ئەڤرۆ نیوز، نەوزاد هلوری:
سەدان ترومبێلێن سەیرانا گوندێ رەشاڤە ل دێرەلووک دناڤ سروشتێ گوندێ گوهەرزێ ژ ئەگەرێ بارینا بارانێ ئاسێ بوینە.
عومەر نهێلێ، ئێک ژ وان شوفێرایە بو ئەڤرۆ نیوز گۆت: (ئێڤارە درەنگی یا ئەڤرۆ ژ ئەگەرێ بارینا بارانێ سەیرانا گوندێ رەشاڤە کو ل زیرێن گوهەرزێ ب رێڤە دچو، هاتە چولکرن و پتری 100 ترومبێل ماینە ئاسێ، نوکە تیمێن هاریکاریان و شوفەرەک گەهشتیە جهێ ئاسێ بونا ترومبێلان، بەلێ هێشتا هژمارەکا زور یا ترومبێلان د هەریێ دا ماینە).
زێدەتر گۆت: (هەمی ژن و زاروک و خێزان رزگاربوینە و خەلک ژی ب سلامەتە و چ روودان ژی دروست نەبوینە، دخوازین کو تیمێن زێدەتر بهێنە رەوانەکرن داکو ئەڤ هەموو خەلکە رزگاربن).
https://m.youtube.com/watch?feature=share&v=3MuJTh0Br0I
ئەڤرۆ نیوز، نەوزاد هلۆری:
زارویەکێ ناحیا دێرەلووک بناڤێ سیراج بێوار نهێلی کو دژیێ سێ سال و نیڤێ دایە، ب چەند سترانەکێن خوش شیایە دلێ هژمارەکا زور ژ خەلکی دلخوش بکەت و بهێتە نیاسین، مامێ ئەوی زاروکی دیارکر کو سیراج ژ تیپا نهێل فێری سترانان بوویە و گەلەک حەژ ستران و موزیکێ دکەت.
https://m.youtube.com/watch?feature=share&v=mtDEVKCSZGU
ئه‌ڤرۆ نیوز:
دچارچۆڤێ گه‌را ژ خۆلا پلا نایاب یا ته‌پا پێى ل عیراقێ، ئه‌ڤرۆ ئه‌ینیێ یانا هه‌ولێر بوو مێهڤانا یانا نه‌فت میسان وب ئه‌نجامێ 0-2 هاته دوراندن.
هه‌ر دو گۆلێن یانا نه‌فت میسان ل خۆله‌كێن 28 و 90 هاتن تۆماركرن.
ب ڤى ئه‌نجامى یانا هه‌ولێر ب 28 خالان ل رێزا 13 ل رێزبه‌ندیا خۆلێ دهێت ویانا نه‌فت میسان ب 38 خالان ل رێزا پێنجێ دهێت.
ئه‌ڤرۆ نیوز:
لژنا بلند یا دیتنا هه‌یڤێ ل وه‌زاره‌تا ئه‌وقافێ وكاروبارێن ئاینى ب مه‌ره‌ما دیاركرنا رۆژا ئێكێ ژ هه‌یڤا ره‌مه‌زانێ، ئه‌ڤرۆ ئه‌ینیێ 3/5/2019 به‌لاڤكر كو ئه‌و ل گه‌ل لژنێن پارێزگه‌هێن هه‌رێما كوردستانێ ودیوانا وه‌قفا سونى دێ ل ئێڤاریا سوبه‌هى شه‌مبیێ 4/5/2019 چاڤدێریا دیتنا هه‌یڤێ كه‌ن.
لژنا ناڤبرى داخواز ژ وه‌لاتیێن هه‌رێما كوردستانێ كر كو هه‌ر كه‌سه‌ك ب به‌لگه ل ئێڤاریا شه‌مبیێ هه‌یڤێ ببینیت، ب زووترین ده‌م یه‌كه‌یا ئیدارى ل سنوورێ خوه ئاگه‌هدار بكه‌ت.
ئەڤرۆ نیوز،ھەژار مەعروف:
تیما تەپا پێ یا ھەولێر سەرەرای گوھورینا راھێنەرێ خوە یێ بەری نوکە ئینانا راھێنەرێ نوو ئەکرم سەلمان و ل گەل ستاڤێ ل گەل دا ژی ھەر یا بەردەوامە ل سەر ئەنجامێن خوە یێن لاواز پشتی بەری دەمەکێ کێم توشی خوسارەتیا خوە یا چارێ بووی د یاریێن قوناغا دوێ دا دەمێ ئەڤ جارە توشی خوسارەتیێ بووی ل گەل نەفت میسان ل یاریگەھا وێ ب دو گولان بێ بەرامبەر ژ چارچوڤێ یاریێن گەرا شەشێ ژ قوناغا دوێ.
د نیڤا ئێکێ دا تیما نەفت میسان پێشکەڤت ب رێیا گولکەرێ خوە و کابتنێ یانێ ویسام سەعدون ل دەقیقا ٢٥ و پاش ل نیڤا دوێ یانا ھەولێر چەندین بزاڤکرن لێ ھەموو بزاڤێن ئەوان بێ مفابوون ئەو بوو ل دەقیقا ٩٠ د ھێرشبەکا ھەڤدژ دا یانا نەفت میسان شیا گولا دوێ ب رێیا یاریزانێ خوە تامر برغەش و ب ڤی ئەنجامی یانا نەفت میسان خالێن خوە گەھاندنە ٣٨ خالان ل رێزا پێنجێ دھێت و یانا ھەولێر خالێن وی مان ھەر ٢٨ خالان ل رێزا ١٣ دھێت.
ھەژی گوتنێ یە ھەولێر د شەش یاریێن قوناغا دوێ دا توشی چار خوسارەتیا بووی یە ل گەل دو وەکھەڤیا و ١٠ گول سەر ھاتینە تومارکرن و بتنێ گولەک تومارکریە .
ئه‌ڤرۆ نیوز:
ئه‌ندامێ جڤاتا پارێزگه‌ها نه‌ینه‌وا، عه‌بدولره‌حمان وه‌گاع ئه‌ڤرۆ پێنجشه‌مبى 2/5/2019 راگه‌هاند، چه‌كدارێن داعشێ یێن زڤرین بۆ سنوورێ پارێزگه‌ها نه‌ینه‌وا وچه‌ند گوند ل ناحیا شۆره ل باشوورێ باژێرێ مووسل یێن كونترۆل كرین.
ناڤبرى داخۆیانیه‌كا رۆژنامه‌ڤانى دا، گۆت ژى” خه‌لكێ وان ده‌ڤه‌ران چو رێیه‌كا دى ل به‌رده‌م نینه ویێن دبن ده‌ستێ داعشێ دا، پشتى كو حوكمه‌تێ پاراستنا وان پشتى گوه هاڤێتى وفه‌رماندێن ته‌ناهیێ ل پارێزگه‌هێ ب شانا هاوار هاتنێ ڤه د مژوولن وئه‌ركێن خوه یێن ب جههێلاین”.
دوهى چارشه‌مبى 1/5/2019، شێخ موزاحم ئه‌لحوێت په‌یڤدارێ ب ناڤێ عه‌شیره‌تێن عه‌ره‌بی ل ده‌ڤه‌رێن كێشه‌دار راگه‌هاندبوو” داعش مژوولى كۆمكرنا ئه‌ندامێن خوه‌یه ل ده‌ڤه‌را جه‌زیرى ل سنوورێ پارێزگه‌ها نه‌ینه‌وا ورۆژانه ئاهێن خوارنێ وسوته‌مه‌نى وپێدڤیێن دى ب رێیا قاچاخچیان دگه‌هیتێ” .
ئه‌ڤرۆ نیوز:
رێڤه‌به‌ریا گشتى یا كه‌شناسیێ ل هه‌رێما كوردستانێ هوشداریه‌ك لدۆر هاتنا پێله‌كا باران بارینێ بۆ پارێزگه‌هێن هه‌رێمێ به‌لاڤكر.
رێڤه‌به‌ریا ناڤبرى به‌لاڤكر” سوبه‌هى ئه‌ینیێ 3/5/2019 ب شه‌ڤ، هه‌رێما كوردستانێ دێ كه‌ڤیته به‌ر پێله‌كا بارانێ”.
دیاركر ژى” ل هه‌موو ده‌ڤه‌رێن هه‌رێما كوردستانێ دێ باران باریت ول هنده‌ك ده‌ڤه‌رێن پارێزگه‌هێن هه‌ولێرێ ودهۆكێ دێ باران زێده‌تر باریت و دره‌نگیا شه‌ڤا شه‌مبیێ 4/5/2019 ئه‌ڤ پێلا بارانێ دێ ب دووماهى هێت”.
ئەڤرۆ نیوز:
راپورتێن رۆژنامەڤانی ل برێتانیا دیارکرینە یانا پاریس سانجێرمان بوو ھاڤینا بھێت دخوازیت ھەڤبەستێ ل گەل گولچیێ ھەلبژارتیێ ئیسپانیا و یانا مانچێستەر یوناید دی خیا ئیمزا بکەت ئەوێ نوکە د رەوشەکا لاواز دا بوریت ل گەل وێ یانا ئنگلیزی.
رۆژناما دیلی ستار یا برێتانی دیارکریە یانا مانچێستەر یوناید ژی نوکە یا لێگەریانا گولچیەکێ نوو دکەت و دخوازیت بەری ب دووماھیی ھاتنا ھەڤبەستا دی خیای ب دووماھیی بھێت بفروشت داکو یا مفاداربیت ژ فروتنا ئەوی کو چاڤەرێ دھێتەکرن ل ھاڤینا ٢٠٢٠ ھەڤبەستا ئەوی گولچیێ ئیسپانی ل گەل یانا مان یوناید ب دووماھیی بھێت.
ئەوێ رۆژنامێ ئاشکراکریە ژی یانا پاریس سانجێرمان ب فەرمی دەست ب دانوستاندنان کریە ل گەل بریکارێ دی خیای بوو ڤەگوھاستنا ئەوی ل ھاڤینا بھێت بوو ناڤ رێزێن ھەلکرا قارەمانا خولا فرەنسا کو کوژمەکێ مەزن یێ پارەی بوو ئەوی بەرھەڤکریە ھەکە رازی بیت ل سەر داخوازیا پاریس.
دیلی ستار ئاشکراکریە ژی ب رێژەیا ھەرە مەزن دی خیا دێ ل سەر داخوازیا پاریس سانجێرمان رازی بیت ژبەرکو ئەوێ یانێ کوژمەکێ مەزن پێشکێشی ئەوی کریە و ژ ھەر ھەڤبەستەکا دی مەزنترە ئەوێن ل بەر دەستێ ئەوی کو پاریس بەرھەڤیا خوە دیارکریە موچەیەکێ سالانە یێ ٢٤ ملیون یورۆ پێشکێشی ئەوی بکەن .
ئەڤرۆ نیوز:
ب مەرەما دەلیڤەکا زێدەتر بۆ وان کەسێن حەزا خوە کاندیدکرنێ ھەی بۆ پوستێ پارێزگارێ نەینەوا بریار ھاتەدان ماوێ وێ ھەتا رۆژا سێشەمبی ٧ ئەیارا ٢٠١٩ ھاتە درێژکرن.
د نڤیسارەکێ دا ئەڤرۆ پێنج شەمبێ بەلاڤ بوویە کو ئیمزایا سەیدو چەتو شنگاری سەرۆکێ جڤاتا پارێزگەھا نەینەوا ل سەرە ئاماژە ب وێ چەندێ کریە ژبەر بەرژەوەندیا گشتی و زێدەتر دەلیڤێ بۆ وان کەسێن حەزا پوستێ پارێزگارێ نەینەوا و ھەردو جێگر و کارگێری و جێگرێ ھونەری ھەی بھێتو زێدەکرن ژ بەرکو ماوێ بوری چەندین رۆژ بوونە بھێنڤەدان دەلیڤە بوو ھەموو کەسان پەیدانەبوو خوە بەربژێر بکەن بۆ ڤان پوستێن دیارکری لەورا رۆژا سَشەمبیا بھێت ٧ ئەیارا ٢٠١٩ دووماھی ژڤانە بۆ ھەر کەسەکی.
نيشاندان