ئه‌ڤرۆ نيوز:
وه‌زيرێ دارايى ل هه‌رێما كوردستانێ راگه‌هاند كو ئه‌و دێ بزاڤێ كه‌ن دانوستاندنێ ل گه‌ل جڤاتا وه‌زيران ل حوكمه‌تا هه‌رێما كوردستانێ كه‌ن كا دێ شێن دو مووچان ل سه‌ر ئێك ده‌ن يان نه.
دوهى سپێدێ د كۆنگره‌كێ رۆژنامه‌ڤانى دا، هشيار زێبارێ وه‌زيرێ دارايێ عيراقێ راگه‌هاند كو حوكمه‌تا ناڤه‌ندى 500 مليۆن دۆلار به‌رامبه‌ر هنارتنا 150 هزار به‌رميلێن هه‌رێمێ ل ژێر چاڤدێريا عيراقێ مه‌زاختن.
رێباز محه‌مه‌د وه‌زيرێ دارايى ل حوكمه‌تا هه‌رێما كوردستانێ بۆ هاولاتى گۆت: “هنارتنا وى پاره ب تنێ سولفه‌يه ب مه‌ره‌ما نيه‌تپاقژيا به‌غدا و چو به‌حس بۆ به‌رده‌وامبوونا وێ نينه”.
زێده‌تر گۆت: “به‌رده‌وامبوونا وى پاره‌ى دێ پشتى رێكه‌فتنا حوكمه‌تا ناڤه‌ندى بيت ل گه‌ل حوكمه‌تا هه‌رێمێ ل سه‌ر پرسا په‌ترۆلێ”.
ئاشكه‌را ژى كر كو ئه‌و پارێ وان هنارتى به‌هرا مووچێ هه‌يڤه‌كێ يێ فه‌رمانبه‌رێن هه‌رێمێ ناكه‌ت، ئه‌وان 583 مليۆن دۆلار يێن هنارتين و مووچێ فه‌رمانبه‌رێن هه‌رێمێ پێدڤى ب مليار ديناران هه‌يه.
نيشاندان