ئه‌ڤرۆ نيوز:
رێڤه‌به‌ريا گشتيا بيڤه‌له‌رز و كه‌شناسيا هه‌رێمێ راگه‌هاند كو ل چارى ڤێ هه‌يڤێ دێ پێله‌كا به‌فر و بارانێ ب سه‌ر هه‌رێما كوردستانێ دا هێت و دێ سه‌نته‌رێن باژێران ژى ب خوه ڤه گريت.
د نڤيساره‌كا فه‌رمى دا كو دانه‌ك بۆ ئه‌ڤرۆ نيوز هنارتيه، پشكا پێشبينيان ل رێڤه‌به‌ريا گشتيا بيڤه‌له‌رز و كه‌شناسيا هه‌رێمێ راگه‌هاند كو ل 4\1\2015 هه‌رێما كوردستانێ دێ كه‌ڤيته به‌ر فشارێن نزمێن وه‌لاتێ توركيا كو هه‌وايه‌كێ سار يێ ل گه‌ل دا و ژێده‌رێ وان ژى ژ ناڤه‌راستا ئه‌ورۆپا يه.
ئاماژه ب وێ چه‌ندێ ژى كريه كو ژ به‌ر ڤێ چه‌ندێ ژى دهێته پێشبينيكرن كو ئه‌سمانى دهۆكێ بۆ هه‌ورێن ته‌مام بهێته گوهۆڕين و ل ده‌ڤه‌رێن جودا يێن هه‌رێمێ باران بباريت ب ره‌نگه‌كى كو زێده‌ترين رێژا باران بارينێ دێ ل هه‌ولێر بيت و ل ده‌ڤه‌رێن چيايى يێن وێ پارێزگه‌هێ ژى دێ به‌فر باريت ل سلێمانيێ ژى دێ به‌فر ل ده‌ڤه‌رێن چيايى باريت، به‌لێ ناڤ باژێرى دێ بارانه‌كا كێم و يا ده‌مى بيت، به‌لێ ل دهۆكێ ل گه‌ل بارينا بارانێ، ئه‌گه‌رێ بارينا به‌فرێ ژى ل ناڤ سه‌نته‌رێ پارێزگه‌هێ يێ هه‌يى و كه‌ركووك ژى دبيت هنده‌ك بارانا كێم ببياريت.
پشكا پێشبينيان ل رێڤه‌به‌ريا گشتيا بيڤه‌له‌رز و كه‌شناسيا هه‌رێمێ دده‌ته زانين ژى كو ل ده‌مێ باران بارينێ دێ له‌زاتيا بايى زێده بيت و رێژا سه‌دى يا سه‌رمايێ ژى ل ده‌ڤه‌رێن چيايى هێته بن سفرێ.
هه‌ر د هه‌مان نڤيسار دا هاتيه: كارتێكرنا ڤێ پێلا به‌فر و بارينێ دێ ل رۆژا 5\1\2015 ب لاوازى هێته ديتن، ب تنێ پارێزگه‌ها دهۆك نه‌بيت كو دێ كارتێكرنا ئه‌وى هه‌وايێ سار ل وێ ده‌ڤه‌رێ يا به‌رده‌وام بيت.
نيشاندان