ئه‌ڤرۆنیوز:
سه‌رۆكێ پشكا ڤه‌كۆلینێن زانستێن سروشتی ل زانكۆیا (ته‌كنیك یلدز) ل توركیا بۆ ده‌زگه‌هێن راگه‌هاندنێ یێن وه‌لاتێ خوه راگه‌هاند، مه‌ترسیا روودانا بیڤه‌له‌رزه‌كا ب هێز ب گۆره‌ی 7 پلێن ریخته‌ری یا ل سه‌ر ده‌ڤه‌را مه‌رمه‌ره هه‌ی.
هه‌رێما مه‌رمه‌ره دكه‌ڤیته باكوورێ رۆژئاڤایێ توركیا وژ چه‌ندین باژێرێن گه‌شتیاری وپیشه‌سازی پێك دهێت ئه‌وژی ستانبۆل، بورسا، ئه‌درنه، كیركلاره‌لی، ته‌كیرداغ، چانكاله، كوچا ئه‌لی، یالۆڤا، ساكاریا، بیله‌جیك وبالك ئه‌سیر وهژمارا ئاكنجیێن وان ده‌ڤه‌را نێزیكی 26 ملیۆن كه‌سن.
شوكری ئارسۆی، سه‌رۆكێ پشكا ڤه‌كۆلینێن زانستێن سروشتی ل زانكۆیا (ته‌كنیك یلدز) یا توركی، بێ كو ئاماژێ ب ده‌مێ پێشبینی كری بۆ روودانا بیڤه‌له‌رزێ بكه‌ت، پێشبینی كریه ل گه‌ل روودانا بیڤه‌له‌رزێ، تسۆنامیه‌ك ژی ل ده‌ریا مه‌رمه‌ره ل وێ هه‌رێمێ بده‌ت وئه‌گه‌رێ گیان ژده‌ستدانا 450 هزار كه‌سان وبرینداربوونا سێ جاركیا وێ هژمارێ یا هه‌ی.
دهێته زانین ل سالا 1999 بیڤه‌له‌رزه‌كا ب هێز ل وێ هه‌رێمێ دابوو وببوو ئه‌گه‌رێ گیان ژده‌ستدانا زێده‌تر ژ 50 هزار كه‌سان.
ئه‌ڤرۆنیوز:
جێگرێ سه‌رۆكێ په‌رله‌مانێ عیراقێ، به‌شیر حه‌داد، ل دۆر هنارتنا مووچێ فه‌رمانبه‌رێن هه‌رێما كوردستانێ ژلایێ به‌غدا ڤه، دداخۆیانیه‌كا رۆژنامه‌ڤانی دا كو ل سه‌ر به‌رپه‌رێ خوه ل فه‌یسبووكی به‌لاڤكری راگه‌هاند، هه‌كه حوكمه‌تا هه‌رێمێ 250 هزار به‌رمیلێن په‌ترۆلێ رۆژانه راده‌ستی به‌غدا نه‌كه‌ت، دێ حوكمه‌تا عیراقێ ژ به‌هرا هه‌رێمێ داهاتێ وان 250 هزار به‌رمیلان ژپشكا بودجا هه‌رێمێ بریت وئه‌وا دمینیت دێ بۆ مووچێ فه‌رمانبه‌ران وپێشمه‌رگه‌ی هێته هنارتن.
به‌شیر حه‌داد گۆت ژی” هه‌كه هه‌رێما كوردستانێ پێگیر بوو ب راده‌ستكرنێ، دێ پشكا هه‌رێمێ وه‌كو خوه هێته هنارتن، ئه‌و دو ئه‌گه‌رێن دقانوونا بودجه‌یا 2019 ئاماژه پێ هاتیه كرن هه‌كه هه‌رێم پێگیری راده‌ستكرنا په‌ترۆلا خوه بۆ به‌غدا بیت یان نه‌بیت، له‌وما مه‌ترسی ل سه‌ر هه‌رێما كوردستانێ نینه”.
ئاماژه كر ژی” هه‌كه هه‌رێما كوردستانێ 250 هزار به‌رمیلێن په‌ترۆلێ راده‌ست نه‌كه‌ت، به‌غدا ب گۆره‌ی قانوونا بودجێ ئه‌و ئه‌گه‌رێ دانای ووێ رێژێ دێ ژێ وه‌رگریت كو دبیته داهاتێ 250 هزار به‌رمیلان وئه‌وا دمینیت بۆ مووچێ فه‌رمانبه‌ران وپێشمه‌رگه‌ی دێ هێته هنارتن”.
ئەڤرۆ نیوز:
رێکخراوا جیهاد و ئەلتەوحید راگەهاند کو ئەڤرۆکە وان ل ئدلبێ هێرشی بنگەهەکێ سەربازی یێ رژێما سووریێ کرینە و د ئەنجام دا ٢١ سەرباز هاتینە کوشتن و گەلەک کەس ژی بریندار بووینە.
ئەو یەک د دەمەکێ دایە کو روسیا و رژێما سووریێ خوە بۆ ئۆپەراسیۆنا رزگارکرنا ئدلبێ ژ کۆمێن چەکدار بەرهەڤ دکەن و چاڤدێرێن سیاسی دبێژن پشتی ڤێ هێرشێ دێ لەز د ئۆپەراسیۆنا ئدلبێ دا هێتە کرن، چونکو دوهی وەزیرێ دەرڤە یێ روسیا سیرگێی لاڤرۆڤ ژی راگەهاند کو تورکیا پەیمانا ئدلبێ بجه نەئینا و ژ بەر هندێ دڤێت ئدلب ژ تیرۆرستان بهێتە پاقژ کرن.
ئەڤرۆ نیوز ، عەلی حاجی :
د داخویانیەکێ دا ئەندامەکێ پەرلەمانێ کوردستانێ ژ فراکسیونا پارتی بۆ ئەڤرۆ نیوز دیارکر ل رێکەفتی ٦/٣/٢٠١٩ روژا چارشەمبێ وەکو فراکسیونا پارتی کارێ ھەمی لژنەیێن خوە یێن مایی کو دبنە ١٤ لژنە د پەرلەمانێ کوردستانێ دا بەرھەڤ بکەین و پێشکێشی پەرلەمانێ کوردستانی بکەین.
ھیڤیدار ئەحمەدی زێدەتر گۆت: فراکسیونا پارتی وەکو دەست پێک مە ھەمی بەربژێرێن خوە بۆ لژنەیێن پەرلەمانێ کوردستانێ ب دووماھی ئیناینە و د پلانا مە دایە دوماھیا ڤێ حەفتیێ دا ناڤێ بەربژێرێن خوە بۆ سەروکایەتیا پەرلەمانی کوردستانێ بلند بکەین دا کو ئەو ١٤ لژنە بھێنە پێک ئینان و دەست بکاربن دیسان دێ ھەولدەین پشکەکا وان لژنا بنە ٥ ئەندام ژبەر کو ھندەک لایەن نەشێن وان لژنەیان ب رێڤە ببەن ژ بەرکو کورسیێن وان د کێمن.
ناڤھاتی زێدەتر گۆت: پشتی ئەندامێن لژنا دھێنە دەست نیشان کرن و سەروکاتیا پەرلەمانی رازیبونا خوە ل سەر دەت د ئێکەم کومبونا وێ لژنێ دا دێ سەروکاتیا وێ لژنێ ژ لایێ ئەندامێن وێ ھێنە دەست نیشان کرن دا کو ھەر لژنەیەکێ سەروکێ خوە ھەبیت.
ئەڤرۆ نیوز،عەلی حاجی :
د داخویانیەکێ دا رێڤەبەرێ چاندنێ ل زاخۆ دیارکر ژبەر ھەبوونا بیرێن نەفتێ ل سەر عەردێ وەلاتیێن ٣٢ گوندان کومپانیەکا نەفتێ کار تێدا دکەت لەورا سالانە ئەو وەلاتی ژ لایێ حوکمەتا ھەرێما کوردستانێ دھێنە قەرەبوکرن.
ئەحمەد سامی زێدەتر گۆت: ژ ئەگەرێ دەرئینانا نەفتێ ل عەردێ ٤٣٢ وەلاتیان ل سنورێ دەڤەرا زاخۆ ژ لایێ کومپانیەکا بەرھەم ئینانا نەفتێ سالانە ئەو وەلاتی ژ لایێ حکومەتا ھەرێما کوردستانێ دھێنە قەرەبو کرن و ھەتا نوکە وەلاتیێن وان گوندان قەرەبویا سالا ٢٠١٦ وەگرتنیە و نوکە کار دکەین یێن سالا ٢٠١٧ ژی وەرگرن.
ئەو چەندە ژی گوت : ١٩٦٤ دونەمێن عەردی یێ ھاولاتیان کەفتینە بەر کومپانیێن دەرئینانا نەفتێ و ژبەر کارکرنا کومپانیا DNO یا نەرویژی ئێدی ئەو وەلاتی نەشێن عەردێ خوە بو مەرەمێن چاندنێ ب کار بینن.
ئەڤرۆ نیوز، مەحمود نھێلی:
دەزگەھێ خێرخوازیێ بارزانی ب ھەڤکاری ل گەل دەولەتا کوێتێ ھاریکاریان ل سەر ٧٥٠ خێزانێن ھەژار و کێم دەرامەت و ئاوارە و پەنابەرێن سنورێ قەزا ئامێدیێ بەلاڤ کرن.
شەڤەگەر رەمەزان نوونەرێ دەزگەھێ خێرخوازیێ بارزانی بۆ ئەڤرۆ نیوز دیارکر کو ئەوان ئەڤ ھاریکاریە ب ھەڤکاری ل گەل دەولەتا کوێتێ و کار کرن ل گەل کارگێریێن دەڤەرێ ب سەر ڤان خێزانان دا پارڤەکرینە و گۆت: ئەڤ ھاریکاریە پێک دھاتن ژ ٣٠ کیلویێن ئازوقەی و ھەروەسا ٣ بەتانیا و ب سەر وان خێزانان دا ھاتینە پارڤەکرن.
ئەڤرۆ نیوز:
هێزێن سووریا دیموکرات ئەڤرۆ ٣٠٠ چەکدارێن داعشێ کو د زیندانێن وان دا بوون ئازاد کرن، بەرپرسەکێ هێزێن سووریا دیموکرات ژی دیار کریە کو پشتی ڤەکۆلینێن مە دەرکەفتیە وان چەکداران پشکداری د چو چالاکیەکێ دا نەکرینە و چو تاوان ژی نەکرینە، ژ بەر هندێ ژی هاتینە ئازاد کرن.
رێکراوا چاڤدێریا مافێ مرۆڤان یا سووریێ ژی دیار کریە کو ئەو چەکدار ل گەلەکە دەڤەرێن جودا جودا یێن سووریێ هاتبوونە گرتن و پرانیا وان د دەمێ ئۆپەراسیۆنا ئازادکرنا رەققە دا ژ ئالیێ هێزێن سووریا دیموکرات ڤە هاتبوونە دەستەسەر کرن.
ئەڤرۆ نیوز:
ئێکەتیا تەپا پێ یا ئاسیا د نڤیسارەکا فەرمی دا بۆ ئێکەتیا عیراقێ ھنارتیە تێدا داخوازەک کریە دەربارەی راھێنەرێن یانێن پشکدار د خولا تەپا پێ یا نایاب دا.
د ڤێ نڤیسارێ دا ھاتیە کو ل وەرزێ بھێت نا بیت چو راھێنەر دگەل یانێن پلا نایابا عیراقێ کاربکەن و باوەرنامەیا راھێنەراتیا پروفیشنال (PRO) یا ئاسیا نەبیت و ئەڤ بریارە ل وەرزێ ٢٠١٩،٢٠٢٠ پێدڤیە بھێتە بجھئینان بەروڤاژی دێ تووشی سزایان بیت.
ئەڤرۆ نیوز، عەلی حاجی :
ئەڤرۆ روژا ئێک شەمبیێ ل قەزا زاخۆ ل ھەر ئێک ژ کەمپا چەمشکو و زانکویا زاخۆ نەرازیبوون ھاتنە ئەنجام دان ل سەر ئەنجامدانا تاوانا تیرورستێن داعش بەرامبەر کچێن ئێزدی ل باغوزێ و داخاز ژ حکومەتێن عێراقێ و کوردستانێ کرن بێ دەنگ نەمینن بەرامبەر کوشتارا درندانە یا تیرورستێن داعشێ.
ل دور ڤێ چەندێ نیاز حەجی بەرپرسێ لژنا ناوچا زانکو و پەیمانگەھان یا ئێکەتیا قوتابیێن کوردستانێ بۆ ئەڤرۆ نیوز گۆت: نەرازیبونا مە ل سەر وێ چەندێ بۆ کو تیروریستێن داعش کارەکێ ھوڤانە دژی مروڤایەتیێ ئەنجام دایە و ئەم وێ تاوانێ شەھمزار دکەین و ھەر دیسان داخازێ ژ حکومەتێن عێراقێ و کوردستانێ دکەین بێ دەنگ نەمینن و کار ل سەر ئازادکرنا کچێن مایی یێ ددەستێ داعشێ دا و داخاز دکەین ھەرزوو شنگال بھێتە ئاڤا کرن و خەلکێ وێ ڤەگەریتە جە و وارێن خوە و ھێزێن پێشمەرگە ژی ڤەگەریتە باوەشا شنگالێ .
نيشاندان