ئه‌ڤرۆ نيوز:

پشتى بۆ ماوێ هه‌شت رۆژان مايه‌ د ژێر چاڤدێريا چر دا، ئه‌ڤرۆ سپێدێ خه‌به‌رێ شه‌هيد بوونا فه‌رماندێ هێزا دژى تيرۆرێ ل دهۆكێ هاته‌ راگه‌هاندن.

د هێرشا ئازادكرنا ئۆپه‌راسيۆنا شنگال دا ل رۆژا ئالايێ كوردستانێ 17\12\2014 دا، ژ ئه‌نجامێ ته‌قينا ترۆمبێله‌كا مينرێژكرى دا ل قسريج د ناڤبه‌را زۆمار و شنگال دا، فه‌رماندێ هێزا دژى تيرۆرێ يا پارێزگه‌ها دهۆكێ عه‌قيد ئه‌حمه‌د گه‌لى رۆمانى ب گرانى بريندار ببوو و گه‌هاند بوو نه‌خۆشخانا ته‌نگاڤيان ل دهۆكێ و پشتى نشته‌رگه‌ريه‌كا سه‌ركه‌فتيانه‌ به‌ر ب وه‌لاتێ ئه‌نقه‌ره‌ بربوو، ل به‌رى دو رۆژان ل وێرێ ژى نشته‌رگه‌ريه‌ك ب سه‌ركه‌فتيانه‌ بۆ هاتبوو كرن، به‌لێ ئه‌ڤرۆ سپێدێ ل ئێك ژ نه‌خۆشخانێن پايه‌ته‌ختێ توركيا چوو به‌ر دلۆڤانيا خودێ و گه‌هشته‌ كاروانێ شه‌هيدێن بزاڤا رزگاريخوانا گه‌لێ كوردستانێ.

عه‌قيد ئه‌حمه‌د گه‌لى رۆمانى ل ده‌سپێكا شه‌رێ داعش ب هێزه‌كێ ژ گه‌ل هێزا دژى تيرۆرا عيراقى ئه‌وا ب ناڤێ تيما زێرين دهێته‌ ب ناڤكرن هاتبوو هه‌رێما كوردستانێ و گرۆپه‌ك ب ناڤێ هێزا ده‌ست وه‌شين دانابوو و شيابوون رۆله‌كێ ئێكجار مه‌زن د سه‌ركه‌فتنێن پێشمه‌رگه‌يى دا بگێرن ب تايبه‌ت ل شه‌رێ ئازادكرنا ره‌بيعه‌ كو ل وێرێ ژى هاتبوو بريندار كرن، پاشان ژ ناڤێ گرۆپا وى هێزا ده‌ست وه‌شين بوو فه‌رمانده‌يا دژى تيرۆرێ ل پارێزگه‌ها دهۆكێ.

ل رێكه‌فتى 10\12\2014 وه‌زاره‌تا پێشمه‌رگه‌يى ل حوكمه‌تا هه‌رێما كوردستانێ راگه‌هاند بوو كو ژ ده‌سپێكا شه‌رێ داعش بۆ سه‌ر هه‌رێما كوردستانێ هه‌تا نوكه‌ 727 پێشمه‌رگه‌ شه‌هيد بووينه‌ و زێده‌ترى سێ هزار كه‌سان بريندار بووينه‌ و 34 ژى د بێ سه‌روشينن.

ڤيديۆ: بۆ ديتنا جهێ برينداربوونا شێخ ئه‌حمه‌د گه‌لى رۆمانى ڤێره‌ كليك بكه‌:

بۆ زانينا سه‌رهاتيا برينداربوونا وى ڤێره‌ كليك كه‌:

ل ده‌سپێكێ نوشدارى ل سه‌ر برينا وى چ گۆتبوو؟ ڤێره‌ كليك بكه‌:

1 of 2

ئەڤرۆ نيوز، نەوزاد زادە ھلۆری:

ل گور ئامارەکا ئەنجومەنا دادوەریێ ل ھەرێما کوردستانێ کو د ٩ ھەیڤێن بوری دا ھاتیە تومارکرن تێدا ھاتیە کو ژمارا بەردانێ گەلەک پترە ژ ھژمارا گرێدانا گرێبەستا ھەڤژینێ و بەھرا پتریا وان ژی ژ ئەگەرا قەیرانا دارایی بوویە.

ل گور ئامارا ئەنجومەنا دادوەریێ یا ھەرێما کوردستانێ د ماوەیێ ٩ ھەیڤێن بوری دا ل ھەرێما کوردستانێ ٣ ھزار ٦٨٨ گرێبەستێن ھەڤژینیێ ھاتینە تومارکرن و د بەرامبەر دا ٦ ھزار ٨٥ بەردان ژی ھاتینە تومارکرن ل دادگەھێن بارێن کەسایەتی ، و ل بارسال ٥٢ ھزار ٧٤٩ گرێبەستێن ھەڤژینیێ و ٦ ھزار ٤١٦ بەردان ھاتینە تومارکرن.

دڤی واریدا کەژال ھادی جێگرا سەروکێ لیژنا داکوکیکرن ل مافێن ئافرەتان ل پەرلەمانێ کوردستانێ دیارکر کو بەھرا پتریا ئەگەرێن بەردانێ دزڤریت بوو نەجێگریا بارودوخێ ئابووریێ کوردستان و جیھانێ و بو ئەڤرۆ نیوز گۆت: “نەدانا پێشینەیێن ئاڤاھیان و ھەڤژینیێ و نەھاتنا بودجە و برینا موچەیان و گرانبوونا پێدڤێن داوەتان و ب زەحمەت پەیداکرنا پاریێ ژیانێ و ب گشتی نەخوش بوونا بارودوخێ سیاسی و ئابوریێ کوردستانێ بوویە سەدەم کو پرۆسەیا ھەڤژینیێ کێم بیت و د بەرامبەر دا رێژەیا بەردانێ زێدە ببیت”.
زێدەتر گۆت: “پێدڤی یە کو جھێن شولەژێ بزڤرنەڤە بوو ، و کار بوو گەشەپێدانا خێزانێ بکەن”.

ئه‌ڤرۆ نیوز:

په‌یڤدارێ وه‌زاره‌تا خواندنا بلند راگه‌هاند كو وه‌زاره‌تا خواندنا بلند ژى یا پابه‌نده‌ ب بهێنڤه‌دانێن فه‌رمى كو ژ ئالیێ ئه‌نجومه‌نێ وه‌زیران ڤه‌ دهێته‌ دیاركرن و گۆت: رۆژێن 25 و 1/1 بۆ وان ژى بهێنڤه‌دانه‌.
سه‌باره‌ت ده‌واما ماموستا و قوتابیان، فوئاد عه‌لى په‌یڤدارێ وه‌زاره‌تا خواندنا بلند گۆت: زانكۆیێن كوردستانێ یێن سه‌رپشكن د رێكخستن و دیاركرنا بهێنڤه‌دانان دا ل گۆر سالناما زانكۆیێ.

ئه‌ڤرۆ نيوز، نيوار محه‌مه‌د سه‌ليم:

حوكمه‌تا هه‌رێما كوردستانێ راگه‌هاند كو ژبلى رۆژا 25\12 و 1\1 دێ رۆژه‌كا دژى بيته‌ بهێنڤه‌دانا فه‌رمى كو ب هه‌لكه‌فتا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بنه‌.

فاتح مه‌وله‌وى زاده‌، ئاخفتنكه‌رێ  بناڤێ حوكمه‌تا هه‌رێما كوردستانێ راگه‌هاند كو ژ بلى رۆژا 25\12 و 1\1 دێ رۆژا 3\1 ژى بيته‌ بهێنڤه‌دانا فه‌رمى كو ب هه‌لكه‌فتا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن.

پێشتر ژى حوكمه‌تا هه‌رێما كوردستانێ به‌رى دو رۆژان ژ زارده‌ڤێ ئاخفتنكه‌رێ خوه‌ راگه‌هاندبوو كو هه‌ر دو رۆژێن 25\12 كو دبيته‌ جه‌ژنا مه‌سيحيان و 1\1 كو دبيته‌ سه‌رێ سالا زاينى دێ بهێنڤه‌دانا فه‌رمى بيت ل هه‌موو داموده‌زگه‌هێن حكومى، ب تنێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا په‌روه‌ردێ دێ ل دووڤ پێدڤيا خوه‌ بڕيارێ ده‌ن.

رێڤه‌به‌رێ گشتيێ په‌وره‌دا پارێزگه‌ها دهۆكێ گۆت: “ده‌رباره‌يى بهێنڤدانێن ڤان رۆژان ل گه‌ل وه‌زيرێ په‌روه‌ردێ ئاخفتينه‌ كو هه‌ر ئێك ژ رۆژێن 25\12 و 1\1 ببنه‌ دواما فه‌رمى بۆ قوتابيان، ب تنێ بۆ قوتابيێن مه‌سيحى دێ بهێن ڤه‌دانا فه‌رمى بيت”.

ئه‌ڤرۆ نيوز، ناجى به‌ده‌ل:

ل گوری ئه‌وێ ده‌سه‌لاتا وه‌زراه‌تا په‌وه‌ردێ یا حوكمه‌تا هه‌ریما كوردستانێ دایه‌ ریڤه‌به‌ریا به‌روه‌ردا گشتی یا پاریزگه‌ها دهۆكێ ل گوره‌يی هه‌ر پێدڤیه‌كێ ل سه‌ر چاوانیا ده‌وامێ و ده‌مێ تاقیكرنان ده‌سه‌لات پی هاتیه‌ داین، ئه‌وان وه‌كو په‌روه‌ردا گشتيا پارێزگه‌ها دهۆكێ بڕيارا خوه‌ دا.

نیوار ئه‌ترووشی به‌رپرسێ راگه‌هاندنا په‌روه‌ردا رۆژهه‌لات یا پارێزگه‌ها دهۆكێ راگه‌هاند: “ل گوری ئه‌وێ ده‌سه‌لاتا وه‌زاره‌تێ ب ریڤه‌به‌ریا گشتی یا پاریزگه‌ها دهۆكێ دايی ل سه‌ر ئه‌وی بنه‌مایی بریار دایه‌ 25\12 و 1/1 نه‌ بیته‌ بهێنڤه‌دان بۆ كه‌رتێ په‌روه‌ردێ ل پارێزگه‌ها دهۆكێ”.

ناڤبری ئه‌و چه‌نده‌ ژی دیاركر ژ به‌ر ئه‌گه‌رێ پاشكه‌فتنا قوتابیان ل وانه‌یان و نه‌ ده‌ركه‌تنا ئاواران ژ قوتابخانه‌یان كو ده‌وام دره‌نگ ده‌ست پی بكه‌ت له‌ورا بریار هاته‌ داین بهێنڤه‌دانێن هاتینه‌ دیاركرن ل حوكمه‌تا هه‌رێمێ ژ پارێزگه‌ها دهۆكێ ناگرن و دێ ده‌واما فه‌رمی بیت بۆ كه‌رتێ په‌روه‌ردێ ل پارێزگه‌ها دهۆكێ.

حوكمه‌تا هه‌رێما كوردستانێ به‌رى دو رۆژان ژ زارده‌ڤێ ئاخفتنكه‌رێ خوه‌ راگه‌هاندبوو كو هه‌ر دو رۆژێن 25\12 كو دبيته‌ جه‌ژنا مه‌سيحيان و 1\1 كو دبيته‌ سه‌رێ سالا زاينى دێ بهێنڤه‌دانا فه‌رمى بيت ل هه‌موو داموده‌زگه‌هێن حكومى، ب تنێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا په‌روه‌ردێ دێ ل دووڤ پێدڤيا خوه‌ بڕيارێ ده‌ن.

ئه‌ڤ بهێنڤه‌دانێن كو هاتينه‌ ره‌تكرن ژ لايێ په‌روه‌ردا حوكمه‌تا هه‌رێما كوردستانێ دێ ب تنێ ژ قوتابخانان گرن و ئه‌و رێڤه‌به‌ريێن سه‌ر ب وى كه‌رتى ڤه‌ دێ د بهێن ڤه‌دانێ دا بن.