ئه‌ڤرۆ نیوز:
ئومێد خوشناو سه‌رۆكێ فراكسیونا پارتى ل په‌رله‌مانێ كوردستانێ دیاركر كو شوره‌شا فێسبوكێ ل دۆر هه‌لوه‌شاندنا كرینا ترۆمبێلان بۆ په‌رله‌مانتاران سه‌ركه‌فت و گۆت: چ گومان تێدا نینه، هه‌رده‌م هه‌ر شوره‌شه‌كا ره‌وا بیت، دێ هه‌ر سه‌ركه‌ڤیت.
پشتى ل تورا كومه‌لایه‌تیا فێسبوكێ وه‌لاتیان نه‌رازیبوونا خوه ل دۆر كرینا ترۆمبێلان بۆ په‌رله‌مانته‌رێن كوردستانێ ده‌ربرى، دوهى سه‌رۆكایه‌تیا په‌رله‌مانى بڕیارا هه‌لوه‌ه‌شاندنا وێ بریارێ دا.
ئه‌ڤرۆ، سالار دۆسكی:
بتنێ(زریپۆش) د فلمان دا دیتی نه و چ جاران هزر ل چێكرنا ڤی كاری نه‌كریه، پشتی سه‌را سه‌نگه‌رێن پێشمه‌رگێ كوردستانێ كری ل ده‌ڤه‌را زمار و ل سه‌ر خواستا هه‌ڤالێ خوه كو ڤیا پیكه‌ما وان بۆ بكه‌نه (زریپۆش) رابوو كار ل سه‌ر كری و بۆ ماوێ هه‌یڤه‌كێ شیا ب جوانترین شێوه ترۆمبێله‌كا جوانا له‌شكه‌ری بۆ پێشمه‌رگێ كوردستانێ به‌رهه‌ڤ بكه‌ت و ب شێوێ (زریپۆش) یا جودابیت ژ هه‌ر ترۆمبێله‌كا له‌شكری.
سه‌فه‌رێ كوچه‌ر ماوێ 34 سالانه ئاسنگه‌رێ ده‌رگه‌ه و په‌نجه‌رانه، د هه‌ڤدیتنه‌كێ دا بۆ رۆژناما ئه‌ڤرۆ گۆت: پشتی ترۆمبێل ئینایه ده‌ف من و ترۆمبێلا هه‌ر پارچه پارچه‌كر و دووڤ دا پلێن ئینا ده‌ڤ من، دیسا (بژار ئاشه‌وی و شه‌وكه‌تێ فیته‌ر) ژی هاریكاریا من كریه موقه‌د‌مه‌كێ فه‌رماندا دهۆكێ هاریكاریا كارێ مه‌كریه و پشته‌ڤانیا دارایی ئه‌نجام دایه
سه‌فه‌ر گۆت: مه چێكریه و نه‌هاتیه تاقیكرن و هه‌موو نه (درعه) چونكۆ پلێتێ(درع) قاتێ وێ ئانكۆ( ته‌به‌قه) ب (30) وه‌رقێن دۆلاری یه، هه‌تا (13) قاتان چووینێ، تایرێن وێ یێن كۆمپانیێ نه وه‌ك هه‌موو هه‌مه‌ران و هه‌تا ب په‌قیت ژی دشێت خوه بگه‌هینته جهه‌كی، دیسان جامێن وێ ته‌لقه تێ ناچیت و فه‌رماندا دهۆكێ دوشكه‌كا فه‌رنسی راده‌ستی مه كریه ومه دانایه سه‌ر، سه‌فه‌رێ كوچه‌ر ئه‌وێ ب ئه‌نجامدانا ڤی كاری رابوویی ئاشكراكر كو وێنێ ڤێ گه‌له‌كێ جودایه ژ هه‌ر (موده‌رعه‌كا) دناڤا له‌شكه‌ری دا چونكه ئه‌ڤه ل به‌ر چیا نه‌هاتیه چێكرن،گۆت: ژبلی شوفێری و كه‌سێ ل گه‌ل د روونته خوارێ و كه‌سه‌ك ل سه‌ر دوشكێ یه و سێ كه‌س دشێن پشتا وێ دا شه‌ری بكه‌ن، خوه‌یاركر كو ئه‌ڤ كاره كریه بتنێ بۆ سلامه‌تی و پاراستنا جانێ پێشمه‌رگێ كوردستانێ و ژبه‌ر ڤێ یه‌كێ بویاغچیه‌كێ ترۆمبێلان ژی بێ به‌رامبه‌ر ئه‌ڤ كاره‌كریه پشتی زانی بۆ پێشمه‌رگێ كوردستانێ ئه‌ڤ كاره دهێته ئه‌نجامدان.
ئه‌ڤرۆ نيوز، نيوار محه‌مه‌د سه‌ليم:
ب رێيا تۆرا جڤاكيا فه‌يسبۆكى ئه‌ڤرۆ نيوز ڤيديۆيه‌كا تايبه‌ت يا هه‌ردو شه‌هيدێن سه‌ركرده شێخ ئه‌حمه‌د گه‌لى رۆمانى و شه‌هيد عه‌قيد فاخر ب ده‌ست خوه خستيه.
ل 11\11\2014 ل ده‌مێ ژ ناڤبرنا TNT يان دا ل سنورێ ميحوه‌رێ زۆمار، رائيد فاخر به‌روارى ل گه‌ل سێ پێشمه‌رگێن دى شه‌هيد بوون كو يا هه‌ڤده‌م بوو ل گه‌ل راكرنا مين و ته‌قه‌ميان.
هه‌ڤده‌م د هێرشا ئازادكرنا ئۆپه‌راسيۆنا شنگال دا ل رۆژا ئالايێ كوردستانێ 17\12\2014 دا، ژ ئه‌نجامێ ته‌قينا ترۆمبێله‌كا مينرێژكرى دا ل قسريج د ناڤبه‌را زۆمار و شنگال دا، فه‌رماندێ هێزا دژى تيرۆرێ يا پارێزگه‌ها دهۆكێ عه‌قيد ئه‌حمه‌د گه‌لى رۆمانى ب گرانى بريندار ببوو و گه‌هاند بوو نه‌خۆشخانا ته‌نگاڤيان ل دهۆكێ و پشتى نشته‌رگه‌ريه‌كا سه‌ركه‌فتيانه به‌ر ب وه‌لاتێ ئه‌نقه‌ره بربوو، ل به‌رى دو رۆژان ل وێرێ ژى نشته‌رگه‌ريه‌ك ب سه‌ركه‌فتيانه بۆ هاتبوو كرن، به‌لێ ل رۆژا 25\12\2014 ل ئێك ژ نه‌خۆشخانێن پايه‌ته‌ختێ توركيا چوو به‌ر دلۆڤانيا خودێ و گه‌هشته كاروانێ شه‌هيدێن بزاڤا رزگاريخوانا گه‌لێ كوردستانێ.
ڤان هه‌ردو كه‌ساتيان ل سه‌ر ئاستێ پێشمه‌رگه‌يى و ل تۆرێن جڤاكى يێن فه‌يسبۆكى ناڤوده‌نگيه‌كا ئێكجار مه‌زن ل سه‌ر تۆرا جڤاكيا فه‌يسبۆكى و ددلێ هه‌ر كورده‌كى دا هه‌بوو.
ئه‌ڤرۆ:
زوو ھاتنا ئاڤا زەلامی دبیتە ئەگەرێ پەیدابوونا کومەکا ئاریشەیان، ملحەم و بەخاخ بۆ ئازراندن و فیریانا سێکسی دروستە دھندەک دەلیڤەیان دا بھێنە ب کارئینان، ھەکە زەلام ب زەحمەت بگەھیتە خوشیا سێکسی دیسان ئاریشەیە و ئەندامێ سێکسی یێ زەلامی ژی تووشی گەلەک نەخۆشیان دبیت و ھەر نەخوشیەکێ ژی نیشان و بەرژەنگ و چارەسەریا خۆ یا تایبەت ھەیە و ھەکە زەلام کریارا سێکسی درێژ بکەت دێ بیتە ئەگەرێ وەرمینا ئەندامێ وی یێ سێکسی و ھەکە ھوین دگەل ئاڤا زەلامی دەرکەت ئەو نیشانەکا نەسروشتی یە و پێدڤی ب دووڤچونێ یە.
ئەڤرۆ، بەرپەرێ ساخلەمیێ:
• ھندەک کەس ھەنە چەندین جورێن مرھەم و بخاخان ب کاردئینن وەکو چارەسەری کو ئاڤا وان زووکا نەھێت، ئەرێ مفایەک د کارئینانا وان دا ھەیە و چ سەربارک ژێ پەیدادبن؟
کو زوو ھاتنا ئاڤا زەلامی یان ب لەز ھاتنا وێ، رامان ژێ ئەوە کو ئاڤا زەلامی دھێت بەری ھەردو لا بگەھنە خوشیا سێکسی، ئەڤە ل دەڤ ھندەک کەسان دبیتە ئەگەرێ ئاریشەیێن دەروونی و ئاریشەیێن خێزانی ژی ژێ پەیدادبن، ئەڤە نە نەخۆشی یە، بەلێ ل دەڤ کوران پەیدادبیت و ب تایبەت ژی ل دەمێ دەستپێکێ دبنە خودان ھەڤژین و دبیت ژی ب ڤەکێشیت، چارەسەریا وێ ل پتریا دەمان ئەوە کو ھەڤژینا وی پیچەک ھاریکاریا وی بکەت، دا پیچەکێ گیرو ببیت و ھەلبەت دشیاندایە زەلام مرھەم و بخاخان ب کاربینیت کو پیچەک ژ فیریانا وی یا سێکسی گیرو دکەن و چ سەربارک ژڤێ چەندێ پەیدانابن.
• ل ھەمبەر ڤێ چەندێ ھندەک گازندەیان دکەن کو ئاڤا وان زووکا ناھێت، ئەگەرێن ڤێ چەندێ چنە و چ چارەسەری ھەیە؟
ھەتا کو ئاڤا زەلامی ب دروستی بھێت، پێدڤی یە سەمامێ ژناڤدا بھێتە گرتن و ئەو زەڤلەکێن ل دورماندور ئەندامێ سێکسی تەنکبوون بکەڤیتێ دماوێ سێکسی دا و ھەر ئالوزیەک دڤان ھەردو کریاران دا دێ بیتە ئەگەر زەلام خوشیێ ژ سێکسی نەبینیت، ھندەک جاران نەخوشیێن تووشی کۆئەندامێ دەماران دبن دگەل خوارنا ھندەک دەرمانان، یانژی نشتەرگەریێن پروستاتان و ئەندامێ سێکسی دبنە ئەگەرێ ڤێ چەندێ و ھندەک جاران ژی ئەگەر زەلام ب زەحمەت گەھشتە خوشیا سێکسی یان رێکا دروست یا کریارا سێکسی نەزانیت دبیتە ئەڤ چەندە پەیداببیت.
* ئەرێ ھەبوونا خوریانێ د ئەندامێ سێکسی دا نیشانا ھەبوونا نەخۆشیەکا سێکسی یە؟
خوریان د ئەندامێ سێکسی دا وەکو ھەر خوریانەکا دیترە د لەشیدا و دبیت چ ئەگەر بو نەبن ب تایبەت ئەگەر خوریان یا وەختی بیت دبیت ئەگەرەکێ پیستی ھەبیت وەکو ھەستداریێ یان فتریاتا و ھەودانێن پیستی و دبیت ژی ھندەک دەرمان یان ھەودانێن سێکسی ببنە ئەگەرێ خوریانێ.
بەلێ ھندەک جاران وەکو بالیلکان ب قەوارێن ژێک جودا ل ئەندامێ سێکسی پەیدادبن، ئەڤە چ نەخۆشی یە؟
تایبەتمەندێ نەخۆشیێن میزەرۆیێ دیارکر کو ئەڤە ل دووڤ سالوخەتان دمینیت و گوت:ئەگەر قەوارێن وان د جورا و جور بن، ئەڤە نەخوشیەکا ڤایروسی یە و ب رێکا سێکسی دھێتە ڤەگوھاستن و بو چارەسەریێ پێدڤیە ئەو بالیلک بھێنە راکرن ب نشتەرگەریێ چ ب دەستان یان ب رێکا کارەبێ و ھندەک دەرمان ژی بۆ نەخوشی بھێنە دان و دیسان باشترە چاڤدێری ھەبیت داکو ئەڤ نەخوشی یە دووبارە پەیدانەبیت.
• گەلەک کەس گازندەیان دکەن کو ئەندامێ وان یێ سێکسی دوەرمیت ئەرێ ئەگەرێن وەرمینا ئەندامێ سێکسی چنە؟
ئەگەرێن وەرمینا ئەندامێ سێکسی یان گرێدای پشکەکا لەشی یە وەک ژ کارکەتنا دلی یان گولچیسکان، یانژی ژئەگەرەکێ خو جھی وەک ھەستداری و ھەودانان و نەخوشیێن پیس یانژی دبیت ژئەگەرێ شکەستنا ئەندامێ سێکسی بیت و ھندەک جاران ژی ژبەرکو زەلام کریارا سێکسی گەلەکدرێژ دکەت دبیتە ئەگەرێ وەرمینێ.
• ھندەک جاران خوین دگەل ئاڤا زەلامی دەردکەڤیت ئەگەرێن وێ چنە؟
دەرکەفتنا خوینێ دگەل ئاڤا زەلامی، نیشانەکا نەئاسایی یە و پێدڤی ب دووڤچونێ ھەیە و گەلەک ئەگەر ژی بۆ وێ چەندێ ھەنە وەک ھەودانا پروستاتان و ھەودانێن ئەندامێ نێرینە و ھندەک جاران ژی پشتی نشتەرگەریێن پرۆستاتان ئەڤ حالەتە پەیدادبن و ھەروەسان پەنجەشێرا پروستاتان دبیتە ئەگەرێ وێ چەندێ و دیسان خوارنا دەرمانێن دژی جەلتا خوینێ و نەخۆشیێن کو خوین بەربوونێ پەیدادکەن دبنە ئەگەر خوین دگەل ئاڤا زەلامی بھێت.
* ھەبوونا ھندەک پنیێن تاری ل سەر ئەندامێ سێکسی و دەمێ دئێشن و خوریان دگەلدابیت، چ ئەگەر ھەنە؟
سەرەکیێ ڤی حالەتی ھەستداریە ب ھندەک دەرمانێن وەک ( سلفا و تتراسایکلین) و پێدڤیە ئەو کەسێ ئەڤ پنی یە ل دەڤ ھەبن خو ژوان دەرمانان دوور بکەت، نەدوورە ژی ئەو دەستپێکا پەیدابوونا نەخۆشیەکا سێکسی بن.
ئەڤرۆ:
پشتی پێشڤەچوونێن پێشمەرگەی یێن چەند رۆژێن دەرباز بووی ل میحوەرێ رۆژئاڤایێ دیجلەی، ورەیا وان بلند تر لێھاتیە، ئەفسەرەکێ پێشمەرگێ کوردستانێ ژی دیار دکەت ل ھەموو میحوەران داعش بەر ب نەمانێ ڤە دچیت.
عەمید بەھرەم یاسین فەرماندێ لیوا حەفت یا پێشمەرگێ کوردستانێ دیارکر کو ھەموو رێیێن ستراتیژی یێن ل بن ئاگرێ پێشمەرگەی دا و بۆ ئەڤرۆ گوت” پێشمەرگێ کوردستانێ ھەتا نیڤا سەنتەرێ باژێرێ شنگالێ چوینە و پاشان زڤرینە جھێن خوە یێن سەرەکی ژ بەر فروکێن ھەڤپەیمانان”.
عەمید بەرھرەم دیارکر کو ھەموو رێێن سەرەکی یێن ھاتینە دناڤا قەزا شنگالێ دا ل ژێر ئاگرێ چەکێن پێشمەرگەینە و گوت” ئەو رێێن دھێنە ناڤا شنگالێ دا ل باکور و قیبلەتێ شنگالێ ل ژێر ئاگرێ چەکێن پێشمەرگەینە و دشێم بێژم داعش چو رێیێن سەرەکی نەماینە بۆ ھاتنا ھاریکاریان”.
ناڤبری ئەو چەندە دیارکر کو چەندین تەرمێن تیرۆرستێن داعش یێن د دەستێن پێشمەرگێ کوردستانێ دا و گوت” داعش ب ھەموو ھێزا خوەڤە بزاڤان دکەت ھێرشان بینیتە ل سەر ھێزێن مە، لێ ھەر ھێرشەکا دکەت شکەستنێ دئینیت و ئەو جھێن ئەو ژێ دھێن ژ دەستان دھێنە دەر”.
فەرماندێ لیوا حەفت ئاماژە ب وێ چەندێ کر کو ل دەمەکێ نێزیک دێ شنگال پاقژبیت و گوت” پلانەکا ب رێکوپێک ھاتیە دانان بو ھندێ قەزا شنگالێ ب تمامی بھێتە پاقژکرن و ل دەمەکێ نێزیک دێ ب ھەموو کومەلگەھێن وێ ڤە کەڤیتە ژێر کونترولا پێشمەرگێ کوردستانێ”.
ژلایەکێ دویڤە موقەدم رێبەر رەمەزان ئەفسەرێ سوپایێ ئێکێ زێرەڤانی ل میحوەرێ سەھلج ئەو چەندە دیارکر کو ھێزێن پێشمەرگەی شیاینە ھەموو ھێرشێن داعش بشکێنن و گوت” ل گوندێن نێزیک ئاسکی مووسل چەندین جاران تیرۆرستێن داعش ھێرشکریە و ئەڤ چەندە ھاتە پێش پشتی کونترولکرنا باکورێ قەزا شنگالێ و ورەیێن داعش ب تمامی مرینە و ژبەر وێ چەندێ بۆ دیارکرنا ھێزا خوە چەندین ھێرش ئیناینە ل سەر گوندێن تل زەھەب و ھوزەیمە”.
ئەفسەرێ سوپایێ ئێکێ زێرەڤانی ئاماژە ب وێ چەندێ کر کو ھەموو ھێرشێن وان تێکداینە و گوت” ھەموو ھێرشێن داعش دھێنە تێک شکاندن و چەندین تەرمێن وان نوکە د دەستێن پێشمەرگێ کوردستانێ دانە”.
ئه‌ڤرۆ نیوز:
ئه‌ندامه‌كێ لژنا دارایى ل په‌رله‌مانێ عیراقێ ئاشكراكر كو ل سالا بهێت دێ موچێ تورا پاراستنا جڤاكى زێده بیت.
هەیسەم جبوری ئه‌ندامه‌كێ لژنا دارایى ل په‌رله‌مانێ عیراقێ بۆ (سۆمەریە نیوز) ڕاگەهاند: زێده‌كرنا موچێ تورا پاراستنا جڤاكى د قانوونا پاراستنا جڤاكى یا ژماره 11 یا سالا 2014 بڕیار ل سه‌ر هاتیه دان و ل ته‌موزا سالا 2015 دێ كه‌ڤیته بیاڤێ بجهئینانێ.
ئه‌ڤرۆ نيوز، نيوار محه‌مه‌د سه‌ليم:
سۆپاسالارێ له‌شكرێ كوردستانێ راگه‌هاند كو ئه‌ڤرۆ ژى شه‌ر ل ناڤا شنگال يێ به‌رده‌وامه و ب ره‌نگێ كولان كولان يێ دهێته كرن و ئه‌گه‌رێن زوو رزگارنه‌كرنا شنگال ژى ئاشكه‌را دكه‌ت.
فه‌ريف جه‌مال ئێمينكى، سۆپاسالارێ له‌شكرێ كوردستانێ، بۆ ئه‌ڤرۆ نيوز گۆت: “شه‌ر يێ به‌رده‌وامى ب قه‌ناسان و هنده‌ك جاران بزاڤێ دكه‌ن هێرشێ بكه‌نه سه‌ر پێشمه‌رگه‌يى، به‌لێ هه‌موو هێرشێن وان تێك دشكێنين”.
زێده‌تر گۆت: “هه‌موو هێزێن پێشمه‌رگه‌يى ژ يه‌كا 70 و 80 و وه‌زاره‌تا پێشمه‌رگه‌يى و زيره‌ڤانى د شه‌رێ ئازادايا شنگال دا د پشكدارن ژ لايێ هه‌رێما كوردستانێ ڤه”.
دا زانين كو هه‌تا نوكه تاخێ قه‌نديل و به‌رۆژ ل گه‌ل جهێن ستراتيژى يێن شنگال كو گرێ معاويه و شۆرا رۆمانيا و گرێ تانكى ئه‌ڤێ پشتا به‌ربه‌رۆژ يێن د ده‌ستێ پێشمه‌رگه‌يى دا و گۆت: “هه‌ر جهه‌كێ بلند بيت ژ لايێ چيايى ڤه نوكه د ده‌ستێ پێشمه‌رگه‌يى دايه، به‌لێ رێژا وێ ب سه‌دێ نه‌شێين بێژين”.
فه‌ريف جه‌مال ئێمينكى ل دۆر ئه‌گه‌رێ گيرۆبوونا رزگاركرنا شنگال گۆت: “تى ئێن تى گه‌له‌ك يا هه‌يى و ئه‌و ب خوه ژى به‌ره‌ڤانيه‌كا مه‌زن دكه‌ين چونكو رێيه‌كا ستراتيژى يه، ل سه‌ر رێيا سوريا و تله‌عفه‌ر و مووسل دايه، ديسا ل ده‌سپێكێ ژى د پلانا پێشمه‌رگه‌يى دا نه‌بوو بچنه ناڤ شنگال، به‌لێ بێ نه‌خشه‌كێ دارشتى چوون”.
سۆپاسالارێ له‌شكرێ كوردستانێ گۆتژى: “شنگال به‌رنامه‌كێ ته‌مام دڤێت، هه‌تا بهێته كۆنترۆلكرن، به‌لێ يا گرنگ ئه‌و بوو، هنده‌ك جهێن ستراتيژى يێن هاتينه گرتن، دێ رێخۆشكه‌ر بن بۆ رزگاركرنا شنگالێ”.
ئه‌ڤرۆ نيوز، چه‌كدار ئه‌ترووشى:
ژێده‌ره‌كى ژ رێڤه‌به‌ريا نه‌هێلانا گۆنه‌هباريان ل دهۆكێ راگه‌هاند كو پشتى به‌رى چه‌ند هه‌يڤان كه‌سه‌كى شۆفێره‌كێ ته‌كسيێ كوشتى و ترۆمبێلا وى ره‌ڤاندى، نوكه ئه‌و كه‌س هاتيه ده‌سته‌سه‌ركرن و چه‌ندين تاوانێن دژى ل سه‌ر ده‌رچووينه.
ئه‌ڤى ژێده‌رى بۆ ئه‌ڤرۆ نيوز گۆت: “پشتى به‌رى چه‌ند هه‌يڤه‌كان شوفێره‌كێ ته‌كسيێ ل دهۆكێ هاتيه كوشتن و ترۆمبێلا وى هاتيه دزين و پاشان هاتيه فرۆتن، چه‌ندين كه‌س ژى ل سه‌ر ڤێ كه‌يسێ هاتنه ده‌سته‌سه‌ركرن و پشتى چه‌ندين ڤه‌كۆلينێن هوور شيان بكوژێ شۆفێرێ ته‌كسيێ ده‌شتى مه‌رعان ده‌سته‌سه‌ربكه‌ن كو ئه‌و ژى ئه‌فسه‌ره‌كێ ب پلا جيدارێ ئێكێ يه د ناڤ له‌شكرێ عيراقێ دا”.
زێده‌تر گۆت: “ئه‌ڤى كه‌سێ ب ناڤێ (ج.هـ) ژ بلى كو دانپێدان ب ئه‌ڤێ كه‌يسێ كريه، دانپێدان ب چه‌ندين تاوانێن دى ژى كريه كو هه‌ر ژ لايێ وى ڤه هاتينه ئه‌نجام دان”.
دا زانين ژى كو ئه‌ڤه ئێك ژ وان تاوانباران بوويه يێن هێزێن وان گه‌له‌ك زه‌حمه‌ت ب گرتنا وى ڤه برى ژ به‌ر ئه‌ركێ وى يێ له‌شكرى.
نيشاندان