ئەڤرۆ نیوز،ھەژار مەعروف:
کارگێریا یانا ھەولێر ب فەرمی ستاڤەکێ نوو بۆ تیما خۆلا عیراقێ دەست نیشانکر پشتی راھێنەرێ بەری نوکە نازم شاکر ل سەر داخوازیا ھەردو لاینە دەست ژ پوستێ راھێنەریا تیمێ بەردەی ژبەر ئەو ئەنجامێن لاواز یێن ل قوناغا دوێ کو ل پێنچ یاریێن بوری نەشیای سەرکەفتنێ توماربکەن .
کارگێریا یانا ھەولێر ل دووماھیێ کومبوونا خوە دا بریار دا ئەکرم سەلمان وەکو راھێنەرێ تیمێ دەست نیشان بکەت و تەھا قادر و حەیدر مەحمود وەکو ھاریکارێ راھێنەری و کاوە ئیبراھیم وەکو راھێنەرێ گولچیا دەست نیشانکرن و بریارە ئەڤرۆ دەست ب کارێ خوە یێ نوو بکەن ل گەل یانێ و ئەو ستاڤێ راھێنەریا نوو دێ سەرپەرشتیا یاریا بھێت یا یانێ بەرامبەر نەفت میسان کەن ئەوا بریارە رۆژا ھەینیا بھێت بھێتەکرن.
ئەکرم سەلمان دبیتە راھێنەرێ سێ ل وەرزێ ئەڤ سالە یانا ھەولێر ھەڤبەستێ ل گەل ئیمزا دکەت کو بەری نوکە ل دەستپێکا وەرزی ھەڤبەست ل گەل عیماد عودەی ئیمزاکر بوو پاش ژبەر ئەنجامێن لاواز راھێنەر ل گەل ستاڤێ ئەوی دەست ژ پوستێ راھێنەریا یانێ بەردە و پاش ھەڤبەست ل گەل نازم شاکر ل گەل ستاڤێ ئەوی ئیمزاکر و ھەڤبەستا ئەوی ژی ژ بەر ھەمان ئەگەر ھاتە ھەلوەشاندن ل گەل ستاڤی ئەوی .
ھەژی گوتنێ یە راھێنەرێ نوو یێ یانا ھەولێر ئەکرم سەلمان بەری نوکە دو جاران راھێنەریا یانا ھەولێر وەرگرتی یە و ل ھەردو جاران ئەنجامێن ئەوی سەرکەفتی بوون کو ل وەرزێ ٢٠٠٢٠٠٦-٢٠٠٧ شیابوو ناسناڤێ خولا عیراقێ بوو یانا ھەولێر بوو جارا ئێکێ ب دەستخوڤە بینت و جارا دوێ سێ ل سەر ئاستێ عیراقێ ب دەستخوڤە ئینابوو ھەردیسان راھێنەریا چەندین یانێن بەرنیاس ل سەر ئاستێ عیراقێ و عەرەبی وەرگرتی یە و راھێنەرێ بەرێ یێ ھەلبژارتیێ عیراقێ بوو.