ئه‌ڤرۆ نیۆز:
ب سه‌ده‌ما باران بارینه‌كا زۆر د 24 دمژمێرێن بۆرى دا، زه‌ره‌ر و زیان مه‌زن گه‌هاندینه‌ هنده‌ك گوند و باژێركێن سه‌ر ب پارێزگه‌ها دهوكێ ڤه‌.
گوندێ هه‌زار جووت یێ سه‌رب قه‌زا شێخان ڤه‌ ئێك ژوان گوندایه‌ كو ب سه‌ده‌ما باران بارینه‌كا زۆر كه‌فتیه‌ به‌ر له‌هيان و مالێن گوندیان تووشى زیانه‌كا مه‌زن بووینه‌، به‌لێ چو زیانێن گیانى ژێ په‌یدا نه‌بووینه‌.
ل گۆڕ پێزانینێن په‌یامنێرێ ئه‌ڤرۆ نیۆز ل ده‌ڤه‌را شێخان، كو مالێن زیان ڤێكه‌فتێ یێن وه‌لاتیان، مالا سه‌عید چاربووتى و سه‌تار سه‌مه‌د و ملا محه‌مه‌د و زێوه‌ر سه‌مد حجی حه‌سه‌ن شه‌مدین و مه‌ولود میران بن ئاڤ كه‌فتن، و زیانێن مادى پێگه‌هشتن.
هه‌ڤده‌م په‌یامنێرێ ئه‌ڤرۆ نیۆز دیاركر، خه‌لكێ گوندى ده‌ملدسه‌ت د هاریكارى و هه‌وار وان مالان چووینه‌ و سوپاس بۆ خودێ زیانێن گیانى نه‌بووینه‌ و دده‌مه‌كێ كێم ئه‌و ره‌وش هاتیه‌ كونترۆلكرن.
فۆتو و ده‌نگوباس : بارزان مزوورى

ئەڤرۆ نیوز، ئەمیر ئەترووشی:

رێڤەبەرێ ئەوقافا دھۆکێ راگەھاند، ئەو کەسێ بەری چەند رۆژەکا ل نڤێژا سپێدێ دوعا بۆ داعش کرین یێ ھاتیە دەستەسەرکرن و ڤەگوھاستن بۆ دادگەھێ، بەلێ ئەو رەت دکەت کو مەبەستا وی ژ وان دوعایان داعش بیت.
مەلا جیھاد بێسفکی، رێڤەبەرێ ئەوقافا دھۆکێ بۆ ئەڤرۆ نیوز دیار کر، پشتی دووڤچوونا وی کەسی ھاتیە کرن دیار بوو ئەو کەسە نە مەلا و پیاوێ ئاینی یە و سەر ب چو پارت و لایەنان و ئەوقافێ ڤە نینە، ب تنێ کابرایەکێ دیندارە و دچیتە نڤێژێن ب جوماعەت و ریھێن خوە ژی بەرداینە و گۆت: وی کەسی نڤێژەکا سپێدێ ل مزگەفتا (ع) ب دەلیڤە دیتبوو کو کەس نەبوو نڤێژا سپێدێ بەری نڤێژکەران بکەت و د روکعەتا دویێ یا نڤێژێ دا د دوعایێن قنوتێ دا گۆتیە : “اللهم انصر اخواننا المجاهدين في العراق والشام”.

ناڤبری دیار کر کو پشتی ھینگی ئەڤ کەسە ئێکسەر ھاتیە دەستەسەرکرن و رەوانەکرن بۆ دەزگایێن ئێمناھیێ و پاشی بۆ دادگەھێ و دێ ھێتە دادگەھکرن و گۆت: ھەر چەندە ڤی کەسی رەتکریە کو مەبەستا وی ژ وێ دوعایێ داعش بیت، ب تنێ وی ئەو دوعاتیە گوھلێبوویە و ھوسا ڤەگێرایە.
مەلا جیھاد ئاماژە دا وێ چەندێ کو ژ بەر ڤێ چەندێ مە ل رۆژا پێنچشەمبی کومبوونەک ل گەل ماموستایێن ئاینی کر و تەکەست ل سەر ھندێ کر کو گرنگیێ ب ھزرێن نەتەوەیی ژی بدەن.

ئه‌ڤرۆ نيوز، ناجی به‌ده‌ل:

كاوه‌ عومه‌ر هاریكارێ گشتی یێ پلاندانانێ ل وه‌زراه‌تا په‌روه‌ردا حكومه‌تا هه‌ریما كوردستانێ راگه‌هاند: ل پارێزگه‌ها دهۆكێ ئیك په‌یمانگه‌هـ هه‌یه‌ ئه‌و ژی په‌یمانگه‌ها دهۆكێ و ماموستایێن هاتینه‌ وه‌رگرتن وه‌ك قوتابیێن ئه‌وێ په‌یمانگه‌هێ ته‌ڤایا وان 467 كه‌سن لگوری پسپوریێن جودا جودا هاتینه‌ وه‌رگرتن ژبوی شیانێن وان بهێنه‌ بلندكرن.

ناڤبری دیاركر خواندن تێدا دو سالن ب ره‌نگه‌كێ خولی یه‌ ب دووماهی هاتنا خواندنی یان ده‌رچوونا وان د ئیمتیازاتێن ئیداری وه‌كو یێن باوه‌رنامه‌یین به‌كالوریوس هه‌ین مینا ده‌رماله‌یان و مافێ رێڤه‌به‌ریێ و پێشكێشكرنا سه‌رپه‌رشتیاریێ هه‌یه‌ كو چه‌وا به‌كالیورسی هه‌ی.

كاوه‌ عومه‌ر دیاركر ژی رێژه‌یا 90% یا ئه‌و ماموستایێن ل دهۆكی پێشكێش كرین هاتینه‌ وه‌گرتن ل سه‌ر چه‌ند به‌شان كو به‌شا كوردی 60 كه‌س و به‌شا عه‌ره‌بی 49 و ئیگلیزی 61 و بێكاری 52 و زانست 26 و كومپیوته‌ر 45 و جڤاكى 54 و هونه‌ر 60 و وه‌رزش 60.

ئه‌ڤه‌ ژی ناڤێن ئه‌و ماموستایێن هاتینه‌ وه‌رگرتن:

پارێزگه‌ها دهۆك

پارێزگه‌ها هه‌ولێر

پارێزگه‌ها سلێمانيێ

ئيدارا گه‌رميان

ئه‌ڤرو نیوز ، نه‌وزاد زاده‌ هلۆرى :
ئومێد محه‌مه‌د سالح ئاخفتنكه‌رێ وه‌زاره‌تا ڤه‌گوهاستن و گه‌یاندنا هه‌رێمێ دیاركر كو گه‌له‌ك نه‌رازیبوون ژ كومپانیا نه‌وروز تیلیكوم هاتینه‌كرن و گۆت : ( زۆر سكالا لسه‌ر لادانا ئوفه‌را 40 هزار دینارى دژى كومپانیا نه‌ورز تیلیكوم گه‌هشتینه‌مه‌ ، و ژ به‌رڤێ وه‌زیرێ ڤه‌گوهاستن و گه‌یاندنێ ب وه‌كاله‌ت دگه‌ل نونه‌رێ كومپانیا نه‌وروز تیلیكوم كومبویه‌ و گه‌هشتیه‌ وى ئه‌نجامى كو ژ ئه‌ڤرۆ وێڤه‌ بهایێن په‌یوه‌ندیێن تورا نه‌ورزو تیلیوك بهێنه‌ گوهرین )
ل گور گورانكاریێن بهایێ نوو گۆت : ( ل ده‌مه‌كێ نێزیك بهایێن په‌یوه‌ندیێ دێ ئه‌ڤه‌ بن په‌یوه‌ندیا تێله‌فوونى و ڤیدیوێ و وه‌رگرتنا چه‌ندین كه‌نالان دێ بێ به‌رامبه‌ر بیت ، و په‌یوه‌ندیا نیڤده‌ولى ب كوالێتا بلند ب بهایه‌كێ ئه‌رزان و هه‌كه‌ سیسته‌مێ ADSL ژ كاركه‌فت كومپانى دێ بێ به‌رامبه‌ر بو درۆست كه‌تن ڤه‌ و دابینكرنا وایه‌ر و مودیم بو ADSl دیسان بێ به‌رامبه‌ره‌ و ئه‌گه‌ر پشكداره‌كى َڤیا خوه‌ ڤه‌بكێشیت كومپانى دێ پارێ وى بو زڤرینت ڤه‌ یان دێ بو قه‌ره‌بوو كه‌ت ب ئه‌نترنێته‌كا دن )

شێخان،بارزان سلێمان مزوورى
به‌رپرسێ لقا 14 مووسل ،عسمه‌ت ره‌جه‌ب، بۆ ئه‌ڤرۆ نیوز دیار كر كۆ چه‌كدارێن تیرورستێن داعش به‌رى دو حه‌فتیانه‌ دو ئافره‌ت بناڤێ ئه‌بتیسام عه‌لى و نیران غازى جه‌رجیس ره‌ڤاند بوون بۆ جهه‌كێ نه‌دیار هاتبوونه‌ ڤه‌گوهاستن.
عسمه‌ت ره‌جه‌ب دیار كر كۆ دوهى مه‌غره‌ب هه‌ردوو ژن ل تاخێ فه‌یسه‌لیێ گوله‌باران كرن ، زێده‌تر گوت كۆ دهێرشا شه‌ڤا بورى ل گوندێ سه‌هلج ئێك ژ سه‌ركرده‌یێن داعش بناڤێ سلێمان ئه‌بۆ داود به‌رپرسێ میحوه‌رێ جه‌زیره‌ یێ چه‌كدارێن تیرورستێن داعش هاته‌ كوشتن دگه‌ل سه‌دان هه‌ڤالێن خوی یێن وى میحوه‌رى ،
ناڤبرى گوت ژى كو چه‌كدارێن تیرورستێن داعش په‌یوه‌ندیێن ته‌له‌فونى ل سه‌ر وه‌لاتیان قه‌ده‌غه‌ كرن كو هه‌ركه‌سێ موبائیل ل ده‌ڤ دهێته‌ دیتن دهێته‌ سزادان ، و هاتن و چونا نوشدارا بۆ ده‌رڤه‌ى باژێرى قه‌ده‌غه‌كر هه‌ر نوشداره‌ك دناڤ باژێرى ده‌ركه‌ڤیت دهێته‌ گولوباران كرن.

ئه‌ڤرۆ نيوز، ره‌زوان رۆژبه‌يانى، بارزان مزوورى:

دوهى ب شه‌ڤ شه‌ر د ناڤبه‌را هێزێن پێشمه‌رگه‌ى و چه‌كدارێن داعش دا ل ميحوه‌رێ خازر روودا و د ئه‌نجام دا شه‌ر ب سه‌ركه‌فتنا پێشمه‌رگه‌ى ب دووماهى هات.

دوهى 26\11\2014 ل ده‌مژمێر 10:40 د ئه‌نجامێ وى شه‌رێ د ناڤبه‌را پێشمه‌رگه‌ى و چه‌كدارێن داعش دا، گۆله‌كا كاتيوشا يا چه‌كدارێن داعش ب ئێك ژ مالێن ناحيا كه‌له‌ك يا عوسمان ئه‌حمه‌د عوسمان كه‌فتيه‌ و د ئه‌جام دا دو ژن ژ وێ خێزانێ بريندار بووينه‌.

بيلال ئه‌حمه‌د كوڕێ عوسمانه‌ بۆ ئه‌ڤرۆ نيوز گۆت: “شڤێدى ژ ئه‌نجامێ وێ هێرشێ گۆله‌ك ب مالا مه‌ كه‌فت و دو ژن ژ خێزانا مه‌ بريندار بوون و ترۆمبێلا مه‌ ژى يا ژ جۆرێ ئۆپل هاته‌ تێكشاندن”.

ئه‌ڤى كه‌سى زێده‌تر گۆت: “ئه‌ڤ هه‌ردو ژنه‌ بۆ نه‌خۆشخانا ته‌نگاڤيان ل هه‌ولێر هاتينه‌ ره‌وانه‌كرن و بڕياره‌ د ماوێ داهاتى دا نشته‌رگه‌رى بۆ بهێنه‌ ئه‌نجام دان”.

 ئه‌ڤرۆ نیۆز، ناجی به‌ده‌ل:

ل گه‌ل گوهورینێن جڤاكی و پێشداچونێن مرۆڤایه‌تی توندكاری هه‌بویه‌ و ل گه‌ل خو ئینایه‌ هه‌تا ئه‌ڤێ قوناغێ ب تایبه‌تی ل سه‌ر ژنێ تا ئاسته‌كی هه‌ر مایه‌ .

شه‌پال حه‌سه‌ن به‌رپرسا جڤاتا پارێزگه‌ها دهۆكێ یا ئیكه‌تیا ئافره‌تین كوردستانێ بو ئه‌ڤرۆ نیو راگه‌هاند:كاودانێن ئه‌ڤان سالان وه‌كر رێژه‌یا توندكاریێ ل چاڤ سالین رابۆری زێده‌ ب بیت زێده‌باری رول و كاریگه‌ریا رێكخراوین ئافره‌تان هه‌ر هه‌بویه‌ چاڤه‌كی ل رابردویی بخشینین رێكخراوێن ژنان ده‌ورێ خو دیتی یه‌ رێژه‌ كێم كربو‌ ل بن فشارێن رێكخراوێن ئافره‌تان تژی یاسایا هاتینه‌ گوهارتن و فره‌ژنی نه‌مایه‌ و هاته‌ راگرتن ئه‌ڤه‌ راماناوێ یه‌ ده‌ورێ خو دیتی یه‌ لێ كاودانێن ئه‌ڤان سالێن داویێ توندكاریێ زور كریه‌ .

شه‌پال حه‌سه‌ن ئه‌و چه‌نده‌ ژی دیاركر ره‌وشا سیاسی و ئه‌منی هاتینه‌ گوهارتنن توندو تیژی بویه‌ حاله‌ته‌كی نه‌سرۆشتی و توندو تیژیا مرۆڤایه‌تیا هه‌یه‌ نه‌ك یا ئافره‌تێ بتنێ نها رێكخراوێن ئافره‌تان ده‌نگ لێ بلند كریه‌ و ئه‌گه‌ر خالان رێز به‌ند بكه‌ین دێ ده‌ركه‌فیت چ كریه‌ و حاله‌تین توندوتیژیێ دێ هه‌بن‌ و ل هه‌ر وه‌لاته‌كی و لگوری پیڤه‌رێ رێژه‌یی هه‌یه‌ و لگوری ئه‌وان شیانێن مه‌ رێكخراوا هه‌ین مه‌كریه‌ بو كێم بونێ.

به‌رپرسا جڤاتا پاریزگه‌ها دهۆكێ یا ئیكه‌تیا ئافره‌تین كوردستانێ گوت ژی به‌ریا نها توندوتیژی هه‌ر هه‌بویه‌ نه‌بونا داتایا و رێڤه‌به‌ریه‌تیه‌كێ ل دیڤ چونا وێ بكه‌ت به‌رزه‌ دبون و وێره‌كی بو ئافره‌تێ نه‌بو ،لێ نها هه‌یه‌ و ری لێ دكه‌ت ده‌ما ریكرنێ داتا ده‌ر دكه‌ڤیت و به‌ریا نها نه‌ یا دیتی بو ژ شه‌رما جڤاكی و ده‌یباب و رۆخ و دورێن خو نها كێم بویه‌ به‌س ئه‌و كێمی دهینه‌ داتاكرن و هژماركرن كو جارا ئیكێ دبیت بهێنه‌ هژماركرن ئه‌ڤه‌ هوسا دیاردبیت زێده‌بویه‌ پشتی وێره‌كیا ئافره‌تێ و ده‌رئێخستنا خو ژ بن توندكاریێ و ری ل جهین ل دیڤ ئازادیا وی دگه‌رن دچن حه‌زا چاره‌كرنێ وه‌كر حاله‌ت زور بن به‌س زێده‌تر نینه‌ ژ به‌رێ.

شه‌پال خانێ ئه‌و چه‌نده‌ ژی دیاركر هشیاركرنا ره‌وشه‌نبیرێ و پێشكه‌فتنا جڤاكی ژ هه‌مو رویانڤه‌ وه‌كر كه‌س ل سه‌ر خو قه‌بیل ناكه‌ت توندكاری ل سه‌ر بهیته‌كرن.

سه‌میرا حسێن به‌رپرسا ئێكه‌تیا ژنان ل دهۆكێ بو ئه‌ڤرۆ نیوز راگه‌هاند:هه‌مو رێكخراو ئه‌گه‌رن بو دیاركرن و دانه‌ خویاكرنا توندكاریێ ئه‌وا ل هه‌مبه‌ری ئه‌وان دهێته‌ كرن بریارا د ده‌ستێ حكومه‌تێ دایه‌ بو نه‌هێلانا توندكاریێ و جڤاك نه‌ یا هاریكاره‌ ژن ب ئازادانه‌ بچیت گازه‌ندایا خو یان توندكاریا ل هه‌مبه‌ری وێ دهێته‌كرن بكه‌ت چ دادگه‌هـ بیت یان رێڤه‌به‌رایه‌تێن توندوتیژیێ بن یان هه‌ر ریكخراوه‌ك بیت .

سه‌میرایێ ئه‌و چه‌نده‌ ژی دیاركر ئه‌گه‌رێ سه‌ره‌كی  جڤاكه‌ پالده‌رێ توندكاریێ و نه‌هێلانا ئازادیێ بو ژنێ و كاریگه‌ریا خو هه‌یه‌ ل سه‌ر ژنێ ل رۆكه‌شی هه‌مو كه‌س به‌حسی ئازادیا ژنێ دكه‌ن ده‌ما دچیته‌ ناڤا خێزانا ئیكی دا كارڤه‌ندان روو دده‌ن به‌رۆڤاژی ئه‌ڤه‌ بخوژی ئه‌گه‌ره‌كه‌ بو نه‌ ریدانا گوهورینی و ئازاددیێ ئه‌وێ ب ئاخفتن وه‌ردگریت به‌لێ ب كریار رازی نابیت بجهـ بێت.