رێڤەبەرێ سەخبیری و پاراستنا رێک و پرا ل دھۆکێ بۆ ئەڤرۆ نیوز دیارکر کو ژ ئەنجامێ بارینا پێلەکا بەفرێ گەلەک رێ ھاتینە گرتن، نوکە تیمین رامالینا بەفری ل سەر ھەموو جادێن ھاتینە گرتن کار دکەن ھەموو ژى دێ ھێنە ڤەکرن.
دێوالی حەمێ بریندار رێڤەبەرێ سەخبیری و پاراستنا رێک و پرا ل پارێزگەھا دھۆکێ گۆتژی: “نوکە ریێا زاخۆ بۆ کانی ماسی ب تەمامی ھاتە ڤەکرن و کار بۆ ڤەکرنا رێیا بریفکا بۆ بابیرێ یا بەردەوامە، ھیشتا نەھاتیە ڤەکرن لی ئەو ژی ھەتا دەمەکێ دی يێ کێم دێ ب تەمامی ھێتە ڤەکرن و رێيا سیارەتووکا ھەتا دگەھتە جەمانكێ ژی ھەموو ھاتە رامالین نوکە ئاسایی ھاتن و چوون ل سەر دھێتە کرن و گەلەک رێیێن دى ژى ژ بەر بارینا بەفرێ ھاتینە گرتن، تیمێن مە ھەر ژ دەمژمێر شەش و نێڤی سپێدی دەست ب کارێ پاقژکرنێ كريه و ھەتا نوکە بەردەوامن”.
دێوالی حەمێ بریندار ئەو ژی خۆیا کر کو ل سەرانسەری پارێزگەھا دھۆکێ حەفت تیم بۆ رامالینا بەفرێ ھاتینە پێک ئینان ل ھەموو دەڤەران د بەلاڤکرینە ب شەڤ و رۆژ دێ کار ھێتە کرن بۆ ڤەکرنا جادەیان دا کو ب ئاسایی وەلاتی بشێن ھاتن و چوونێ بکەن.
نيشاندان