ئەڤرۆ نیوز ، عەلی حاجی:

روژا جیھانی یا کیمایێ ل زانکویا زاخۆ ژلایێ پشکا کیمیایێ ڤە ھاتە ساخکرن و پێشانگەھەکا ماددەێن کیمیایی کو ژلایێ قوتابیان ڤە ھاتبوو ئامادەکرن ھاتە ڤەکرن.

ل دور ڤێ چەندێ دکتور کەنعان رەمەزان سەرۆکێ پشکا کیمایێ ل زانکویا زاخۆ بۆ ئەڤرۆ نیوز گوت: (سالانە وەکو زانکویا زاخۆ ب تایبەتی قوتابیێن پشکا کێمیایێ رادبن ب ساخکرنا رۆژا جیھانی یا کیمیایێ و پێشانگەھەکا تایبەت ژی ب ماددەێن کیمیایی دھێتە ڤەکرن، بۆ ئەڤسالە ژی قوتابیێن ھەمان پشک راببوون ب ئامادەکرنا چەندین ماددەێن کیمیایی و دپێشانگەھێ دا ھاتنە نمایشکرن).

د. کەنعانی ئەو یەک ژی دیار کر کو سیستەمێ زانکویا زاخۆ بولونی یە قوتابی بخوە پشت بەستنێ ب خوە دکەت بۆ ئامادەکرنا ماددەیان لەورا ئەڤسالە جیاواز ژ سالێن بۆری رێژەیەکا باشتر یا قوتابیان پشکداری د ساخکرنا رۆژا جیھانی یا کیمیایێ بوون، ب رێکا ڤێ پێشانگەھێ قوتابیێن قوناغا ئێک و دو شیانێت خوە دیار کرن و شیان تشتەکێ باش ئامادە بکەن ).

ئەڤرۆ نیوز، عەلی حاجی:

ئەندازیار ماھر ئەحمەد ژ باژێرڤانیا زاخۆ بۆ ئەڤرۆ نیوز گوت: (پروژەیێ دروستکرنا پارکا دانعەمران ل زاخۆ  ب شێوەیەکێ راستەوخۆ ژلایێ باژێرڤانیا زاخۆ ڤە کار ل سەر دروستکرنا وێ دھێتە کرن و کارێ چێکرنا وێ پارکێ ژی بەرەڤ قوناغێن داویێ ڤە چوویە، پارکا دانعەمران دێ تایبەت بیت ب کەسانێن دانعەمر ڤە ئەڤ کارە ھاتە ئەنجام دان ژ بەر کو دانعەمران ل زاخۆ چو جھەکێ تایبەت نینە دەمێ خوە تێدا دەربار بکەن ژ بەر ڤێ چەندێ ئەڤ پارکە ھاتە دروست کرن).

ناڤھاتی ئەو چەندە ژی دیار کر تێچوویێ پروژەیی ٥٣٥ ملیون دینارێن عێراقی نە، ژ بەر کو ئەو پارکە ٣ مدترا نزمترە ژ جاددەیا سەرەکی دێ ئاسانسورەک ژی دناڤ پارکێ دا ھێتە دانان دا کو رێک بۆ دانعەمرێن مە ب ساناھی بھێنە ناڤ پارکێ دا و ئەگەر چو رەوشا کەش و ھەوای یێ گونجای بیت ھەتا ھەیڤەکا دی دێ کار ل سەر چێکرنا وێ پارکێ ب دووماھی ھێت.