ئه‌ڤرۆ، ره‌وان نهێلى
فه‌ریق روكن خورشید سه‌لیم دیاردكه‌ت هێشتا بابه‌كر زێبارى وه‌ك سه‌رۆك ئه‌ركانێ سوپایێ عیراقێ ده‌وامێ ل به‌غدا دكه‌ت و پشتى ڤه‌دگه‌ریت، ئێكسه‌ر ئه‌و دێ ل شوونا وى ده‌وامێ كه‌ت.
فه‌ریق روكن خورشید سه‌لیم دێرگژنیكى پشتى كو ل 12/11 ل هند ده‌زگه‌هێن راگه‌هاندنێ هاتیه‌ به‌لاڤكرن كو بوویه‌ سوپاسالارێ عیراقێ، بۆ ئه‌ڤرۆ دیاركر كو ئه‌و نوكه‌ یێ ل مال و موله‌ت وه‌رگرتیه‌ و گۆت” نوكه‌ بابه‌كر زێبارى وه‌ك سوپاسالارى عیراقێ، ده‌وامێ دكه‌ت و پشتى ڤه‌دگه‌ریت، ئه‌ز دێ چمه‌ شوونا وى و ناكێشیته‌ هه‌یڤه‌كا دى، وه‌ك رێوره‌سمه‌كێ قانوونى دێ هێته‌ كرن و دێ چمه‌ شوونا وى”.
سه‌باره‌ت ئه‌گه‌رێ وێ یه‌كێ كانێ بۆچى هه‌تا نوكه‌ وه‌ك سۆپاسالار ده‌وام نه‌كریه‌، خورشید سه‌لیم گۆت” ئه‌ڤ چه‌نده‌ ل سه‌ر سه‌ركردایه‌تیا سیاسى یا كوردى دمینیت، دوهى ژى من سه‌رۆك مه‌سعود بارزانى دیتى یه‌ و ئه‌ز 100% به‌ربژێرێ ئێكێ مه‌ بۆ وى پۆستى، به‌لێ ئه‌ز نه‌شێم ئه‌گه‌رێن ده‌وامنه‌كرنا خوه‌ دیار بكه‌م، سه‌رۆك بارزانى دزانیت”.

ئه‌ڤرۆ نيوز، نيوار محه‌مه‌د سه‌ليم:

د كۆنگره‌كێ رۆژمه‌ڤانى دا ئه‌ڤرۆ رۆژا پێنجشه‌مبى ل وه‌زاره‌تا خواندنا بلند و ڤه‌كۆلينێن زانستى د. كه‌ريم سالح شيره‌تكارێ وه‌زاره‌تێ، ئه‌نجامێن وه‌رگرتنا قوتابيان ل زانكۆ و په‌يمانگه‌هان ئاشكه‌را كرن و گۆتژى: “بۆ ئه‌ڤ ساله‌ 30 هزار و 653 قوتابى ل زانكۆ و په‌يمانگه‌هان هاتينه‌ وه‌رگرتن”.

ئەڤرۆ نیوز، مللەت جەمال:
بەرپرێ راگەھاندنێ ل رێڤەبەریا ھاتنوچوونا پارێزگەھا دھۆک راگەھاند کو بۆ ئەڤرۆ نیوز دیارکر کو ژ بەر پێدڤیاتیا پارێزگەھا دھۆکی ب دامەزراندنا پۆلیسێن ھاتنوچوونێ، وەزارەتا ناڤخۆ یا ھەرێما کوردستانێ رازەمەندیا خوە دەربری ل سەر دامەزراندنا 50 پولیسێن ھاتنوچوونێ بۆ پارێزگەھا دھۆک.
رائید ئازاد تاھا بەرپرێ راگەھاندنێ ل رێڤەبەریا ھاتنوچوونا پارێزگەھا دھۆک گۆت: “پێدڤیە ژیێ داخازکەرێ فورمێ ژ 17 سالان کێمتر نەبیت و ژ 35 سالیێ زێدەتر نەبیت و دەرچوویێن ناڤنجی بیت و درێژاھیا وی یان وێ ژ 170 سم کێمتر نەبیت و پێدڤیە بەلگەنامێن پێدڤی ل گەل خوە بینیت ئەو ژی ناسناما بارێ شارستانی و رەگەزناما عیراقی و پلێتا ئاھێن خوارنێ و کارتا زانیاریان و 8 وێنێن رەنگا و رەنگ”.
زێدەتر گۆت: “فورمە دێ سوبه‌هى ل رێڤەریا ھاتن و چوونا پارێزگەھا دھوکێ ل دومیز ھێنە بەلاڤکرن”.

ئەڤرۆ نیۆز، سالار دۆسکی

درێ و رەسمەکی دا ئەڤرۆ 1\12\2014 ب ئامادەبوونا فەرھاد ئەترۆشی پارێزگەرێ دھۆک و رێڤەبەرێ گشتیێ پەروەردێ ل پارێزگەھا دھۆکێ و رێڤەبەرێ پەروەردا رۆژئاڤا و لیژنا پەروەردێ ل جڤاتا پارێزگەھێ وچەندین بەرپرسێن حزبی و حوکمی دووماھی قۆتابخانە پارێزگەھا دھۆکێ ژئاواران ھاتە ڤەلاکرن.
جنبەد شوکری سەرۆکا لیژنا پەروەردێ ل جاڤاتا پارێزگەھا دھۆکێ بۆ ئەڤرۆ نیۆز دیارکر کو ئەڤرۆ 1\12 دووماھی قۆتابخانە لسنورێ پەروەردا دھۆک رۆژئاڤا ژ ئاواران ھاتەڤالاکرن.
جھێ ئاماژەکرنێ یە کو ھەر قوتابخانا ھاتیە ڤەلاکرن ژلایێ لیژنەکا بلند ل سەر ئاستێ پەروەردێ و رێکخراوێن مەدەنی و ساخلەمیا دھۆکێ ھاتیە پاقژکرن و تەعقیمکرن و دەوام تێدا ھاتیەکرن.

ئه‌ڤرۆنیۆز، ڤه‌گێر:
سه‌عید شنگالی به‌رپرسێ لقا شنگالێ یا پارتی دیموكراتی كوردستان بۆ ئه‌ڤرۆنیۆز دیار كر كو تیروریستێن داعش ئه‌ڤرۆ خانیێن كومه‌لگه‌ها دوهلا TNT دكرن و د هه‌رفاندن.
سه‌عید شنگالى گۆت: (ژ ترسا هێرشا پێشمه‌رگه‌ى و رزگاركرنا كومه‌لگه‌هێن سه‌ر ب قه‌زایا شنگالێ ڤه‌ ئه‌ڤرۆ ل سه‌ر چیایێ شنگالێ مه‌ دیت كو چه‌كدارێن ده‌وله‌تا ئیسلامی ل عیراقێ و شامێ داعش، كومه‌لگه‌ها دوهلا یا كو عه‌ره‌بان ناڤێ وێ كریه‌ قادسیه‌ TNT دكر و خانیێن وێ د هه‌رفاندن).