ئه‌ڤرۆ نيوز، ناجی به‌ده‌ل:

ل گوری نوچه‌یه‌كێ پۆرته‌لا رووداو ئه‌و كۆمبوونا بڕیار بوو د ناڤبه‌را عادل عه‌بدولمه‌هدی وه‌زیری نه‌فتێ و حه‌یده‌ر عه‌بادی سه‌رۆك وه‌زیری عیراقێ و هشیار زێباری وه‌زیرێ دارایی بهێته‌ كرن هاته‌ ئه‌نجام دان.

د وێ كۆمبوونێ دا كو رۆژا 1/11/2014 ل باژێرێ به‌غدا پشتی گه‌نگه‌شه‌یه‌كا هوور ده‌ربارێ هنارتنا بودجا هه‌رێما كوردستانێ ژ لایێ حوكمه‌تا عه‌بادی هاته‌كرن.

عه‌بادی ب توندی ئاخفتی یه‌ و ره‌تكریه‌ بودجا هه‌رێمێ ره‌وانه‌ بكه‌ت و گۆتژی: “من چ سوز نه‌داینه‌ و بودجه‌ و مووچه‌یی بۆ كوردستانێ بهنێرم و ناهنێرم ژی”.

ئه‌ڤه‌ د ده‌مه‌كی دایه‌ ل ده‌مێ راگه‌هاندنا به‌رنامێ كارێ حوكمه‌تا خوه‌ دا راگه‌هاند بۆ ئیك ژ وان ئاریشێن كار ل سه‌ر چاره‌كرنێ دكه‌ت هنارتنا بودجه‌ی و مووچه‌یی هه‌رێما كوردستانێ یه‌ و ل ده‌مێ دیدارێن خوه‌ ل گه‌ل به‌رپرسێن بلندێن ئه‌مریكا و نه‌ته‌وێن ئێكگرتی سوزا دايى ب زووترین ده‌م بودجا كوردستانێ بهنێریت.

ئەڤرۆ نیوز، لەزگین جۆقی:
سەرۆکێ کۆمیسۆنا بلندا سەربەخۆیا ھەلبژارتنان ل عێراقی بۆ ئەڤرۆ نیوز دیارکر کو ھەموو بەرھەڤی یێن ھاتینە کرن بۆ بەلاڤکرنا پارێ کارمەندێن سەر سەندوقێن دەنگدانێ ل بەرە ژی ل دەمەکێ نێزیک ل سەرانسەری عیراقێ و ھەرێما کوردستانێ دەست ب بەلاڤکرنا وان بھێتە کرن.
سەربەست مستەفا سەرۆکێ کۆمیسۆنا بلندا سەربەخۆیا ھەلبژارتنان ل عیراقێ گۆت: “ئەگەرێ گیرۆبوونا بەلاڤنەکرنا پارێ کارمەندێن سەر سەندوقێن دەنگدانێ ڤەدگەریت بۆ ھەبوونا ئاریشەکا تەکنیکی د گەل وەزارەتا دارایی ل عیراقێ، لێ نوکە ئەو ئاریشە ھاتیە چارە کرن”.
زێدەتر گۆت: “چو ئاریشێن دی نەماینە ل ھەموو پارێزگەھان ژی ئامادەکاری یێن ھاتینە کرن، دێ د دەمەکێ نە دوور دا پارە ھێتە بەلاڤکرن ل ھەموو پاریزگەھان ژبلی وان پاریزگەھێن ئاریشێن ئەمنی لێ ھەین”.
سەربەست مستەفا زێدەتر گۆت: “ل سەرانسەری عیراقێ و ھەرێما کوردستانێ دۆرێن ٣٥٠ ھزار کەسان پرۆسەیا ھەلبژارتنێن بۆری برێڤە بریە، دێ پاداشتێن ھەموویان ژی ھێنە دان ول ھەر پارێزگەھەکێ دێ بەنک ھێنە دەست نیشانکرن بۆ بەلاڤکرنا پارێ کارمەندێن سەر سەندوقێن دەنگدانێ”.

ئه‌ڤرۆ نيوز:

به‌رپرسه‌كێ پله‌ بلند ل حوكمه‌تا هه‌رێما كوردستانێ ئاشكه‌را كر كو ڤێ حه‌فتيێ دێ مووچێ هه‌يڤا ئيلۆنێ يێ چه‌ند وه‌زاره‌تان هێته‌ به‌لاڤكرن و ده‌سپێكێ ژى دێ مووچێ پێشمه‌رگه‌ى هێته‌ به‌لاڤكرن.

جينه‌ر خه‌فاف، رێڤه‌به‌رێ گشتى يێ كارگێرى و دارايى ل سه‌رۆكاتيا جڤاتا وه‌زيرێن هه‌رێما كوردستانێ ب باسنيۆز راگه‌هاند كو ڤێ حه‌فتيێ دێ مووچێ چه‌ند وه‌زاره‌ته‌كان ژ هه‌يڤا ئيلۆنێ هێته‌ به‌لاڤكرن و گۆت: “ب گۆره‌ى ئه‌و پلانا وه‌زاره‌تا ئابوورى دارێتى دێ ڤێ حه‌فتيێ ده‌ست ب به‌لاڤكرنا مووچێ هه‌يڤا ئيلۆنێ هێته‌ كرن و دێ يێ به‌رده‌وام بيت هه‌تا هه‌موو وه‌زاره‌ت وه‌ردگرن”.

جينه‌ر خه‌فاف ناڤێ وان وه‌زاره‌تان ژى ئاشكه‌را كر يێن دێ ڤێ حه‌فتيێ مووچه‌ى وه‌رگرن و گۆت: “ب گۆره‌ى رێنمايێن وه‌زاره‌تێ پێشمه‌رگه‌ دێ وه‌زاره‌تا ئێكێ بيت مووچه‌ى وه‌رگريت و پاشان ژى وه‌زاره‌تێن دى دێ مووچه‌ى وه‌رگرن يێن هه‌يڤا دى ل ده‌سپێكێ وه‌رگرتين”.

رێڤه‌به‌رێ گشتى و كارگێرى ئه‌و ژى ئاشكه‌را كر كو هه‌كه‌ وه‌زاره‌تا دارايى پاره‌ ل به‌ر ده‌ست بيت، دێ هوسان مووچه‌ى به‌لاڤ كه‌ت و گۆت: “به‌لاڤكرنا مووچه‌ى دێ ل دووڤ پاره‌ى بيت و نه‌ ل دووڤ رێزبه‌نديا وه‌زاره‌تان، ب گۆره‌ى ئه‌و پارێ ل به‌ر ده‌ست دێ هێته‌ به‌لاڤكرن”.

ئه‌و چه‌نده‌ ژى ئاشكه‌را كر كو ب ماوه‌كێ كێم ئه‌ڤ كێشا فه‌رمانبه‌ران دێ ب دووماهى هێت و چاره‌يێن باش يێن بۆ هاتينه‌ ديتين.