ئه‌ڤرۆ نيوز:
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند كو دوهى ژ ئه‌نجامێ شه‌ره‌كى د ناڤبه‌را دو كه‌سان دا كه‌سه‌كێ 34 سالى هاته كوشتن.
نه‌قيبێ مافپه‌روه‌ر، هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “دوهى 0\11\2014 ل زاخۆ ژ ئه‌نجامێ شه‌ره‌كى د ناڤبه‌را دو كه‌سان دا، وه‌لاتيه‌كێ 34 سالى هاته كوشتن”.
زێده‌تر گۆت: “پشتى بۆ نوشداريا داد هاتيه ڤه‌گوهاستن، ديار بوو كو ژ ئه‌نجامێ گوله‌كا كلاشينكۆفێ هاتيه كوشتن”.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ ئاشكه‌را ژى كر كو پشتى تاوانبار هاتيه ده‌ستنيشانكرن و بزاڤێن به‌ره‌ده‌وام ژ لايێ پۆليسان ڤه هاتينه كرن، ئه‌ڤرۆ 10\11 تاوانبارى خوه دا ده‌ست پۆليسان.
هێمن سلێمان دا زانين ژى كو ئه‌ڤ كێشه بۆ دادگه‌هێ هاتيه ره‌وانه‌كرن و ب گۆره‌ى ماددێ 406 يێ گرێدايى كوشتنێ دێ تاوانبار هێته سزادان.
ل دۆر ئه‌گه‌رێ روودانێ ژى به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ خۆيا كر كو ئه‌ڤ كێشه ژ ئه‌گه‌رێن جڤاكى بوويه.
نيشاندان