ئه‌ڤرۆ نیۆز:
وه‌زیرێ ده‌رڤه‌یێ توركیا مه‌ولود چاوه‌یش ئۆگلوى گۆت: سه‌باره‌ت ده‌ربازكرنا پێشمه‌رگه‌ى بۆ كوبانێ ب رێیا توركیا، ژ ئالیێ سیاسى ڤه مه چو ئاریشه نها نینه، كو هێزێن پێشمه‌رگه‌ى ده‌ربازى كوبانێ ببن، و هه‌ر ده‌مه‌كێ پێدڤى دێ ئه‌و كار هێته ئه‌نجامدان.
چاوه‌یش ئۆگلوى د هه‌ڤدیتنه‌كێ ل گه‌ل كه‌ناله‌كێ توركى رونكر و گۆت: تێكگه‌هشتن د ناڤبه‌را له‌شكرێ ئازادێ سورى و پاراتا (PYD ) ل دۆر ده‌ربازكرنا پێشمه‌رگه‌ى بۆ كوبانێ هاتینه كرن، دوپاتكر، توركیا ژ ڤى ئالیى ڤه چو ئاریشه نینه، و هه‌ر هاریكاریه‌كا هه‌بیت دڤێ بیاڤى دا دێ پێشكێش كه‌ت.
هه‌روه‌سا ئۆگلوى ئاماژه‌دا هندێ، سه‌رۆك كۆمارێ توركیا ره‌جه‌ب ته‌یب ئه‌روگان و هه‌ڤكیفێ وى باراك ئۆباماى، ل سه‌ر په‌یوه‌ندیێن به‌رده‌وام ژ بۆ دانا ستراتیجیه‌ته‌كا به‌رفره‌ه بۆ ره‌وشا سوریا رێككه‌فتن، زێده‌بارى په‌یوه‌ندیێن هه‌والگیرى د ناڤبه‌را ده‌زگه‌هێن په‌وه‌ندیدارێن هه‌ردو وه‌لاتان دا.
ئه‌ڤرۆ نيوز، نيوار محه‌مه‌د سه‌ليم:
كچێن هه‌ولێر بوونه قاره‌مانێن فوتسالا عيراقێ پشتى سه‌ركه‌فتن ل سه‌ر كچێن ئيسكان تۆمار كرى ب سێ گۆلان به‌رامبه‌ر گۆله‌كێ و ب ناسناڤێ خولا فوتسالا عيراقێ هاتنه خه‌لاتكرن.
كچێن هه‌ولێر و ئيسكان هه‌ردو گه‌هشتبوونه ياريا دووماهيێ يا خولا فوتسالا نايابا عيراقێ پشتى سه‌ركه‌فتن ل سه‌ر هه‌ر ئێك ژ تيمێن مه‌سافى باكوور، نه‌سر و سه‌لام، كچێن به‌غداد، به‌له‌دى تۆماركرين.
نيڤا ئێكێ ژ ڤێ ياريێ كچێن هه‌ولێر د به‌رژه‌وه‌ندا خوه دا ب دووماهى ئينابوو ب سێ گۆلان به‌رامبه‌ر گۆله‌كێ و نيڤا دويێ ژى سه‌ره‌راى كچێن ئيسكان شيان گۆله‌كا دى تۆماركه‌ن، به‌لێ گۆتنا دووماهيێ يا كچێن هه‌ولێر بوو، ئه‌وا شيايى گۆلێن خوه ب رێيا نه‌سرين خه‌يرولا سه‌جا كه‌مال و حه‌ميدا محه‌مه‌د تۆمار بكه‌ن.
ژ لايه‌كێ دى ڤه د ياريا دياركرنا رێزێن سيێ و چارێ دا، تيما به‌له‌دى ب لێدانێن په‌نه‌لتيان سه‌ركه‌فتن ل سه‌ر تيما نه‌سر و سه‌لام تۆماركر ب لێدانێن په‌نه‌لتيان پشتى ده‌مێ درستێ ياريێ ب گۆله‌كێ ب دووماهى هاتى.
ئه‌ڤرۆ نیۆز:
په‌یڤدارێ ب ناڤێ وه‌زاره‌تا به‌ره‌ڤانیا ئه‌مریكا پنتاگۆن راگه‌هاند، هێزێن پێشمه‌رگه‌ى د شه‌رێ دژى داعشێ دا ل گه‌له‌ك ده‌ڤه‌ران ب سه‌ركه‌فتن.
په‌یڤدارێ وه‌زاره‌تا به‌ره‌ڤانیا ئه‌مریكى جه‌نه‌رال جون كیرى دكونگره‌كێ رۆژنامه‌ڤانى دا گۆت: هێرشێن هێزێن پێشمه‌رگه‌ى ل ده‌ڤه‌رێن جودا جودا سه‌ركه‌فتن ب ده‌ستڤه ئینان دژى چه‌كدارێن داعشێ، كیرى هه‌روه‌سا رونكر، ل ناڤه‌ندا عیراقێ ژى ده‌ڤه‌رێن دده‌ستێن داعشێ دا دهێنه ئازادكرن هه‌تا نوكه به‌ر ب باژێرێ بێجى له‌شكرێ عیراقێ دچن.
زێده‌بارى وێ جون كیرى گۆت: هێزێن پێشمه‌رگه‌ى شیان ناحیا زومار و ده‌ڤه‌رێن ده‌وروبه‌رێن وێ د ده‌مێ بۆ هاتیه ده‌ستنیشانكرن دا ل گۆڕ وێ پلانا بو هاتیه دانان كونترۆل بكه‌ن، كیرى خوه‌یاكر، ل گۆڕ پلانا بۆ هاتیه دانان دڤیا ئه‌و ده‌ڤه‌ر بۆ ده‌مێ حه‌فتیه‌كێ هاتبا ئازادكرن به‌لێ پێشمه‌رگه‌ى دده‌مىچ چه‌ند رۆژان دا كونترۆل كر.
هه‌روه‌سا جون كیرى دیاركر، ئازادكرنا زومار پرۆسا چارێ یه كو هێزێن پێشمه‌رگه‌ى تێدا سه‌ركه‌فتن ئه‌نجامداین، به‌رى وێ كونترۆل كرنا سكرێ مووسل و چیایێ شنگالێ و ناحیا ره‌بیعه بوون.
ئه‌ڤرۆ نیۆز:
ئه‌میندارێ گشتى یێ وه‌زاره‌تا پێشمه‌رگه‌ى فه‌ریق جه‌بار یاوه‌رى راگه‌هاند، زێده‌كرنا هژمارا پێشمه‌رگه‌ى ل باژێرێ كوبانێ یا گرێدایى ب رێككه‌فتنێن نێڤده‌ولى یه، هه‌ڤده‌م دوپاتكر چوونا پێشمه‌رگه‌ى بۆ كوبانێ كارتێكرنێ ل سه‌ر شه‌رێ ژى داعشێ ل عیراقێ ناكه‌ت.
جه‌بار یاوه‌رى بۆ سكاى نیۆز یا عه‌ره‌بى گۆت: زێده‌كرنا هژمارا پێشمه‌رگه‌ى ل كوبانێ پێدڤى ب رێككه‌فتنا ل گه‌ل ئالیێن نێڤده‌ولى هه‌یه، زێده‌بارى دیاركر، وه‌لاتێ توركیا رێگر نه‌بوویه هه‌مبه‌رى ده‌ربازكرنا پێشمه‌رگه‌ى بۆ كوبانێ، ئاماژه‌دا، هنارتنا هێزێن پێشمه‌رگه‌ى بۆ كوبانێ چو پلان ل دوڤدا نینه، چونكى هه‌بوونا داعشێ ل سوریا گه‌فان ل ئێمناهیا عیراقێ دكه‌ت.
ئه‌میندارێ گشتیێ وه‌زاره‌تا پێشمه‌رگه‌ى هه‌روه‌سا خوه‌یاكر، دێ كاره‌كێ هه‌ماهنگى ل گه‌ل شه‌رڤانێن كوردێن كوبانێ دژى چه‌كدارێن داعشێ كه‌ین، هه‌بوونا پێشمه‌رگه‌ى ل كوبانێ چو كارتێكرنێن نه‌رێنى ل سه‌ر هێزا شه‌رێ عیراقێ ناكه‌ت، ئه‌م دى دبه‌رده‌وامبین هه‌تا هه‌موو چه‌كدارێن تیرۆریێن داعشێ ل سه‌ر ئاخا عیراقێ درامالین و نه‌هێلین.
ئه‌ڤرۆ نیوز،هه‌ژار مه‌عروف:
هه‌ردو یانیێن باكوورێ كوردستانێ دیاربه‌كر به‌له‌دیه سپور ئه‌وا ئه‌ڤرۆ ناڤێ وێ ب فه‌رمى هاتیه گوهۆڕین بۆ ئامه‌د سپور و تیما جزیره سپور ده‌ربازبوونه قووناغا كۆما بوون ژ كوبا توركیا یا ته‌پا پێ پشتى د یاریێن خوه یێن قووناغا سيێ ژ كاسا توركیا ب سه‌ركه‌ڤتین.
ئه‌ڤرۆ ل یاریگه‌ها ئامه‌د سپور تیما ته‌پا پێ یا ئامه‌د ئه‌وا د خولا پلا دو یا ل توركیا دا كه‌ت سه‌ركه‌فتنه‌كا گرنك ل سه‌ر تیما ئالانیا سپور توماركر ئه‌وا د خولا پلا ئێك دا كه‌ت ب سێ گولان به‌رامبه‌ر دو گولان و ب ڤى ئه‌نجامى تیما ئامه‌د بۆ جارا ئێكێ د یروكا خوه دا گه‌هشته قووناغا كومان ژ كوبا توركیا.
ژ لایه‌كێ دى ڤه تیما ته‌پا پێ یا جزیره سپور حنێره‌كا مه‌زن د كوبا توركیا دا توماركر ئه‌وا ب ناڤێ هه‌سپێ ره‌ش نوكه دهێته دیاركرن و شیا سه‌ركه‌فتنه‌كا مێژویى ل سه‌ر تیما گوزته‌په سپور ئه‌وا د خولا پلا دو دا یاریێ كه‌ت تومار بكه‌ت ب دو گولان بێ به‌رامبه‌ر كو تیما جزیره سپور مێژویه‌ك توماركر پشتى دبیته ئێكه‌م یانا د مێژویا كوبا توركیا دا تیمه‌ك ژ خولا بالگى لیگ ئانكو دبیته خولا پلا چارێ د گه‌هیته ڤێ قووناغێ.
ئه‌ڤرۆ نیوز،هه‌ژار مه‌عروف:
چاڤه‌رێ دهێته‌كرن ئه‌ڤرۆ كاروانێ خولا هه‌رێما كوردستانێ یا ته‌پا پێى بو یانێن پلا نایاب ب كرنا سێ یاریان ده‌ستپێبكه‌ت و سوباهى یاریێن ماى بهێنه كرن و هه‌ر سێ نوونه‌رێن پارێزگه‌ها دهۆكێ دێ یاریێن خوه به‌رامبه‌ر هندرین، شێروانه و هه‌ولێر كه‌ن
تیما ته‌پا پێ یا زاخۆ دێ مێڤانداریا تیما هه‌ولێرێ كه‌ت ل یاریگه‌ها ده‌لال و دڤێ یاریێ دا هه‌ردو تیم دێ بزاڤێن ئێكه‌م سه‌ركه‌فتن كه‌ن كو هه‌ردو تیمان ل وه‌رزێ ئه‌ڤ ساله پشت به‌ستن ل سه‌ر یاریكه‌رێن گه‌نج كرى نه.
ژ یاریێن دى یێن هه‌ر ئه‌ڤرۆ دێ هێنه‌كرن تیما پێشمه‌رگه هه‌ولێرێ دێ ل گه‌ل برایه‌تى كه‌ت و پێشمه‌رگه سلێمانیێ ل گه‌ل نه‌وروز كه‌ت ل یاریگه‌ها زانكو.
بریاره سوباهى به‌رده‌وامى ب یاریێن ڤێ گه‌رێ بهێنه‌كرن ئه‌وژێ هه‌لگرا هه‌ردو وه‌رزێن بورى تیما ته‌پا پێ یا زێره‌ڤانى دێ مێڤانداریا یانا هندرین كه‌ت ل یاریگه‌ها خوه ل وه‌رزێ ئه‌ڤ ساله ژێ تیما زێره‌ڤانى ب باشترین شێوه خوه به‌رهه‌ڤكرى یه ل گه‌ل ئینانا چه‌ندین یاریكه‌رێن خودان شیان ل سه‌ر ئاستێ هه‌رێمێ و زێده‌بارى پشت به‌ستن ل سه‌ر چه‌ند ستێرێن خوه یێن وه‌رزێ بورى.
د یاریه‌كا دى دا ل یاریگه‌ها شێروانه ل باژێرێ كه‌لار یانا دهۆك خودانا یاریكه‌ر و راهێنه‌رێن نوى دێ بیته مێڤانا یانا شێروانه ئه‌وا دێ پشتبه‌ستنێ ل سه‌ر جه‌ماوه‌رێ خوه یێ مه‌زن كه‌ت و تیما ئارارات دێ مێڤانداریا یانا كه‌ركوك كه‌ت و بروسك ل گه‌ل سلێمانیێ كه‌ت.
ئه‌ڤرۆ نیۆز:
چالاكڤانێن سڤیل و دیده‌ڤانێن خه‌لكێ باژێرێ هیت ل پارێزگه‌ها ئه‌نبار ئاشكراكرن، تیرۆرستێن چه‌كدارێن داعشێ 45 كه‌س ژ هۆزا ئه‌لبو نمر ل ناڤه‌ندا باژێرێ ناڤبرى گولله‌بارانكرن و 50 خێزان ژى ژ ئالیێ وان چه‌كدارن ڤه هاتینه ده‌سته‌سه‌ركرن.
چالاكڤانێ هیتى یێ سڤیل ب ناڤێ عومه‌ر سه‌عد راگه‌هاند، تیرۆرستێن داعشێ 45 كه‌س ئینانه ناڤه‌ندا باژێرێ هیت كو هه‌موو ژ هۆزا عه‌ره‌بێن (ئه‌لبه نمر) ل مه‌یدانا تاخێ به‌كر ل رۆژهه‌لاتا پارێزگه‌ها ئه‌نبار كومكرن، و لبه‌ر چاڤێن خه‌لكێ هیت گولله‌بارانكرن.
ئه‌ڤرۆ نیۆز:
رۆیته‌رز: سه‌ركرده‌یا ناڤه‌ندیا له‌شكرێ ئه‌مریكى ۆاگه‌هاند، هێزێن ئه‌سمانیێن ئه‌مریكى 14 هێرشێن ئه‌سمانى ل رۆژێن سێشه‌مبى و چارشه‌مبى دژى چه‌كدارێن داعشێ ل عیراقێ و سوریا ئه‌نجامداینه.
سه‌ركرده‌یا هێزا ناڤه‌ندیا له‌شكرێ ئه‌مریكى هه‌شت هێرشێن ئه‌سمانى ل وه‌لاتێ سوریا نێزیكى باژێرێ كوبانێ یێ سنۆرى بجهئینان، كو یه‌كه‌یه‌كا چه‌كدارێن تیرۆرى یا داعشێ و بنگه‌هێ سه‌ركرده‌یا برێڤبرن و كونترۆلكرنا شه‌رى یا ئالیێ داعشێ و بنگه‌هێن ئاڤاهیێن ئه‌و بكاردئینن هاتنه ژناڤبرن و توپبارانكرن.
هه‌روه‌سا گۆت: هێرشێن ل عیراقێ 6 هێرش هاتینه ئه‌نجامدان ل باژێرێ فه‌لوجه و شنگالێ و هه‌ژماره‌كا كوشتیان چه‌كدارێن داعشێ هه‌بوون.
ئه‌ڤرۆ نیۆز:
ژێده‌رێن ئێمناهیێ راگه‌هاند، فرۆكێن هه‌ڤپه‌یمانان د هێرشێن به‌رده‌وامێن ل سه‌ر بنگه‌هێن چه‌كدارێن داعشێ و جهێن خڕڤه‌بوونێن وان ل ده‌ڤه‌رێن جودا جودا ل پارێزگه‌ها نه‌ینه‌وا توپبارانكرن.
ژێده‌رێ نه‌ڤیایى ناڤێ خوه ئاشكرا بكه‌ت گۆت: فرۆكێن هه‌ڤپه‌یمانان بنگه‌هێن داعشێ ل گوندێ شورا یا سه‌رب ناحیا حه‌مام عه‌لیل توپبارنكرن و ئه‌نجامێ وێ هێرشێ 18 چه‌كدارێن داعشێ هاتنه كوشتن زێده‌بارى زیانێن ب ترۆمبیلێن وان كه‌فتى.
هه‌ر ل گۆڕ وان ژێده‌ران فرۆكێن هه‌ڤپه‌یمانان هێرشێن دژوار شه‌ڤا بۆرى كرینه سه‌ر هنده‌ك ئارمانجێن تایبه‌ت ل قه‌زا شنگالێ و ناحیا سنونێ كو گوندێ ئه‌لشور و گوندێ محه‌مه‌د ئه‌لعسه‌ل و گوندێ پیر قاسم هاتینه توپبارانكرن، هه‌ڤده‌م دیاركر وێ هێرشێ بۆ ده‌مێ 3 ده‌مژمێران ڤه‌كێشان، كو چه‌ندین كوگه‌هێن چه‌كى و ئه‌رزاقى تێدا هاتینه سۆتن و ژناڤبرن زێده‌بارى كوشتنا 20 چه‌كدارێن داعشێ و سۆتنا 15 ترۆمبێلێن هه‌مه‌رێن له‌شكرى ئه‌وێن دده‌ستێ داعشێ دا.
نيشاندان