ئەڤرۆ:
شیرەتکارەکێ ئاسایشا ئابووری ل ھەرێما کوردستانێ دیارکر کو چو کۆمپانیێن بیانی ێن نەفت و غازێ ئەوێن ل ھەرێمێ کار دکەن ب تایبەت ئەوێن نەفتێ بەرھەم دئینن کارێن خوە نە راوەستاندینە.
بێوار خنسی شیرەتکارێ ئاسایشا ئابووری ل ھەرێما کوردستانێ بۆ ئاژانسا ئەنادول یا تورکی گۆت وەزارەتا سامانێن سروشتی پلانەک دانایە کو ل دووماھیا ئەڤ سالە رێژا بەرھەم ئینانا نەفتێ بگەینیتە ٥٠٠ ھزار بەرمیلان ل رۆژەکێ دا و ل دووماھیا سالا بھێت بۆ ملیۆن بەرمیلان، ئەڤ پلانە وەکو خوە ب رێڤە دچیت و ھەتا دووماھیا ئەڤ سالە دێ گەھیتە وێ رێژا ھاتیە راگەھاندن.
خنسی گۆت ژی ھەرێما کوردستانێ ژ ھێرشێن داعشا یا پاراستیە و ھەکە بەری نوکە کێماسیەک ژی ھەبیت نوکە کێلگەھێن نەفتێ ل ھەرێمێ ل ژێر دەستھەلاتا ھەرێمێ نە، لەورا ئەو پلانا بۆ پێشخستنێ ھاتیە دانان دێ بجە ئینیت.
شیرەتکارێ ئاسایشا ئابووری ئاماژە دا وێ ژی کو ھەبوونا ھژمارەکا زۆر یا ئاواران بارگرانی ئێخستیە سەر کەرتێ ووزێ ل ھەرێمێ و کاریگەریا نەرێنی کریە سەر وی کەرتی چونکو پێدڤیێن ناڤخوەی بۆ ووزێ زێدە کرینە، ئەو ژی ئاشکرا کر کو چو کۆمپانیێن بیانی کارێن خوە نە ڕاوەستاندیە ب تایبەت ئەوێن نەفتێ ل ھەرێمێ بەرھەم دئینن.
نيشاندان
