ئەڤرۆ نیوز:

یانا مانچێستەر سیتی یا ئنگلیزی دخوازیت ھێلا ناڤینا خوە ب ھێز بێخیت ل ھاڤینا بھێت ب ئینانا یاریزانەکێ ھێلا ناڤینا یانا ئەتلەتیکو مەدرید .
مالپەرێ تلیگراف یێ برێتانی دیارکریە یانا مانچێستەر سیتی ل سەر داخوازیا راھێنەرێ خوە گواردیولای دخوازیت ھەڤبەستێ ل گەل یاریزانێ ھێلا ناڤینا بەرەڤانیێ یێ یانا ئەلەتیکو مەدرید رودریگو ھێرناندیز ئیمزا بکەت ل ھاڤینا بھێت ل جھێ یاریزانێ خوە یێ نوکە یێ بەرازیلی فێرناندینھو ئەوێ ژیێ وی بەر ب ٣٣ سالی ڤە چووی کو ئەو راھێنەر دخوازیت پێگوھورەکێ ل ئاست بلند بینتە ناڤا پێکھاتیێ مان سیتی بوو وەرزێ بھێت.
ھەردیسان ئەوی مالپەری ئاشکراکریە ژی یانا ئەتلەتیکو مەرجەک دانایە بەر فروتنا ئەوی یاریزانێ خوە ئەوژی ھەر یانەکا حەزا ئیمزاکرنێ ل گەل رودیگو ھەبیت پێدڤی یە کوژمێ ٧٠ ملیون یورۆیا پێشکێشی ئەوێ یانێ بکەت .
ھەژی گوتنێ یە رودریگو ھێرناندیز ل ھاڤینا بوری ژ یانا ڤیاریال ھاتبوو ڤەگوھاستن بۆ یانا ئەتلەتیکو مەدرید بەرامبەر ٢٥ ملیون یورۆیا و نوکە چەندین یانێن مەزن ل ئورۆپا ئەو یاریزان کریە ئارمانجا خوە و بەرھەڤیا خوە دیارکریە بوو کوژمێ ھەلوەشاندنا ئەوی پێشکێشی وێ یانێ بکەت.دط

ئەڤرۆ نیوز:
ل دیڤ راپورتێن رۆژنامەڤانی یێن ئیتالی یانا پاریس سانجێرمان دخوازیت ل ھاڤینا بھێت ھەڤبەستێ ل گەل ھێرشبەرەکێ نوو ئیمزا بکەن ل جھێ ھێرشبەرێ خوە یێ ئوروگوای ئەدیسون کاڤانی.
مالپەرێ دیلو سپورت یێ ئیتالی ئاشکراکریە یانا پاریس سانجێرمان دخوازیت ل ھاڤینا بھێت ھەڤبەستێ ل گەل ستێرا ئەنتر میلان و یاریزانێ ئەرژەنتینی ماورو ئیکاردی ئیمزا بکەت ل جھێ ھێرشبەرێ خوە یێ نوکە کاڤانی .
ئەوی مالپەری ئەو چەندە ژی دیارکریە چاڤەرێ دھێتەکرن ب رێژەیا ھەرە مەزن ل دووماھیا ڤی وەرزی ئەو ھێرشبەرێ ئەرژەنتینی دێ پێکھاتیێ یانا ئەنتر میلان ب جە ھێلت ژبەر ئەو ئاریشەیێن دناڤبەرا وی و راھێنەرێ یانێ یێن ڤێ دووماھیێ لێ یانا ئەنتر بەرامبەر چوونا وی مەرجەک ھەیە ئەوژی ھەر یانەکا ب خوازیت ھەڤبەستێ ل گەل ئیکاردی ئیمزا بکەت پێدڤی یە ٧٠ ملیون یورۆ پێشکێشی ئەنتر میلان بکەن.

ئەڤرۆ نیوز:
راھێنەرێ یانا ئەرسینال یا ئنگلیزی بوو مێرکاتویا ھاڤینا بھێت دخوازیت ھەڤبەستێ ل گەل چەند یاریزانێن نوو ئیمزا بکەت لێ بەرپرسێن وێ یانێ ئەو نەچار کریە ئەو دەستا ژ چەند یاریزانێن نوکە بەردەت بەرامبەر فروتنا ئەوان یاریزان چەند یاریزانێن نوو پێ بینت.
مالپەرێ میرو یێ برێتانی ئاشکراکریە راھێنەرێ یانا ئەرسینال ئونای ئێمری نەچار بوویە حەفت یاریزانێن خوە بکەتە قوربان ل مێرکاتویا ھاڤینا بھێت داکو میزانیا یانێ بلندتر لێ بکەت ژبەرکو بەرپرسێن وێ یانێ بتنێ ٤٥ ملیون یورۆ وەکو میزانیا یانێ دەست نیشانکریە بوو مێرکاتویا ھاڤینا بھێت لەورا ئەو نەچار بوویە دەستا ژ حەفت یاریزانێن خوە بەردەت بوو وێ چەندێ ب کوژمێ فروتنا ئەوان یاریزانان ھەڤبەستێ ل گەل چەند یاریزانێن نوو ئیمزا بکەت.
ئەو یاریزانێن ل بەر فروتنێ ھەر ئێک ژ ئەڤان یاریزانێن خوارێ یە

ھەردو بەربژارێن سەرەکی بوو فروتنێ پشتی ھەردو یاریزانان ژی حەزا چوونا خوە راگەھاندنی ئەوژی یاریزانێ ئەلمانی مەسعود ئوزێل و یاریزانێ ھەلبژارتیێ ئەرمینیا ھێنریک ومخیتاریان.

ھەردیسان یێ یاریزانێ ئەلمانی شکودران موستاڤی ئەوێ ئاستێ وی یێ ھونەری ل وەرزێ ئەڤ سالە پاشڤەزفری.

ھەردیسان ئێمری ئونای کارگێریا ئەرسینال ب فەرمی ئاگادارکریە ھەر یانەکا حەزا کرینا یاریزانان کارل جینکنسون و یێ مسری محەمەد نینی ھەبیت بلا دانوستاندنان ل گەل بکەن ژبەرکو ئەوی بوو وەرزێ بھێت پێدڤی ب شیانێن ئەوان نینە و پشت بەستنێ ل سەر ناکەت .

ئەوێ رۆژنامێ ئاشکراکریە ژی ئەوی راھێنەری د ھزرا ئەوی دا نینە ھەردو یاریزانان کالوم تشامبرز یی ئنگلیزی و داڤید ئوسبینا یێ کولومپی ڤەگەرینتە ناڤا پێکھاتیێ یانێ ئەوێ ل وەرزێ ئەڤ سالە ب شێوەیێ خواستن دایە دو یانێن دی .