ئەڤرۆ نیوز ، نەوزاد زادە ھلۆری :
پشتی ھەولەکا زۆر ژ لایێ ئەندام پەرلەمان و قوتابێن زانکۆیێن ئەھلی ل ھەرێما کوردستانێ ئەڤرۆ وێڤە دێ دانا پارەيی بۆ زانکۆیێن ئەھلی ب دو قستان بیت.
دلشاد شەعبان ئەندام پەرلەمانێ کوردستانێ ل سەر تۆڕا جڤاکی یا فێسبوکى گۆت: “پشتی گازندێن قوتابیان کو دانا پارەی بۆ زانکۆیێن ئەھلی ب ئێکجار ل سەر ئەوان گرانە، ئەم نەچاربووين کو چەند پرسیارەکان ژ وەزیرێ خوێندنا بلند و ڤەکولینێن زانستی بکەین و دووڤ دا ئەم گەھشتینە وی ئەنجامی کو پێدانا پارەی بۆ زانکۆیێن ئەھلی ژ لایێ قوتابیان ڤە ببیتە دو قست”.
گۆتژی : “دێ زێدەتر بزاڤان کەین کو پێدانا پارەی ب قستێن درێژتر بھێندان دا کو قوتابی بکارن ل سەر خواندنا خوە د بەردەوام بن”.
ئەڤ گازندا قوتابیان ل وی دەمی ھاتیە کو قەیرانا ئابووری و سیاسی ل ھەرێما کوردستانی روودایە و بوویە سەدەم کو بارگرانیەک بۆ ھندەک قوتابیێن زانکۆیێن ئەھلی دروست ببیت ب دانا پارەی ب ئێکجاری.

ئه‌ڤرۆ نيوز:

سكرتێكرێ جڤاتا وه‌زيرێن كوردستانێ ئاشكه‌را كر كو به‌غدا دێ ئێك مليار دولارێن دى بۆ هه‌رێما كوردستانێ ره‌وانه‌ كه‌ت، راگه‌هاند ژى هه‌تا دووماهيا سالێ دێ هه‌موو مووچێن فه‌رامبه‌ران هێنه‌ به‌لاڤكرن.

باسنيوز، ژ زارێ د. ئارمانج ره‌حيم سكرتێرێ جڤاتا وه‌زيرێن هه‌رێما كوردستانێ به‌لاڤكريه‌ كو ب گۆره‌يى ئه‌و رێكه‌فتنا هاتيه‌ كرن هه‌تا دووماهيا ئه‌ڤ ساله‌ حوكمه‌تا هه‌رێمێ دێ ئێك مليار دولارێن دى ژى ره‌وانه‌يى هه‌رێمێ كه‌ت.

سكرتێرێ جڤاتا وه‌زيران گۆت: “پشكه‌كا زۆر يا وى پاره‌يى ل گه‌ل داهاتێ ناڤخۆ و داهاتێ په‌ترۆلێ دێ بۆ مووچێ وان سێ هه‌يڤێن مووچه‌خوارێن هه‌رێمێ بيت”.

ئاماژه‌ ب وێ چه‌ندێ ژى دا كو سه‌رۆكێ حوكمه‌تا هه‌رێما كوردستانێ فه‌رمانبه‌ران پشت راست دكه‌ت كو مووچێ چو فه‌رمانبه‌ران ناسوژيت و گۆتژى: “پشتى رێكه‌فتنا ل گه‌ل وه‌زيرێ په‌ترۆلا هه‌ولێر هاتيه‌ كرن، 500 مليۆن دولار ژ به‌غدا هاتينه‌ و دو جارێن دژى دێ 500 مليۆن دولار هێن دا هه‌تا دووماهيا ئه‌ڤ ساله‌ هه‌موو موووچان بده‌ين”.

سكرتێرێ جڤاتا وه‌زيران ئاماژه‌ ب وێ چه‌ندێ ژى دا كو فه‌رمانبه‌ر هه‌تا دووماهيا ئه‌ڤ ساله‌ دێ هه‌موو مووچێن خوه‌ وه‌رگرن و گۆت: “ل سالا بهێت فه‌رمانبه‌رێن هه‌رێمێ دێ د ده‌مێ خوه‌ دا مووچه‌يى وه‌رگرن و چو كێشه‌ نامينن”.

ئه‌ڤرۆ نيوز:

سه‌رۆكێ لژنا پێشه‌سازى و سامانێن سرۆشتى راگه‌هاند كو هاتنه‌ خوارا بهايێ پانزينێ په‌يوه‌ندى ب رێكه‌فتنا هه‌رێم و به‌غدا ڤه‌ نينه‌ و دا زانين كو حه‌فتيا بۆرى ل گه‌ل جڤاتا په‌ترۆل و گازێ دانوستاندن كريه‌.

شێركۆ جه‌وده‌ت، سه‌رۆكێ لژنا پێشه‌سازى و وه‌زه‌ و سامانێن سرۆشتى ل په‌رله‌مانێ كوردستانێ بۆ خاك دياركر كو ل حه‌فتيا بۆرى ل سه‌ر بهايێ په‌ترۆلێ ل گه‌ل جڤاتا په‌ترۆل و گازێ دانوستان كريه‌ و داخوازا كێمكرنا بهايێ په‌ترۆلێ كريه‌.

د به‌رسڤا وان دا، جڤاتا په‌ترۆل و گازێ ل هه‌رێمێ بۆ ئاشكه‌را كريه‌ كو هه‌تا كاودانێن دارايى يێن هه‌رێمێ ئاسايى نه‌بن، ئه‌و نه‌شێن بهايێ پانزينێ كێم كه‌ن هه‌ر وه‌كو دكتور شێركۆيى به‌حسكرى.

ئاشكه‌را ژى كر كو هاتنه‌ خوارا بهايێ په‌ترۆلێ په‌يوه‌ندى ب رێكه‌فتنا هه‌ولێر و به‌غدا ڤه‌ نينه‌ هه‌ر وه‌كو جڤاتێ بۆ ڤێ لژنا په‌رله‌مانى گۆتى.

پشتى قه‌يرانا دارايى ب سه‌ر هه‌رێما كوردستانێ دا هاتى، بهايێ په‌ترۆلێ ژى ژ 500 ديناران بوويه‌ 900 دينار و ب گۆره‌يى چاڤدێران ژىئه‌ڤێ پێنگاڤا حوكمه‌تێ ژى كارتێكرنه‌كا راسته‌وخۆ يا ل سه‌ر ژيانا وه‌لاتيان كرى.

ژێده‌ر: خه‌لك