شێخان،بارزان سلێمان مزوورى
ژێده‌ره‌ك ژ رێكخراو چه‌كدارێن ئازاد ل ناڤ باژێرێ مووسل بۆ ئه‌ڤرۆ نیۆز دیاركر، ئه‌ڤرو 29/10 به‌رپرسێ به‌لاڤكرنا مه‌رو مالاتى كوردێن ئیزدى و شه‌به‌كان ئه‌وێن په‌زێ وان تالانكرین و ل سه‌ر باره‌گایێن داعش به‌لاڤدكر، ب ناڤێ زیاد سالم عبدالله عه‌لى ل ده‌ڤه‌را گوگجه‌لیل ل مووسل ب ده‌ستێن هنده‌ك چه‌كدارێن رێكخراوا ئازاد ل ناڤ باژێرێ مووسل ب چه‌كێ بیده‌نگ هاته كوشتن.
ئه‌ڤرۆ نیۆز:
ل گۆڕ مالپه‌ره‌كێ تویته‌رێ تایبه‌ت كو بناڤێ مونزر ئه‌لعراق هاتیه به‌لاڤكرن، چه‌كدارێن داعشێ ل گه‌یاره و شوره كو د كه‌ڤنه ژێریا باژێرێ مووسل، بنگه‌هێن خوه به‌ردان و خێزانێن وان ژى ره‌ڤێن به‌ر ب جهه‌كێ نه‌دیار چووینه.
هه‌روه‌سا ب رێیا ته‌غریده‌كا دى ئاشكراكر، به‌یتولمال یا چه‌كدارێن داعشێ ل گه‌یاره هاتیه تالانكرن و دزین ژ ئالیێ شه‌ش چه‌كدارێن داعشێ ڤه كو 2 ژوان ره‌گزێن عه‌ره‌بن و 2 یێن دى ب ره‌گه‌زێ بیانى نه و 2 چه‌كدارێن دى خه‌لكێ گه‌یاره بخوه‌نه و به‌رب جهه‌كێ نه‌دیار ره‌ڤین.
مالپه‌رێ ناڤبرى د ته‌غریده‌كا دیدا گۆت: هێرشێن ئه‌سمانى ل سه‌ر باژێرێ گه‌یاره 60 چه‌كدارێن تیرۆرستى یێن داعشى َ هاتینه كوشتن ، ئه‌ڤه‌ژى ئه‌گه‌رێ تێكچوون و ژبه‌رێكبرنا هێزێن داعشێ یه ل ده‌ڤه‌را گه‌یاره و شوره و ده‌ست ب ره‌ڤینێ كریه.
ئەڤرۆ نیۆز، سالار دۆسکی:
رێڤەبەرێ ئاھێن خوارنێ ل پارێزگەھا دهۆكێ بۆ ئەڤرۆ نیۆز دیارکر کو ئەڤرۆ رێکەفتی 29\10 دەست ب بەلاڤەکرنا پارێ پێش ئاهێن خوارنێ يێن نەھاتی ل سەنتەرێ پارێزگەھا دھۆکێ ھاتیەکرن ورۆژێن بھێت دێ قەزایێن پارێزگەھێ ڤەگریت.
ئەحمەد تاھا رێڤەبەرێ ئاھێن خوارنێ ل پارێزگەھا دھۆکێ ھێشتا گۆت: “ئەڤرۆ دەست ب بەلاڤەکرنا پارێ پێش ئاهێن خوارنێ يێن نه‌هاتين ڤە ھاتەکرن و قووناغا ئێكێ، ئەڤرۆ و سوبه‌هى دێ بنگەھێ ٢٣١، رۆژا ئێکەشەمی ٢٣٢ و دوشەمبی ٢٣٣و سێ شەمب ٢٣٤ دێ ھێتەبەلاڤەکرن و ھەکە بھێنڤەدان بیت دێ چیتە رۆژا دووڤ دا”.
تاھر گۆتژى: “ھەر ئەڤرۆ بریکارێن ئاھێن خوارنێ قەستا بانکا کرینە و پارێ پێش ئەرزاقی ڤە ل سەر وەلاتیان بەلاڤەکریە کو ھەر کەسەکی 17 ھزار دینار بۆ دکەڤن”.
ئاماژه ب وێ چه‌ندێ ژى كر كو پشتی رۆژا سێشەمبی دێ دەست ب بەلاڤەکرنا پارێ پێش ئاهێن خوارنێ يێن نه‌هاتى ڤە ھێتەکرن ئەوێن قەزاێن سەر ب پارێزگەھا دھۆکێ ڤە و گۆت: “ھەر بریکارەکێ ئەڤرۆ نەھاتبیتە چەکێ خوە وەربگریت دشێت سوباھی 30\10 بھێت وەربگریت”.
ل دووماهيێ ژى گۆت: “کوژمێ پارێ وەلاتیێن پارێزگەھا دھۆکێ یێ پێش ئەرزاقی ڤە ھەموو نەھاتیە ھنارتن، نڤێسارەک مە ئاراستەکریە کو ئەو ژی ژ بەغدا بگەھیت”.
ئه‌ڤرۆ نيوز:
رێڤه‌به‌ريا پۆليسان ل دهۆكێ هوشداريێ دده‌ته وان گه‌نجێن فه‌يسبۆك هه‌ين كو ئاگه‌هدارى جۆره‌كێ تايبه‌تێ كچان بن ل سه‌ر فه‌يسبۆكى.
نه‌قيبێ مافپه‌روه‌ر، هێمن سلێمان، رێڤه‌به‌رێ راگه‌هاندنێ ل رێڤه‌به‌ريا پۆليسێن دهۆكێ ئاگه‌هداريا گه‌نجان دكه‌ت كو هشيار جۆره‌كێ كچان بن كو بزاڤێ دكه‌ن ب رێكا سكايپى كوڕكان ب خاپينن.
زێدتر د ڤێ ڤيديۆيێ دا ببينه:
ئه‌ڤرۆ نيوز:
ژێده‌رێن ده‌نگوباسێن عه‌ره‌بى راگه‌هاند كو سعوديێ ره‌تكر ئه‌و رێ ب ژنان بده‌ت، ل ياريگه‌هێن خه‌ليجى 22 ئاماده بن ب مه‌ره‌ما پشته‌ڤانيكرنا هه‌لبژارتيێن خوه.
رۆژناما “الامارات اليوم” راگه‌هاند كو لژنا رێكخه‌ر ل خه‌ليجى 22 نڤيساره‌ك بۆ ئێكه‌تيێن ته‌پا پێ يێن خه‌ليجى هنارتيه و تێدا ئاشكه‌را كريه كو ئه‌و رێ ب ژنان ناده‌ن ژ بوو پشته‌ڤانيكرنێ ل ياريگه‌هان ئاماده بن.
بڕياره ل رياز پايته‌ختێ سعوديێ د ناڤبه‌را 13 بۆ 26 ژى چريا دويێ قاره‌مانيا كاسا خه‌ليجى 22 بهێته كرن كو يا تايبه‌ت ب وه‌لاتێن دكه‌ڤنه سه‌ر كه‌نداڤى.
سه‌رۆكێ ئێكه‌تيا ته‌پا پێ يا ئيمارتى، محه‌مه‌د عه‌بدولا زاهرى، ته‌كست كر كو ئه‌وان نڤيساره‌كا ژ ڤى ره‌نگى پێگه‌هشتيه كو رێ ناده‌ت ژن ل ياريگه‌هان ئاماده بن ژ بوو پشته‌ڤانيكرنا وه‌لاتێن خوه يێن پشكدار د قاره‌مانيێ دا.
ئه‌ڤرۆ نيوز، نيوار محه‌مه‌د سه‌ليم:
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو هه‌ر سوبه‌هى رۆژا پێنجشه‌مبى هه‌تا سێشه‌مبيا بهێت دێ پێله‌كا سه‌رما و باران بارينێ هه‌رێمێ ڤه‌گه‌ريت و دبيت به‌فر ژى ل ده‌ڤه‌رێن چيايى بباريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هاند: “ل رۆژا پێنجشه‌مبى رێكه‌فتى 30\10\2014 پشتى هاتنه‌خوار و لاوازبوونا پاله‌په‌ستوويێن بلند ئه‌وێن ژ توركيا و ده‌ريا ناڤه‌راست دهێن، هه‌رێما كوردستانێ دێ كه‌ڤيته ژێر كاريگه‌ريا پاله‌په‌ستۆيێن نزم ل ده‌ريا سۆر، هه‌ر ژ به‌ر هندێ ئه‌سمانێ هه‌رێمێ دێ هێته گوهۆڕين و چه‌ند ئه‌ور دێ ل ئه‌سمانى په‌يدا بن و هنده‌ك چپكێن بارانێ دێ ل هنده‌ك ده‌ڤه‌ران ب شه‌ڤ بارن”.
ئاماژه ژى كريه كو: “ئپشتى زێده‌بوونا كارتێكرنا پاله‌په‌ستوويێن نزم ل ده‌ريا سۆر رۆژا ئه‌ينى رێكه‌فتى 31\10\2014 ئه‌سمانێ هه‌رێمێ ژ وان ئه‌ورێن كێم يێن ئه‌سمانى دێ هێته گوهۆڕين و دێ هه‌موو بيته ئه‌ور ل گه‌ل بارانا بارينێ ل هنده‌ك ده‌ڤه‌ران و ل هنده‌ك جاران دێ بريسى ژى ل گه‌ل بن”.
ئاشكه‌را ژى كريه كو: “رۆژا شه‌مبى ژى 1\11\2014 هه‌تا 3\11\2014 هه‌رێم دێ كه‌ڤيته ژێر كارتێكرنا پاله‌په‌ستوويا نزما ده‌ريا ناڤه‌راست، پشتى ئێكگرتنا ئه‌ڤان هه‌ردو پاله‌په‌ستوويێن نزم ل سه‌ر هه‌رێمێ، ئه‌سمان هه‌موو دێ بيته ئه‌ور و دێ بارانه‌كا ئارام ل هنده‌ك ده‌ڤه‌ران باريت و ل هنده‌كان ژى دێ گه‌له‌ك دژوار بيت ل هه‌گه برسيان و له‌زاتيا بايى ژى دێ زێده بيت”.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ دبێژيتژى: “ل دووماهيا ڤان شه‌پۆلێن باران بارينێ دێ هه‌وايه‌كێ سار ژ ناڤه‌راستا ئه‌ورۆپا و باكوورێ باكوورێ رۆژئاڤايێ هه‌رێمێ تێكه‌لى پاله‌په‌ستوويێن نزم يێن ده‌ريا ناڤه‌راست بيت، ژ به‌ر هندێ ژى پلا گه‌رميێ دێ ب ره‌نگه‌كێ گه‌له‌ك به‌رچاڤ هێته خوار و دبيت ل هنده‌ك ده‌ڤه‌رێن چيايى به‌فر ژى بهێت”.
ل دووماهيێ ژى ل دۆر ماوێ مانا ڤێ پاله‌په‌ستوويێ ئاشكه‌را كريه كو ئه‌ڤ كه‌شوهه‌وايه هه‌تا رۆژا سێشه‌مبى رێكه‌فتى 4\11\2014 دێ يا به‌رده‌وام بيت.
پشتی چەکدارێن ب سەرشنگالێ داگرتی گەلەک کەسێن بێ گونەە کوشتن و ب ھزارەھا کچ و ژن و زارۆ دگەل خوە برن دەست درێژی دگەل وان ھاتیە کرن و کەس نزانیت چارەنڤیسێ وان چیە دلڤین مادو چیروکا خارزا خوە ڤەدگێریت کاچەوان بێ ئاخفتن بوویە کچا مامێ دلڤینێ ژی ئاشکەرا دکەت چارکچان خوە قورتال کریە ژدەستێ داعش پاشان خوە دچیای دا ھاڤێتیە.
ئەڤرۆ، ھەرھین محەمەد:
کچەکێ ب ناڤێ دلڤین مادو، خەلکا شنگالێ یە شوکریە یە ل قوتابخانەکێ ل تاخێ شێلێ ژیانا خوە د بورینت چیروکا داپیرا خوە و خارزا خوە ب ناڤێ (حسنا) ڤەدگێرت و گۆت: “دەمێ چەکدارێن داعش ب سەر شنگالێ دا گرتی من پەیوەندی ب داپیرا خوە کر من گۆتێ خوە قورتال بکەن چەکدارێن داعش یێن نێزیک بووین، بەلێ داپیرا من گۆت بەری نوکە ئەم یێت ژ چیایی دھێین، گەلەک خێزان ھاتبوونە چیایی، وان گۆتی بزڤرنەڤە چ تشت نینە پشتی ھاتینە مالێن خوە چەکدارێن داعش ب سەر مالێن وان دا گرت داپیرا من و خارزا من ھەردو گرتن و د گەل خوە برن ھەتا نوکە چ ژ وان نوزانین لێ رۆژەکێ کچا مامێ من د ناڤ دەستێ داعش دا پەیوەندی کر و گۆت: “دەمێ چەکدارێن داعش ئەم د گەل خوە برین ئەم ھەموو برینە د ناڤ گۆندی دا و چ زێرەڤان ل بەرمە نەبوون، بەلێ ل وی دەمی چار کچان خوە قورتالکر و رەڤین قەستا چیایی کر چوونە دەڤ ھێزێن یەپەکێ و ھندەک گەنجێن شنگالێ ل دەڤ ھێزین یەپەکێ بوون گۆتە وان ھەر چار کچان خوە نەکوژن ئەم دێ وە مارەکەین، بەلێ وان کچان نەشیا بزڤرنە ناڤ خێزانێن خوە دا چونکو دەست درێژی د گەل وان ھاتبوو کرن ھەر چار کچان دەستێن ئێک و دو گرتن و خوە د چیایی دا ھاڤێت خوە کوشتن پشتی چەکدارێن داعشێ زانی کو ھندەک ژنا خوە قورتالکریە ل وێ دەمی چەکدارێن داعشی ھاتنە د ناڤ خەلکی دا و زێرەڤانیا وان کر کچ و ژن و کوڕ ژیک جودا کرن ل وی دەمی (حسنا) ژ پیرا وێ جودا کر و بۆ ماوەکێ درێژ، بەلێ پشتی چەند رۆژان چەکدارێن داعش حسنا زڤراندە دەڤ پیرا وێ، چەکدارێن داعش گۆتێ ئەڤە بۆ ماوێ چەند روژانە کچا تە نە نانی دخوت نە ئاڤێ و د گەل کەسێ نائاخڤیت، بلا چەند رۆژەکان ل دەڤ وەبیت ئەگەر ئەم بزانین ھوون پێکولێ بکەن وێ ژ ڤێرێ قورتال بکەن یان ژی ئەو خوە بکوژیت دێ ھەوە ھەموویان کوژین، چونکو ئەم دێ بۆ ماوێ سێ رۆژێن دی ھێین بەین، داپیرا من گەلەک پێکول کر کو حسنا باخڤیت، لێ وێ نە ئاخفت ب تێ دگریا، داپیرا من گۆتی دبیت چەکدارێن داعشێ دەست درێژیا سکسی د گەل حسنایێ کربیت، لەوا نا ئاخڤیت، کچا مامێ من د پەیوەندیا خوە دا گۆتژی چەکدارێن داعش گەلەک زۆریێ ل مە دکەن دبێژن ئەم دێ ھەوە ئینینە ل سەر رێیا راست و پەیوەندیێ ب مالێن خوە بکەن بلا ئەو ژی بھێنە ڤێرێ”.
دلڤینێ ھشتا ژی گۆت: “برینپێچەک ل گۆندێ مە ھەبوو یێ لال بوو د گۆتنێ (ئیسماعیلێ لال) چەکدارێن داعش ئەڤ برینپێچە د گەل خوە بریە ل ویرێ ژی کارێ برینپێچیێ دکەت، ئەگەر ئێک یێ نەساخ بیت چەکدارێن داعش د گەل وی نەساخی دچن و جارە کادی دزڤریننە جھێ وی ڤە بەلێ چەکدارێن داعش گەلەک زۆریێ ل برینپێچی دکەن کو ھێشتا تشتان بزانیت د کارێ برینپێچیێ دا ببیتە وەک نوشدارەکی”.
ھەر د پەیوەندیا خوە دا کچا مامێ دلڤینێ ئەو ژی گۆت: “نوکە ژنبرا حسنایێ د ناڤ دەستێ داعش دایە ب ناڤێ (مەریەم) بۆ ماوێ ھەشت ھەیڤە ب دووگیانە دبێژیت ئەز گەلەک دترسم ئەگەر ماوێ زارۆ بوونێ ھات چ نوشدار نینن من ببەنە نک دبێژیت یان ئەز دێ مرم یان ژی زارویێ من”.
ھەولێر، قائید میرۆ:
بابەکر دڕەیی، ئەندامێ جڤاتا نیشتیمانیا بزاڤا گۆڕان تایبەت ب ئەڤرۆ نیۆز راگەھاند، کو بزاڤا گۆڕان ب چو شێوەیەکی پشکداری د رێکەفتنا ستراتیژیا نێڤبەرا پارتی و ئێکەتی دا ناکەن، ژبەر چەند ئەگەرەکان ژوانا دخوازین وەکی پارتەکا سیاسی ئازادبین و رەخنا بگرین و ئەم لسەر بنەمایێ رەخنا ھاتینە دامەزراندن، لەوڕا ئەم پشکداری ئەڤێ رێکەفتنێ ناکەین.
دڕەیی گۆتژی: “ئەم نابینین رێکەفتنا ستراتیژی بۆ بەرژەوەندیا مللەتی بیت و ئەگەر چو مفا ھەبانە، نوکە ئەف ئاریشەیێن نێڤبەرا پارتی و ئێکەتیێ چێنەدبوون”.
ئەف داخویانیا ئەڤی سەرکردەیێ گۆڕان پشتی ئاخفتنەکا مەلا بەختیار کارگێرێ مەکتەبا سیاسیا ئێکەتی ھات و راگەھاندبوو، دێ بزاڤێ بکەن ھەموو لایەنێن سیاسی پشکداری رێکەفتنا ستراتیژیا نێڤبەرا پارتی و ئێکەتیێ بکەن.
ئه‌ڤرۆ نيوز:
ئه‌ڤرۆ هێزه‌كا تايبه‌ت ژ پێشمه‌رگێ كوردستانێ ژ هه‌ولێرا پايته‌خت ب رێكه‌فت و به‌ر ب كۆبانێ ڤه چوو و ل هه‌موو جهان پێشوازيه‌كا گه‌رم لێ هاته كرن.
ديمه‌نێن ڤێ ڤيديۆيێ ژى ژ په‌يجێ گه‌نجه‌كى ب ناڤێ شڤان هرۆرى ل سه‌ر تۆرا جڤاكيا فه‌يسبۆكێ هاتيه وه‌رگرتن.
ئه‌ڤرۆ نیۆز:
ئه‌ڤرۆ سه‌رۆكێ هه‌رێما كوردستانێ مه‌سعود بارزانى ل گه‌ل جه‌نه‌رال لوید ئۆستن فه‌رماندێ فه‌رمانده‌یا له‌شكرێ ئه‌مریكى و شاندێ ل گه‌ل دا كومبوو.
ل ده‌ستپێكا هه‌ڤدیتنێ دا جه‌نه‌رالێ ئه‌مریكى لوید ئۆستن پیرۆزباهیا سه‌رۆك بارزانى ب هه‌لكه‌فتا سه‌ركه‌فتنێن مه‌زن یێن پێشمه‌رگه‌ى ب سه‌رۆكاتیا بارزانى ل به‌رۆكێن شه‌رێ دژى داعشێ كرن، هه‌ڤده‌م هه‌ڤخه‌میا خوه بۆ خێزانێن شه‌هیدێن پێشمه‌رگه‌ى یێن گیانێ خوه كرینه قوربان ده‌ربڕى.
جه‌نه‌رال ئۆستن هه‌روه‌سا گۆت: هێزێن پێشمه‌رگه‌ى ل دورهێلى شیان ئه‌فسانه‌یا داعشێ بشكێنن، هێزا وانا كریه هێزكا شكه‌ستى و نه‌شیان خوه ل مه‌یدانێن شه‌رى بگرن، سه‌ركه‌فتنێن پێشمه‌رگه‌ى ل ره‌بیعه و زومار هێزا داعشێ به‌ربه‌لاڤكرن و هه‌موو وڕه‌یا وان ژده‌ستدان.
فه‌رماندێ فه‌رمانده‌یا ئه‌مریكى به‌رهه‌ڤیا هێزا وه‌لاتێ خوه بۆ پشته‌ڤانیا پێشمه‌رگه‌ى و هاریكاریا شپته‌ڤانیا ئه‌سمانى بۆ هه‌ر جهه‌كێ پێشمه‌رگه‌ى بڤێت هێرشێ بكه‌نه سه‌ر و پێشڤه‌چوونێ لێ بكه‌ن دیاركر.
ژ ئالیه‌كێ دیڤه جه‌نه‌رال ئۆستن سۆپاسیا سه‌رۆك بارزانى كر، سه‌باره‌ت هاریكاریا له‌شكرى یا بۆ باژێرێ كوبانێ هنارتى.
هه‌روه‌سا سه‌رۆكێ هه‌رێما كوردستانێ مه‌سعود بارزانى بخێرهاتنا جه‌نه‌رال ئۆستن و شاندێ ل گه‌ل دا كر، و سوپاسیێن خوه ئاراسته‌ى ئه‌مریكا و هه‌ڤپه‌یمانیا نێڤده‌ولى بۆ پشته‌ڤانیا له‌شكرى كرن، سه‌باره‌ت به‌رۆكێن شه‌رى و ره‌وشا پێشمه‌رگه‌ى.
سه‌رۆك بارزانى گۆت: داعش هێزا به‌رهنگاربوونێ ژ ده‌ستدایه، نها ئیردا ملله‌تێ كوردستانێ و هێزا پێشمه‌رگه‌ى ب هێزتره ژ هه‌موو ده‌مێن دى بۆ پاراستنا كوردستانێ و پاشڤه برنا تیرۆرستێن داعشێ، هه‌ڤده‌م خوه‌شحالیا خوه ده‌ربڕى ب خوه‌راگریا شه‌رڤانێن كوبانێ، و سوپاسیا هێزێن ئه‌مریكى بۆ هاریكاریا له‌شكرى یا كاریكه‌ر ل كوبانێ ده‌ربڕى.
نيشاندان