ئەڤرۆ نيوز،بارزان مزووری:
بەرپرسێ لقێ 14 ل مووسل،عسمه‌ت رەجەب ، بۆ ئەڤرۆ نیوز دیار کر کۆ ئەڤرۆ ل ناڤ باژێرێ مووسل چەکدارێن تیرورستێن داعش پرتووکێن گشتی یێن ھەموو وان پرتووکخانێن کەڤن و یێن نوو یێن حکومی و ئەھلی ئەوێن ل تاخێ مەجموعە و رەخێ چەپێ یێ مووسل ل ناڤ باژێرێ مووسل ل دو جھان خرڤەکرن و ل پێش چاڤێن خەلکی سوتن.
ناڤبری دیار کر کو ب تایبەت ئەو پرتووکێن ئەدەبی و دیوانێن ھەلبەستا و چیروکا دسوتن، پتریا وان پرتووکا کەڤنترین پرتووک بوون د ناڤ وان پرتووکخانان دا و مێژویا وان بۆ سەردەمێ بەرێ دزڤرین.
بەرپرسێ لقێ 14 ل مووسل گۆتژى: “د ھەمان دەم دا چەکدارێن تیرورستێن داعش مالا شێخ فارس ئه‌لسه‌بعاوى سەرۆک عەشیرێ سەبعاویا ل گوندێ دویزات ته‌حتانی سەر ب ناحیا گەیارا TNT كر و پەقاند.
دبێژن ده‌ما هۆلاكۆ و ته‌يمۆر له‌نگ ژى هاتينه عيراق ل سه‌ر ده‌مێن به‌رێ داگير كرى، پرتووكێن وى وه‌لاتى يێن زانستى هه‌موو هاڤێتنه د ديجله‌يى دا و ب گۆره‌يى پرتووكێن مێژوويى دبێژن ديجله پڕ ببوو ژ پرتووكان.
ئه‌ڤرۆ نیوز، مه‌سعود خه‌له‌ف
زه‌لام بۆ فروتنێ ناڤێ په‌یجه‌كیه د فیس بوكێ دا و گه‌له‌ك لایك د رۆژێن ده‌ستپێكێ دا بده‌ستخوه‌ڤه ئینان و ل گور پارچه ڤیدیویه‌كی كو به‌رپرسێن ڤێ لاپه‌رێ به‌لاڤكرنه، ئه‌و دبیژن كو وان ئه‌ڤ كاره كریه ژ بۆ ب زووترین ده‌م مه‌هدی ده‌ركه‌ڤه.
هه‌روه‌سا كه‌سێن د په‌یجێ دا دانه خویاكرن كو ل دووڤ رێبازا كه‌سه‌كی ب ناڤێ ابو عبد الله الحسێن القحطانی كو كه‌سه‌كی ئولداره ل نه‌جه‌ف.
د پارچه ڤیدیویا كو هاتی به‌لاڤكرن، شه‌ش كه‌س ل دور كه‌سه‌كی ب ریش راوه‌ستایاینه، و بریار داینه كو خوه بفروشن و ل گور داخویانیا وان و ئه‌گه‌رێ خوه فروتنێ ئه‌و دبێژن، وان نیه‌ته كو ژ چینا ئازاد ده‌ركه‌ڤن و بچنه د چینا كوله‌داریێ دا داكو خوه بكه‌ینه قوربان بۆ رزگاریا ڤی خه‌لكی.
هه‌روه‌سا كه‌سه‌ك ژ وان گه‌نجان دبێژیت: من خوه فروت بۆ كو ب زووترین ده‌م مه‌هدی ده‌ركه‌ڤه و ڤی خه‌لكی قورتال بكه‌ت.
ئه‌ڤرۆ نيوز:
د كاردانه‌ڤه‌كێ دا به‌رامبه‌ر دامه‌زراندنا جڤاتا كانتۆنا شنگال، ژ لايێ په‌كه‌كێ ڤه، ميرێ ئێزديان هاته ده‌نگ و هوشداريه‌كا دژوار دا و دا زانين كو ئه‌و دێ ب خوينێ به‌ره‌ڤانيێ ژ كاره‌كێ ژ ڤى ره‌نگێ يێ خوه سه‌پاندنێ كه‌ن.
مير ته‌حسين به‌گ ميرێ ئێزديان د داخۆيانيه‌كا تله‌فۆنى دا بۆ باسنيوز راگه‌هاند كو ماوه‌كه ئه‌و ئاگه‌هدارى كاره‌كێ ژ ڤى ره‌نگى يه و هوشدارى دايه كو هه‌موو لايه‌نێن ئێزديان و شنگال ژ حوكمه‌تا هه‌رێمێ ب سه‌رۆكاتيا بارزانى ناهێنه جوداكرن و هه‌ر لايه‌ك ژى بزاڤا ڤێ چه‌ندێ بده‌ت و كێشان دروست بكه‌ت، دێ ب دژوارى رووى ب روويێ وان بن.
ميرێ ئێزديان ل كوردستان و جيهانێ راگه‌هاند ژى كو ئه‌وێن مژوولى پلاندانێ ب كرێگرتى و دوژمنێن ئێزديان و گه‌لێ كوردستانێ ته‌ماشه دكه‌ين و مامه‌لا دوژمنێن راسته‌قينه يێن ملله‌تى دێ ل گه‌ل كه‌ين.
مير ته‌حسين به‌گ گۆت: “ب تنێ سه‌رۆكێ ئێزديان مه‌سعود بارزانى يه و ب تنێ ئه‌و دشێن ب وه‌رگرتنا رايا ئێزديان بڕيارێ ل سه‌ر مان و نه‌مانا ئێزديان بده‌ت”.
هه‌ر وه‌سان ميرێ ئێزديان به‌حس ل وێ جڤاتێ كر و گۆت: “هيڤيدارم به‌رى هه‌ر تشته‌كى خو ژ ده‌ڤه‌را شنگال ڤه‌كێشن و چو جار بير ل هندێ نه‌كه‌ن كاره‌كێ وه‌سان يێ ترسناك بكه‌ن و بلا بهێلن خه‌لك ل بن سيبه‌را پێشمه‌رگه‌يى دا يێ ئارام بيت”.
ميرێ ئێزديان سلاڤ و رێزێن خوه ژى بۆ هه‌موو پێشمه‌رگه‌يى هنارتن و سه‌ره‌خۆشى ل شه‌هيدا كرن و هيڤيا زوو ساخبوونا برينداران ژى كر.
رۆژا چوار شه‌مبی پارتا كرێكارێن كوردستانێ PKK د كومبوونه‌كێ دا ئه‌نجومه‌نه‌ك بۆ كانتونا شنگالێ دروست كر كو ژ 27 كسان پێك دهێت ب ناڤێ جڤاتا ئێزديێن شنگال و ب بۆچوونا وان ئه‌ڤ كانتۆنه بۆ پتر خزمه‌تكرنا ده‌ڤه‌را شنگاله و ئێكه‌تيێ ژى ده‌ستخۆشى ل ڤێ پێنگاڤێ كريه، به‌لێ قاسم شه‌شۆيێ سه‌ركردێ پێشمه‌رگێن ئێزدى ل چيايێ شنگال ژى بۆ ئه‌ڤرۆ نيوز راگه‌هاند بوو كو هه‌كه ئه‌و ده‌ستبه‌رداريى ڤان ره‌نگه كاران نه‌بن، چو ب سه‌رێ داعش ئينايه، دێ وه‌ل په‌كه‌كێ ژى كه‌ن.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ئه‌ور بيت و باران ژى دێ ل گه‌ل بيت و دبيت به‌فر ژى بباريت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا شه‌مبى رێكه‌فتى 17\1\2015 ئه‌سمانێ دهۆكێ ژ ئه‌ور بيت و باران ژى ل گه‌ل بيت و هنده‌ك به‌فر ژى بباريت ب تايبه‌ت ل ده‌ڤه‌رێن چيايى و ل دانێ نيڤرۆ باشتر بيت و به‌ر ب راوه‌ستيانێ ڤه بچيت و پشتى نيڤرۆ ژى كه‌ش به‌ر ب مژێ ڤه بچيت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى يا بلند دێ پيچه‌ك بلند بيت و يا نزم ژى دێ هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 12 بۆ سفر پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژئاڤا بيت ب ره‌نگه‌كى دێ يێ ل سه‌ر خوه بيت د ناڤبه‌را 10 بۆ 20 كلم د ده‌مژمێره‌كێ ماوێ ديتنێ ژى دێ 8 كلم بيت.
ئه‌ڤرۆ نیوز، مه‌سعود خه‌له‌ف
نڤیسنگه‌ها لێپرسینێ یا فیدرالی ل ئه‌مه‌ریكا كه‌سه‌ك ل ویلایه‌تا ئوهایو گرت كو وی پلان دانابوو بۆ پێكئینانا چه‌ند هێرشان ل پایته‌ختا ئه‌مریكا ل واشنتونێ و ژ وان ژی ته‌قاندنا ئاڤاهیێ كونگرێسێ ئه‌مه‌ریكی.
كه‌سێ ب ناڤێ كریستوفر كورنل هه‌ولا كوشتنا ئه‌فسه‌ره‌كی ئه‌مه‌ریكی دایه ل گور به‌لگه‌نامه‌یێن دادگه‌هێ، و ل گور وان به‌لگه‌نامان هاتیه دیاركرن كو كورنل د تویته‌را خودا نڤیسیه و به‌لاڤ كریه و تێدا پالپشتیا خوه بۆ رێكخراوا ده‌وله‌تا ئیسلامی راگه‌هاندیه.
ژ لایه‌كی دیڤه، جون باریوس، سیخوری نڤیسنگه‌ها فیدرالی(اف بی أی) یێ به‌رپرس ژ گرتنا كورنل دابوو خویاكرن كو” هاولاتیێن ئه‌مه‌ریكی نه د مه‌ترسیێ دا نه د ده‌ما لێپرسینێ دا”. و كورنل یێ ل ژێر چاڤدێرییا “اف بی أی” بوو به‌ری كو ل رۆژا چارشه‌مبی بهێته گرتن ل ده‌ما كو هه‌ول ددا هنه‌ك چه‌كێن ئاگرینی بكریت.
پلان دانابوو بو په‌قاندنا ئاڤاهیێ كونگرێسێ ئه‌مریكی
ئەڤرۆ نیوز، سالار دۆسکی:
ئەندامەکێ پەرلەمانێ عیراقێ ژ لیستا پارتی دیموکراتی کوردستانی دیارکر کو مووچێ فەرمانبەرێن ھەرێما کوردستانێ یێ ھەیڤا ئێک دێ گیرۆبیت وەک مووچێ فەرمانبەرێن ھەموو عیراقێ، وی ئەندامێ پەرلەمانێ عیراقێ ئەڤ گیروبوونە ب سرۆشتی ل قەلەم دا و ئاشکرا کر کو ھەر سالا ژ بەر پەسەندکرنا بودجێ مووچێ مەھا ئێک گیرۆ دبیت.
د. ئەردەلان نوردەین ئەندامێ پەرلەمانێ عیراقێ ژ لیستا پارتی دیموکراتی کوردستان بۆ ئەڤرۆ نیۆز گۆت: “ھەموو سالان مووچە و بودجە ھەیڤا ئێک گیرۆ دبیت، مووچێ ھەموو فەرمانبەرێن عیراقێ گیرۆ دبن، بەلێ مەرج نینە ئەڤ جارە گیرۆ بیت”.
ئەردەلان گۆت: گەشبینم کو ئێدی مووچە گیرۆنابیت ئانکو ھەموو دەما دێ وەخت ھێتەدان و سەرێ حەفتیا داھاتی دێ بۆدجە ھێتە پەسەندکرن و وی دەمی دبیتە قانوون و دھێتە بجھئینان و ھەموو لایەن دێ دپێگیربن.
ھەمبەر نزمبوونا بھایێ پەترۆلێ ژی، د.ئەردەلان نوردەین گۆت: “نزمبوونا بھایێ پەترۆلێ دێ کارتێکرنێ ل سەر پرۆژێن وبەرھێنانێ کەت و کارتێکرن ل سەر مووچان ناکەت”.
ئه‌ڤرۆ نيوز:
موسلمان شيان كه‌ڤنترين خواندنا قورئانێ ل مه‌ككێ ب ره‌نگێ تۆماركرى يا به‌رى 130 سالان ئاشكه‌را بكه‌ن.
ل سه‌ر تۆرێن جڤاكى ڤيديۆيه‌ك هاتيه به‌لاڤكرن كو مێژوويا وێ بۆ سالا 1885 زاينى دڤه‌گه‌ريت ده‌ما شانده‌كێ مه‌سيحيان سه‌ره‌دانا مه‌ككێ كرى.
ئه‌ڤ تۆماره ب ئاميرێ ئه‌ديسيون داهێنايى هاتيه تۆماركرن كو ژ كه‌ڤنترين جۆرێ تۆماركرنا ده‌نگى دهێته هژمارتن كو تێدا ئێك ژ شێخێن وى سه‌رده‌مى سوره‌تا (الضحى) خوانديه.
ژێده‌ر: سومه‌ريه نيوز
دوو به‌رپرسێن پارتی دیموكراتی كوردیتان-سوریا PDK-S (به‌شار ئه‌مین، ئه‌ندامێ مه‌كته‌با سیاسی و عه‌بدولرحمن ئه‌بتان، ئه‌ندامێ كومیتا ناڤه‌ندی) ژ لایێ ئاسایشا PYD ڤه هاتنه گوله باران كرن.
ل گور داخویانیا عه‌بدولرحمن ئه‌بتان و وه‌كو كو د داخویانیا پارتیا نڤابری دا هاتیه (گوله بارانكرن ژ لایێ ئاسایشا PYD ل تاخا موفتی نێزیك رێڤه‌به‌ریا ئاڤی هاته كرن، ئه‌و ژی پشتی كو هه‌ردو ژ هه‌ڤپه‌یڤینه‌كه ته‌له‌ڤزیونی ل گه‌ل كه‌نالا ARK دهاتن ب رێكا سكایب و ته‌كه‌ز كر كو وان ئوتومبێلا خوه هێدی دهاژوت و پشتی كو نێزیكى سه‌د مه‌تره‌كی ژێ دوور كه‌تنئێكی ژ زیره‌ڤانێن خالا كونترولی ئه‌و گوله باران كرن).
ژ لایێ خوه‌ڤه PDK-S ئه‌ڤ كریاره شه‌رمه‌زار كر و دا خویاكرن كو كریارێن ب ڤی ره‌نگی خزمه‌تا دوزا ملله‌تێ كورد ناكه‌ین و دڤێت TEVDEM ده‌ڤ ژ ڤان جوره ره‌فتاران به‌رده‌ت.
ئەڤرۆ:
ئەندامەکێ پەرلەمانێ کوردستانێ بۆ رۆژناما ئەڤرۆ دیار کر کو پرۆژێ پرا ل سەر رووبارێ زێ یێ مەزن دھێتە چێکرن گەلەکێ گرنگە و دێ رێیا دھۆک- ھەولێر گەلەک کورت کەت.
ئەندازیار بەھزاد زێباری ئەندامێ لیژنا ئاڤەدانکرنێ ل پەرلەمانێ کوردستانێ دیار کر کو ئەڤ پرە دێ جووتسایدە و ل نێزیکی گوندێ جمەی و گوندێ کوبال کو درێژیا 928 مەترایە و 41% ھاتیە بجھئینان و گۆت “ب تەمامبوونا ڤێ پرێ ھاتنوچوون د ناڤبەرا دھۆک و ھەولێرێ دا دێ دەمژمێرەکێ کێمتر بیت”.
ناڤبری خویا ژی کر کو کارێ دروستکرنا ڤێ پرێ گیروبوویە یان راوەستیایە، لێ لیژنا پەرلەمانێ کوردستانێ سەرەدانا ڤی پرۆژەی کریە و گۆت “ئەم چاڤدێریا ڤان جۆرە پرۆژان دکەین، چونکی د وارێ بجھئینانێ دایە و مە راپۆرتەک دروست کریە و مە بۆ سەرۆکێ پەرلەمانی رەوانە کریە و پەرلەمان ژی دێ بۆ جڤاتا وەزیران رەوانە، داکو دویفچوون ل سەر بھێتە کرن”.
نيشاندان