتیا چاندنا مووسل بوردومان كرن و د ئه‌نجامدا شه‌ش چه‌كدارێن داعش هاتنه كوشتن و ئاڤاهی ب ته‌مامی هاته تێكدان.
ژێده‌ره‌كێ به‌رپرس بو مالپه‌ڕێ ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن شه‌ڕكه‌رێن هه‌ڤپه‌یمانان ل باژێڕێ مووسل رێڤه‌به‌رایه‌تیا چاندنا مووسل بوردۆمانكر، كو باره‌گایه‌كێ سه‌ربازیێ تیرۆرستێن داعش بوو و هاته تێكدان.
ئه‌ڤی ژێده‌ری گۆت ژی” ب ئه‌گه‌رێ ئه‌ڤێ بوردۆمانێ شه‌ش چه‌كدارێن داعش دناڤا ئه‌ڤی باره‌گایێ سه‌ربازی دا هاتنه كوشتن و چوارێن دیژی برینداربوون.
ئه‌ڤرۆ نيوز، سالار دۆسكى:
ناڤێن گه‌را دويێ يێن وه‌رگرتنا مامۆستايان ب ره‌نگێ گرێبه‌ست بۆ ده‌رچوويێن په‌يمانگه‌هـ و زانكۆيان ل سنورێ په‌روه‌ردا قه‌زا به‌رده‌ره‌ش:
ئه‌ڤرۆ نيوز:
ژ پێناڤى ب ده‌ستخستنا ده‌رفه‌تا كارى ب سيسته‌مێ پارالێل بۆ قوتابيێن پارێزگه‌ها دهۆك، ناڤه‌ندا وه‌رگرتنا قوتابيان ل ديوانا وه‌زاره‌تا خواندنا بلند و ڤه‌كۆلينێن زانستى راگه‌هاند، بۆ هه‌ر سێ سكۆلێن “نوشدارى، ده‌رمانسازى، نوشدارى ددان” 30 كورسيێن خواندنێ هاتينه ته‌رخانكرن ب سيسته‌مێ خواندنا پارالێل.
ب گۆره‌يى راگه‌هاندنه‌كا وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ كو وێنه‌ك بۆ ئه‌ڤرۆ نيوز هنارتيه هاتيه: “پشتى ره‌زامه‌نديا كۆمبوونا جڤاتا وه‌زيران ل 2015.2.2 ل سه‌ر ڤه‌كرنا خواندنا پارالێل ل فاكه‌لتيێن نوشدارى ل زانكۆيا دهۆك ل سكۆلێن “نوشدارى، ده‌رمانسازى، نوشداريا ددان” بۆ هه‌ر سكۆله‌كێ 10 كورسيێن خواندنێ هاتنه ته‌رخانكرن ب گۆره‌يى مه‌رجێن پارلێل.
ب گۆره‌يى ڤێ نڤيسارێ ناڤه‌ندا وه‌رگرتنا قوتابيان، 89% كورسيێن ده‌رچوويێن ئاماده‌يى يێن پارێزگه‌ها دهۆكێ دێ هه‌ڤركيێ ل سه‌ر كه‌ن و 20% ژ كورسيان ژى دێ ده‌رچوويێن ئاماده‌يێن دى يێن پارێزگه‌هێن هه‌رێمێ هه‌ڤركيێ ل سه‌ر كه‌ن.
بۆ ڤێ مه‌ره‌مێ ژى بۆ پێدانا ده‌رفه‌ته‌كا دى ب قوتابيان، ناڤه‌ندا وه‌رگرتنا قوتابيان، قوتابيان ئاگه‌هدار دكه‌ت كو ماوێ پێشكێشكرنێ بۆ دو رۆژێن دى هاته زێده‌كرن ئانكو رۆژێن 17 و 2015.2.18 قوتابى دشێن داخوازيێن خوه پێشكێشك بكه كو ئێسكه‌ر دڤێت ب رێيا فورما ئاماده‌كرى ل زانكۆيا دهۆك بيت.
ئه‌ڤرۆ نيوز، شه‌وكه‌ت محه‌مه‌د سالح:
رێڤه‌به‌ريا هاتنوچوونا پارێزگه‌ها دهۆكێ راگه‌هاند كو پێدڤيه هه‌موو شوفێرێن ته‌كسيان يێن ترۆمبێلێن وان ره‌نگێ سپى و پرته‌قالى د ماوێ سێ هه‌يڤان دا ره‌نگێ ترۆمبێلێ خوه ب گوهۆڕن و يێ نه گوهۆڕيت دێ تووشى سزايێن هاتنوچوونێ بيت.
رێڤەبەرێ پشكا قانوونى ل رێڤەبەریا ھاتنوچوونا پارێزگەھا دھۆک رائيدێ مافپەروەر بنار سەردار زوھدی بۆ ئەڤرۆ نیوز گۆت: “ل دووڤ بەلاڤناما هژمارە 1 يا رێڤەبەریا گشتیا ھاتنوچوونا ھەرێما کوردستانێ پشكا قانوونى و ل دووڤ پشكا 34 برگە 1 ژ قانوونا ھاتنوچوونێ يا هژمارە 86 تایبەت بۆ ترۆمبێلێن تەکسی رەنگێ وان سپی و پرتەقالی، پێدڤی یە خودانێن تەکسیێن رەنگێ وان سپی و پرتەقالی تنێ يێن ھەرێما کوردستانێ (دھۆک- ھەولێر-سلێمانی) د ماوێ سێ هه‌يڤان دا سەرەدانا رێڤەبەریا ھاتنوچوونێ بکەن ل ھەر پارێزگەھەکێ، ژ بوو گوھۆڕینا رەنگێ ترۆمبێلا خوه ژ رەنگێ سپی و پرتەقالی بۆ رەنگێ خاکی وەکو ته‌كسيێن نوو، هه‌كه دڤی ماوێ دەستنیشانکری دا ڤێ بڕیارێ بجهـ نەئینن دێ تووشی سزایێن ھاتنوچوونێ بن”.
ل دۆر به‌لگه‌نامێن پێدڤى ژى گۆت: “پێدڤيه رەگەزناما بارێ شارستانی، رەگەزناما عیراقی، دو وێنە، سالناما ترۆمبێلێ، ل گه‌ل ئه‌و كه‌سێ ترۆمبێل ل سه‌ر ناڤى د به‌رهه‌ڤ بن”.
ئه‌ڤرۆ نیۆز، بارزان سلێمان مزوورى
به‌رپرسێ لقا 14 ل مووسل و به‌رپرسێ میحوه‌رێ باشیك ، عصمت ره‌جه‌ب، بۆ ئه‌ڤرۆ نیۆز كر كۆ ئه‌ڤرۆ ئێڤارى هنده‌ك كه‌سێن نه‌ناس ل ناڤ باژێرێ مووسل ل تاخێ “العكیدات، والسجن،و كراج بغداد”ل ره‌خێ راستێ یێ مووسل ل سه‌ر دیوراێن ئاڤاهیێن به‌رچاڤ یێن باژێرى ب بویاغا ره‌ش نڤیسایه ل ڤان نێزیكان مووسل ل بن كونترلا داعش ده‌ركه‌ڤیت و پێشمه‌رگه دێ هێته ناڤ مووسل و دێ وان ژ ده‌ستێن تیرورستێن داعش خلاس كه‌ن و ئه‌و كه‌سێن ئاواره چوین و مالێن خو هێلاین دێ زڤرنه مالێن خو.
ئه‌ڤرو نیوز، سالار دوسكى
پشتى وه‌زاره‌تا په‌روه‌ردێ یا حوكمه‌تا هه‌رێما كوردستانێ، گه‌را دوویێ یا پێشكێشكرنێ بۆ وه‌رگرتنا مامۆستا ب شێوێ گرێبه‌ست ل سنورێ چه‌ند په‌روه‌ردا ل پارێزگه‌ها دهۆك، راگه‌هاندین، په‌روه‌ردا قه‌زا شێخان ئه‌ڤرۆ د په‌یچێ خوه‌یێ تایبه‌ت دا ناڤێن مامۆستایێن گرێبه‌ست ل سنورێ خوه راگه‌هاندن و دیاركرینه كو مافێ نه‌رازیبوونان (3) رۆژن و هه‌ر كه‌سه‌كێ نه‌رازیبوون هه‌بیت دشێت پێشكێشى په‌روه‌ردا ناڤبرى بكه‌ت د ماوێ دیاركرى دا.
دیندار عه‌بد ئیسماعیل حه‌سه‌ن سه‌رۆكێ لیژنا قانوونى ل جڤاتا پارێزگه‌ها دهۆكێ بۆ ئه‌ڤرۆ نیوز دیاركر كو چو تشتێ فه‌رمى بۆ وان نه‌هاتيه ل سه‌ر ڤه‌گوهاستنا ئه‌و عه‌ره‌بێن ل وان گۆندێن پێشمه‌رگه‌يی رزگاركرین بێنه ناڤ هه‌رێما پارێزگه‌ها دهۆكێ.
ناڤبری ئه‌و چه‌نده ژی دازانین كو ئه‌و وه‌كو ئه‌ندامێ جڤاتێ و سه‌رۆكێ لیژنا قانوونى دبينيت كو هاتنا وان دێ چه‌ندین ئاریشان په‌يدا كه‌ت و گۆت: “ب ره‌نگه‌كێ ئێكجارى ئينانا وان و ئاكنجيكرن ل پارێزگه‌هێ ره‌تدكه‌ين”.
دینداری ئه‌و چه‌نده ژی دازانین كو ره‌وشا ئابووری و دیموگرافیا پارێزگه‌هێ هند دشێت ئاواران وه‌ربگریت و نها فشاره‌كا زوورا هه‌مه‌لایه‌ن ل سه‌ر وه‌لاتیێن پارێزگه‌هێ و دام و ده‌زگه‌هێن وێ هه‌یه، له‌ورا هاتنا هه‌ر ئاواره‌یه‌كێ دی ناهێته قه‌بوولكرن و شیان هند دشێن وه‌ربگرن.
دیندار عه‌بد گۆت: “هاتنا هه‌ر هژماره‌كا ئاواره‌یان ب خوه دروست بوون و په‌یدابوونا چه‌ندین ئاریشێن ئیداری و مرۆڤی یه هه‌تا ب شێی چاره بكه‌يی، ئه‌ڤجا ئينانا هنده‌ك گۆندنشينێن پێشمه‌رگه‌يى گۆندێن وان ئازاد كرين دێ بيته بارگرانى ل سه‌ر پارێزگه‌هێ و مه‌ترسيا ئه‌منى ژى ل سه‌ر پارێزگه‌هێ دێ زێده بيت”.
وه‌كو چاره بۆ ڤێ كێشى سه‌رۆكێ لژنا قانوونى ل جڤاتا پارێزگه‌ها دهۆكێ دبێژيت: “پێدڤيه ل جهه‌كێ دوور ژ به‌رۆكێن شه‌رى وه‌كو كه‌مبه‌كێ بۆ بهێته دروست كرن و ب ره‌نگه‌كێ گه‌له‌ك باش چاڤدێريا وان بهێته كرن”.
نيشاندان