ئەڤرۆ نیوز:
١٦٨ ملیون دولار بۆ دروستکرنا پروژەکێ نوو ل ئەلمانیا ھاتینە تەرخانکرن بۆ دروستکرنا پروژەیێ دروستکرنا ئەکادمیەکا وەرزشی کو بریارە ل سالا ٢٠٢١ ئەو پروژە ب دووماھیی بھێت.
ئێکەتیا تەپا پێ یا ئەلمانی ل سەر مالپەرێ خوە یێ فەرمی راگەھاندی یە ئەوان ب فەرمی دەست ب پروژەیێ دروستکرنا ئەکادمیەکا نوو کریە کو دھێتە چاڤەرێکرن ئەو پروژە بیتە ئێک ژ مەنترین پروژەیێن وەرزشی ل وی وەلاتی کو پێکھاتیی یە ژ ٩ یاریگەھێن تایبەت بۆ ئەنجامدانا راھێنانان و چەند یاریگەھێن تایبەت بوو ئەنجامدانا یاریێن ھەڤالینی و نیڤدەولی ل گەل ڤەحەواندنا یاریزانان بۆ دانا کەمپێن راھێنانی ل پاشەرۆژێ .
ھەردیسان ئەوی مالپەری ئاشکراکریە ژی کوژمێ ١٥٠ ملیون یورۆیا کو دبنە ١٦٨ ملیون دولار بۆ ئەوی پروژەیێ نوو ھاتینە مەزاختن و چاڤەرێ دھێتەکرن ل سالا ٢٠٢١ ئەو پروژەیێ وەرزشی ب دووماھیی بھێت کو دێ گرێدای ھەموو ھەلبژارتیێن سەر ب ئێکەتیا تەپا پێ یا ئەلمانی ڤە بن و دێ بیتە جھەکێ سەرەکی بوو دانا کەمپێن راھێنانی بۆ ھەلبژارتیێن ئەلمانیا ل پاشەرۆژێ.

ئەڤرۆ نیوز:

ستێرا ئەرژەنتینی و یانا ئەنتر میلان یا ئیتالی ماورو ئیکاردی نێزیکی ب جە ھێلا پێکھاتیێ یانا ئەنتر میلان بوویە بوو وەرزێ بھێت پشتی ل ڤێ دووماھیێ چەند ئاریشە دناڤبەرا وی و بەرپرسێن یانێ و راھێنەرێ یانێ دا پەیدابوون ل دیڤ راگەھاندنا ئیتالی ئەو یاریزان نێزیکی ئیمزاکرنا ھەڤبەستا یانا یوڤانتوس بوویە.
مالپەرێ کاتشیو مێرکاتو یێ ئیتالی دیارکریە چاڤەرێ دھێتەکرن ل ڤێ حەفتیێ بەرپرسێن ھەردو یانێن ئەنتر میلان و یوڤانتوس کومنبوونەکێ ل باژێرێ لەندەن یێ یرێتانی ل گەل ئێک بکەن ل سەر ڤەگوھاستنا ستێرا یانا ئەنتر میلان ئیکاری بوو یانا یوڤانتوس بۆ وەرزێ بھێت پشتی ل ماوێ چەند رۆژێن بوری سەرکێشا خولا ئیتالیا و ھەلگرا ناسناڤێ وەرزێ ئەڤ سالە یانا یوڤانتوس کوژمێ ٦٠ ملیون یورۆیا پێشکێشی یانا ئەنتر کری بوو ڤەگوھاستنا ئەوی یاریزانی لێ بەرپرسێن یانا ئەنتر داخوازیا ٨٠ ملیون یورۆیا کری و ل دیڤ گوتنا وی مالپەری دبیت ھەردو یانە ل سەر ڤەگوھاستنا ڤی یاریزانی ل حەفتیا بھێت رازی بن ژبەرکو ھەردوو لایەن نێزیکی ئێک بووینە ل سەر ڤەگوھاستنا ئەوی بتنێ جوداھی دناڤبەرا ھەردو یانان دا ٢٠ ملیون و وەسا دھێتە چاڤەرێکرن ل کومبوونا ئەڤ جارە بریار ب فەرمی ل سەر بھێتە دانێ .
ئەوی مالپەرێ ئیتالی ئاماژە ب وێ چەندێ ژی کریە یانا یوڤانتوس دێ موچەیەکێ سالانە ١٠ ملیون یورۆیا پێشکێشی ئەوی یاریزانێ ئەرژەنتینی کەت ھەکە ئەو یاریزان ھاتە ڤەگوھاستن بوو یانا یوڤانتوس .
ھەژی گوتنێ یە یانا ئەنتر میلان د بەندا ھەڤبەستا ئیکاردی دا دو رێککەفتن ھەنە بوو ھەلوەشاندنا ھەڤبەستا وی کو ھەر یانەکا ژ دەرڤەی ئیتالیا حەزا ئیمزاکرنا ھەڤبەستا ئەوی یاریزانی ھەبیت پێدڤی یە کوژمێ ١١٠ ملیون یورۆیا پێشکێشی ئەنتر بکەت بوو بھایێ ھەلوەشاندنا وی لێ بوو یانێن نافخوی یێن ئیتالی بھایێ ھەلوەشاندنا وی ٨٠ ملیون یورۆ.

ئەڤرۆ نیوز:
یانا ریال مەدرید رەتکر ھەڤبەستێ ل گەل ستێرەکا یانا ئەیاکس ئەمستردام ئیمزا بکەت پشتی ل ماوێ بوری ژ لایێ رێڤەبەرێ کارێن ئەوی یاریزانی ڤە ھاتیە پێشکێشکرن بوو وێ یانا ئیسپانی.
رۆژناما مارکا ئیسپانی بەلاڤەکریە رێڤەبەرێ کارێن یاریزانێ سربی و گولکەرێ یانا ئەیاکس ئەمستردام دوشان تادیتچ ل ماوێ چەند رۆژێن بوری ئەو یاریزان ب فەرمی پێشکێشکی یانا ریال مەدرید کر بوو ئیمزاکرنا ھەڤبەستا ئەوی ل وەرزێ بھێت لێ یانا ریال مەدرید رەتکر ھەڤبەستێ ل گەل ئەوی یاریزانی ئیمزا بکەت سەرەرای مەزاختیێن ئەوی یاریزانی ل سەر یانا ریال مەدرید نە د بوونە بارەکێ گران کو کوژمێ ڤەگوھاستنا ئەوی د ناڤبەرا ١٢ ملیون یورۆ ھەتا ١٥ ملیون یورۆیا بوون لێ ریال رەتکر ھەڤبەستێ ل گەل ئیمزا بکەت.
ئەوێ رۆژنامێ ئەو چەندە ژی ئاشکرا کر نوکە ئارمانجا سەرەکی یا یانا ریال مەدرید ئینانا گولکەرێ یانا ئەنتراخت فرانکفورت یا ئەلمانی و یاریزانێ سربی لوکا یوڤیتیچ یێ ٢١ سالی وەکو پێگوھورێ کەریم بن زیمای بیت .

ھەژی گوتنێ یە دوشان تادیتچ یێ ٣٠ سالی ل وەرزێ ئەڤ سالە د ٣٢ یاریێن خولا ھولەندا دا ٢٤ گول تومارکرینە و ١٣ گول بوو ھەڤالێن خوە بەرھەڤکرینە و نوکە ل رێزا دوێ یا گولکەرێن خولێ دھێت و شەش گول ژی د قارەمانیا چامپیونیز لیگ دا ژی تومارکرینە کو ل یاریا بەرامبەر ریال مەدرید یا ل یاریگەھا سانتیاگو برنابیو گولەک تومارکر بوو ل گەل دو ئەسیست دروستکربوون و ھەردیسان ل گەل ھەلبژارتیێ سربیا نوکە ژ یاریزانێن سەرەکی یە کو ٦٢ یاریێن نیڤدەولی ١٥ گول تومارکرینە ، کو نوکە بوویە ئارمانجا چەند یانێن ئیتالی و ئەلمانی لێ رێڤەبەرێن کارێ وی ھەموو بزاڤکرن بوو رازیکرنا یانا ریال مەدرید بوو ڤەگوھاستنا یاریزانێ خوە بوو یانا مەلەکی .

ئەڤرۆ نیوز:
چاڤەرێ دھێتەکرن ئەڤرۆ و ئەڤ شەڤە چەندین یاری ل سەر ئاستێ خولێن ئورۆپی بھێنەکرن و ژ گرنگترین یاریێن بھێنەکرن ئەڤێن خوارێ نە.

خۆلا ئنگلتەرا حەفتیا ٣٧
بورنمۆتس و توتنھام دەمژمێر ٢:٣٠ پشتی نیڤرۆ
یاریێن دەمژمێر ٥:٠٠ پشتی ئێڤاری
وێست ھام یوناید – ساوتھامتون
ولڤرھامبتون – فولھام
کاردیف سیتی – کریستال پالاس دەمژمێر ٧:٣٠ پشتی مەغرەب
نیوکاس یوناید – لیڤەرپول دەمژمێر ٩:٤٥ شەڤ

یاریێن حەفتیا ٣٦ خۆلا لالیگا ئیسپانیا

لیڤانتی – رایوڤالیکانو دەمژمێر ٢:٠٠ نیڤرۆ
ئیسپانیول – ئەتلەتیکو مەدرید دەمژمێر ٥:١٥ پشتی ئێڤاری
ئالاڤێس – ریال سوسیداد دەمژمێر ٧:٣٠ پشتی مەغرەب
سالتاڤیگو – بەرشەلۆنا دەمژمێر ٩:٤٥ شەڤ

یاریێن حەفتیا ٣٥ ژ خۆلا کاتشیو ئیتالیا

کیڤو فیرونا – سپال دەمژمێر ٧:٠٠ پشتی مەغرەب
ئودونیزی – ئەنتر میلان دەمژمێر ٩:٣٠ شەڤ

حەفتیا ٣٢ ژ خۆلا بوندس لیگا ئەلمانیا

یاریێن دەمژمێر ٥:٣٠
ھێرتا برلین – شوتگارت
بایرن میونیخ – ھانوڤەر
ڤولڤسبورگ – نورونبێرگ
بروسیا مشنگلادباگ – ھوڤنھایم

فێردەبرێمەن – بروسیا دورتموند دەمژمێر ٧:٣٠ پشتی مەغرەب

حەفتیا ٣١ ژ خۆلا سوپەر لیگا تورکیا
ئەنقرە گوچو – ریزا سپور دەمژمێر ٤:٠٠ ئێڤاری
ئەزروم سپور – بورسا سپور دەمژمێر ٤:٠٠ ئێڤاری
قاسم پاشا – فەنەربحچە دەمژمێر ٧:٠٠ پشتی مەغرەب

خۆلا پورتوگال حەفتیا
مارتیمو – سپورتینگ براگا دەمژمێر ٥:٠٠ پشتی ئێڤاری
بەنڤیکا – پورتیمونینسی دەمژمێر دەمژمێر ٨:٠٠ شەڤ
پورتو – دیپورتیڤو ئاڤێس دەمژمێر ١٠:٠٠ شەڤ

حەفتیا ٣٥ ژ خۆلا پلا ئێک یا فرەنسا

پاریس سانجێرمان و نیس دەمژمێر ٦:٠٠ مەغرەب
یاریێن دەمژمێر ٩:٠٠ شەڤ
گانگون – کان
بوردو – ئانگەرس
ستاد رێمس – نیمس ئولومپیک