ئه‌ڤرۆ نیۆز:
شیره‌تكارى جڤاتا ئاسایشا هه‌رێما كوردستانێ مه‌سرور بارزانى ل گه‌ل سكرتێرێ پارتى دیموكراتى كوردستان ل سوریا و شاندێ ل گه‌ل دا كومبوو.
د روونشته‌نكێ دا به‌حسێ ره‌وشا سوریا ب گشتى و ره‌وشا رۆژئاڤایێ كوردستانێ ب تایبه‌تى كرن و روناهى به‌ردان سه‌را رۆلێ سه‌رۆكێ هه‌رێما كوردستانێ د كومكرنا هه‌موو هێز و ئالیێن سیاسیێن رۆژئاڤا د چارچۆڤێ رێككه‌فتنا هه‌ولێرێ و دهوكێ ب مه‌ره‌ما رۆژئاڤایا كوردستانێ ب شێن ب ئێكرێزى و ئێكده‌نگى روو ب رووى ره‌وش و پێشهاتێن ده‌ڤه‌رێ ببیت و ب مافێن خوه‌ یێن نه‌توه‌ى بگه‌هیت.
هه‌روه‌سا هاریكارى و پشته‌ڤانیا هه‌رێما كوردستانێ بۆ رۆژئاڤایا كوردستانێ دوپاتكر، د ته‌وه‌ره‌كێ دى دا به‌حسێ هێرشێن چه‌كدارێن داعشێ بۆ سه‌ر كورادن كرن چو ل هه‌رێما كوردستانێ یان ژى ل رۆژئاڤایێ كوردستانێ كو دڤێت كورد ب ئێك به‌ره‌ روو ب روو تیرۆرستان ببیت، زێده‌بارى پتر پشته‌ڤانیا كوردان ژ ئالیێ جڤاكێ نێڤده‌ولى ڤه‌ بهێته‌ كرن.
دڤى بیاڤى دا مه‌سرور بارزانى گۆت: ئه‌وا ئه‌م بۆ هه‌رێما كوردستانێ بۆ ژرۆئاڤایێ كوردستانێ ژى یا ژمه‌بهێته‌ دێ كه‌ین، و ئاماژه‌دا هندێ هه‌رده‌م ل گه‌ل وه‌لاتێن دۆست و هه‌ڤپه‌یمان داخوازا به‌رفرهكرنا وان هاریكراریان بۆ رۆژئاڤایێ كوردستانێ دكه‌ین.
هه‌روه‌سا باشكرنا ره‌وشا ئاواره‌یێن كوردێن رۆژئاڤایێ كوردستانێ ل هه‌رێمێ ته‌وه‌ره‌كێ دیێ وێ كومبوو بوو.

فۆتو (فه‌رهاد ئه‌حمه‌د)

ئه‌ڤرۆ، حه‌مۆ محه‌مه‌د:

په‌یڤدارێ‌ وه‌زاره‌تا په‌روه‌ردێ‌ یێ‌ حوكمه‌تا هه‌رێما كوردستانێ‌ بۆ ئه‌ڤرۆ دیار كر كو حوكمه‌تا هه‌رێمێ‌ بڕیار ل سه‌ر دامه‌زراندنا چار هزار مامۆستایان ب شێوێ‌ گرێبه‌ست دایه‌ و د حه‌فتیا بهێت دا دێ‌ فۆرمه‌ هێنه‌ به‌لاڤكرن.

فاتیح مه‌وله‌وی زاده‌، په‌یڤدارێ‌ وه‌زاره‌تا په‌روه‌ردێ‌ ئاشكرا كر، پشتی حوكمه‌تا هه‌رێما كوردستانێ‌ د چه‌ند رۆژێن بۆری دا بڕیارا دامه‌زراندنا 4000 مامۆستایان ب شێوێ‌ گرێبه‌ست ده‌رخستی، وه‌زاره‌تا په‌روه‌ردێ‌ ده‌ست ب به‌رهه‌ڤیا كریه‌ بۆ دامه‌زراندنا وان و گۆت “بڕیار ئه‌وه‌، د حه‌فتیا بهێت دا فۆرمێن دامه‌زراندنێ‌ ب رێیا رێڤه‌به‌ریێن په‌روه‌ردان بهێنه‌ به‌لاڤكرن و رێنمایی یێن د ناڤ فۆرمێ‌ دا”.

خویا ژی كر، هه‌ر چه‌نده‌ وان وه‌كو وه‌زاره‌تا په‌روه‌ردێ‌ د ده‌مێ‌ بۆری دا داخوازا دامه‌زراندنا شه‌ش هزار مامۆستایان كربوو، لێ‌ ژ ئه‌گه‌رێ‌ وێ‌ كێشا دارایی یا ب سه‌ر هه‌رێما كوردستانێ‌ دا هاتی د پێنگاڤا ئێكێ‌ دا دێ‌ چار هزار مامۆستا ب شێوێ‌ گرێبه‌ست هێنه‌ دامه‌زراندن و دو هزار ژی د پێنگاڤا دویێ‌ دا، لێ‌ جارێ‌ دیار نینه‌ كه‌نگی ئه‌و دو هزاره‌ دێ‌ هێنه‌ دامه‌زراندن.

ناڤهاتی ئاماژه‌ دا وێ‌ چه‌ندێ‌ ژی كو دامازراندنا وان مامۆستایان وه‌كو سالێن به‌ری نوكه‌ ب گوتره‌ نابیت، به‌لكو دێ‌ ل دووڤ پێدڤیا په‌روه‌ردان بیت، ئانكو هه‌ر په‌روه‌رده‌كێ‌ پێدڤی ب چ بسپۆری هه‌بیت، ئه‌و دێ‌ بۆ هێنه‌ دامه‌زراندن و گۆت “دامه‌زراندن دێ‌ ب ره‌نگه‌كی بیت، ل هه‌ر ده‌ڤه‌ر و په‌روه‌رده‌كێ‌ كێشا میلاكێ‌ بسپۆر بۆ بابه‌تان هه‌بیت دێ‌ ئه‌و بسپۆریه‌ هێنه‌ دامه‌زراندن”.

په‌یڤدارێ‌ وه‌زاره‌تا په‌روه‌ردێ‌ یێ‌ حوكمه‌تا هه‌رێمێ‌ دوپاتكر كو بڕیاره‌ د ده‌مه‌كێ‌ نێزیك دا ژ لایێ‌ وه‌زاره‌تا دارایی و ئابووریا حوكمه‌تا هه‌رێما كوردستانێ‌ ڤه‌ بودجه‌ بۆ وان مامۆستایێن بڕیاره‌ بهێنه‌ دامه‌زراندن بهێته‌ دابینكرن.

ئه‌ڤرۆ نیۆز:
ل سه‌ر راسپاردا مه‌سرور بارزانى كاروانه‌كێ دێ یێ هاریكاریان گه‌هانده‌ چیایێ شنگالێ.
درێژه‌ پێدانا كار و چالاكیێن ده‌زگه‌هێ خێرخوازیێ بارزانى بۆ په‌نابه‌رێن چیایێ شنگالێ، كو برێیا فرۆكان كاروانه‌كێ دى یێ هاریكاریان كو 120 ته‌نێن خوارنێ و پێدڤیێن زارۆكان و كه‌له‌وپه‌لێن ناڤ مالێ و خیڤه‌ت و ده‌رمان ژى به‌ر ب چیایێ شنگالێ هاتینه‌ هنارتن، هه‌روه‌سا هاته‌ دیاركرن ئه‌و هه‌موو كه‌لوپه‌ل ب سه‌ركه‌فتیانه‌ گه‌هشتینه‌ ده‌ستێن ئاواران.
سه‌باره‌ت هنارتنا هاریكاریێن ئاوارێن چیایێ شنگالێ، جێگرێ سه‌رۆكێ ده‌زگه‌هێ خێرخوازیێ بارزانى (موسا ئه‌حمه‌د) راگه‌هاند، پشتى هنده‌ك ژ خلكێ ئاوه‌ریێ شنگالێ به‌رب چیایێ شنگالى چووین و پێدڤى ب هاریكاریان بووینه‌، وه‌ك ده‌زگه‌هێ خێرخوازیێ بارزانى ل سه‌ر راسپاردا مه‌سرور بارزانى هه‌ر ژ رۆژا ئێكه‌ مه‌ هاریكارى گه‌هاندینه‌ ئاوارێن چیاێ شنگالێ.
جێگرێ سه‌رۆكێ ده‌زگه‌هێ ناڤبرى گۆت: ب سه‌ده‌ما هاتنا وه‌رزێ زڤستانێ ئاوارێن چیایێ شنگالێ پتر پێدڤى ب هاریكاریێن مرۆڤى هه‌یه‌، بۆ دابینكرنا پێدڤیێن زڤستانێ ئه‌ڤرۆ ب هه‌مان شێوه‌ ل سه‌ر راسپارا مه‌سرور بارزانى كاروانه‌كێ دیێ كه‌لوپه‌لان بۆ ئاوارێن چیایێ شنگالێ ره‌وانه‌كرن.